منتدى الفراعنة

منتدى أ/سمير حماية

المواضيع الأخيرة

» مؤتمر وورشة عمل عن "المخالفات الوظيفية وقواعد تأديب الموظفين" 18-22 فبراير 2018
أمس في 3:06 pm من طرف sabra group

» دورات تدريبية خلال شهر فبراير 2018 ( دبي، القاهرة)
أمس في 8:29 am من طرف sabra group

» برنامج التدريب القانوني والقضائي بالشراكة مع نادي قضاة مجلس الدولة المصري
الثلاثاء يناير 16, 2018 9:56 am من طرف sabra group

» دورة تدريبية عن " تطبيق قانون ضريبة القيمة المضافة والمشكلات ذات الصلة "
الثلاثاء يناير 16, 2018 9:53 am من طرف sabra group

» البرنامج التدريبي المالي 2018
السبت يناير 13, 2018 2:03 pm من طرف sabra group

» الدورات القانونية 2018
السبت يناير 13, 2018 12:11 pm من طرف sabra group

» دورة تدريبية عن " الصياغة الوقائية للعقود " 21-24 يناير 2018، مكتبة 6 اكتوبر، العجوزة
الثلاثاء يناير 09, 2018 2:59 pm من طرف sabra group

» مؤتمر وورشة عمل عن "المخالفات الوظيفية وقواعد تأديب الموظفين" 18-22 فبراير 2018، فندق بيراميزا، الجيزه، مصر
الثلاثاء يناير 09, 2018 10:39 am من طرف sabra group

» توكيل زانوسي المنصورة _01227713067
الأحد ديسمبر 31, 2017 7:31 am من طرف الليجاي

التبادل الاعلاني


    مسرحية المهابيل م2 المنظر الثالث

    شاطر

    سميرحمايه

    عدد المساهمات : 1029
    تاريخ التسجيل : 29/10/2010
    العمر : 48

    مسرحية المهابيل م2 المنظر الثالث

    مُساهمة من طرف سميرحمايه في الجمعة أكتوبر 04, 2013 4:35 pm

    المنظر الثالث

                    في مستشفي الأمراض العقليه ..الديكور حديقه..مجموعه كبيره من المجانين

                     في مظاهره .

    مجنون 1    قال بيقولوا بين العقل والجنون شعره ...تردوا عليهم تقولوا ايه .

    جمهور المجانين   .....ماراحت .....ماراحت .

    مجنون 1            بيقولوا علي نفسهم اهل الابتسامه...تردوا تقولولهم ايه ..

    جمهور المجانين         ماراحت الابتسامه يااهل الندامه .

    مجنون 2            ماتقولناش وماتعدلناش ...الناس دول مايحكموناش.

    جمهور المجانين       يردد خلفه

    مجنون 1           خلاص ياعاقلين .....بقيتوا مش نافعين

    جمهور المجانين           يردد خلفه

    مجنون 2           لا صلاح ولا فلاح وفلوسنا والعاقلين ضيعوا فلوسنا ع السلاح

    الجمهور              يردد خلفه

    مجنون 1            نحن نعلن من هنا حركة مجانينوا ومجانين العالم اعلنوا تضامنهم معنا

                          وسوف نتوجه للامم المتحده نطالب برفع وصاية العاقلين علي المجانين

    الجمهور                 هتاف وفرح

                           (يدخل حمووعبده )

    مجنون 1               الاتحاد الفيدرالي الدولي للمجانين يعلن تضامنه الدولي مع مطالبنا

                           المشروعه .

    عبده                 يانهار اسود الكلام كبير اوي ياحمو.

    حمو                  اكبر مننا يابا .......ودول حنعقلهم ازاي.

    عبده                 تعالي ياابني نروح احسن ....مالها المقابر ماقاعدين فيها ومتنيلين .

    حمو                الظابط قال حيحبسنا لو ماخلصناش المظاهره دي.

    عبده                يبقي لازم نجاريهم ...( يحدث المجانين بصوت عالي )

                    ليه الملح رخيص والسكر غالي .

    مجنون 1           عشان يملحوا حياتنا .

    حمو                    وليه مايحسوش بفقرنا وجعنا.

    مجنون 2                عشان مايفتكروش الجوع .

    عبده                  يقولك بنتفاوض وهما بيقسموا لقمتنا.

    حمو                 ويقولك بنجتمع وهما بينطوا علي بيتنا.

    مجنون 1           ماتوقلولناش وماتعدلوناش  العاقلين مايحكموناش.

    الجمهور   يردد

    حمو             يقولك دبلوماسيه وعقولهم اونطجيه.

    عبده              وعامل فيها سياسي وهو عايش فوق راسي.

    حمو              ويطالبونا بالواجب وهما طول عمرهم ماعملوه .

    عبده                    يبقي لازم حل وناخد حقنا.

    حمو                  ايوه لازم حل.......( محدثا عبده ) ايه هو الحل يابا.

    عبده                    معرفش .....بس ايه ينفع معاهم

    حمو                   لقيت الحل يابا........( محدثا جمهور المجانين )

                             بصوا الحل اننا نعمل اعتصام .

    مجنون 1              احنا عاملين اعتصام.

    حمو                  لا مانعملش اعتصام زيهم واحنا لازم نفكر احسن منهم.

    مجنون 2            ايوه احنا مش زيهم ونفكر احسن منهم .

    الجمهور         يردد

    حمو                        هما بيعملوا اعتصام صاحيين.

                                احنا نعمل اعتصام نايمين
                                   
                                ننام زي اهل الكهف.

    عبده             براوه عليك ياحمو       .......هما يناموا واحنا نمشي.

    حمو              موافقين

    الجميع              موافقين

    مجنون 2        ننام ونطلعلهم في الكوابيس.........

    بلاك اوت

    عبده

      الوقت/التاريخ الآن هو الجمعة يناير 19, 2018 9:28 am