منتدى الفراعنة

منتدى أ/سمير حماية

المواضيع الأخيرة

»  الرياينة الحاجر .....
الخميس نوفمبر 16, 2017 2:29 pm من طرف سميرحمايه

»  تابع الرياينة الحاجر
الخميس نوفمبر 16, 2017 3:51 am من طرف سميرحمايه

» الرياينة الحاجر
الخميس نوفمبر 16, 2017 3:48 am من طرف سميرحمايه

» اصل الرياينة الحاجر
الخميس نوفمبر 16, 2017 2:59 am من طرف سميرحمايه

»  دعاء فتح الفيس
الأربعاء نوفمبر 15, 2017 11:19 pm من طرف سميرحمايه

» السيرة الذاتية ...
الثلاثاء أكتوبر 17, 2017 8:19 pm من طرف سميرحمايه

»  ملك النساء ...
السبت أكتوبر 07, 2017 4:33 pm من طرف سميرحمايه

»  ليه الفرحة غايبة ..
السبت أكتوبر 07, 2017 12:36 am من طرف سميرحمايه

» لوحة الشرف .......
الثلاثاء أغسطس 29, 2017 11:42 am من طرف سميرحمايه

التبادل الاعلاني


    مسرحية نصيحه للبيع اللوحه الثانيه

    شاطر

    سميرحمايه

    عدد المساهمات : 1016
    تاريخ التسجيل : 29/10/2010
    العمر : 48

    مسرحية نصيحه للبيع اللوحه الثانيه

    مُساهمة من طرف سميرحمايه في الأحد نوفمبر 03, 2013 2:37 am

    اللوحه الثانيه


    حارة الصعايلك ....في الخلفيه لافته لمحل عصير مكتوب عليها جنة الفواكه ويجلس المعلم عثران صاحب المحل

    وخلفه يظهر عامل المحل _ لافته مكتوب عليها ملابس الاميره فتاه وشاب امام المحل

    علي اليسار قهوة الصعاليك بعض رواد المقهي يجلسون امام المقهي وعلي الجانب الايمن محل عمرو ولافته

    مكتوب عليها نصيحه للبيع ويجلس عمرو امام المحل.......يجلس احمد طفاشه وصديقه عادل علي المقهي.

    عادل ____ انت شايف اللي انا شايفه ياطفاشه ( يشير الي المحل )

    طفاشه اه .......المحل ده مش عارف بيبيع ايه .

    عادل والله معرف بقاله يومين علي الحال ده ولا شايف بضاعه ولازبون .

    طفاشه مايمكن بيبيع مزاج في الخباثه . ماتيجي نشوف حكايته ايه ...؟

    عادل تعالي احنا ورانا حاجه يمكن نلاقولنا قرش حشيش ولا باكتتة بانجو.


    ( يتجه عادل وطفاشه ناحية محل عمرو)

    عادل بندحرج التماسي .

    عمرو اهلا بيكم .

    طفاشه احنا بقالنا يومين شايفينك فاتح ومش عرافين بتبيع ايه .

    عمرو مكتوب علي المحل يامعلم .

    عادل احنا مابنعرفش نقرا وبعدين احنا مالنا ومال المكتوب...المحل بيبان من بضاعته .

    عمرو ( يشير الي راسه ) والبضاعه موجوده هنا يامعلم .

    طفاشه هنا ...........هنا فين ..........؟

    عمرو في دماغي يامعلم .

    طفاشه ( محدثا عادل ) باين عليه مهفوف في عقله .

    عادل استني بس نشوف اخرة اهله ايه .( محدثا عمرو )...وايه البضاعه بقي اللي موجوده

    عندك هنا ( يشير الي رأس عمرو )

    عمرو النصيحه ...........؟

    عادل ( يضحك ) ايه ياخويه ...........؟

    عمرو النصيحه ...........انا محل ببيع النصيحه ,

    طفاشه بتبيعها ازاي يعني .

    عمرو ببيع النصيحه ...يعني ايه ازاي ....؟

    عادل يعني بتبيعها بالكيلو ولا بالرابطه ولا بتعبيها بكوز.

    طفاشه ولا بتديها للناس بسرنجه .

    عمرو النصيحه كل واحد فينا محتاجها ...انت محتاج للنصيحه والاستاذ محتاج للنصيحه

    عشان مايحصلش معاكم مطبات ولا مشاكل في حياتكم.

    طفاشه وانت بقي اللي حتبيعلنا النصيحه.

    عمرو ايوه انا اديك النصيحه وانت تستخدمها بقي طول حياتك ودي السلعه الوحيده اللي

    مابتمتش ومش محتاجه صيانه ولا حد يصلحها .

    عادل ( محدثا طفاشه ) لا ده مهفوف رسمي .......( يعود محدثا عمرو ) اسمع يا .

    عمرو محسوبك عمرو .

    طفاشه ( محدثا عادل همسا ) انت حتشتغله .

    عادل اه ...اسكت انت بس ...( محدثا عمرو ) بص يااستاذ عمرو

    ( يخرج من جيبه عشرة جنيهات ) ادي عشره جنيه ..وانت ورينا بقي بضاعتك .

    عمرو مش حوريك بضاعتي غير لما تدفعوا فلوس .

    عادل واحنا مش حندفع الفلوس الا لما نشوف البضاعه .

    طفاشه مش يمكن بتضحك علينا .

    عمرو حاضر.........انتوا عاوزين ايه .؟

    عادل ورينا بضاعتك واحنا لو عجبتنا حنشتريها .

    عمرو طيب انا حقولكم كذا نصيحه وانتوا اختاروا ....؟

    عادل ماشي قول .

    عمرو من اشتري ملا يحتاج اليه . باع ما يحتاج اليه .

    طفاشه اايه . يعني ايه ياخويا ...انت فاهم يا عادل حاجه .

    عادل ورحمة امي مافاهم حاجه...........قول غيرها بلاش دي .

    عمرو اذا كان لك رغيفان فكل احدهما واشتري بالاخر زهور.

    عادل هو يوم مش معدي.......رغيف ايه وبتاع ايه ....يعني لو عندي رغيفين اكل واحد

    والتاني اعمل بيه ايه....؟

    عمرو تشتري بيه ورد .

    طفاشه والله انت راجل منخوليا وفاضي ولو انا جعان مااكلش ليه الرغيفين .

    عادل لا مناكلش التاني ونكمل الاكله شم ورد.........ياعم قولنا حاجه تاني .

    شكلك حتضيع الحجرين اللي شربناهم .

    عمرو ان تضئ شمعه صغيره خير لك من ان تنفق عمرك تلعن الظلام .

    عادل ( ساخرا ) هي دي بضاعتك اللي بتبيعها .

    عمرو اه وعندي بضاعه كتير.

    طفاشه لا خليهالك وابقي قابلني لو نفعت ..( ساخرا ) قال مش عارف ايه.

    عادل اه تولع شمعه وماتمشيش بيها في الضلمه .......نولعها بالنهار عشان

    ترتاح ...........بينا ياعم الراجل ده حيفوقنا .


    ( يعود عادل وطفاشه الي مكانهم في المقهي )

    عمرو مش حزهق برضوا ومسيرهم بكره يعرفوا قيمتي...( محدثا نفسه ) انا عطشان

    ومافيش فلوس اعمل ايه .........تعمل ايه ياواد ياعمرو .........اروح اخد كوباية عصير

    واديه بدل الفلوس نصيحه ..........مش خساره فيه كان صاحب ابويه واعمل معاه

    واحد العصير بجنيه يعني علي الاقل خمس كوبايات عصير في النصيحه الواحده

    كده بخساره..........مش مهم نذكي علي البضاعه .

    ( يتجه عمرو نحو محل العصير )

    عمرو السلام عليكم .

    المعلم عثران وعليكم السلام اهلا ياابني.

    عمرو انا جاركم هنا ..انا ابن الحاج فتوح .

    المعلم عثران اهلا ياابني..........ابوك كان راجل جدع ....انا بشوفك كل يوم فاتح

    ومش شايف بضاعه .
    عمرو لا فيه بضاعه يامعلم ..........انا ببيع نصايح .

    المعلم عثران ( مندهشا ) فاتح المحل عشان تبيع نصايح .

    عمرو ايوه ياعمي وعاوز شوب عصير ومافيش فلوس حديك نصيحه وانت الكسبان .

    المعلم عثران نصيحة ايه ياابني خد شوب العصير ومش عاوز حاجه ( محدثا العامل ) اديه

    شوب عصير يامحسن .

    ( العامل يناول عمرو شوب العصير )

    عمرو شكرا يامعلم ( وهو يشرب العصير ) لكن والله يامعلم لازم اقولك نصيحه .

    المعلم عثران ماتقولش حاجه ومش عاوز حاجه .

    عمرو ابدا انا ما اشربش ببلاش ولازم اقولك نصيحه .

    المعلم عثران الله مطولك ياروح ....قول وخلصني

    عمرو حديك نصيحه هديه يامعلم ........اسمع الضمير المطمئن خير وساده للراحه .

    المعلم عثران الضمير وساده يعني مخده .

    عمرو اه اعتبره مخده للراحه .

    المعلم عثران والعقل بقي سرير ( يضحك ساخرا ) والقلب اوضة نوم. روح يابني الله لا يسيئك .

    ( يتجه عمرو نحو المحل ويسمع نداءات في الحاره

    محسن صبي محل العصي .........قرب واشرب اللذيذ .......نعنعش معدتك .

    فتاة محل الملابس.............عندي ملابس كل المقاسات تعالي واتفرجي ومش حتندمي .

    صبي القهوه وعندك واحد مظبوط واتنين كراميل وعناب ساقع .

    عمرو ( محدثا نفسه . انا لازم اعمل زيهم واعلن عن بضاعتي .ينادي بصوت عالي )

    تعالي واتفرج وشوف كنز الكنوز ........نصيحه للبيع ...بنقدم النصايح ونحل المشاكل

    خد نصيحه حتعيش سعيد .

    ( يدخل مدحت شاب فرفور مستهتر وسكران وعمرو ينادي علي بضاعته )

    مدحت انا فين وليه .

    عمرو ( مازال ينادي) نصيحه تنفعك في حياتك ومماتك .........قرب وشوف .

    مدحت ( محدثا نفسه ) نصيحه تنفع في حياتي ومماتي.......باين عليه محل لقطه
    اروح اشوف .( يقترب من عمرو ).........انت بتبيع ايه ياعم .

    عمرو ببيع النصيحه .............؟

    مدحت وبتبيعها ليه ..............انا كل يوم باخدها من ابويه ببلاش واول مابخرج من البيت

    بتتزحلق من دماغي.

    عمرو لا انا نصايحي تشرفك وماتتزحلقش ابدا .

    مدحت وحتبيعلي النصيحه بكام .

    عمرو انا حكرمك عشان انت اول زبون وحديك النصيحه بعشرين جنيه .

    مدحت وانا موافق ( يخرج من جيبه عشرين جنيه ويعطيهم لعمرو )...هات النصيحه ولفهالي

    كويس في لفه شيك .

    عمرو انا حكتبهالك علي ورقه .

    مدحت اه والنبي واتوصي عاوز حاجه تشرفني قدام بابا .

    عمرو ( يمسك بالورقه والقلم ويكتب ) ان وجدت اثنان يتشاجران فلا تتدخل في العراك

    وشاهد في صمت مايحدث .

    مدحت ايوه حلوه دي............حط كمان واحده كادوه .

    عمرو والله مش خساره فيك وادي التانيه .........لا يحزنك انك فشلت مادمت تحاول الوقوف

    علي قدميك من جديد .

    مدحت والله انت عسل ودي كمان حلوه ........حشوف بابا بقي حيعمل ايه اللي بيقول عليه فاشل

    لفهم بقي وهاتهم.

    عمرو ( يناوله الورقه ).....اتفضل واحفظهم وخليهم دايما قدام عنيك وف بالك وكل ماتتعرض

    لمشكله افتكرهم .

    مدحت ...................... والنبي انت ابن حلال ..........انا حكون زبون عندك.......مافيش عندك توصيل


    الطلبات للمنازل .

    عمرو قريب اوي حدخل خدمة توصيل النصايح تيك اواي



    بلاك اوت

      الوقت/التاريخ الآن هو السبت نوفمبر 18, 2017 10:15 am