منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
مسرحية نصيحه للبيع اللوحه الرابعه Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
مسرحية نصيحه للبيع اللوحه الرابعه Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
مسرحية نصيحه للبيع اللوحه الرابعه Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
مسرحية نصيحه للبيع اللوحه الرابعه Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
مسرحية نصيحه للبيع اللوحه الرابعه Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية نصيحه للبيع اللوحه الرابعه Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية نصيحه للبيع اللوحه الرابعه Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية نصيحه للبيع اللوحه الرابعه Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية نصيحه للبيع اللوحه الرابعه Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    مسرحية نصيحه للبيع اللوحه الرابعه

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    مسرحية نصيحه للبيع اللوحه الرابعه Empty مسرحية نصيحه للبيع اللوحه الرابعه

    مُساهمة من طرف سميرحمايه الأحد نوفمبر 03, 2013 5:20 am


    اللوحه الرابعه

    في الحاره نفس ديكور المشهد الثاني.....يقف عمرو وسماح امام المحل.

    سماح يعني مافيش غير زبون واحد اللي اشتري.

    عمرو بكره الزبون يجيب زبون وتبقي الاشيه معدن ونصايحي تملا البلد .

    سماح والله اتمني ياحبيبي ولو اني مش مقنعه بالموضوع ده ولكن اعمل ايه دماغك ناشفه .

    عمرو ياحبيبتي انا المحل الوحيد في مصر كلها اللي بيبيع نصايح .والناس اكتر حاجه محتاجاها

    دلوقت.......المشكله عندنا في نظام يروح ونظام يجي .....المشكله تحت فينا احنا .

    سماح ونصايحك دياللي حتعدل البلد .

    عمرو وليه ماتعدلهاش.....احنا مشكلتنا مش ثوره ع النظام .......احنا محتاجين ثوره

    حقيقيه والثوره دي تكون جوانا احنا .لو انصلح حالنا حينصلح اي نظام.

    سماح والله انت بتنفخ في قربه مقطوعه وربنا يستر.

    عمرو ياسماح افهمي.......عندنا محلات تغذي البطون ومحلات تكسي الجسم

    وكل محلاتنا استهلاكيه ........مافيش محلات بتغذي الاخلاق.

    سماح فيه الاعلام .


    عمرو اعلام ايه بقي بيشتغل لمصالحه.

    سماح فيه الكتب.

    عمرو ماعدش الا القليل يقرا وانت دمر الكتاب.........صدقيني مافيش حل غير

    اللي فكرت فيه .

    ( يدخل حسان ومعه ابنه مدحت )

    مدحت هو ده المحل يابابا .

    حسان ( محدثا عمرو ) انت اللي بعتله النصيحتين بعشرين جنيه .

    عمرو ايوه انا ..............؟

    حسان وبتقول انا ببساطه .اما انك بجح بصحيح .

    عمرو من فضلك اتكلم بأدب .

    حسان ادب ايه .اللي عملته ده اسمه نصب واحتيال .

    عمرو وانا ماضربتش ابنك علي ايده وبعتله بالعافيه .هو اشتري بمزاجه .

    حسان ابني كان سكران ومش فايق بيعمل ايه وانت استغليت عدم وعيها.

    عمرو انا مااستغلتش حد وابنك اكتر واحد محتاج النصيحه .

    حسان ويشتريها منك انت بقي........انت بتستعبط ........هات العشرين جنيه .

    عمرو وانت هات النصيحتين بتوعي .

    سماح اهدا يااستاذ .فيه ايه .....؟

    حسان فيه ان الاستاذ نصب علي ابني .......ثم انت مين شريكة النصاب ده .

    عمرو لو سمحت اتكلم بأدب ده محل وليه سمعته ,

    حسان ادب ايه انا حفضحكم في الحاره كلها........حتجيب العشرين جنيه ولا

    ألم عليك اهل الحاره.

    سماح اديه فلوسه ياعمرو (تحدثه هامسه )

    عمرو انا صرفت عشره ومعايه عشره بس.

    سماح مش مهم خد العشره التانيه مني .( تخرج عشره جنيه من حقيبتها واتناولها

    لعمرو ) خد وخليه يمشي .

    عمرو ادي العشرين جنيه .

    حسان وادي الورقه بتاعتك .ابقي بلها واشرب ميتها .

    عمرو ورقة ايه .انا عاوز النصيحتين .

    حسان انت مش كاتبهم هنا ........؟

    عمرو اه كاتبهم .بس ايه يضمنلي ابنك مايستعملهمش.

    حسان اطمن ابني مابيعملش بأي نصايح ولو بيعمل كان عمل بنصايحي.

    عمرو لو عمل باي نصيحه منهم انا حاخد حقي .

    حسان خلي نصايحك ليك وانصحك تشوفلك شغله تاجل منها عيش بدل اشتغال

    الناس ( يخرج هو ومدحت )

    سماح مش قولتلك ياعمرو .

    عمرو مش حيأس ياسماح وحفضل ابيه النصيحه .



    بلاك اوت

      الوقت/التاريخ الآن هو الخميس مارس 28, 2024 10:19 pm