منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
مسرحية الخروج من الدائره   2 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
مسرحية الخروج من الدائره   2 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
مسرحية الخروج من الدائره   2 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
مسرحية الخروج من الدائره   2 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
مسرحية الخروج من الدائره   2 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   2 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   2 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   2 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   2 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    مسرحية الخروج من الدائره 2

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    مسرحية الخروج من الدائره   2 Empty مسرحية الخروج من الدائره 2

    مُساهمة من طرف سميرحمايه الخميس نوفمبر 07, 2013 12:51 am

    2_ لصوص الاحلام

    يصحو مهموم ويخرج فزعا من حجرته الي صالة اللوكانده التي يمتلكها
    مهموم ( محدثا نفسه ) اقتل كل فاسد يانهار اسود ..كل اللي قال عليهم يستحقوا القتل
    فعلا لو عملت زي الخضر.........طيب انا مش خضر ...انا صح زي ماقال
    حمار عايش بينهق..........هو يوم مش طالعله نهار
    ( يسمع صدي صوت العجوز ) .......دائما يصعب علينا قول الحقيقه .
    مهموم ياعم الله لا يسيئك ارحمني بقي ...انا مش الخضر ..انا زي ما انت حمار بينهق
    كلب بيعوعو ........قطه بتنونو........قطه ايه ........قط بينونو.
    ( تدخل فضيله زوجة مهموم )
    فضيله ايه يارجل انت اتجنيت.........بتكلم نفسك .
    مهموم اسكتي يافضيله ياحبيبتي حلمت بكابوس اسود .
    فضيله عشان كده قمت تتنطط من علي فرشتك .
    مهموم اه ياحبيبتي.
    فضيله واحلمت يأيه ........؟
    مهموم مش مهم تعرفي اهو كابوس وراح .اخبار اللوكانده ايه .
    فضيله كل الغرف والادوار ساكنه وماعندناش حجره فاضيه .
    مهموم غريبه ...........؟
    فضيله ايه اللي غريب.........؟
    مهموم السياحه واقعه في البلد ونسبة الاشغال في كل الفنادق ضعيه .
    فضبله انت حتقر يافقري .......رزق وربنا باعته .
    مهموم علي رأيك حنرفص النعمه ...بس اشمعني احنا .
    فضيله عشان النزيل بيرتاح عندنا .
    مهموم جايز ولو اني مش مقتنع .
    (يدخل شكري شاب حالم .مثقف .متدين وهو يشد اخته هيام من شعرها )
    شكري مش قلتلك ماتدخليش اوضة الرقاصه .
    هيام سيب شعري . انت مالكش حكم عليه .......الحقيني ياماما ( تجري نحو مامتها )
    فضيله قولتلك الف مره مالكش دعوه باخواتك .مش حتبطل العقد بتاعتك.
    شكري العقد بتاعتي ........هي التربيه بقت عقد .
    فضيله وانت اللي بتربيها بسلامتك .
    شكري لما تكونوا سايبنهم علي حل شعرهم اربيهم انا.
    مهموم فيه ايه بس ياشكري يابني.
    فضيله ( ساخره ) ادي اللي فالح فيه .....بدل ماتاخده قلمين وتقوله مالكش دعوه باخواتك .
    مهموم استني بس يافضيله خليني بس اعرف فيه ايه .( محدثا شكري ) فيه ايه يابني.
    شكري يابابا فيه حاجات مش كويسه ....بتستني كل يوم الرقاصه اللي ساكنه في الدور
    التاني وتدخل عندها .
    مهموم تدخل عندها الصبح ....لا عيب .....حتي لو صاحبتها الوقت مش مناسب .
    شكري صحبية ........( بضيق وتأفف ) مش الصحبيه اللي انت تعرفها.
    دي صحبيه من نوع تاني.
    هيام دي صاحبتي يابابا ........هو كده عامل علينا مخبر في اللوكانده .
    فضيله ايوه تصرفاته وحشه وحتطفش الزباين .
    مهموم تصرفات ايه دي .
    هيام احنا بتنتصاحب ع الزباين عشان يفضلوا قاعدين وهو بيطفشهم.
    فضيله اه وكتير بيشكو.
    مهموم انا مش فاهم حاجه .
    شكري يابابا .انا بشوف تصرفات مش طبيعيه ...انا مره صاحي عشان ادخل الحمام لقيت هيام
    بتتسحب علي اوضة الرقاصه .
    مهموم اه وبعدين ........؟
    شكري انا مشيت علي طراطيف صوابعي لحد مابقيت قدام الاوضه .سمعت يابابا حاجات
    حاجات ماتتسمعش .
    مهموم حاجات ايه .....دي اللي ماتتسمعش .
    شكري وماتتقلش يابابا .
    فض كلام فارغ وفاضي ,,,,,,,,مش لاقي حاجه تقولها.
    هيا اه لو جدع قول سمعت ايه .
    شكر ( محدثا هيام ) يابجاحتك اقول .......؟
    مهموم ياسيدي سيبك منهم وفهمني انا .سمعت ايه .
    شكري قلة ادب يابابا ........اهات وتأوهات وحاجات وحشه .
    مهموم يانهار اسود ....عندنا هنا.
    شكري اه والله .......الدم جري في عروقي وقلت فيه حاجات غلط جوه.
    مهموم وبعدين .
    شكري انا قولت لازم ادخل عليهم وامسكهم متلبسين .الوضع يابا حسسني ان فيه رجاله جوه
    مهموم اه رحت كاسر الباب ودخلت تمسكهم متلبسين .
    شكري اه وده اللي حصل الصوت ماكنش طبيعي .
    مهموم المهم وبعدين .
    شكري كسرت الباب ودخلت ....
    مهموم لقيت مين جوه .
    شكر مالقتش رجاله ........لقيتها مع الرقاصه في وضع مايتقلش.
    فضيله يعني مافيش رجاله .
    شكري لا ولكن فيه الرقاصه .
    مهموم اخص عليك يابني سيبت ركبي ...كنت حقتل اختك ....ظلمتها .
    هيام شوفت يابابا عشان تعرف ....
    مهموم مالوش حق يابنتي ومعلش.
    شك ماليش حق ازاي يابابا ....بقولك كانت مع الرقاصه في وضع مخل .
    فضيله وضع مخل ازاي يعني.
    شكري كانت في حضنها وبيتقلبوا ع السرير.
    مهموم ودي فيها حاجه يابني .
    شكري لا مافيهاش حاجه .
    ( يدخل عصمت شاب فرفور يقلد الفتيات في ملابسه وتصرفاته )
    عصمت بابا قول للمتوحش ده ( يشير الي شكري ) مالوش دعوه بيه وبصحابي.
    مهموم ماله بيك ياابني .
    عصمت موتحش ..مش اسبور يابابا ومش جنتي خالص .
    شكري اه انا متخلف ورجعي ....
    عصمت اه رجعي وبلدي خالص .
    فضيله معلش حبيبي .انت عارف ان اخوك معقد .
    عصمت بس مايطلعش عقده عليه يامامي......خليه في ارسطو
    واسمه ايه ده ميكي ماوس.
    شكري ميكافيلي بقي ميكي ماوس وافلاطون ايه بقي.
    عصمت مين افلاسون ده ........اجري ورا شوية الصحاب بتوعك بتوع الثوره.
    شكري صحابي دول بيضحوا عشان اللي زيك يعيش .
    عصمت مااحنا عايشين .مقولنلهمش يضحوا عشانا ....
    مهموم كفايه بقي خناق .انتوا اخوات وحبوا بعض .
    هيام لا هو مش بيحبنا خالص يابابا.
    عصمت اه بيكرهنا خالص يابابي .كله بتاع ده اللي بيقولوا عليه غل وحسد .( محدثا فضيله )
    ابقي بخريه ياماما يمكن يخف ...باي ( يخرج )
    هيام وانا كمان خارجه .كل يوم نصتبح بمحاضره ولا كأننا في كليه ..باي .0( تخرج )
    مهموم بالراحه علي اخواتك ياشكري ياابني.
    شكري يابابا تصرفاتهم غلط .
    فضيله وانت مش ولي امرهم عشان تحاسبهم .
    شكري شكرا ياامي المفروض تكوني مدرسه .
    فضيله مدرسه ولا حضانه انت مالك وبعدين ابوك مايقدرش يقول اللي بتقوله ده .
    مهموم ايوه يابني انا مقدرش اعمل اللي بتقوله ده .
    شكري يابابا انت ناظر المدرسه .
    مهموم والله ماعارف ناظر ولا فراش يابني فيها زماتبقاش انت والخضر عليه .
    شكري ( مندهشا ) خضر ........خضر مين يابا .
    مهموم ماتاخدش في بالك .
    فضيله ( محدثه مهموم) تعالي نشوف اللي ورانا ..........ابنك فاضي والفلسفه
    لحست مخه . ( تخرج فضيله ومهموم )
    شكري ( بمفرده محدثا نفسه ).............مش ممكن هذا الانهيار....افلاطون لما كتب المدينه الفاضله
    اكيد كان بيخرف .
    ( يسمع صدي صوت لافلاطون ) .........ماكنتش بخرف يابني .........كنت بحلم زيك .
    شكري وحلمك راح فين .
    الصوت سرقوه اللصوص .
    شكري هي الاحلام ليها لصوص .
    الصوت نعم ........زي مافيه لص بيسرق جيبك ومكانك ورزقك .......فيه لصوص بتسرق
    حلمك .
    شكري بس دي جريمه .....؟
    الصوت اكبر جريمه بتهدد الانسانيه وللأسف مافيش قانون يقدر يحاسب عليها.
    الحياه يابني لو ورده كان الكل استمتع بشمها ولكن زي مافيه ورد فيه شوك
    والناس اللي بتزرع الشوك اكتر من اللي بيزرعوا الورد .
    شكري وليه يزرعوا الشوك .
    الصوت عشان يجرحوك انت وتتلهي في جرحك ويشموا براحتهم رحيق الورده .
    شكري وانا اعمل ايه ........؟
    الصوت لا تتخيل ان الناس ملائكه فتنهار احلامك. الحياه مليئه بالحجاره
    اجمعها واصنع بها سلم لترتقي بمن حولك .
    ( يختفي الصوت وتدخل اسراء طفله صغيره )
    اسراء صباح الخير ابيه شكري حبيبي.
    شكري ( يحتضن اسراء ) صباح الجمال اسراء حبيبتي .
    اسراء بتعمل ايه ياابيه .
    شكري بكلم نفسي ياحبيتي. عايش في غربه مع نفسي .
    اسراء يعني ايه ياابيه .
    شكري مافيش حبيبتي ....ماتاخديش في بالك ..........انت الامل اللي باقي.
    اسراء واتخانقت مع اخواتي زي كل يوم .
    شكري ( يضحك) ايوه اتخانقت .
    اسراء وانا لما اكبر حتتخانق معايه .
    شكري ( يضحك ) ياعلم ياحبيبتي .

    بلاك اوت












      الوقت/التاريخ الآن هو الخميس مارس 28, 2024 1:35 pm