منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
مسرحية الخروج من الدائره   3 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
مسرحية الخروج من الدائره   3 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
مسرحية الخروج من الدائره   3 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
مسرحية الخروج من الدائره   3 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
مسرحية الخروج من الدائره   3 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   3 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   3 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   3 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية الخروج من الدائره   3 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    مسرحية الخروج من الدائره 3

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    مسرحية الخروج من الدائره   3 Empty مسرحية الخروج من الدائره 3

    مُساهمة من طرف سميرحمايه الخميس نوفمبر 07, 2013 12:53 am




    3 _ فلسفة الجنون
    للجنون فلسف خاصه .صور مقلوبه .حقائق مقلوبه .سهل ان يسخر الانسان الطبيعه لنفسه ولكن اشر ماتواجهه
    البشريه هو قلب الحقائق وتزييف القيم والانحراف بالمثل وتبرير الغايه حتي ولو كانت لا تتفق مع المثل


    يمسك شكري بكتاب شمس المعارف .
    شكري (محدثا نفسه ) كتاب شمس المعارف استحاله يكون طبيعي .انا من اول فصل فيه وانا
    بترعش .يخرب عقلك يازياد هو الكتاب ده اللي ممكن يحللنا المشاكل .ده واضح انه
    كله سحر وشعوذه .انا ازاي اقرا كتاب زي ده ........علي العموم انا لسه في الفصل التالت
    فصل في الابواب الثلاثه........ايه ده ........طريقة تحضير خادم الكتاب
    ارسم دائره .........يجلس علي الارض يرسم دائره...ارسم نجمه مخمسه
    داخل الدائره ...اكتب حاصل جمع 17+ 57 في كل مثلث من مثلثات النجمه
    وادي 74 في كل مثلث ...اكتب حاصل طرح 69 _6 في مركز دائرة
    النجمه وادي 63 في المركز .........اغمض عينيك وقل ثلاث كلمات
    للفضيله مقلوبه .......( يغمض عينيه ) قحلا ....ريخلا....بحلا
    اظلام .......اصوات متداخله .......اشباح .....صوت ريح ....يظهر جني وخلف
    خمسه اخرين باشكال مرعبه .يفتح شكري عينيه ........يري الاشباح ..يرتعش ويحاول
    انت يتماسك.
    شكري انتوا مين ..............؟
    خادم الكتاب انا خيشع بن مردوخ ابن شمورش خادم الكتاب.
    شكري ودول مين .
    خادم الكتاب دول الحرس الخاص بتوعي .
    شكري ( ساخرا ) حرس خاص .....حتي انتوا عندكم بودي جاردات .
    خادم الكتاب احنا مش زيكم انتوا مالكمش زي........خلصني عاوز ايه .
    شكري لا انا مش عاوز حاجه واشكركم علي الحضور واتكلوا علي الله انا ححرق الكتاب ده.
    خادم الكتاب لو مسيت الكتاب بأذي حتكون نهايتك قبل مااتقرب منه .

    شكري لا وعلي ايه .انا حرجعه لصاحبه بس .
    خادم الكتاب بصفتي خادم للكتاب ان مكلف اجيبك علي اي سؤال .
    شكري انا عاوز اسأل سؤال واحد بس ...ليه احنا كبشر بقينا وحشين .
    خادم الكتاب انتوا البشر كده بتقلبوا كل حاجه وبتغالطوا نفسيكم في كل حاجه
    بتصنعوا الكلمه والنظام وتغلفوههم بسلوفان ومن جوه سم .
    شكري ازاي ........مش فاهم .
    جني واحد تولعوا السجاره وتبوسوها وترموها تحت رجليكم.بتبقي فاهم ضررها
    ومع ذلك بتحبها ودايما حاضن نارها ولما تخلص تحتقرها...السجاره
    طرفين .......طرف نار وعلي الطرف الاخر مريض واحمق .
    جني 2 تخترعوا لغه اسمها التفاوض والمفروض عشان تحلوا بيها مشاكلكم
    تحولوها لكعكه بينكم في غرف مغلقه وغيركم في ضياع وفقر.
    جني 3 تقسموا نفسيكم الي جماعات وحركات واحزاب ونظم ومنظمات
    عشان تكونوا رسل خير للناس ولكن تزرعوا الخير ليكم وتسيبوا
    أرض غيركم بور .رغم انها هي المحتاجه زراعه .
    جني 4 الابتسامه بدل ماتبقي لغه للحب والموده .خلتوها انحناءه للنفاق عشان تستقيم
    مصالحكم .
    جني 5 ( يضحك بصوت عالي ) ليكم عبارات شكلها جميل وتصرفاتكم
    فيها تهلك من الضحك .
    شكري زي أيه ..............؟
    جني 5 الدبلوماسيه المفروض تكون السياسه الناعمه اللي تحل مشاكل الناس
    بقت تذكره للجحيم بيقطعوها ليكم وانتم في منتهي السعاده .وبترتكب
    بيها افظع الاعمال واشتع الافعال بمنتهي الرأفه واللباقه .
    خادم الكتاب ولا السياسي عندكم ........راجل يبيع لكم كلام وتهللوا ليه ويسلم عليكم
    ويشربكم ساقع وبعد ماينجح يقولك هاي من عربيته .ده لو ماعملش
    ستاير سودا عشان مايشوفش خلقتكم.
    جني 1 ولا الواجب .........كلمه حلوه اوي سهل تنطقوها لغيركم وتطالبوه بيها
    وانتوا ما تعرفوهاش.
    جني 2 والحب اصبح في حياتكم مجرد اسم في جمله اسميه وصعبان عليكم يكون فعل
    في جمله حياتيه .
    جني 3 والعطف رأسمال مدفون مافكرتوش مره تدوروا عليه .
    جني 4 والموت بقي بالنسب لكم اجازة اخر الحياه مابتفكروش فيها برغم حبكم
    للأجازات .
    جني 5 والزوج عاوز كل حاجه حلوه في زوجته وعاوزها مثاليه والاغرب من ذلك
    يطلب منها ان تسامحه لانه مش حيكون مثالي .
    شكري والحل ..........الكتاب ده قلي صاحبي انه فيه حل لكل حاجه.
    خادم الكتاب الحل في ايدكم انتم .........مافيش جن حيحل مشاكل انسان
    ولا انسان حيحل مشاكل جن .....ربنا خلق كل شئ وله عالم
    مختص بيه وبحاله .
    شكري غريبه المفروض يكون كتاب سحر وشعوذه .
    خادم الكتاب نعم احنا جن سحر وشعوذه ولكن طردنا من جوانا الارواح الشريره
    انت جواك بذرة خير وايمان بقيمة الحياه وايمانك انتصر علي الارواح
    الشريره جوانا .
    ( يختفي خادم الكتاب ومن معه في الجن )
    شكري ( يقف مذهولا ) حتي الجن زينا فيه ارواح خير وارواح شر .
    يبقي عشان نحل المشاكل اللي حولينا لازم نطرد منها ارواح الشر
    ولكن ازاي..............؟

    بلاك اوت .



      الوقت/التاريخ الآن هو الجمعة مارس 29, 2024 7:35 am