ساميريات ...........اشعار وومضات

ليك ألف قصة وحكاية

لا عارف بداية

ولا باين نهاية

أنت عنوان رواية

وكل باب فيها ممسوح

وكل سطر فيك مفضوح

والفهرس اسمي فيه مجروح

والزمان كان حلم



والمكان متروح

وكل قصة أتلونت

بألف لون ولون

وبهتت معاك كل حكاية

ومش حكون بطل تاني

في رواية

والختام سلام

وتوته توته

خلص الكلام



ليه دايما بنضل

.تاه مننا الضل

لا فيه حبيب

ولاعاد فيه خل.

والهم سكن فينا

ومابنكل .

وكتر السؤال

وضاع مننا الحل

.واليأس عشش بقلوبنا

والأمل جوانا مل .


أصبحنا نخاف أن نحلم فالكوابيس فرضت حظر تجوال في المنام.


من المؤكد أن الروح لا تعشق الجسد وتتركه طوال الحياة معذبا وشقيا فإن انتهي أمره طارت لتتركه جثه هامدة طعاما للديدان.

عندما أتذكر حلم أفلاطون بالمدينة الفاضله ابتسم من جنون هذا الرجل.

احترس...يتم التهكير علي عقلك وإعادة برمجته .

اعلامنا تطور طبيعي لما يعرف بالندابه في الأعراف الجنائزية .


المجانين ليسوا بمجانين انما عقول تمردت علي الحياه معنا فهاجرت بعيدا .


صرخة موجوعة

وأه ياوطن

دمك في كل شبر سايل

واللي عايش

شايل فوق كتافه كفن

كاس وعلينا داير

وخطاوي تاهت ويا الزمن

لسه الأمل في بكرة

أكيد حنتخطى المحن

لو كان بينا مابين الأمل مسافات

مسيرنا يوم حنخطيها

ومهما طالت جروحنا

بالصبر حنداويها

ومصر جسد وفيه روحنا

وبالدم حنفديها

ومهما طالت ليالي الأسى

مسير الفرح ينور لياليها



لا أتخيل تصورا لقبلة الحنين ..................ومن المؤكد أنها سوف تأتي من رحم المعجزات لتسجل شفاهنا كل الأرقام وتدون قصتنا علي أبواب الشمس