منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
كتاب مسرحية زمن عباطه تأليف سمير حمايه 5 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
كتاب مسرحية زمن عباطه تأليف سمير حمايه 5 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
كتاب مسرحية زمن عباطه تأليف سمير حمايه 5 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
كتاب مسرحية زمن عباطه تأليف سمير حمايه 5 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
كتاب مسرحية زمن عباطه تأليف سمير حمايه 5 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطه تأليف سمير حمايه 5 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطه تأليف سمير حمايه 5 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطه تأليف سمير حمايه 5 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطه تأليف سمير حمايه 5 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    كتاب مسرحية زمن عباطه تأليف سمير حمايه 5

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    كتاب مسرحية زمن عباطه تأليف سمير حمايه 5 Empty كتاب مسرحية زمن عباطه تأليف سمير حمايه 5

    مُساهمة من طرف سميرحمايه الأربعاء أكتوبر 31, 2018 9:55 am

    141

    المنظر الثالث


    حارة السد.....عباطه والمذيعة جيلان في الحارة..الحاره خالية تماما

    جيلان. .(مندهشه)....ايه ده...هي دي حارة السد..؟
    عباطه. ..اه هي....انا فاكر شكلها كويس....اه هيه دي حارتنا.

    جيلان.... فين الناس...فين سكانها...مش شايفه حد حتي المحلات قافله.

    عباطه.... يمكن نكونوا تهنا...ولا تكون الحاره تاهت..ولا يكونوا ناسها هما اللي

    تاهو (مندهشا)...مش ممكن تكون

    دي حارتنا...دي نهارها ليل وليلها نهار ومابتهمدش.
    142

    يتجه نحو محل عجلان وجيلان خلفه )..والله وحشتني

    الحاره...من ساعت مانجح المعلم عجلان مازورتهاش
    يشير الي المحل)....وادي المحل.
    جيلان.. .محل ايه...؟

    عباطه... .محل الجزاره بتاع المعلم عجلان.

    جيلان... .مين المعلم ده....؟

    عباطه.. .اللي عملي الشريط.

    جيلان... .شريط ايه....؟
    عباطه... ..شريط المغني بتاعي..
    جيلان... تقصد تقول ان صاحب المحل ده هو

    صاحب شركة الانتاج.
    عباطه.... اه هو.....وانا كنت الصبي بتاعه..

    جيلان....صبي مع المعلم ده.صاحب المحل.
    143.

    عباطه... اه...بس كنت احسن واحد يبيع عضم

    في الحته كلها..

    جيلان.. .(بقرف)....عضم ...عضم ايه..؟

    عباطه....مواسير وكوارع...علي لحمة راس..علي

    فشه..علي بيت اللوح.

    جيلان (باشمئزاز)..كفايه...عرفت انت مين.

    ( (تدخل مايسه مرتديه ملابس سوداء ويبدو
    عليها الحزن)
    مايسه... انت هنا ياعباطه..؟

    عباطه....اه لسه واصل دلوقت...انت فين بقالك
    يومين مابتسأليش (ينظر الي ملابسها)

    وايه الهدوم السوده دي.
    144.

    مايسه.... .انت ماتعرفش....؟

    عباطه.. ...لا.....وانا اعرف منين...بس اعرف ايه..؟

    مايسه... .عصام...تعيش انت..؟
    عباطه....عصام..(بدهشه)...عصام مين...مايكنش..؟
    مايسه ...اه عصام خطيبي..مات شهيد في الميدان.

    عباطه...هو مع العيال دول اللي عاوزين يخربوا البلد.

    مايسه...دول مش عيال ياعباطه..دول ابطال..دول

    اجدع مني ومنك...تقدر تقولي انت عملت ايه..؟

    عباطه.. .انا جاي عشان اعمل واقف مع الريس.

    مايسه.. .وتقف مع الريس ليه...؟

    عباطه...عشان الراجل ده حلو وطيب ووشه بيضحك
    145.

    مايسه.. .(ساخره)...مين اللي قلك كده..

    عباطه.. .كله بيقول...عجلان وابو العريف..(يشير لجيلان والست دي والتلفزون .

    مايسه.. .وانت مصدقهم..؟

    جيلان. .(معترضه)... ومايصدقش ليه..البلد بتخرب ولمصلحة مين تخرب...ماعدش

    فيه امن ولا امان من وقت

    ماقامت الثوره.

    عباطه.. ..اه والله معاك حق..

    مايسه... ياعباطه الكلام ده مش صحيح..الاستاذه بتدافع
    عن مصالحها وبتدافع عن نظام هي واللي شبها جزء منه
    144 .

    جيلان.. .ومال النظام....تلاتين سنه معيشكم في امان.

    مايسه...امان ايه..انت بتضحكي عليا ولا علي نفسك

    فين الامان ده ..امان الذل ولا امان الجوع .

    عباطه.... .انا مش فاهم حاجه..؟

    مايسه. ..ياعباطه..البلد منهوبه...الفساد ملاها

    والفقر عشش في كل حته فيها..شباب

    عاطل...امراض بتحصد في اطفالنا وشبابنا

    وفساد في كل حته..رشوه ومحسوبيه وظلم

    ومافيش عداله..

    عباطه...يعني العيال دول مابيكرهوش الريس...؟
    145

    مايسه.. .الشباب ده بيحب البلد وخايف عليها وبيدوروا

    ع الحريه وع العداله...شباب بيحلم يلاقي بلده

    احسن بلد في الدنيا.

    عباطه ...وعصام كان بيحلم معاهم..؟

    مايسه...عصام عاش ومات وهو بيحلم ياعباطه.عصام

    مات شهيد وضحي بنفسه عشاني وعشانك وعشان بلده تعيش.

    جيلان.. .والله حتشوفوا ايام سوده....انتوا مش فاهمين حاجه..؟


    مايسه....مش حتكون اسود من الايام اللي شوفناها.

    جيلان.. .بكره تندموا وتقولوا ولا يوم من ايامه...؟
    146

    مايسه. ..ده كلامك وكلام نظام بيصدروا للناس..نظام افتكر نفسه وصي علينا وماحدش بيفهم غيره.كأننا

    مجانين ومعاتيه وهما العاقلين فينا.

    عباطه.. .ورحمة ابويه ..انا مافاهم حاجه..طيب فين ناس الحاره.

    مايسه... .الحاره نصها في الميدان والنص التاني شويه نهم مش فاهمه حاجه

    ومابيشفوش غير قنواتنا وبيتلعب علي

    مشاعرهم وصدقوا

    اعلامنا المنافق اللي افتري علي شبابنا

    وفهموا الناس غلط ان الشباب بيخربوا البلد

    147

    نزلوا وهما مش فاهمين حاجه..نزلوا يقولوا

    نعم وبس والشويه الباقيين قعدوا في بيوتهم

    تايهين.

    عباطه.. .يعني الحاره تاهت..؟

    مايسه. ..ايوه الناس تايهه..اعلام فاسد بيشد من

    هنا وبلطجيه بيروعوا من هنا...لكن شبابنا
    المثقف الواعي فاهم رايح فين.

    جيلان. ..(ساخره)...مثقف واعي...دلوقتي انت شايفاهم ايد واحده...لكن بكره
    ولو افترضنا ثورتهم نجحت

    حتتغير الوشوش...وحتسمعي خمسه وتمانين رأي...احنا
    148

    ماينفعش معانا غير ديكتاتور لاننا

    اتعودنا من ايام الفراعنه ع الكرباج.

    مايسه. ..دي اسطوانه قديمه بنحللوا بيها فسادكم

    من ايام الفراعنه واحنا بنتسرق وبنتنهب

    وخير البلد رايح في كروش الظلمه...الشباب
    دول حيبنوا بلد جديد وحايتحقق حلمهم وربنا

    حيوفقهم في ثورتهم...وحتي لو اختلفوا بكره

    حب البلد حيجمعهم..انتوا اللي زرعتوا الخوف

    والاختلاف بين الناس...وانتوا اللي زرعتوا الفتنه

    لكن ربنا يمهل ولا يهمل وجه دوركم تاخدوا

    العقاب اللي تستحقوه...واحنا مش حنخاف
    149

    من بكره لانه حيكون احسن من امبارح ونرتاح
    من ايامكم السوده اللي فيها بكره اسود من

    امبارح.


    عباطه....انا تايه وسطيكم ومش فاهم حاجه

    ونص البلد اكيد شبهي مش فاهم حاجه

    انا فين.. انا مع مين...؟

    جيلان.. .انت عباطه وخليك زي ماانت عباطه

    وماتنساش ان النظام ده اللي اتشهرت

    علي ايديه...واتغنيت.

    عباطه....اه صح ...انا معاه بقيت عباطه.
    150.

    جيلان... وبص لحالك دلوقت وقف من يوم

    الثوره ولو نجحوا العيال دول مش

    حتكون عباطه.

    مايسه. .(تجذب عباطه من يده)..فوق ياعباطه

    بص حواليك الزمن حيتغير ولازم نتغير

    معاه..ماتخليش السكينه تسرقك

    خليك مع شباب حارتك اللي اتربيت معاهم

    عباطه. ...اه معاك حق.

    جيلان..(تجذب عباطه اليها)...لا ياعباطه دافع عن

    مستقبلك وعن غناك...دافع عن نظام خدك

    في حضنه وكبرك وفتحلك كل الابواب
    151.


    عباطه... معقول....كلامك حلو.

    مايسه..(تجذبه إليها)....لا اوعي تضعف ياعباطه

    انت جواك طيب وشهم وحب

    للناس...ماتخسرش الناس عشان لو
    خسرتهم حتخسر نفسك.

    عباطه ..كلام جميل وكلام معقول.

    جيلان .(تجذبه). لا ياعباطه دي حتضيعك وحتضيع

    مستقبلك...مستقبلك مع عجلان وابو العريف.

    مايسه. .(تجذبه)...ماتصدقهاش ياعباطه..عجلان وابو العريف خلاص ماتوا

    152.

    عباطه ..(ساخرا)...ماتوا....ماتوا شهدا برضه.

    مايسه. .(ساخره)...شهدا ايه ياعباطه..بقصد بكلمة

    ماتوا انهم مش حيلاقوا اللي ينافقوه تاني.

    عباطه. ..وهما بينافقوا مين..؟

    مايسه... كل حياتهم غلط في غلط..عجلان باع

    اللحمه المستورده علي انها بلدي وانت
    عارف..يعني كان بيغش ..وعجلان عملك

    شريط وفسد بيه ذوق الناس.

    جيلان...شوفت..اهي بتغلط فيك..قولها الاغاني

    اللي غنيتها مين الفها
    153.

    عباطه.. .صح ...الاغاني اللي غنيتها مين بلفها.

    مايسه.. .انا اللي كتبت الكلام وما انكرش اني

    كنت بجري ورا وهم..خسرت عصام عشت غروري مع اني كنت بس

    عاوزه اعيش وافتكرت غلط ان ده

    هو الصح..لكن شباب التحرير فوقني

    وموت عصام برصاص الغدر صحي فيه مايسه

    البنت المصريه الحقيقيه.

    جيلان. ..كلام وشعارات كلها وهم وخيال..(تشد عباطه)

    تعالي ياعباطه نقف مع الناس في ماسبيرو

    154
    .

    عباطه.. ..ماشي..؟

    مايسه.. تجذبه)...لا ياعباطه..تعالي روح معايا الميدان

    وسط اهلك وناسك...تعالي نعيش معاهم

    احلامهم واو جاعهم.

    جيلان...(تجذبه )..لو رحت الميدان حتموت بالرصاص ياعباطه..؟

    مايسه( تجذبه) شوفت بتقولك حتموت بالرصاص . .فيه حكام ممكن تقتل شعوبها غير عندنا

    ...هي عارف الحقيقه

    وبتهرب منها..وحتي لو ضربوك بالرصاص..حتموت شهيد
    وتكفر عن ذنوبك..تعالي ياعباطه نروح الميدان..الميدان محتاج لكل واحد فينا
    155.

    عباطه..(غاضبا)...سيبوني انتوا حيرتوني وشليتو عقلي خلوني انا اختار...خلو عقلي
    التعبان يشتغل (يفكر

    وبعدين ياواد ياعباطه..حتروح فين..اروح مربيرو
    جيلان ...ماسبيرو.

    عباطه. ..اه زي ماقالت...(يفكر)..تروح ياعباطه اللي

    قالت عليه...ولا تروح (ينظر الي مايسه ويحدثها ولا تروح ..فين..؟

    مايسه.. .الميدان..

    عباطه.. .اه...ولا تروح..(محدثا مايسه)...هو حنكش وجعلص فين.

    156


    مايسه... .في الميدان...؟
    عباطه.. .خلاص حروح مع اهل الحاره الطيبين...مع الناس الغلابه.انا من وقت مااتشهرت
    ومش عارف
    اكل سندوتش فول ولا طبق كشري..عشت في

    احلي الاماكن ماحسيتش بيها..وشوش كدابه
    .... كل واحد لابس مية وش..وسط الحاره
    فيه الوشوش البسيطه اللي بتضحك
    حتي لو بتبكي جواها...(محدثا مايسه
    بينا ع الميدان

    بلاك اوت



    157
    المنظر الرابع


    داخل شقة عباطه...في الصالة...

    .......يدخل عباطه منتشيا وممسكا ببعض الجرائد في يده.


    عباطه... ..ياه فعلا العلم نور....دا الواحد كان حمار..(محدثا نفسه )

    نقرا بقي ونشوف أخبار الدنيا.

    أول خبر.....الفتنه الطائفية تحرق الثوره....ياساتر يارب

    هو احنا ناقصين...الكلام ده ممكن اصدقه في اي حته

    الا عندنا...فيه ايه ياولاد مصر...نشوف خبر تاني
    158

    أب يقتل طفليه وزوجته لعدم قدرته على الإنفاق عليهم ..ياساتر يارب...الداعية الكبير يفتي بضرورة اتصال الرجل بزوجته قبل ان يعود للبيت ..علشان لو حد في البيت تمشيه ...يانهار اسود معقولة...نشوف بره البلد احسن

    الثوره تشتعل في سوريا بعد مقتل الطفل حمزه الخطيب ومنظمات

    الانسان تدين العمليه والتعذيب البشع الذي تعرض له الطفل...ايه اللي

    بيحصل ده....دا احنا ماشوفناش في افلام الرعب كده...هما اتسعروا كده

    ..واخدين منها ايه احنا كدنا ظلمنا...

    دراكولا....نشوف غيره...العصيان
    159

    المدني يشمل كل محافظات اليمن....وبعدين بقي

    نشوف غيره....داعش في ليبيا يقتربون من طرابلس

    .... ايه الرعب ده...معقوله ...دي الغابه مافيهاش كده...يانهار اسود

    .. اهو ده عيب القرايه....دا الواحد يكون حمار احسن...ماهي دي

    مش تصرفات بني ادمين...ينفع ارجع حمار وماافهمش احسن

    ... نشوف اخبار حد غيرنا...الرئيس اوباما يتعهد بتفوق اسرائيل

    علي العرب ويعلن ان اعلان الدوله الفلسطينيه من جانب واحد
    160


    سوف يعرقل مسيرة..(ساخرا) السلام...(يضحك)....هههههههه حلوه

    العالم دول بيستهيفونا... مذابح وقتل لمسلمي الروهينجا والعالم يقف صامتا..(عباطه متأثرأ) لاحول ولا قوة الا بالله.لا كده ماينفعش ..انا ارجع حمار احسن

    بس ده مش حينفع..معقول ينفع ابقي حمار تاني..ولا استحمر

    يادي النيله..(محدثا الجمهور)..ارجع حمار ولا استحمر . .


    (تدخل مايسه)


    مايسه..... ايه الاخبار النهارده
    161.

    عباطه... .زي الزفت...تصدقي لما كنت مابفهمش كنت في نعمه...

    ...الجهل احسن.

    مايسه.. ..الجهل طول عمره مايكون احسن...الجهل ضعف.

    ياعباطه.. .قصدي يامحمود.

    عباطه... .منا عمال اقرا في الجرانين واتعكنن.

    مايسه... .تتعكنن من ايه...؟

    عباطه... .من اللي بيحصل في البلد وفي

    وسورياوغيرهم..ولا امريكا اللي بتشتغلنا.

    مايسه.. ..عشان انت اتعلمت ابتديت تفهم...كنت الاول بتسمع ومش فاهم
    162
    .

    عباطه.... طول عمري بسمع ومش فاهم..لكن بالي

    كان مرتاح ولكن دلوقت بتعب...؟

    مايسه.. ..عشان العلم حرك ضميرك..وخلاك تعرف

    تفرق بين الغلط والصح....المهم عاوزه

    اقولك خبر كويس..؟

    عباطه. ..والله نفسي في خبر حلو...؟

    مايسه... .انا اتعينت مذيعه في قناه اسمها يالهوي.

    عباطه.. ..اسمها يالهوي....وانت حتلطمي فيها.

    مايسه.. .(تضحك)...الطم ايه ياعباطه...دي قناه معروفه.
    163


    وناجحه قوي...انا حعمل برنامج اسبوعي اسمه فيس بوك

    عباطه.. ..اه عارفه ...ودخلت فيه وتهت.

    مايسه... .كويس انك ليك صفحه فيه.

    عباطه..... والبرنامج بتاعك ده حتعملي فيه ايه..؟

    حناقش فيه الانترنت واثره ع المجتمعات

    وانت من ضيوف اول حلقه .

    عباطه.... .موافق...اي حاجه معاكي موافق عليها...انا مش عارف من غيرك

    كنت عملت ايه.

    مايسه... ..انا ما عملتش حاجه...وانت اللي ساعدت نفسك
    164

    وانا مبسوطه بيك اوي.

    عباطه... ..حقيقي مبسوطه بيه...؟

    مايسه... .طبعا....انت تستاهل كل خير.

    عباطه.. .انا عاوز خير واحد بس..؟

    مايسه.... .ايه هو.....؟

    عباطه. ..عاوزك ترضي عليا..

    مايسه.. .(بخجل).....لسه شويه ياعباطه...ولسه قدامنا
    كتير.

    عباطه... .فيه ايه تاني...؟


    مايسه.. .عاوزه اشوف وصلت لفين في المزيكا
    165

    ( (تتجه لكاسيت وتضع اغنية اي دمعة حزن وتقوم
    بتشغيل الكاسيت حتي الكوبليه الاول)

    قول بقي ياعباطه.

    عباطه.. ..عاوزاني ااقول زيه.

    مايسه.. .وفيها ايه...عبد الحليم بيغني طبيعي وبساطه قوي

    وباحساس قوي..

    عباطه. ..وانا حجيب الاحساس من فين....؟

    مايسه.. ..حاول بس....قول بقي الكوبليه الاول.

    عباطه.. ..احاول ايه...ده عاوزه نفس كبير ..وانا ماعنديش.

    مايسه.....حاول بس ....عشان خاطري
    166.

    عباطه. ...(يقلد عبد الحليم ويؤدي باسلوب ركيك)

    مايسه.. ..ايه ده....؟

    عباطه... .مش بقولك بلاش عبد الحليم...انا حغني للدكتور.

    مايسه... .دكتور مين....؟

    عباطه.. .اللي بيقول...ايه اللي بيحصل ده...ايه اللي انا مش واخد بالي منه ده.

    مايسه... ..اه تقصد حكيم...ده اسمه حكيم...مش دكتور .

    عباطه.. ..منا معرفش انه تمرجي ..افتكرته دكتور.

    مايسه.. .بس حكيم لونه شعبي..؟

    عباطه... .اهو اي لون وخلاص
    167.

    مايسه.. ..لا اللون ده ماينفعش معاك.

    عباطه... .خلاص حغني للواد المحترم...اللي اسمه ايه ده...؟

    مايسه. ..مين المحترم ده...؟

    عباطه... .اللي دخل علي صاحبه وقله...السلام عليكم وصاحبه قله السلام ورحمة

    الله وبركاته ورد عليه وهو قاعد .

    مايسه.... مين اللي قاعد...؟

    عباطه... .صاحبه...رد السلام وهو قاعد....بس الواد اللي

    بيغني عجبني...قله ...قوم اوقف
    وانت بتكلمني
    168.

    مايسه.... اه تقصد بهاء سلطان.

    عباطه... ايوه هو ده بهاء سمعان...بس ماعجبنيش في حاجه.

    مايسه... .ايه هيه..؟

    عباطه.... كان المفروض يشخط فيه وهو بيقوله قوم اوقف وانت بتكلمني...مش

    يقولها وهو فرحان وبيرقص.

    مايسه... .برضه اسلوب بهاء سلطان مايمشيش معاك ايه رايك في محمد فؤاد...؟

    عباطه.. ..لا بيغني وحش ومابحبش اسمعله.

    مايسه..... وانت اسمعت له ايه بقي..؟

    عباطه... .مش هو اللي بيغني بوزعك...؟
    169

    مايسه... .بوزعك ايه...؟

    عباطه.. .(يغنيها)....بوزعك....اخر وزاع ...بوزعك.

    مايسه... .(تضحك)...اسمها بودعك....

    عباطه. ..بودعك ولا بوزعك...كده كده..كل واحد رايح

    في سكه ومش عاوز يشوف التاني .


    (تدخل سعديه)

    مايسه .....اهلا استاذه سعديه....

    سعديه.. ...معلش اتأخرت عليكم شويه.

    مايسه.. ..المهم ايه اخبار مطربنا معاكي.

    سعديه... .هايل وحفظ معظم المقامات والحروف الموسيقيه
    170

    وبدربه علي سولفيج الصوت.

    مايسه.... .يعني فيه امل..؟

    سعديه.. ..طبعا....ده عنده استعداد غريب..

    عباطه... .ربنا يطمنك...طيب انا مش عارف اغني

    لعبد الحليم ليه....؟

    سعديه... .كنت بتغني ايه....؟

    مايسه.. ..اي دمعة حزن.

    سعديه. ..لا دي تعليمها صعب عليه دلوقت .. لكن حيتعلمها واحده واحده..نعلمه

    نعلمه الاغاني الهاديه الاول

    171.



    عباطه.. ...ربنا يخليك....ايوه كده .

    (سعديه تمسك العود وتغني الكوبليه الاول في

    اغنية في يوم من الايام )

    في يوم من الايام ....كان ليه قلب

    ويه المحبه هام....وياريت ماحب

    قسوة حبايبي مغلباني

    اوعي ياقلبي تحب تني

    في يوم من الايام.

    تتوقف بعد الكوبليه الاول)....قول بقي

    انت.
    172.

    عباطه.. .( يردد الاغنيه بنشاذ))


    سعديه... .لا...انزل شويه وغنيها عادي وحاول

    تطلع الكلام من جواك. .

    عباطه.. ..من جوايا ازاي...؟

    سعديه.. .تخيل حبيبتك قدامك...وحس بكل كلمه

    حتلاقي احساسك بيخرج الكلام لوحده.

    عباطه. .(ينظر الي مايسه برومانسيه....ويغني

    الكوبليه بكفاءه عاليه). ..

    مايسه. ..(تصفق.بحراره....برافو ...هايل يامحمود.

    سعديه.. .ندخل ع الكوبليه التاني
    173.

    عباطه... .(يغني الكوبليه الثاني والثالث حتي

    وحياة حبك ياناسيني...ياريت

    ياحبيبي انساك....دنا كل طريق

    بعيوني ...علمته بذكري معاك.

    مايسه...(بفرحه غير عاديه)....الله عليك يامحمود.

    سعديه. ..مش بقولك...عنده استعداد كبير...كده


    نقدر نقدم عباطه للناس صح.


    عباطه.. ..وانا اول مره احس اني بغني.


    مايسه... .انشاء الله حتنجح ياحبيبي
    174.

    عباطه.... بتقولي ايه....؟

    مايسه. ..(يحمر وجهها خجلا.وعباطه يقترب منها ويمسك يدها)


    عباطه.. ..والنبي قولتي ايه.

    مايسه... .قلت ياحبيبي.

    عباطه...(يغني)....دي الكلمه اللي انا حاسس بيها

    راح ادوب كل الشوق بيها....

    وحقولها واعيدها واغنيها .

    مايسه... .انا بحبك يامحمود..؟

    عباطه .(يغني)..حقول احبك...حقول احبك

    واعيش احبك واموت احبك
    175

    مايسه... .حقيقي يامحمود بتحبني.

    عباطه... انا بموت فيك يامايسه..كنت ببصلك وكأني

    ببص للسما وانا ع الارض...كنت بحلم بيك
    من جوايا بس وكاتم كل احاسيسي

    كنت بغير من عجلان ومن عصام واول مره احب

    عصام لما فهمته ..بعد مامات شهيد واتمنيت اكون عصام. .

    مايسه.. .انت ماتقلش عن عصام في حاجه يامحمود.
    عباطه.. ...من قلبك يامايسه....

    مايسه....من قلبي يامحمود.




    بلاااااااااااااااااااااااااك ااااااااااااااااااااااااوت
    176

    المنظر الآخير


    الخلفيه حائط فيس بوك بلونه الازرق...صالون كبير...تجلس مايسه

    المذيعه في المنتصف علي فوتيه كبير..إلي اليمين منها يجلس عباطه

    علي فوتيه ...كنبتان متقابلتان يجلس في كل كنبه اتنان من الشباب.



    مايسه... .مساء الخير عليكم ويسعدنا ان نقدم لكم اولي حلقات برنامجنا

    فيس بوك...والحلقه الاولي بعنوان بنحلم بأيه...ويسعدني ان
    177

    ارحب بالنجم الكبير عباطه .

    عباطه ..(معترضا)...لا محمود خير الله.

    مايسه.. (تبتسم)..اسفه استاذ محمود...بنرحب بالاستاذ محمود خير الله

    ويسعدنا ان نقدم لكم مجموعه من شباب الفيس بوك...نبدأ من اليمين .

    الاستاذ .


    عمرو.. ..عمرو شبانه محامي .

    مايسه. ..والاستاذ..(محدثه من بجوار عمرو.

    مينا.... .مينا اندراوس....مهندس.

    مايسه. .(منتقله الي اليسار)...والاستاذ
    178.

    فهمي.. ..فهمي عوض مدرس.

    مايسه.. . واخيرا الاستاذ.

    رمزي مهني. ..صحفي.

    مايسه.. ..اهلا ومرحب بيكم في اولي حلقات فيس بوك.

    في الحقيقه كلنا اكيد بنحلم حلم جميل لبلدنا.

    ياريت كل واحد فيكم يقولنا في دقيقه بيحلم بأيه لمصر.

    عباطه... .انا حلمي امنيه...باتمني كل واحد فينا يكون فهم واتعلم

    من الثوره.. .اتمني المليارات اللي كانت بتتصرف

    179


    الهوا واستعباد البشر تتصرف صح في تعمير البلد ونكافح الفساد بجد

    مايسه... .والاستاذ عمرو بيحلم بايه.

    عمروي.. .بصفتي راجل قانون...انا بحلم بالعداله..العداله المطلقه

    عداله مابتفرقش بين كبير وصغير..بحلم بعداله ماتكنش

    لمصلحة فرد ولا نظام ولا لمصلحة طايفه ولا طبقه تعلو علي

    طبقه تانيه..عداله مافيهاش فرد ياخد حق الكل ولا جماعه تاخد حق فرد

    ولا جماعه تاخد حق فرد..بحلم بعداله الكل فيها واحد.
    180 .

    مايسه... .والاستاذ مينا ياتري حلمك ايه...؟

    مينا.. .انا نفسي كل واحد يعرف انه مش ملك نفسه وبس ولا ملك لطايفه او جماعه...لازم كل واحد يعرف

    انه ملك وطنه..انا مسيحي الديانه والمسيحيه عقيدتي ومش عيب اكون

    مسلم الهويه...ليه بنتعصب...جدنا

    واحد قبطي الديانه...واحفاده من جذوره اسلموا واحفاد ظلوا علي عقيدتهم

    ..يعني بالبلدي احنا اخوه

    في الدم..جذورنا واحده..وبيجمعنا وطن واحد بنتنفس هواه وبنعيش تحت

    ارضه وسماه...وبيروينا نيل واحد...
    181

    عشان إحنا في الاصل واحد....ليه بنتغرب عن بعض في بلدنا

    ....بحلم بايد المسلم والمسيحي تفضل واحده ..عشان طول عمرها واحده....


    مايسه.. .معاك حق يامينا ....والاستاذ فهمي عوض..بيحلم بأيه..


    فهمي.. ..في الحقيقه انا بقيت اكره كلمة سياسه وكلمة ديمقراطيه .

    احنا تهنا مع كلام ومصطلحات بتودي وتجيب فينا وزي

    ما قال الاستاذ عمرو اننا بنحلم بعداله...العداله في حد

    ذاتها حتصلح كل حاجه...حتدينا
    182

    حريه صح...حتدينا الأمان

    والسعاده....الديمقاطيه مبدأ مش نظام والسياسه توفيق بين المصالح علي اسس انسانيه....

    مايسه.. ..والاستاذ رمزي مهني...بيحلم بأيه...؟

    رمزي... .بحلم بحريه حقيقيه وكرامه انسانيه..مانخونش بعض

    نرجع نثق ونحب بعض ونحترم بعض..ليه كل واحد

    بيفكر في نفسه ويفتكر انه هو بس الصح..ليه كل جماعه

    بتفكر انها بتفهم اكتر من غيرها...ليه نعتنق مبدأ المؤامرات
    183

    ونخون بعض مع اننا المفروض مصلحتنا واحده وطريقنا واحد .

    مايسه... .جميل قوي اننا نحلم وجميل قوي اننا نتكلم كلام حلو

    لكن ازاي احلامنا تبقي واقع...؟

    عباطه... .عشان احلامنا تبقي واقع لازم نعرف الحقيقه اللي كلنا بنهرب منها...عشان كده كلنا بنخبط في

    بعض وبننطح في بعض...احنا حكمنا علي انفسنا اننا نكون تيران

    خرجت لحلبه تنطح في بعض مش عاوزين نحرر عقولنا علشان نفوق ونبني
    نعرف الحقيقه الصعبه.

    مايسه. ..حقيقية ايه يااستاذ محمود...؟
    184

    عباطه... .حقيقة اننا كلنا عباطه...مش انا بس اللي كنت عباطه

    احنا اختزلنا مصيبتنا وعيوبنا في النظام وبس ونسينا انه جزء منا ومن فسادنا

    هل الفساده فيهم هما بس الفساد فينا كلنا واي نظام او حكومة هي جزء مننا...الفساد سوس ونخر في

    عضمنا...شوفوا حياتنا واخلاقياتنا قيمنا مفيش جديد مصممين نغمي عنينا .

    مينا.. .انا اتفق مع كلام الاستاذ محمود. .سلوكياتنا مااتحسنتش

    ويمكن تكون زادت سوء واللي ينتقدها يظلم الثوره ويقول

    185


    ادي اللي اخدناه من الثوره...وكنا الاول احسن البلطجه زادت...اللي

    راكب عربيه مابيحترمش

    اشارات المرور..يمشي عكس الاتجاه..يقف في الممنوع بنهرب من مساؤنا ونرميها على اي حاجه رغم اننا عايشينها فوضى .

    فهمي... باختصار.ممكن نقتلع نظام فاسد واتنين وتلاته ومش حنخلص علشان المشكلة في فسادنا كلنا ..طيب مين يقتلع فسادنا.

    عباطه.. .ده اللي كنت عاوز اوصله.

    مايسه.. .افهم من كده اننا محتاجين ثوره تانيه.

    عمرو... طبعا...ثوره ثورة حقيقية ...ثورة ضمير
    186

    ثورة اخلاق...محتاجين نبطل انانيه وننكر ذاتنا ونرجع نحب بعض.

    مايسه. .(محدثه الجمهور)..اي حد يحب يشارك في الحوار حنتلقي المشاركه علي
    الصفحه الرئيسيه للبرنامج

    علي الفيس بوك .

    ويمكن تلقي مشاركات فعليه مباشره علي الخشبه ونقلها للجمهور وتكون المشاركه

    لمدة ربع ساعه ومع ابطال العرض

    مايسه.. تستكمل بعد مشاركة الفيس الحقيقيه..(محدثه عمرو)

    طيب يااستاذ عمرو انتوا ع الفيس بوك قدرتوا توحدوا وتتجمعوا وتقوموا

    بثوره...تقدروا تعملوا كده تاني وتتوحدوا
    187

    وتقوموا بثورة ضمير واصلاح .

    عمرو.. ..والله مش عارف اقولك ايه..؟...الثوره دي معجزه وهديه ربانيه من خالقنا

    عشان نغيروا نفوسنا...لكن للأسف ماتغيرناش ولا بنحاول نتغير

    اقولك ايه ونتجمع ازاي..؟

    مينا.. .انا بتفق مع الاستاذ عمرو...حتي في الفيس فيه الأنا

    وكل واحد عامل مجموعه...يعني تلاقي مية مجموعه

    بتحلم احلام لمصر...لكن كل واحد عايش مع نفسه

    واستحاله يفكروا كمجموعه واحده في جروب واحد...ونفس الحال في
    188

    دينيه او ثقافيه او رياضيه او فنيه

    كل واحد بيغني لنفسه. .

    مايسه.. ..يعني حتي في الفيس مختلفين...طب ازاي نفعل

    ثورة ضمير علي ارض الواقع..

    عباطه. ..عشان نفعل ثورة ضمير يبقي اول نقضي ع التعصب

    التعصب شوكه كبيره جوانا ولازم نشيلها..عندنا تعصب

    عقائدي اعمي وعندنا تعصب طائفي وتعصب حزبي

    وتعصب رياضي وحتي الفكر فيه تعصب.
    189..

    رمزي. ..معاك حق يااستاذ عباطه...لازم نقضي ع التعصب

    عشان نبدأ بثورة ضمير...والاعلام عليه دور كبير وعشان يقوم

    بدوره لازم هو كمان ينضف لانه جزء كبير من المشكلة والجزء الاهم.

    عمرو .. .يبقي لازم نبدأ من هنا...لازم نوجه رسايل للجميع...احنا هنا اطياف
    مختلفه... .

    فهمي. ..يبقي لازم نواجه اي عنصر فاسد بينا ونزيله..

    عباطه. ..كل واحد فينا له دور...عشان

    ويرجع لبيته وجاره ويرجع صح لصحابه..يرجع لبلده اللي متغرب
    190

    جواها...البلد مش حتتبني

    بالشعارات ولا الاغاني ...والكلام مافيش اسهل منه...لازم بجد نبدأ

    نحاسب نفسينا ولكل واحد

    قبل ماينام يحاسب نفسه علي ي ومه...عاوزين نحط اول طوبه صح.


    عمرو.. .نطرد الشيطان اللي احتلنا بجيوشه...احتل عنينا اللي بقت

    الغلط وتسكت.

    مينا.. .واحتل ودانا...وبقينا مانسمعش غير لاهوائنا.

    فهمي. ..واحتل لسانا...وبقينا نشكك في بعض ونخون

    بعض ونتكلم من غير مانفعل
    191.

    رمزي.. .واحتل الشيطان بجنوده بطونا واتلهينا

    ازاي نملاها. .

    مايسه . ..واحتل قلوبنا وملك النفس السيئه عليها.

    عباطه... تعالوا نصحي ونفوق ونطرد الشيطان

    وجنوده من جوانا...نعلي كلمة الحق

    نعلي راية العداله...نقوم بثورة ضمير.


    (استعراض غنائي واغنيه بمضمون الحوار الاخير)



    بلاااااااااااااااااك اوت




    سميرحمايه

      الوقت/التاريخ الآن هو الثلاثاء مارس 19, 2024 10:18 am