منتدى الفراعنة

منتدى أ/سمير حماية

المواضيع الأخيرة

» ورشة عمل عن " إدارة الدعاوى القضائية في المنازعات الإدارية "
السبت يناير 19, 2019 12:25 pm من طرف sabra group

»  ليلة في حضن الجبل 5
الأحد يناير 13, 2019 9:47 pm من طرف سميرحمايه

»  ليلة في حضن الجبل 4
الأحد يناير 13, 2019 9:45 pm من طرف سميرحمايه

» ليلة في حضن الجبل 3
الأحد يناير 13, 2019 9:44 pm من طرف سميرحمايه

»  ليلة في حضن الجبل 2
الأحد يناير 13, 2019 9:40 pm من طرف سميرحمايه

»  رواية ليلة في حضن الجبل ( اسياد وعبيد 2) سميرحمايه
الأحد يناير 13, 2019 9:39 pm من طرف سميرحمايه

»  اوكتاجون 6
الخميس يناير 10, 2019 3:44 pm من طرف سميرحمايه

»  اوكتاجون 5
الخميس يناير 10, 2019 3:43 pm من طرف سميرحمايه

»  اوكتاجون 4
الخميس يناير 10, 2019 3:40 pm من طرف سميرحمايه

التبادل الاعلاني


    اسياد وعبيد 4

    شاطر

    سميرحمايه

    عدد المساهمات : 1091
    تاريخ التسجيل : 29/10/2010
    العمر : 49

    اسياد وعبيد 4

    مُساهمة من طرف سميرحمايه في السبت يناير 05, 2019 12:44 am



    61

    _ ليلة وداع
    الوقت بعد العشاء ، الليل بلون أخر يرتدي ألوان فضفاضة
    هي ليلة غير كل الليالي ، تظهر الأنوار ساطعة من أعلى
    المساجد ويبدو صوت صلاة التراويح من بعيد. حسن ورحان
    ومرسال ينظرون من بعيد للأضواء الملونة ، حتى السماء
    تحتفل بقدوم شهر رمضان، يقترب منقريوس منهم.
    ...واضح أن اول ايام رمضان بكره .
    ..نعم ، أكاد أن أسمع صلاة التراويح.
    ...كل عام وانتم بخير.
    يحتضن منقريوس حسن ورحان ومرسال مهنئاً.
    .. اجلسوا نتكلم مع بعض شوية .
    يجلس الجميع في شبه دائرة ومنقريوس يمسح
    دمعة هاربة على خده .
    ... الأيام بتعدي بسرعة ، عشنا مع بعض كأهل
    62
    وفراقكم حيكون صعب عليه .
    .. رحان ... أكلنا عيش وملح مع بعض وعشنا
    مع بعض إخوه والجميل ده مش حننساه.
    ... خلي بالك من حسن يارحان .
    حسن محدثا منقريوس .
    ... جميلك ده فوق راسي ومش حنساه.
    .. اسمعوني كويس ، إحنا داخلين على سوهاج
    حقف عند قرية إسمها الفراسيه حنزلكم فيها
    حتمشوا في اتجاه الجبل دوغري ، حتمشوا
    مسافة كبيرة شوية ، لما حتقربوا من الجبل
    حتلاقوا نفسكم في مدافن القرية ، امشوا على
    يمينها قليلاً حتلاقوا البلده ، تسألوا على دار
    المقدس أرمنيوس ، كتير حيدلكم.
    يحاول أن يخفي منقريوس دموعه، وقف واتجه
    إلى مكان أسفل المركب والجميع في صمت
    ...عاد منقريوس سريعاً حاملاً معه عصا طولها
    حوالي متر ونصف ، غليظة وإسفلها ملفوفة
    63
    بالجلد الخشن ومدقوق بها عدة مسامير
    يتجه نحو حسن .
    .. دي هديتي ليك ياحسن ، عصاتي وأغلى
    رفيق ليه ، وعمري مااتخليت عنها ولا فكرت
    أهديها لأخويه ابن أمي وأبويه ، ماتغلاش عليك
    يااحسن ، أنا من وقت هزيمتي من اللازي قلت
    أنا لا أستحقها ودفنتها أسفل المركب وبعد اللي
    شوفته منك في تدريب العصا ، قلت أنت الوحيد
    اللي تستحقها .
    حسن يحتضن منقريوس ويمسك العصا .
    ... في عيني ياعمي .


    .......
    وقف منقريوس بالمركب عند بلدة الفراسية وودعهم
    ونزل حسن ورحان وزوجته وابنه مرسال من المركب
    ومنقريوس يلوح لهم مودعا .وبدأوا رحلة السير في
    65

    ظلام موحش ،حسن يسير بهم في المقدمة وخلفه
    رحان ، سلكوا طريق ترابي بين الزراعات ، لا يخلوا
    من عواء الذئاب ونعيق الغربان . رحان محدثاً حسن
    ...نستريح هنا شوية في أي مكان ياحسن.
    ... المكان كله موحش ياعمي ، إن وجدنا مكان
    صالح نريح فيه .
    واصلوا السير ولكن وحشة مايحيط بهم صعبة
    مابين نخيل وأشجار وجناين محاطة بأسوار طينية
    تردد حسن في الوقوف لعدم صلاحية الوضع وقال
    لهم .
    ...كمان الوقت مش حيسمح ، حنحتاجوا سحور
    .... معاك حق ياحسن والمكان لا يصلح لراحة
    والمشي أفضل .
    ..الخوف يسيطر على مسعدة زوجة رحان وتمسك
    في ذيل جلبابه ومرسال يحاول أن يتونس بحسن
    .. بعد سير مضني وسط الزراعات والطرق الترابية
    69

    وصلوا للترب ، تنفس حسن الصعداء وقال لهم
    ..هانت وصلنا للترب كما حددها منقريوس،
    صاروا بين الترب والجو كئيب ومسعدة ومرسال
    يخافون القبور وكأن الأموات سوف يتخطفونهم
    ... سمعوا صوت يغني فتملك الرعب مسعدة
    ومرسال ، شعر حسن بحالتهم فطلب منهم الوقوف
    حتى يتبين مصدر الصوت ، راح يقترب من مصدر الصوت
    ... الليل الليل وغريب أبيت فين
    ...فايت على دربكم منديل طرف عيني
    ... أبكي على حبكم ولا أبكي على عيني
    بدا مصدر الصوت يقترب وكاد شبحه أن يظهر
    ...فايت على دربكم عطشان زقيتوني
    ... يازقوة الشوم يابوي ، فاضي شبكتوني
    .... الليل ، الليل وغريب ابيت فين
    ...لم يستشعر من يغني إقتراب حسن منه
    راح يكمل اغنيته .
    70

    .... الليل الليل ، وغريب ابيت فين
    ....فايت على دربكم والرز في كُمي
    .... قامت عليه الكلاب لما بعشكته مني
    الليل ، الليل ، وغريب ابيت فين .
    ..وضع حسن يده على كتف من يغني.
    ... انت بتعمل ايه هنا .؟
    ... الرعب تملك الرجل وحاول أن يهرب ولكن
    حسن أمسك به من ملابسه ، ماتخفش.
    ... انتوا انس ولاجن.
    ... انس وقولتلك متخافش ، احنا أغراب.
    ... وايه اللي جابكم هنا.
    ... احنا جاين من مركب نزلتنا في الفراسية
    وطريقنا هنا .أنت مين ..؟
    ..أنا بهلول الفحار ( تربي ، حفار) جاي بحضر
    لدفنه الصبح .
    ... تعرف بيت المقدس أرمنيوس .
    71

    بعد أن شعر رحان وزوجته بالأمان تقدموا نحو مصدر
    الصوت ، حتى وصلوا مكان حسن .
    .. ايوه أعرف بيت المقدس، بس مش حقدر اوصلكم
    هناك ، أنا حوصلكم عند أول درب الحواشي اللي ساكن
    فيه وحوصفلكم وانتوا كملوا .
    .... صار بهم بهلول ، هو من امام ومعه حسن ومن الخلف
    رحان وزوجته مسعده ومرسال .
    .. بدأ دق طبول مزعج أخاف مرسال ومسعده ،حتى أن
    مرسال ارتمي في ظهر جسن ممسكا بملابسه،شعر
    بخوفهم بهلول وهو يتظاهر أمامهم بالشجاعة
    ... ماتخافوش ده خلف الحواشي بيصحي الناس
    تتسحر.
    ..صوت الطبول مزعج كلما اقتربوا من مصدره ، وصل بهم
    بهلول إلى بداية الدرب وقال لهم.
    ... البيت اللي قبل الآخير على ايدكم الشمال هو
    بيت المقدس ارمنيوس وجرى مبتعدا عنهم .
    72

    صار الأربعة في درب الحواشي وتقابلوا في الطريق
    بخلف الحواشي المسحراتي ، يحمل طبلة كبيرة
    الحجم معلقة في رقبته ومعه صبي صغير، تفاداهم
    خلف الحواشي وواصلوا المسير إلى نهاية الدرب
    أخيراً وجدوا أنفسهم أمام البيت .هو مميز بصليب كبير
    علي الباب... طرقوا الباب .
    قام ارمنيوس من نومه مفزوعاً
    ...ياساتر يارب ، مين حيجينا دلوقت.ارتدى جلبابه سريعاً
    واتجه نحو الباب ، ولم يكن حال يشعه ومريم أقل منه فزعاً
    واتجهوا خلف ابيهم نحو الباب . فتح ارمنيوس الباب فوجدرحان امامه وخلف حسن ومسعده ومرسال .رحان محدثاً ارمنيوس .
    ... بيت المقدس ارمنيوس.
    .. ايوه ، وانا ارمنيوس.
    ...احنا ضيوف من طرف المقدس منقريوس.
    ...أهلاً وسهلاً يابني اتفضلوا .
    دخلوا وصاروا خلف ارمنيوس حتى منتصف البيت
    73

    حيث يوجد ثلاث دكك للجلوس على شكل مربع فاقد
    أحد أضلعه .
    ... اتفضلوا أهلاً وسهلاً.
    يجلس جميعهم بينما يشعه ومريم ظلتا واقفتان
    .. اعملوا شاي يابنات ولا استنوا يمكن الضيوف
    محتاجين سحور.
    ابتسم حسن من ذكاء أرمنيوس فهو يجهل عقيدتهم وأراد معرفتهم بذكاء.
    ...أنا حسن يعرفه بالعائلة وده عمي رحان وزوجتة وابنهم
    مرسال ، جينا من طرف أخيك المقدس منقريوس
    وباعتلك أمانة .
    ....يسلمه حسن كيس من النقود دي أمانة المقدس
    منقريوس .
    ... كتر خيره ، دايما فاكرنا ، يعرفه ببناته فيسبقه حسن
    .. يشعه ومريم ، كلمنا عنكم كتير المقدس منقريوس
    ينظر ليشعه ومريم .
    .. حضروا سحور للضيوف ، ( ينظر لهم ) أكيد ناويين
    74

    على الصيام .
    رحان ..ان شاء الله صايمين .
    حكى رحان قصته لأرمنيوس وأنهم من المحروسه
    و فقدوا بيتهم ومتاعهم في ثورة للأهالي وقرروا الهجرة
    للصعيد وأن سبب نزولهم سوهاج هو كان فكرة من
    منقريوس واحتفظ رحان بالتفاصيل الخاصة ،تناول
    الضيوف السحور ،ثم أخذ ارمنيوس رحان وحسن
    ومرسال لحجرة للنوم فيها ، بينما يشعة تكفلتا
    بمسعدة زوجة رحان.







    75

    ما أقسى بعض القلوب وأقبحها تلك القلوب التي
    تخلت عن إنسانيتها ، هي لاتؤمن ببداية ولا تأبه
    لنهاية، هي قلوب صماء لا تجيد سوى الكلام
    لاتعرف المسامحة وجبُلت على الأذى ، قلوبها
    يورثها الكبر الكراهية وحب الأذى، تخلت عن
    هويتها ولا تحركها سوى شهوة الشر،تعتقد في
    نفسها أنها سيف القدر المُسلط على رقاب البشر
    ...في الصباح بينما ضيوف ارمنيوس نيام ، كُريم
    وهارون وحفنة من الرجال يطرقون باب منزل
    ارمنيوس ،هو يدرك جيداً من القادم وماذا يريد
    أنهم يريدون أن يرحل هو وبناته من القرية ويتركون
    منزلهم وأرضهم ويرتحلون إلى منطقة الدير ،ارمنيوس
    يفتح لهم الباب محاولاً أن يستعطفهم بعض الأيام
    ولا يحرجانه مع ضيوفه ، يشعه ومريم في فزع
    وهلع وبكاء.
    ..اسمعني ياكريم أنا عندي ضيوف ماتكسفونيش
    76

    ادوني كمان اسبوع وأنا حدبر حالي.
    ... ولا يوم تاني ودلوقت لو ماطلعتش انت
    وبناتك حنطلعوك بالقوة ونرموكم بره البيت
    أهل القرية يعلمون نية جعفر في طرد ارمنيوس
    ورغم أنهم يعلمون أن الوقت الممنوح لارمنيوس
    عشرة أيام وباءت كل محاولاتهم في الإبقاء على
    ارمنيوس بالفشل ولكن قدوم شهر رمضان أنساهم
    أن آخر مهلة في العشرة أيام كانت صباح أول أيام
    الشهر الكريم،كريم وهارون يغلظون في القول ويعنفون
    ارمنيوس ليسرع بإخلاء داره، يشعة ومريم خرجتا تصرخان
    بأعلى صوتهما متهجمتان على كريم الذي لم يراعي
    حرمتهما ودفع كلاهما على الأرض،مرسال فقط هو
    من قام من نومه على الصوت اما الباقي فالتعب
    قد أنهكهم فراحوا في نوم عميق ، لم يشعرهم بما
    يحيط بهم من أحداث ، خرج مرسال وشاهد بعينه
    دفع يشعه ومريم من رجل غليظ الطباع وشاهد تهديده
    77
    وطلبه منه أن يخلي داره ، فذهب مسرعاً ليوقظ
    حسن ،
    .. قوم ياحسن ، فيه مصيبة بره.
    .. بعد عناء في محولة إفاقة حسن ،
    حسن
    ..فيه ايه يامرسال .
    ... فيه ناس بيتهجموا على ارمنيوس وضربوا
    بناته .
    حسن قام مفزوعاً
    ....ناس ، ناس مين .
    ... معرفهمش قوم بسرعة .
    يرتدي حسن جلبابه ويمسك عصاه ويخرج مسرعاً.
    فيجد ارمنيوس وخلفه بناته يستميتون في عدم دخول
    رجال كريم وهارون فيدخل من الأمام واضعا ً ارمنيوس
    في ظهره هو وبناته وقام بدفع رجال كريم للأمام
    .. ارمنيوس ، ايه اللي جابك ياحسن يابني.
    ...عمي خد يشعة ومريم واوقف بيهم على جنب.
    78

    أهل القرية يتابعون الموقف حتى الشيخ أدم أتى مهرولاً
    مع ابنه شحاته ، حسن نظر لهم وجد خمسة رجال ..
    وخلفهم كريم وهارون
    حسن .... ممكن أعرف أنتوا عايزين أيه .
    كريم في سخرية
    .... ممكن نعرف انت مين .
    ... تقدر تقول حسن وبس، انت مين ؟
    أحد رجال كريم لم يعجبه كلام حسن ورفع يديه
    محاولاً ضرب حسن وقائلاً..
    .... ده سيدك كريم ياابن الفرطوس.
    ..أمسك حسن بيد الرجل وكاد أن يكسرها ودفعه
    بقدمه فسقط على الأرض .
    ... الأهالي قتلتهم المفاجأة من هذا الموقف ومن
    وجود هؤلاء الغرباء ، الشيخ ادم مستفسرا من شحاته
    .. فيه ايه ياابن امك ، احكيلي بيحصل ايه.
    .. فيه واحد غريب معرفوش بيمنع رجالة كريم
    79

    من دخول البيت .
    حسن , مخاطبا كريم وهارون .
    ... قولولي عاوزين ايه.
    ... تفضوا الدار دلوقتي وإلا مش حيحصل كويس.
    ...نفضيها ليه ، هي داركم ولا داره.
    ...محدش هنا له بيوت وكل بيوت البلد بيوتنا
    نقعد فيها اللي عاوزين نقعده، ونمشي اللي
    عاوزين نمشيه .
    .... عافيه يعني ؟
    .. اعتبرها عافيه ؟
    ... زي مااخدتوا دار منقريوس
    ... ايوه زي مااخدنا دار اخوه .
    ... ولكن دار اخوه اختوها بالعصا لما خسر.
    كريم يضحك بصوت عالي هو وهارون .
    ..اه ، لكن كان نفسنا ارمنيوس يكون له في العصا
    لكن حظه أحسن من اخوه حيخرج بصحته كامله
    80

    يضحكون في سخرية .
    ... خلاص نخلي العصا هي اللي تحكم بينا.
    ... ومين بقى اللي مستغني عن عمره .
    ... تقدر تقول واحد غلبان ،أنا جاهز بالعصا
    ومن يشاء يتقدم للعب معي ، لو خسرت من واحد
    منكم ، حلال عليكم الدار وحنسيبها ليكم دلوقتي.
    .. يضحك كريم ويتجه لارمنيوس الذي نظر إلى عصا
    اخاه منقريوس التي عرفها منذ أن دخل بها حسن
    وهو يدرك قيمتها بالنسبة لأخيه ولا يهديها لأحد
    بسهولة .
    .... موافق على كلام ضيفك ياارمنيوس ، لو خسر
    حتسيبوا الدار دلوقت .
    ارمنيوس ينظر إلى حسن ويهز له حسن رأسه.
    ... موافق على كل كلام حسن والرب موجود.
    تقدم حسن إلى المنتصف بعصاه ، أهل القرية نسوا الصيام
    لم يعودوا يشعروا بالجوع والعطش ، في صمت وذهول
    81

    حتى أن بعضهم تخيل نفسه في حلم ، وراح يفرك
    عينيه حتى يتأكد أنه غير نائم ،الشيخ أدم في فضول
    غير عادي محدثا شحاته .
    .. مالك ساكت ياابن عزيزه ، فيه ايه قولي، ارمنيوس
    ترك داره .
    .. والنبي استنى يابا ، مش وقته، حبقى اقولك.

    كريم أشار لبكر للنزول لحسن للمبارزة.، تقدم بكر
    بحماس غير عادي محاولاً اثبات شجاعته لكريم
    وتقدم نحو حسن وما إن رفع عصاه بيديه ليوجه
    ضربة مفاجأة لحسن الذي تفاداها واعطاه ضربه
    عكسيه في كتفه الأيمن فسقط على ركبتيه صارخاً
    وقعت عصاه وأمسك بكتفه .
    .. الأهالي يهللون ويصفقون لحسن والغيظ يملأ
    كريم وهارون، والإبتسامة المصحوبة بدمعة فرحة
    عرفت طريقها ليشعة ومريم مع بداية شعور ببعض
    82

    الأمان ، الشيخ ادم يسمع ضجيجا حوله وكلام
    عن حسن وضربة بكر،
    .. فيه ايه ياابن عزيزه، حاسس ان الناس مبسوطه.
    .. حسن ضرب بكر ، رجل كريم .
    ... حسن مين ياابن امك .
    ... الراجل الغريب اللي عند المقدس يابا.
    ... سبحان الله في كرمه وكرم شهره الكريم
    يظهر أنه ارسل ملاً لنجدة المقدس.
    .... استنى يابا خلينا نشوف حيعمل ايه مع التاني
    طلب كمان داخل غليه بعصايته .
    تقدم طلب نحو حسن وهجم على حسن ولكن حسن
    صد ضرباته وسرعان ماضرب طلب ضربة في صدره
    قبل أن ينزل عليه بعصاه ، فسقط طلب على الأرض
    كريم وهارون بدأ يتسرب لهما القلق والتوتر وحسن
    بدأ ينظر لهم كأنه يطلب أحدهما .
    ... مابدهاش ياهارون، لازم واحد فين ينزل يأدب
    83

    الواد ده ..؟
    ... انزله انا ..؟
    ... لا خليك ،أنا اللي حنزله .
    تقدم كريم في اتجاه حسن والصمت يطبق على كل الوقوف
    من الأهالي ، في حالة ترقب ، هم يدركون قوة كريم
    وانه بمقدوره ضرب اكثر من رجل ولم يسبق أن هزمه
    أحد سوى اللزي فهو أقواهم، الشيخ ادم لشحاته.
    ... مش سامع صريخ طفل ابن يومين، فيه ايه ياواد
    ياشحاته ..؟
    ... استنى يابا، كريم هو اللي داخل بعصايته.
    .. بنا على المفتري، اسمع ياواد ياشحاته
    اوصفلي كل اللي حيحصل وانا اوعدك ، اخدك على
    دكان عبداللاه عوض واجيبلك ملبن وحلاوة.
    ... بتتكلم جد يابا .
    ... جد الجد وحياة أمك عزيزة .
    ... ماشي يابا .

      الوقت/التاريخ الآن هو الثلاثاء يناير 22, 2019 4:47 am