منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
ليلة في حضن الجبل 3 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
ليلة في حضن الجبل 3 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
ليلة في حضن الجبل 3 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
ليلة في حضن الجبل 3 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
ليلة في حضن الجبل 3 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
ليلة في حضن الجبل 3 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
ليلة في حضن الجبل 3 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
ليلة في حضن الجبل 3 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
ليلة في حضن الجبل 3 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    ليلة في حضن الجبل 3

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    ليلة في حضن الجبل 3 Empty ليلة في حضن الجبل 3

    مُساهمة من طرف سميرحمايه الأحد يناير 13, 2019 9:44 pm

    ....ايوه يابا.
    .... وانت شايفه صحة حسن تتحمل.
    ماخفتيش عليه.
    .... سامحني يابا ،أنا مقدرتش اشوف
    بهدلة ليله واقف ساكته.
    ....وانت حتصلحي الكون يايشعه.
    ..... سامحني يابا ، أنا غلطانه.










    72
    19_ البحث عن ليلة.
    اذا اتفق الطغاة نهبوا الوطن وإن إختلفوا أحرقوه وإن صمتوا ملوه بالخيانة وباعوه، هل نحن في حاجة إلى علاج ... هل تم إصابتنا بفيرس للهلوسة وعدم القدرة على التفكير والشعور بالإستسلام والخمول لقدر تخيلوا أنهم فرضوه علينا . رغم أن المشيئة لله.

    ........
    رجال اللزي دخلوا كل بيوت البلدة وخربوها وهم
    يبحثون عن ليلة ، وصلوا دار الشيخ أدم ، طرقوا الباب
    بعنف ، الشيخ أدم أدرك أنهم رجال اللزي حضروا بحثا
    عن ليلة . لم يترك شحاته يفتح الباب وفتح الباب بنفسه
    ..... ماهذا الخبيط ؟
    طلب
    ....ماشفتش ليله .
    ....لا شفت ليله ولا نهاره واتكلوا على
    الله يافروخ اللزي .
    ... يبقى تسيبنا نفتش الدار.
    .... هي بيوت الشيوخ بتتفتش يافروخ
    73
    الدجاج ، ياخنازير.
    طلب يدفع الشيخ أدم ويدخل إلى الداخل وخلفه
    حفنة من الرجال ، يفتشون الدار ولا يجدون شيئاً
    بكر معتذراً للشيخ أدم
    ... معلش يامولانا ، اوعي تكون زعلت.
    .... مش إنتهيتوا من التفتيش .
    انسحبوا ياخنازير.










    74
    20_حجرة لواحظ
    الحب .. هو ذلك الشعور الخفي، الذي يتجول في كل مكان ويطوف الدنيا بحثاً عن فرصته المنتظرة ليداعب الإحساس .. ويسحر الأعين ليتسلل بهدوء ويستقر في غفلة من العقل..
    ورغماً عنك ،داخل تجاويف القلب .... ليمتلك الروح والوجدان ليسيطر على كل كيان الإنسان.... ..
    ... هو ذلك الشعور الذي يتملك الإنسان في داخله
    ويطوف به العالم حيث يشاء بأفراحه وأحزانه
    يتجول كل مكان فوق زبد البحر يمشي دون أن يغوص في أعماقه...
    ...هو ذلك الوباء اللذيذ المعدي الذي يصيب جميع الكائنات بدون إستثناء.
    الأجداث المتلاحقة ، جعلت لواحظ في حالة ترقب وصول
    حليمه وما إن وصلت حتى طارت بها إلى حجرتها.
    ...تفتكري ليله تكون راحت فين..؟
    ...علمي علمك ياستي ، فيه اللي بيقول
    رمت نفسها في الترعه ،وفيه اللي بيقول
    طفشت ،لكن انا سمعت الواد سلوتي
    بيصرخ في الدرب بيقول
    ....سديري مات وليله اخدها السبع وطار.
    75
    ... سبع ، سبع أيه ، يقصد وحش.
    ...لا وحش ايه ، اكيد يقصد بني أدم
    مفيش غير حسن اللي ممكن يعمل كده.
    ... أنت بتقولي أيه ، حسن مش هج ومشي
    ... اللي بيحصل ده وراه حد زي حسن.
    ... يعني حسن ماهجش كده وموجود
    وأكيد في الجبل.
    يافرحتك يالواحظ.
    هي لازلت تنتظر صوت العصفور الأتي من المدى البعيد وتحلم أن يخترق خفافيش الظلام، أحلامها به عذراء كطفل وليد وشقاء و عذاب لا يحتمل المزيد، قمة الألم أن تشتاق لمن لن تراه وصعب أن تجد له بديلا وتعلم أنه لن يتكرر .
    هي كانت تنتظره على محطة الشوق .تترقب حافلة الأمل رغم هبوب العاصفة . . .
    ... بتقولي أيه ياستي.
    فرحه غيرعاديه ظهرت على لواحظ..
    ...بقول أنت أحلى حليمه في الدنيا كلها
    ياه نفسي اشوفه ياربي ..؟
    ... تشوفي مين ياستي ..؟
    76
    ... بقول يعني محدش شاف حسن ..؟
    .... لا محدش شافه ، كله كلام .
    ... وسديري فين ، بيقولوا وقع ميت.
    وجثته اختفت.
    . والنبي دي كمان تلاقي حسن وراها.
    .... ليه هو مين حسن .
    مايكنش ابوزيد الهلالي.
    .... الناس شايفين في حسن أكتر من كده،
    بيستنوا أخباره زي اللي مستني عياله
    يبعتوله جواب من الغربه.
    .... وانا مستنياه أكتر منهم، نفسي أشوفه .
    أملي عيني منه .
    .... بتقولي أيه ياستي .
    ....حليمه أنا عاوزه اشوف حسن ده ، انا
    رسماله صوره حلوه جوايه ، ياريت يكون
    زي منا رسماه .
    .... بس إحنا مش عارفين الكلام صح ولا
    77
    غلط، موجود ولا هج من البلد.
    ... أكيد يشعه عارفه كل حاجه .
    أنا عاوزه اشوفها.
    ... وانت حتشوفيها إزاي ياست لواحظ
    ومش حتقدر تجيلك هنا.
    ... أشوفها في أي حته ، ومش مهم إزاي.
    ... أنت وقعتي ياستي وعشقتي حسن.
    ...مش عارفه ، ولكن بفرح بإسمه،
    بسيرته
    ...أبوكي لو عرف حيدفنك بالحيا.
    ... مش مهم أي حاجه ، ومش خايفه
    من حاجه ،المهم شوفيلي طريقه اقابل
    بيها يشعه .
    ... أنا عندي طريقه تشوفيها بيها.
    ...عندك وساكته ، قولي ياحليمه
    قولي بسرعه .
    ... يوم الخميس اللي جاي ، كل الحريم
    78
    حيروحوا يتقابلوا في الجبل ، وانا حجيب
    يشعه واخدها معايه.
    .... والنسوان بيعملوا أيه في الجبل .
    .... بيطلعوا مع بعض ، كل واحده شايله
    بلاص مليانه ميه ، ويطلعوا مع بعض جماعة
    يغنوا ويهيصوا ويتنضفوا هناك.
    ينضفوا نفسهم، وينضفوا كل حته في جسمهم
    ولما يرجعوا البيت ، كل واحده
    تكون جهزت نفسها لراجلها.
    ... والبنات بيروحوا ليه.
    ... علشان يتعلموا ويتودكوا على كده .
    ....انا حاجي معاكم حتى لو أبويه موافقش.







    79

    21_ داخل المغارة
    حديث الدمع قاتل وتسكت أمامه كل الأبجاديات
    عندما يتحدث الدمع ، يصمت كل شئ، تصمت الشمس
    فقط يتحدث السكون ، ليله تدور حول نفسها ، تبحث
    عن متنفس ، تود لو تصرخ بأعلى صوتها آه...
    لا يوجد أصدق من حديث الدمع، رحان وحسن ومسعده
    ومرسال ينظرون لها في شفقة على حالها، لم يتبقى
    لها حلم تعانقه
    مسعده
    إستهدي بالله يابنتي.
    ليله
    .....الجرح كبير ياخاله، محدش حيحس بالنار اللي.
    جوايه
    تبكي بحرقة
    80
    ... نار موت جوزي ، ونار أبويه ونار أخويه.
    ..هي المحبوسة بسبب حلم ،حكمت عليها
    محكمة الوجع ، ويبقى الأمل حبيسا في سجن الأحلام المرهقة ...وطقساً نمارسه في محراب الوجع ونخشى أن نبوح به فتتخطفنا أشباح الظلام، .
    رحان
    ...بكره ربنا حيطمنا ، فيه حاجات مش فاهمينها
    جثة سديري وبيقولوا مش موجوده ، وكمان..
    لما اتحرق البيت مالقيوش أثر لابوكي واخوكي.
    .... أكيد اللزي اتخلص منهم ومن جثة سديري.
    حسن
    .....مفيش قدامنا غير الإنتظار ياليله.
    ماتحسسنيش بالذنب .
    أنا كنت بساعدك مش أكتر.
    ..... أنت مالكش ذنب ياحسن ، ومنه لله البعيد.
    ربنا ينتقم منه .
    حسن
    ... يعني لو كنت موجودة في البلد واللزي
    81

    ضرب سديري ،كنت حتوافقي على اللزي
    علشان ابوكي واخوكي يعيشوا .
    ... مش عارفه ياحسن وقتها كنت حعمل ايه.
    حاولتاعمل انا حاجه وانزع الخوف من أهل البلد.
    .... انت أشجع من رجاله كتير في البلد ياليله.













    82

    22_ منطقة نخيل
    قلوب وملاها العفن،وبلد السكن فيها كفن ..ووطن الظلم فيه كل ثانية بينولد...والحق مصلوب بيتجلد،الحمداني
    وحمدان لا يسألان عن الغد ويعتبرانه الأسوأ، لغياب
    العدالة وحبس الضمير.

    حمدان يتنقل بأبيه من مكان لمكان متخفياً داخل
    الحقول ،ضجيج الصمت يطحن عظامهما،ماذا فعلوا
    لينالوا هذا العقاب البائس ،يدخلون من ألم لألم
    بلا راحة ، من لا يعرف الجروح، لا يشعر بها ويسخر
    منها،زلات البشر عندما تزيد عن المعقول تتحول
    بها الحياة لغابة يفترس فيها القوي الضعيف،المرء
    قد ينسى الأسى ولكن تظل الإساءة عالقة داخله
    لاتتزحزح، مستقبل مجهول وفي حكم العدم، يعيشان
    طريدان ، لليس هناك سفينة يسبحون في اتجاهها
    83
    ولا حتى قطار إنتظار ليوم أفضل، تُبعثرهما الريح
    من مكان لمكان .
    الحمداني ملقى على الأرض بأوجاعه، ويدخل إليه حمدان
    حاملاً بعض أعواد الملوخية ونبات الرجله ، فشل في إحضار
    الفاكهة .
    ... معلش يابا ، مالقتش قدامي غير
    ملوخيه خضراء وشوية رجله ،أهي
    حاجه تنفع تسد بيها جوعك.
    ....أكل أيه ياحمدان ياابني وفين النفس
    اللي تاكل ، كل حاجه ضاعت، ليله بنتي
    وسديري إبن أخويه ، حتى الدار اللي كانت
    مآويانا إتحرقت ، بقينا مطاريد ولا، اللي عملين
    عمله وهربوا بيها.
    ... ماتفكرش في حاجه دلوقت يابا
    أهم حاجة تقوملنا بالسلامة، وكل حاجه
    حتتصلح إن شاء الله .
    ... اللي إنكسر مابيتصلحش ياحمدان.
    84
    .... يابا أنت اللي بتقول كده ،أنت
    طول عمرك ،بتصبرني ،وإيمانك بالله قوي
    ماتضعفش يابا ، خليني قوي بيك.
    ربنا كبير والظلم مهما طالت أيامه له نهايه
    ... كل يابا ، علشان أنا كمان أكل.
    يتناول الحمداني بعض نبات الرجله
    .... ياترى انت فين ياليله .
    ... أنت قوم بالسلامه وندور عليها مع بعض.

    ........







    85
    23_في المغاره
    عندما تعشق إنسانا تمارس دور الإشتياق مع
    الكثير، تشتاق للأماكن، للحروف، تشتاق لبعض
    الأحاسيس، الجميع نائمون وحسن خارج المغارة
    هي وحدها ليله تمارس هواية السهر، هي هواية
    كل عاشق ، ففيه قد يكون فرح وكثيره حزن.
    الفكر دائما يحارب النوم ويطرده ويغنينا عنه.
    ليله تعيد شريط الذكريات.تتذكر كلمات سديري
    .... ماتعيطيش ياليله،بلاش دموعك دي
    بكره حغلب اللزي ويجمعنا بيت واحد
    .... انا خايفه عليك ياسديري
    .... متخافيش عليه ، أنا رايدك
    وعشانك مش اضرب اللزي
    عشانك أهد جبال .
    تبكي ليله بحرقة وشلال هادر من الدموع يُغرق وجهها.

    .........
    86
    24_ دار الشيخ أدم
    في الحب حياة ومناجاه،قلوبنا تعيش لأن هناك من
    نحبه، نفرح معه ، نبكي معه ،نضحي من أجله
    ونموت من أجله، قلوبنا تعيش لأنها ترى الأمل
    وراء الجبل وترى القمر قادم والليل راحل.
    ...كأنهما على موعد بلقاء روحي، سديري يجلس
    على الطبلية يتناول الطعام مع الشيخ أدم وإبنه
    شحاته ، يداعب شريط الذكريات وكأنه يرد على ليله.
    .....إبقى خلي بالك ياسديري على نفسك..
    علشان تجيلي بالسلامه .
    .... حاجي واخدك واطير بيك على .
    .... لا أنا عاوزه حصان يجري بينا في الجبل
    وعلى الجسر ، بعيد عن كل الناس وننزلوا
    في حته مافيهاش بشر.
    .....ونخلفوا عيال كتيرة ونعملوا عيلة كبيرة
    عيلة السدايرة.
    يتذكرها وهي تضحك، يقطع خياله الشيخ أدم
    87
    .... أيه رأيك ياسديري في فطير خالتك عزيزه.
    .... تسلم إيديها ، قولي يامولانا هو عمي ماجاش
    يطل عليه ليه ، لا هو ولا حمدان .
    ..... شد حيلك بس أنت وماتفكرش في حاجه
    دلوقت .
    عزيزة
    ماتقوله ياأدم ، سديري لازم يعرف كل حاجه.
    .... اسكتي أنت ياوش المصايب وروحي إعملي لينا
    كوبايتين شاي .
    .... ماهو لازم يعرف، أنت بتخبي عليه ليه؟
    .... ياوليه يابوز الإخص روحي إعملي الشاي.
    ..... فيه أيه ياعمي .
    ... مفيش حاجه ياإبني، خالتك عزيزه كبرت وخرفت.
    عزيزة غاضبة على من كلام الشيخ أدم
    .... أنا كبرت وخرفت ياراجل يادون،طيب والله
    لا اقوله أنا كل حاجه ..؟
    عمك وإبن عمك اللزي
    88
    حرقلهم البيت وماحدش يعرف عنهم حاجه.
    .....الله يخرب بيتك ياعزيزه، بهيمه من فصيلة
    البقر.
    .... الكلام ده صح ياشيخ أدم.
    .... أيوه صح ياإبني .
    .... وليله ياعمي .
    ... والله يابني أنا كرهت الليالي.
    ...مش فاهم ياشيخ ادم .
    .... بيقولوا إن اللزي لما ضربك وراح
    مع عمك ياخدها من الدار مالقيوهاش
    ومحدش يعرف هي فين ، وعلشان
    كده ، اللزي اتجن وحرق البيت بعمك
    وإبن عمك والظاهر طلعوا من الحريقه
    مابنش اثر ليهم بعد ماطفى الحريق.
    سديري يصرخ
    ... لا ، لا ، حرام .


    89

    25_ مضيفة جعفر
    القلب الشرير ، لا يرى الجنه ، ولا يعرفها، هو
    يعتقد في الجحيم ، هو أرض مقفرة و وقاحلة
    تلونت تُربتها بالقسوة ، لم تتعلم من الخضرة
    شيئاً وترتضي باللون الأخضر، هي تأملت الجبال
    وتعلمت من الحجر كيف تتحجر.
    قوى الشر تتجمع للخراب ، بشر تخلوا عن
    هويتهم، عمتهم القوة، وغرتهم أنفسهم ووضعوا
    سيوفهم على رقاب البشر. كل فرعون خلية من السحرة مهمتها إغتصاب عقول الناس.
    ........
    جعفر وهارون واللزي يجلسون جلسة حساب
    وعتاب ، ترقب وحذر .
    جعفر
    ... أنت كفاياك ليله والرمح وراها يالزي.
    ... وهي فين ..؟ ياريت أعرف طريقها.
    90

    جعفر يُعنف اللزي .
    .....ولا حتعرف ليها طريق ، أنت بتشتغل بإيدك
    مش بدماغك ، لم الدور وعاوزين نفوق لمصالحنا.
    هارون
    .... كلام جنابك صح .
    واللزي العشق عماه
    اديك ضربت سديري،
    وحرقت دار الحمداني وإبنه
    وبرضوا ماطُلتهاش .
    .....كفايه ياهارون ، أنا عارفك ، عاوز ميته
    وتشبع فيها لطم .
    .... هارون مغلطش يالزي ، وأنت بتلطش
    ومش عارف بتعمل أيه .
    ....اه وربنا ،اللزي بيلطش .
    حتى انا بمشي وراه اعمى،
    .... تقدروا تقولولي جثة سديري اللي
    91
    انضرب فين ؟، تقدر تقولي يالزي الحمداني
    وإبنه اللي حرقت بيهم الدار ومالقيتوش
    أثر ليهم، فين .؟
    هارون
    ... جنابك معاك حق ، وليله كمان فين ؟
    اللزي
    ... تقصدوا أيه ؟
    هارون
    فيه حاجات مش فاهمينها ؟ ودي وراها حاجات
    كبيرة .
    .....معناها أيه ، فهموني.
    ... معناها أنه فيه حد بيلعب من ورانا.
    يلتفت لجعفر
    ... صح جنابك
    ...صح ياهارون
    اللزي
    ... حد مين اللي يلعب من ورايا
    92
    انا ححرق البلد باللي فيها.
    جعفر
    أنت قلبت البلد كلها وماوصلتش
    لحاجة، أهل البلد بيخافوا ، لكن فيه
    حد غريب بيلعب بيك وبينا .












    93

    ........
    26_ حجرة لواحظ
    ستظل المرأة النصف الجميل في الحياة سواء كانت
    ظالمة أو مظلومة ، طيبة أم قاسية ،صادقة أم كاذبة
    والبعض الآخر يقول المرأة هي كل الحياة وليس النصف
    فقط لأنها من تلد وتُنجب النصف الآخر،عندما تسمو عاطفة
    الحب لديها تُصبح حناناً وحنين ، هي جوهرة الطبيعة
    الخالدة . بعثرت كل الأمانيات وأرسلتها للسماء وكتبت في كل أمنية أنت ثم أنت ولا أحد سواك ياحسن ، .
    لواحظ إمرأة ظلمتها الظروف ، منذ وفاة أمها ووهي
    تقاسي ، تربت في حضن بيت قاسي لا يعرف
    الرجمة ، هي الزهرة التي نمت وسط أشواك.
    بمفردها في حجرتها ، تُحدث نفسها وكأنها بشخصيتين
    لواحظ بنت العقل الباطن ولواحظ بنت الحياة.لواحظ الأنثى
    ولواحظ التي تعيش بجسد ميت، لاترى سوى أشباح
    حتى أتى حسن إلى القرية ، بدأت تتنفس بكلا رئتيها
    بعد أن كانت في عدم.
    94


    .... وبعدين يالواحظ ، حتفضلي تفكري في
    واحد مش حاسس بيك .
    حتعيشي في حلم .
    ممكن يتحول لكابوس.
    أنت غاويه تعذبي نفسك،
    .... طيب وأنا أعمل أيه ؟
    أنا عايشه بين أربع حطان .
    حتسكتري عليه أحلم .
    ... حتاخدي منه أيه أنت .
    ...مش عاوزه منه حاجه
    كفايه أفكر فيه في خيالي.
    .... غاوية تعب طول عمرك.
    .... علشان كده اخترت أعيش في حلم.
    كفايه انه منسيني همي
    وواخدني وطاير ، طاير فوق ، بعيد.
    95
    .... يعني أنت شايفه نفسك مرتاحه كده.
    ...أيوه ، كفايه إني أشوفه بقلبي
    وأمسك إيديه بإحساسي، أحضنه بشوقي.














    96

    27_ أمام المغارة.
    حسن من هذا النوع من الرجال ، لطيف ولين
    مع الناس ، هو يدرك أن الرفق واللين زينة الرجل
    لا يُلقي مقالاً جارحاً ولو مازحاً، وجه بشوش
    لا تفارقه الإبتسامه ، لا يتكبر ولا يستكبر
    عن الصفح والإعتذار، لم يكن من هذا النوع
    اللحوح اللجوج ، ثقيل الدم والظلال ،عديم الشعور
    كثير المقال ، هو إنسان تجده في كل موقف
    خدوم يدرك أن خدمة الإخوان من خير الفعال
    .....
    حسن واقفاً مع مرسال امام المغارة .
    ... أنا حنزل البلد يامرسال .
    ... إزاي ياحسن ؟
    ... زي مانزلت أنت قبل كده .
    ... حتلبس بناعت ودع !
    ... ايوه وأدخل دار ارمنيوس .
    97
    ... بس رجالة اللزي ، ماليين البلد.
    أنت ماشفتش كانوا بيعاكسوني
    إزاي ، كويس إن شكلي ماعجبهمش
    لو كنت حلو شويه كنت إنكشفت .
    حسن يضحك .
    ... ماتخفش أنا حنزل الصبح وأنت راقب
    من بعيد .
    ... ربنا يستر ، هربنا من المر لقينا الآمر منه.
    هو إحنا حظنا نيله ليه، ومالقيناش غير البلد
    دي نقعد فيها .
    ... وهو إحنا لقينا غيرها وماروحناش يامرسال.
    ... على رأيك بنرضى بالهم والهم مش بيرضى
    بينا .




    98
    28_ إمرأة الودع


    هل الحياة تستحق ..نحن نعشقها وقلبها بارد وجاف ...نعطيها ولن تحافظ علينا .نحدثها ولم ترد يوما علينا ...نجري خلفها ولم يصلها أحد فينا ....نموت فيها ولن تبكي على أحد يوما ...فلماذا هذا السباق الفاشل نحوها
    نحتاج أن نمر بسلام روحي في الدنيا حتى لا تتعثر خطواتنا في الآخرة
    ......... .
    حسن تنكر في زي إمرأة تضرب الودع، من كان
    يمتهن تلك المهنة نوعية معينة يُقال عنهم
    حلب ولا أحد يعلم منهم لماذا كلمة حلب ، يسير
    في الدرب ويري رجال اللزي مُبعثرين في كل
    مكان .
    ... أضرب الودع وأبين زين .
    .. وأشوف بخت الصبية فين
    ... تعالي يامليحه وشوشي الودع
    ... أشوفلك سكتك وأقولك ع الجدع
    99

    يقترب حسن من بكر وطلب رجلا اللزي
    ... أضرب الودع وأبين زين .
    .. وأشوف بخت الصبية فين
    ... تعالي يامليحه وشوشي الودع
    ... أشوفلك سكتك وأقولك ع الجدع

    بكر يستوقفه .
    ... إستني ياوليه أنت ؟
    طلب معترضاً
    .... ماإحنا شفناها قبل كده ياحمار
    دي وحشه وفقريه.
    .... بس التانيه كانت قصيره شويه .
    ... الظاهر أنت إحوليت ، هي ،هي
    نفس الخلقه .
    يدخل هارون محدثاً طلب وبكر.
    .... بتعملوا ايه هنا، عمالين تعاكسوا
    100
    الرايحه واللي جايه .
    ينظر لحس الذي بدأ عليه التروتر
    حاول أن يكون هادئاً.
    غوري ياحلبيه أنت.
    حسن
    ... خلاص أنا ماشيه ، مش عاوز
    انت ياراجل ياحليوه تشوف الودع
    ... ولا عاوز أشوف وشك ياحلبيه
    غوري من هنا .
    ... انا حلبيه ، دنا الحسن نفسه.
    ... بقولك غوري من هنا .
    .........
    يسير حسن عبر الدرب وهو ينادي بالودع
    حتى وصل لدار ارمنيوس .يطرق الباب
    تفتح يشعه .
    ... أيوه ياخاله .
    ... مش عاوزه تشوفي الودع يابنتي.
    101
    ... ودع أيه ياخاله، مش عاوزه أشوف حاجه.
    ... أضربلك الودع زين واقولك حسن مستخبي
    فين .
    يشعه في دهشه وتعجب
    ... حسن ، حسن مين .؟
    ... انا حسن يايشعه .
    يشعه تضحك
    ... حسن ، ادخل بسرعه.
    يدخل حسن وتغلق يشعه الباب ويجلس
    على أقرب دكة .
    .... إزاي تخاطر بنفسك كده ياحسن .
    صوت ارمنيوس من الداخل
    .... مين يايشعه..؟
    يشعه تقترب منه في الداخل
    ....ده حسن يابا .
    يخرج ارمنيوس من حجرته نحو حسن
    ...حسن ؟... إزيك ياحسن ياابني .

      الوقت/التاريخ الآن هو الثلاثاء مارس 19, 2024 12:14 pm