منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
 ليلة في حضن الجبل 4 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
 ليلة في حضن الجبل 4 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
 ليلة في حضن الجبل 4 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
 ليلة في حضن الجبل 4 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
 ليلة في حضن الجبل 4 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 ليلة في حضن الجبل 4 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 ليلة في حضن الجبل 4 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 ليلة في حضن الجبل 4 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 ليلة في حضن الجبل 4 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    ليلة في حضن الجبل 4

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

     ليلة في حضن الجبل 4 Empty ليلة في حضن الجبل 4

    مُساهمة من طرف سميرحمايه الأحد يناير 13, 2019 9:45 pm


    .... زي ماأنت شايف ياعمي .
    .... يابني نزولك فيه خطر عليك.
    ... ربنا هو الحافظ ياعمي
    يشعه
    ...أحضرلك لقمه تاكلها ياحسن...
    ... لا مفيش نفس ولا وقت
    انتوا عاملين أيه وأخبار البلد أيه.
    .... مفيش جديد ، أهل البلد قافلين
    على نفسهم وجعفر واللزي ورجالتهم
    طايحين في البلد، وسديري ربنا نجاه
    من ضربة اللزي .
    حسن وهو بين الدهشة والفرحة
    ... بتقولي ايه ؟ سديري ، سديري عايش.
    ارمنيوس
    ... أيوه ياابني ومستخبي في دار الشيخ أدم
    حسن يتذكر ليله
    103
    .... يافرحتك ياليله .
    ...مسكينه البت دي مالهاش حظ.
    ... دي حالتها تصعب على الكافر ياعمي.
    وأبوها وأخوها فين ياعمي.
    ... اللزي حرق بيهم الدار.
    ... انا شفت الحريقه من عند المغارة
    وحسيت إنها في بيت الحمداني.
    ... لكن ياابني مفيش أثر ليهم.
    .... يعني ممكن يكونوا عايشين .
    ...أكيد ياابني لو إتحرقوا كان عضمهم بان.
    ... يعني سديري صحته كويسه .
    ... أحسن كتير يابني والورم خف وبيقدر
    يتحرك .
    ... أنا حهرب سديري للجبل ياعمي .
    ... حتهربه إزاي يابني ، رجالة اللزي
    محاوطين البلد من كل حته، وبعدين
    كده خطر عليك .
    104
    ....ربنا يسترها إن شاء الله، بس
    اوصفلي دار الشيخ أدم فين ، علشان
    لما أنزل ، أنزل عليه طوالي.
    ... داره ماتتوهش ، أول الدرب ، البيت
    اللي قدامه الجميزة الكبيرة .
    ... كويس ، عرفته .
    تدخل يشعه حامله صينية الشاي.
    ...الشاي يابا ، اتفضل ياحسن .
    ... كتر خيرك يايشعه ، مالوش لازمه
    لازم امشي .
    ارمنيوس
    ... وحتنزل إمتى تهرب سديري.
    ... لسه حفكر في طريقه ياعمي.
    يشعه
    ....عفارم عليك ياحسن ، أنت إبن حلال
    أنا حقولك تنزل امتى..؟
    ارمنيوس معترضاً.
    105
    ... وانت مالك ومال الكلام ده يايشعه .
    ... معلش يابا ، أنا سمعتكم غصب عني
    وكمان خايفه على حسن .
    ... معلش ياعمي ، سيبها تتكلم.
    ....يوم الخميس الجاي ، النسوان والبنات
    حيطلعوا الكوله عند الشيخه خضرة يغتسلوا
    تقدر تنزل في اليوم ده.
    ولما يطلعوا ع الجبل
    اطلع معاهم .
    ... صح كده يايشعه ، أنت وفرتي عليه وقت
    كتير ، حقوم أمشي دلوقت.
    حسن يقف مستعداً للمغادرة
    ارمنيوس
    ... طيب كمل كوباية الشاي يابني.
    ... معلش ياعمي ، مفيش وقت.
    يضع الطرحه على رأسه مغطياً بها
    وجهه ويضع الغلق على رأسه ويخرج.

    106

    29_ داخل المغارة
    الوقت ليل ،عشاق الليل يتقاسمونه بأشواق .
    مختلفة ،فيهم من يتلذذ بساعاته الطوال ، وفيهم.
    من يبكي وجعاً أو ذنباً وفيهم من يجد فيه ملهاة
    لنفسه،الوجع والشوق يهزان مضاجع النوام،
    قلوب قليله التي تستفيق فيه لتُطهر نفسها
    في الليل يغسل الدمع بعض صفحات القلوب
    ليله ومسعده داخل المغارة في ضوء خافت
    تقترب مسعده من ليله .
    ... يابنتي كفايه حزن ، الحزن مش بيرجع
    اللي بيروح .
    ... اللي راح عمره ماحيرجع ياخاله، معلش
    أنا تقلت عليكم، وكمان منكده عيشتكم .
    ... ماتقوليش كده يابنتي ، انت نورتيني
    كنت قاعده لوجدي زي قرد قطع،بحس
    107
    إنك بنتي وقلبي إرتاحلك .
    .... وانتوا بقيتم كل أهلي ياخاله
    ومش عارفه لولاكم ، كان حصلي أيه ؟
    ... ربنا كبير وهو اللي بيدبر كل حاجه.
    ... معاكي حق ياخاله .
    ... اللي يعرف ربنا ويصبر ماينضمش
    طول عمره .
    .... وأنا صابره ياخاله ومفيش قدامي
    غير الصبر، حسن إتأخر قوي ياخاله
    هو كان لازم ينزل البلد.
    ... هو كده حسن ، لو صمم على حاجه
    بيعملها مهما كانت صعبه.
    ... ربنا يحفظه ويرجع بالسلامه .
    .............



    108
    30 خارج المغاره
    الليل خارج المغارة بلون آخر، مرسال ورحان تتجافي عيونهم
    عن النوم، أكفهما تجتمع إلحاحا في الدعاء، ألسنتهم تُتمتم
    بالدعاء ، لا يخشون عواء الذئاب ولا ضباح الثعالب
    حتى ضغيب الأرانب البشرية لم يهتموا به، لو
    كان الوقت نهاراً لطاردوا تلك الارانب .
    ... حسن اتأخر قوي يامرسال .
    ... ماتخفش عليه يابا ، حسن عفريت
    محدش يعرف يمسكه .
    ... الشر هنا كبير يابني وناسه ديابه
    سعرانه مابترحمش .
    ... يابا ماتقلقش ، تلاقي المقدس عزم
    عليه بالعشا هو وبناته أنت عارف بيبحوا
    حسن أد أيه ، وهو رحرح فيها شويه.
    ... ياريت الواحد كان بصحته..؟
    ....كنت عملت أيه يابا ؟
    ...ماكنتش سبته ورجلي على رجليه
    109
    في كل حته .
    مرسال يلمح شبح حسن قادم.
    ... أهو جاي من هناك يابا ، شايفه.
    ... مش شايف حاجه ياابني .
    يقترب منهم حسن ورحان يتهلل وجهه بالبشاشة
    .... الحمد لله ، أهو وصل .
    ... مش بقولك يابا ، ده بسبع أرواح .
    .... كده توغوشنا عليك ياحسن .
    .. معلش ياعمي ، رجالة اللزي في كل
    حته وماكنتش عارف أطلع ناحية الجبل
    وألفت نظرهم.
    ... حمدالله بسلامتك.
    ... الله يسلمك عمي ، ليله عامله ايه.
    ...كويسه .
    ... بينا على جوه ، انا عندي ليها اخبار حلوه.


    110

    .............
    يدخل حسن لداخل المغارة ويتبعه رحان ومرسال
    يلقي التحيه لمسعده
    .... إزيك ياخاله .
    ... أهلاً حسن ، حمدالله بسلامتك.
    حسن يتجه بنظره نحو ليله وهويبتسم.
    .. إزيك ياليله ؟
    ... أهلا حسن ، قلقنا عليك.
    .... أنا جايبلك أخبار حلوه.
    ليله بفرحه ودهشة.
    .... أيه ،شفت أبويه ،وأخويه .
    ... أبوكي وأخوكي بخير ،سديري ياليله.
    ...سديري ليه بتجلب مواجعي.
    .... سديري عايش ياليله .
    تقف والدهشه والفضول على وجهها، تقترب من حسن
    ... انت واعي للي بتقوله ياحسن .
    111

    .... بقولك عايش وكمان صحته كويسه.
    حالة هستيريا أصابت ليله
    ... أنت بتقول سديري عايش.
    .... أيوه ومستخبي عند الشيخ أدم.
    إفتربت بتلقائية نحو حسن وحضنته
    ... أنت بتتكلم جد مش كده ،مابتضحكش
    عليه صح .
    ... أيوه ياليله وحضحك عليك ليه..؟
    تصرخ ليله وهي تحتضن حسن
    مرة آخرى .
    ... يعني سديري عايش ، ربنا يخليك
    تشعر بخجل من إحتضانها لحسن
    ... أنا أسفه ياحسن ، غصب عني.
    مسعده
    .....حسن زي أخوكي ، مافيهاش حاجه
    تنظر ليله لحسن.
    112
    ... حسن أحسن اخ في الدنيا ياخاله
    يمكن في غلاوة حمدان واكتر.
    تعود وتسأل حسن
    .... معرفتش حاجه عن أبويه وأخويه.
    .... إستني عليه أرتاح ياليله واخد نفسي.
    رحان
    .... اقعد ياحسن إرتاح ، يومك كان طويل وصعب.
    يجلس حسن ويرتاح قليلاً.
    ...أبوكي وأخوكي أكيد عايشين ياليله.
    ... يعني أنت شايف كده .
    .... أيوه لم طفت النار مالقوش ليهم أثر
    في البيت .
    ... وتفتكر حيروحوا فين.
    .... تلاقيهم مستخبيين في أي حته
    في غيط ولا الجبل ، الله أعلم بيهم فين
    بس الأكيد عايشين .علشان اللزي ورجاله
    بيدوروا عليهم ، لو اتخلصوا منهم ، مش
    113
    حيدوروا عليهم.
    رحان يلتفت نحو ليله .
    ... شوفتي ربنا كبير إزاي ياليله ، أهو قلب
    حالنا من حزن لفرح .
    يلتفت نحو حسن .
    ....عاوز أقولك حاجه ياحسن يابني.
    .... قول ياعمي ، يمكن تكون
    حاسس باللي جوايا.
    .....أنا حاسس بيك يابني ،أنا جيت بيك
    علشان أبعدك عن الشر، وهربت بيك
    بعيد ، هربت لحضن الجبل ، كل ماأبعدك
    عن المشاكل خوف عليك، تتحط في مشاكل
    أكتر، لكن الظاهر يابني، الظروف والمشاكل
    أقوى مني ومنك وانت مش حتسكت .
    .... الظُلم وحش ياعمي ومش بطيقه
    حاجات جوايه فوق طاقتي بتحركني.
    .... علشان كده لازم يبقالك عزوة كبيرة
    114

    ..... انتوا عزوتي ياعمي.
    ... إحنا مش كفايه،أنت بأفعالك دي
    حتكسب قلوب الناس الغلابه والمظلومين
    كون منهم عزوتك ، علشان تقدر تقف
    قدام جعفر واللزي .إكسب الناس الغلابه
    اللي نفسهم يلاقوا راجل واقف للزي .
    .... انت عاوزني أقابل اللزي وأحطب معاه.
    ..... مافيش قدامك غير كده ،وماتفرقش كتير.
    .... إذا أنت مارحتش للزي ، بكره حيعرف أنك
    موجود وماسبتش البلد وحيدور عليك وحيجيلك.
    ..... معاك حق ياعمي ،وكل شئ بأوانه .
    أنا حنزل البلد يوم الخميس ، علشان
    أهرب سديري وأجيبه هنا .
    ليله بفرحه
    ... صحيح ياحسن .
    تتراجع وتُظهر قلقها على حسن.
    115


    ..... حسن انا بصحيح خايفه على سديري
    ونفسي أشوفه ، لكن خايفه عليك أنت كمان.
    .... متخافيش عليه ياليله ، أنا مخطط لكل حاجه.
    وحجيبلك جوزك.
    ليله تبكي بحرقة
    .... ربنا يحرصك ياحسن .









    116

    31_ مضيفة جعفر

    هُم من ذلك النوع الذي يقيس القوة بالقسوة
    والرجوله بالغلظة والخشونة، قلوبهم إكتظت
    زواياها بالخُبث والريبة ، هُم من يقيس الحياة
    بالمصلحة ، قلوبهم لا تعرف الرحمة ، إن حضنوك
    غدروا بك وطعنوك في ظهرك، هم يقيسون السعادة
    بقبح وجوههم، بضحكات ساخرة وإبتسامات مابين
    شماته وريبة ،قلوبهم تعفنت ، تربوا على كتم الأنفاس
    وقتل الإحساس.
    داخل مضيفة جعفر ، لواحظ تحاول مع ابيها حتى
    يوافق على خروجها يوم الخميس مع نساء القرية
    ... أنا حخرج بكره مع حليمه.
    ....تخرجي فين ...؟
    ...أروح معاها وأتفرج على النسوان وهما
    طالعين الكولة يغتسلوا هناك ويغنوا .
    117

    .... نسوان أيه اللي تخرجي معاهم.؟
    وأنت مالك ومال النسوان دي.
    ....عاوزه أشوفهم يابا ، نفسي أشوفهم
    ... يعني حتشوفي الخيله، الناس دول
    مش من مقامك .
    يدخل اللزي وخلفه اخته منيره.
    اللزي
    .... إزيكم ، عاملين أيه.
    جعفر
    ... أهلاً يالزي، أهلاً بيك ياست منيره.
    منيره
    ... أهلاً بيك أنت ياسي جعفر.
    لواحظ تواصل مع جعفر محاولتها
    ...والنبي يابا ، خليني أروح معاها.
    .... مش حتروحي يالواحظ.
    منيره للواحظ.
    118

    .... فيه أيه يالواحظ..؟
    لواحظ بقرف من منيرة ، فهي تدرك أنها تأتي
    لتنسج شباكها حول أبيها .
    ... مفيش حاجه
    جعفر
    .... ماتقوليلها فيه أيه..؟
    يلتفت للواحظ
    ... إسمعي ياست منيره ، لواحظ
    عاوزه تطلع الكوله مع النسوان
    بكره ليلة الخميس .
    منيره بثقه وغرور هامسه لواحظ
    ... أكلمه أخليه يوديكي معاهم..؟
    .... لو منك مش عاوزه خروج.
    ... أنت حره ، وزي ماتحبي
    أنا كنت قاصده خير .
    لواحظ وهي مترددة ونادمة على رفض
    119

    تدخل منيره ، فتحدثها في لين
    ..... وتفتكري لو كلمتيه حيوافق..!
    .... دلوقت تشوفي.
    تلتفت منيره ناحية جعفر
    ...ماتسيبها ياسي جعفر تروح
    معاهم ، خليها تُفك عن نفسها
    شويه من الحبسه اللي هنا.
    .... تروح فين بس ، تروح مع الحوش دول ؟
    اللزي يقف مندهشاً
    .... تروح فين ، وتعمل أيه معاهم ؟
    منيره معترضة اللزي وبدلال
    ..... علشان خاطري أنا ، المره دي وبس.
    .... ماشي ، علشان خاطرك أنت يامنيره
    بس المره دي وماتطلبش تاني.
    .... حاضر يابا
    محدثه منيره
    120

    .... بينا يامنيره على اوضتي فوق.
    جعفر للزي .
    .... أنا كنت عاوزك ونسيت عاوزك في أيه ؟
    ... عاوز تطمن على محصول الجناين ، بعناه
    كله .
    ..... لا ، مش ده اللي كنت عاوز فيه.

    .........








    121
    32_ حجرة لواحظ

    عندما تتحول الإنسانية إلى جثة داخل محرقة
    تخرج بوجه مشوه، وجسد محروق وتعيش بعجز
    كامل ، هؤلاء الأشرار يقومون بالتضحية بالغلابة
    والمساكين ويقدمونهم قرابين لآلهة الشر
    مْن يقتل الإنسانية هؤلاء الذين يصلون من أجل
    المال لا من أجل النور، عشقوا ليل المدينة
    وضلوا عن نهار السماء.

    لواحظ بصحبة منيرة في حجرتها.
    .... لواحظ أنا كلمت أبوك ووافق، لكن مش
    فاهمه ليه عاوزه تطلعي مع النسوان دي
    مش عاجبني إنك تطلعي معاهم
    .... عاوزه بس أفك عن نفسي شوية
    زهقت من البيت والجنينه.
    ....لو زهقانه أنا أجيلك كل يوم.
    122

    وأخليكي ماتزهقيش.
    لواحظ تحدث نفسها
    .....أيوه ، انت نفسك تيجي علشان
    أبويه وكمان تكتمي على نفسي
    أنا عارفه أنت عاوزه ايه كويس يامنيره.
    منيره
    .... لواحظ ، لواحظ، أنت دماغك راحت فين
    .... مفيش يامنيره ، أيه مفيش أخبار عن
    حسن .
    .... أهو غار وهجْ من البلد وإرتحنا منه
    ... بس أموت وأعرف جتتة سديري
    راحت فين .
    .... أنت بتتشفي في جتتة ميت يامنيره
    ....هو اللي عيشني فيه شويه.
    .... عيشك في أيه وقارشه ملحته ليه
    منيره تسرح بخيالها محدثة نفسها
    123

    .... ياريت عارفه أكرهه ، أنا عاوزه
    قلبي يرتاح من العذاب وبس
    موته أحسن من عذابي وأنا بفكر
    فيه وهو في حضن ليله .
    منيرة ضاجعت حلم بعيد أثمر عن حمل كاذب
    هي تبحث عن مطرقة لتفتت صخرة الوجع
    ولو بإنتقام.
    لواحظ تأكدت أن ماقيل لها عن حب منيره
    لسديري حقيقي.
    ....منيره ، أنت رحتي فين .
    ... مفيش يالواحظ.
    ... أنت بتحبي سديري صح.
    وجهها يحمر ويظهر عليها التوتر .
    .... احب مين ..، أنا أحب ابن بتاع الطعميه.

    ...........
    124
    33_ مضيفة جعفر
    ما الحياة إلا إختبار من نار، لا يجتازه إلا القليل، ولك الخيار بين جنة ،وجحيم..فمن يمكنه النجاح في إختبار النار، نعيش موتى بلا رثاء ، تهرب من بين أقدامنا الأيام،.الوحوش تتربص بنا وتحيط بنا من كل جانب ... نظام بلا مبادئ لن يحمي الضعفاء والفقراء والمساكين.

    في مدن اللهفة تتعالى الصرخات.
    قلوب مشردة.
    لم تجد مساكن إيواء
    تجمدت الدماء من صقيع الرغبة
    يجمعون كل الأحطاب
    عجزوا أن يجدوا عود ثقاب
    من داخل مطبخ ابليس ، جعفر واللزي .
    ...إسمع يالزي ، أنت مش حصدت القمح كله.
    .... ايوه ، والنوارج حيدرسوه بكره وبعدها
    يشتغلوا الدراوه فيه .
    .... قبل ماتشون الغلة في الصوامع
    اللي يعوز غله من أهل البلد اديه
    اللي عاوز كيله أو اتنين أو تلاته
    125

    إديهم واللي عاوز أردب كمان
    ..... البلد كلها مفيهاش قمح وخوايبيهم
    شح فيها الدقيق.
    .... أنا عارف ، علشان كده ، عاوزك
    تغرقهم، ادي كل واحد خزين سنه.
    .... بس كده حيطمعوا فينا .
    ... لا يافالح ماأنت حتبصمهم على تمن
    الغلة وخلي البلد كلها مداينه لينا،إحنا
    كده بنفرحهم شويه، وبنخنقهم في نفس
    الوقت .
    .... أقطع دراعي لو فاهم حاجه.
    ... علشان دماغك واقفه ومابتشتغلش.
    إعمل اللي بقولك عليه وبس .
    ..... خلاص زي ماأنت عاوز حعمل
    لو عاوز تفرقلهم الغله كلها حديها ليهم.
    .... اللي حيطلع ليهم مش كتير زي
    126

    ماانت فاكر ، وكمان يابجم حيطحنوا
    غلتهم فين ، عندنا في الطاحونه
    ووقتها نزود ليهم تمن الطحين شويه.















    127

    34_ في الدرب

    الظالم هو مرء يحيا على حرمان غيره من الحياة
    يحجب عنه الضوء ليعيش في ظله، مقاومة الظلم
    ضرورة ليس لأننا نخشى إرتكابه ، بل نخشى أن
    نعاني منه، يجب أن يتذكر من يواجه الظلم أنه
    الأقوى لأن قضيته عادلة فهو يواجه من يسلب
    منه الحياة ويطعن أحلامه .
    تنكر حسن في زي إمرأة ، يسير في الدرب
    بإتجاه منزل الشيخ أدم ، هو يدرك أن أفضل أنواع
    الإنتقام هو الإنتقام من الطغاة ويدرك أن من تعود
    على الظلم ، لايدرك طريق العدل، أحد رجال
    اللزي يقطع الطريق على حسن .
    .... رايحه فين ياوليه .
    128

    حسن بصوت ناعم
    ... رايحه للشيخ أدم.
    .... رايحه تعملي أيه عند الشيخ أدم.
    .....رايحه يعملي عمل ، العقارب ياخويه
    ملت الدار، والشيخ أدم احسن واحد
    يعمل عديه للعقارب وسره باتع.
    ..... طيب وريني وشك .
    .... أوريك وشي إزاي ، إخص عليك
    راجل بعين فارغه، أنت حتسبني
    في حالي ولا أرقع بالصوت وألم أهل
    البلد، وأخلي اللي مايشتري يتفرج.
    .... لا على أيه ، غوري في داهيه
    وأنت مره صوتك يقطع الخميرة من البيت.
    .يواصل حسن سيره حتى يصل إلى الجميزه
    هاهي دار الشيخ أدم ونجح في الوصول إليها
    يطرق الباب وهو يلتفت يميناً ويساراً، لحظات
    129
    وتقتح عزيزه .
    .... مين أنتي .
    .... أنا ضيفه جايه للشيخ أدم يعملي
    عدية ياسين للعقارب .دخليني أنت بس
    . يدخل حسن ويغلق خلفه الباب وعزيزه
    في توتر وريبه.
    صوت الشيخ أدم
    ....مين ياعزيزه .؟
    ... دي واحده غريبه ماعرفهاش بتقول
    عاوزاك .
    ..... أهلاً بيها ، اتفضلي ياست.
    يتجه حسن نحو الشيخ ادم.
    حسن بصوته الرجالي
    .... السلام عليكم
    عزيزة في دهشة وتوتر.
    الشيخ ادم
    ... ده صوت راجل ، مش واحده ست.
    130

    حسن يخلع الطرحه
    .... أنا حسن يامولانا.
    .... حسن ، حسن مين يابني.
    .... انا جاي من الجبل علشان أهرب
    سديري للجبل.
    .... ومين أدراك أن سديري عندي ؟
    .... المقدس ارمنيوس قلي على كل حاجه
    .... تبقى أنت حسن اللي ضرب كريم
    واللي أنقذ ارمنيوس من الهلاك .
    .... ربنا هو اللي بيعين يامولانا
    أنا سبب بس .
    .... ونعمه بالله يابني، كم تمنيت
    أن القاك واشد على زندك، قرب
    مني ياحسن.
    حسن يقترب من الشيخ ادم ويجلس بجواره
    والشيخ ادم يتحسس ملامحه وذراعه.
    131

    ... بارك الله فيك يابني
    محدثاً عزيزه .
    ... إنجري ياوليه ، حضري لقمه لحسن.
    ... مفيش داعي يامولانا .
    محدثاً عزيزه
    .... طيب هاتي شوية بلح ياعزيزه
    ... فين سديري يامولانا ؟.
    ... في أمان ياابني ، أنا أخفيته لما طرقت
    الباب افتكرت حد من رجال اللي مايتسموا
    يدخل سديري.
    حسن
    ..... إزيك ياسديري .
    يرد سديري بتوتر وترقب
    .... اهلاً.
    الشيخ ادم محاولاً إزالة توتر سديري.
    .....ده حسن ياسديري اللي ضرب كريم

      الوقت/التاريخ الآن هو الثلاثاء مارس 19, 2024 7:28 am