منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
 ليلة في حضن الجبل 5 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
 ليلة في حضن الجبل 5 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
 ليلة في حضن الجبل 5 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
 ليلة في حضن الجبل 5 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
 ليلة في حضن الجبل 5 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 ليلة في حضن الجبل 5 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 ليلة في حضن الجبل 5 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 ليلة في حضن الجبل 5 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 ليلة في حضن الجبل 5 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    ليلة في حضن الجبل 5

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

     ليلة في حضن الجبل 5 Empty ليلة في حضن الجبل 5

    مُساهمة من طرف سميرحمايه الأحد يناير 13, 2019 9:47 pm


    وضرب مهران وأنت شلته على بيت المقدس.
    سديري يقترب من حسن ويحتضنه
    .... كويس انك بخير ياحسن ، إحنا قولنا
    طفشت ولا هجيت ؟
    .... الحمد لله وكويس إنك إنت كمان
    بخير بعد اللي حصل.
    ... لابس كده ليه ياحسن .
    ... أنت عاوزني أجيلكم بحالي
    .... معاك حق .
    ... انا جاي علشان أهربك ياسديري
    للجبل عندي .وليك كمان عندي هديه
    هناك .
    .... هدية ، هدية أيه ياحسن؟
    .... ليله عندي ياسديري.
    ... ليله عندك ..؟ أنت بتقول أيه ؟
    وبتعمل أيه عندك؟
    133

    .... أنا هربت ليله يوم ماكنت بتحطب
    مع اللزي وهي في أمان وماتخفش.
    .... كأنك كنت حاسس بكل اللي حيجرى.
    .... أيوه ياسديري وهي في أمان مع أخوك حسن.
    سديري يحتضن حسن والدموع تنهمر من عينيه
    ... اللي زيك يتأمن على روحه ياحسن .
    .... إحنا إخوه ياسديري ، إسمعني مفيش
    عندنا وقت أنت حتلبس شبهي كده وحنخرج
    مع النسوان اللي طالعه الكوله ، وعلشان
    تشوف ليله ياسيدي .
    الشيخ ادم
    ... والله كرهتوني في الليل بليلتكم دي
    اللي قلبت حال البلد .سديري غاوي وجع قلب.
    سديري
    ... ليه يامولانا ، العشق حلو ، ليله
    فين وانا فين ومابتغبش عن بالي ، زي
    134

    العطشان والزير جنبه ومش قادر يشرب منه.
    الشيخ ادم
    ... لا ، كلامك ده قاله شاعر جاهلي
    قبل منك .
    حسن
    ... والشاعر قال أيه يامولانا.
    ... الشاعر قال
    .... وأمر مالقيت من جرم الهوى
    .... قرب الحبيب وما إليه وصولي
    .... كالعير في البيداء يقتلها الظمأ
    ..... والماء فوق ظهورها محمولي
    حسن
    .... الله ، الله على الكلام الحلو
    فكرتني بالشيخ عامر.
    الشيخ ادم
    ...أنت تعرف الشيخ عامر.
    135

    .... أيوه أعرفه وأنت تعرفه ياشيخ أدم.
    ... طبعاً يابني ومين مايعرفش الشيخ
    عامر ، أنا اتعلمت في كتابه ، ولكن
    انت تعرفه منين.
    حسن لسديري
    .....قوم شوفلك جلبيه وطرحه عند
    الخاله عزيزه .
    الشيخ ادم
    ... قوم وخلي عزيزه تديك اللي عاوزه.
    يدخل سديري الى الداخل حيث توجد عزيزه.
    الشيخ ادم
    ....لم تجب عن سؤالي ياحسن
    تعرف الشيخ عامر منين .
    ... انا قصدت يامولانا ماحبيتش أتكلم
    قدام سديري ولا عاوز حد يعرف اللي
    حقوله ليك.
    136

    ... قول ياابني سرك في بير، انت تقرب
    للشيخ عامر..؟
    ....الشيخ عامر يبقى أبويه.
    ... ماذا تقول يابني اتهزأ بي.
    ... دي الحقيقة يامولانا ، أنا هربت
    بعد مانفذوا حكم الإعدام في أبويه
    وقص حسن ماحدث للشيخ عامر
    في الأحداث الآخيرة .
    ... يعني أنت تبقى إبن الشيخ عامر
    ... أيوه يامولانا وإبنه الوحيد.
    ... ياه الدنيا ضيقه ، كل اللي بتعمله
    هنا ريحة الشيخ عامر ، أنت راجل
    من ضهر راجل ، تعالى في حضني
    ياحسن .
    الشيخ أدم يحتضن حسن ودموعه تتساقط بغزاره.
    ... وانت قاعد فين دلوقت ياابني.؟
    137

    ... في مغاره في الجبل .
    ... من اليوم داري مفتوحه ليك ياحسن
    والبيت ده اعتبره بيتك.
    ... كتر خيرك يامولانا
    يدخل سديري مرتديا ملابس عزيزه وواضعاً
    طرحه على وجهه ، وحسن يبتسم.
    ....أيه رأيك كده ياحسن .
    حسن يضحك
    ... بقينا شبه بعض .بينا نلحقوا الحريم.
    حسن للشيخ ادم
    ... قولي يامولانا ، النسوان بيتقابلوا
    فين قبل مايطلعوا الكوله .
    ... عند دار ارمنيوس ، معاك سديري
    هو عارف كل حاجه .
    يخرج حسن وبصحبته سديري ويتابعان
    سيرهما في الدرب ويقطع طريقهما نفس
    138

    الرجل الذي قطع الطريق على حسن ، ممسكاً بعود قصب.
    لحسن
    .... وبعدين ، أنت مش كنت لوك ياوليه.
    ... أيوه مااختي كانت جوه وسبقتني .
    ....واختك كانت بتعمل أيه جوه ،أنا
    ماشفتهاش داخله .
    ... علشان أنت قاعد تمص قصب
    ومش واخد بالك.
    الرجل محدثاً سديري
    ... وانت كمان كنت بتعملي أيه جوه
    بتعملي عمل انت كمان .
    حسن مقاطعاً
    .... عندها جوزها شبهك كده، راحت
    تعمله عمل علشان تخلص منه.
    الرجل بغضب
    ... ياساتر يارب ، والله لولا الملامه لاقتلكم
    139

    انتوا الإتنين ياعرة النسوان .
    حسن بخفة دم معترضاً على كلامه.
    ...إحنا عرة النسوان يامعفن ياجبان
    إحنا نسوان جدعه قوي ، تحب نوريك.
    ... لا على أيه، لاتوروني ولا أوريكم
    غورروا ربنا يرزقكم بديب يكون جعان ياكلكم
    ويريح جوازكم منكم .











    140

    35_أمام دار أرمنيوس
    إن كنت تحب أن ترى بعيون ثلاثة فاكتب على جبينك قصيدة الأمل،الـحـيـاة مـلـيـئـة بـالـحِـجـارة فلا يجب أن نتعثر بِـهـا بـل نجمعها حجرا فوق حجر وتنبني بها سُلم نصعد به نحو
    القمة. لاتكن مثل هؤلاء الذين ينادون على الأحياء بلا صوت
    فيجيبهم الأموات .
    لواحظ وحليمه أمام دار ارمنيوس ،تطرق حليمه الباب
    فتفتح لها يشعه وخلفها مريم .
    حليمه
    ... كويس انك لابسه وجاهزه يايشعه .
    ... أنا جاهزه من بدري ، مين اللي معاك دي؟
    .... دي الست لواحظ.
    ... الست لواحظ ! ، مش معقول اتفضلوا
    بيتكم ومطرحكم.
    تدخل لواحظ بصحبة حليمه ، يشعه تعرف
    141


    لواحظ بمريم اختها .

    .... دي تبقى مريم اختي .
    ... إزيك يامريم .
    .... خطوه عزيزه ، أنا مش مصدقه نفسي
    انك هنا .
    ... مش مش مصدقه ليه .
    إحنا كلنا ولاد تسعه
    مريم
    .....لا انتوا بقى ولاد سبعه.
    لواحظ تضحك من دعابة مريم
    ....دمك خفيف يامريم.
    ... خفيف ولا تقيل .
    حيهمك في ايه.
    يشعه ضايقها اسلوب مريم مع لواحظ، وتنظر
    لمريم نظرة إعتراض.

    142

    ....ماتزعليش منها ياست لواحظ ، بتهزر
    معاك ، اصلها مش مصدقه انك هنا.
    حليمه
    ... انتوا حتفضلوا تحكوا كتير، النسوان
    ملمومه بره ويمكن يتحركوا .

    ..............








    143
    36_ في الجبل

    لا تتعجب إن وجدت الفضيلة عارية في الشوارع والرزيلة هي
    المحتشمة فالثعالب هي التي تؤذن والذئاب تقيم الصلاة
    والحمار يسطر التاريخ والجمل يقرأ الكف.
    نعلم دائما نقطة البداية ولا نبصر خط النهاية ولذلك نتعثر دائما في خطواتنا
    . .
    النساء يحملن المشاعل في أيديهن
    وفوق رأس كلاً منهن صفيحة ماء ساخن
    أو بلاص ، حسن وسديري يسيران
    خلفهما ويحمل كلاً منهم صفيحة .
    حديث هامس بين إمرأتين وحسن
    وسديري ينصتان لهما .
    المرأة 1
    ...أنت لسه ربنا ماعوش عليك بالخلفه.
    المرأة 2
    .... ايوه لسه، ماخلتش ياختي ولي إلا
    144

    وزورته وزورت كل المشايخ ، لحد ماولاد
    الحلال قالولي روحي زوري الشيخه خضره
    واتمرمغي شويه عند السيف .
    المرأة 1
    ... أيوه تتمرمغي عند السيف سبع
    مرات ، مش حيعدي شهر عليك
    إلا وتكوني حبله .
    حسن يبتسم ويهمس لسديري.
    ... والنبي نسوانكم مجانين ،تتمرمغ
    أيه سبع مرات.
    ....دي عاده من زمان كل النسوان
    بيعملوها ، أنا شفت أمي وجدتي
    بيعملوها .
    ... ومش خايفين من الديابه.
    ... الديابه مابتطلعش لكتره من الناس.
    النساء يتابعن السير في إتجاه الكوله
    145

    والكوله هي تبه مرتفعة لا يتعدي ارتفاعها
    العشرين متر وفوقها مقام بالأحجار يدعونه مقام الشيخه
    خضرة ، حسن يبحث عن يشعه ويسير خلفه سديري
    مندهشاً من تصرفه كأنه يبحث عن أحد ما
    ، وصل حسن الى يشعه التي تسير
    بصحبة ثلاثة نساء يعرف منهم مريم فقط.يبطء
    السير خلفهم مباشرة وينصت لهن.
    يشعه لحليمه
    .... أيه اللي خلاكي تجيبيها معانا .
    .... لواحظ كويسه وعاوزه اقولك حاجه
    أكيد محدش هرب حسن من بيت أبوها
    غيرها ، وبتحب سيرة حسن.
    .... عاوزه تقولي إنها بتعشق حسن ؟
    .... وماتعشقوش ليه ، كل بنات البلد بيعشقوه
    حسن يتابع الحديث وتأكد أن المرأة التي يتحدثان
    عنها هي لواحظ التي انقذته وسمع صوتها ولم
    146

    يراها ولم تكشف حتى عن شخصيتها له، يالعجائب
    القدر ، هي بجواره ولن يستطيع أن يكشف لها عن
    نفسه ولن ترى سوى عينيه ولن يرى سوى عينيها
    يالقسوة الأيام ، حليمه أحست بدس حسن نفسه
    بينهن .
    .... أيه ياوليه انت ؟ عماله تدفسي نفسك
    وسطينا ليه .
    يشعه
    .... فيه ايه ياحليمه ....؟
    ... الوليه دي عمله تدفس نفسها وسطينا.
    تلتفت يشعه نحو حسن فيحدثها هامساً
    ...انا حسن يايشعه.
    يشعه تنظر الى المرأة التي بجوارحسن
    وتدرك أنه سديري وتبتسم .يشعه تحاول
    أن تتمالك نفسها من تلك المفاجآة التي هزتها
    حليمه ليشعه.
    147

    .... أنت تعرفي الوليه دي يايشعه ؟
    يشعه تتلعثم وتتردد في الرد.
    ....آه أعرفها ، دي من عرب بني واصل.
    .... أنا اول مره أشوفها.
    لواحظ
    ... فيه أيه ؟ انا مش فاهمه بتوشوشوا
    بعض في ايه.
    يشعه للواحظ
    ... عاوزه تعرفي أخبار حسن .
    .... أيوه ، فيه أخبار عنه؟
    تشير يشعه على حسن.
    ... الست دي تعرفه ، أصله هج وطفش
    من هنا عندهم.
    ... صحيح الكلام ده ؟
    ...أيوه.
    لواحظ تنظر إلى المرأة هي لاتعرف أن من تبحث
    148

    عنه هو قريب منها.
    هي المعلقة بين شقوق السماء
    هي من تظل تحلم به.
    قد يهبط يوماً ...تنتظر علامة القدر
    تقف في مدن الإنتظار
    قد تأتي بها الريح
    وقد تقذف بها الأقدار
    لواحظ لحسن .
    ... صحيح ياخاله تعرفي حسن ؟
    .....وأنت بتسألي عن حسن ليه يابنتي؟
    ... مش عارفه أقولك أيه ياخاله، أقولك أني
    مش لاقيه حاجه أعملها إلا اني أفكر فيه .
    ... وأنت تعرفي عنه أيه .
    ... سمعت عنه،حتى لما كان نفسي أشوفه.
    كان الوقت ليل ، كان قدام عيني ومش شايفاه
    .... كان قدامك فين يابنتي.؟
    ... في بيت أبويه .
    .... أبوكي ...! ابوكي مين ..؟
    149

    .... الملتزم جعفر ياخاله.
    ... انت بنت جعفر !
    ....أيوه ..
    ... خساره .
    ... خساره ليه ياخاله.
    .... خسارة ان ورده زيك تطلع من شوك جعفر.
    همليني ، انا مش عاوزه مشاكل .
    عندما وصل النساء عند الكولة انسحب حسن
    ومعه سديري بعيداً.
    لواحظ اندهشت من موقف المرأة وإختفاءها فجأة
    بعدما علمت أنها بنت جعفر.
    لواحظ ليشعه .
    .. مالها الست دي ، اتعفرتت فجأة وسابتنا
    ومشيت ليه ..؟ يمكن علشان عرفت
    أني بنت جعفر !
    .... يبقى علشان كده مشيت .
    150

    لواحظ تندب حظها .
    .... يابختك لاسود يالواحظ ، يعني
    كان لازم أقولها أني بنت جعفر.
    .... مالك يالواحظ ..؟
    .... مالحقتش أعرف منها حاجه عن حسن.
    ... دي باين عليها الحكايه جد، أنت بتعشقي
    حسن يالواحظ.
    .....مش بإيدي يايشعه .
    .... وإزاي تعشقيه من بعيد كده.
    .... شايفه فيه حلم جميل، حبيت
    أعيش فيه .شايفه فيه الراجل اللي
    ممكن يكسر سجني.
    .... أنت مش سعيده يالواحظ، معقوله بنت
    جعفر بتقول الكلام ده .
    ...بنت جعفر؟ ، بنت جعفر؟ ليه بتبصولي
    على أني بنت جعفر وبس ، انا بني أدمه
    151

    زيكم وليه قلب زيكم .
    أبويه دفني بالحياه
    يايشعه ، أبويه حبل محاوط رقبتي وبيخنقني.
    لواحظ تبكي ويشعه تشفق لحالها.
    .... أنت بتعيطي يالواحظ، يابخت حسن
    بالحب ده .
    ..... حسن ! هو فين حسن يايشعه؟
    حسن راح خلاص .
    .... حسن موجود يالواحظ وكان بيتكلم معاك
    من شويه .
    لواحظ تهزها المفاجأة .
    .... كان موجود ! وبيتكلم معايه ! انت
    بتقولي ايه ؟
    .... حسن هو الست اللي كانت بتتكلم
    معاكي دلوقت ومشي علشان كان معاه
    سديري بيهربه .
    152

    .... يعني حسن هو..؟
    لواحظ يغمى عليها ويشعه ومريم وحليمه
    يحاولون إفاقتها .
    حليمه
    .... ست لواحظ ، ست لواحظ .











    153

    37_ بالقرب من المغارة
    ليس كل حماة المستقبل شجعان فالكثير منهم جبناء،أصدق القصص هي التي نراها، فمعظم الحكي كذب ،فمدن الأمل والسعادة مُباح إستعمارها لمن يملك قوة الإرادة، في غياب شرطة المنام لا تزال الكوابيس تطارد الأحلام...الغول يقف على ناصية الحلم ساخرا،أنهم يحاولون ذبح الأسود وينحرون الذئاب ويجلدون النمور ويسمنون الحمير ويمنحون الثعالب الرفاهية والبومة تبتسم وتغني فليحيا الغراب.
    ... بالقرب من المغارة نزع كلا من حسن وسديري
    ملابسه .
    ... مش عارف أقولك أيه ياحسن .
    ... ماتقولش حاجه ياسديري ، وهم معايه
    تلاقي ليله قاعده على نار .
    ... جميلك ده في رقبتي
    وفوق راسي طول العمر.
    انت خاطرت بنفسك مرتين
    مره علشان ليله ، ومرة علشاني.
    154
    .
    .... مالوش لازمة الكلام ده .
    يقتربون من المغارة ، مرسال ورحان يستقبلونهما
    في ترحاب وفرحة وكانت الفرحة الكبري لليلة
    التي لم تصدق نفسها وأن سديري أمامها فاحتضنته
    بقوة وبكاء أثار شفقة من حولهم رحان وزوجته مسعده
    ومرسال وحسن .

    ........








    155

    38_ امام قصر جعفر

    لواحظ التي كانت تسافر في حلم عبر الزمن
    وكانت تقف في محطة الإنتظار ، هاهي تتحسس
    الأمل بيديها وبقلبها .
    في مدونة العشق،.باب الذكرى ،.كتبت قصتها بالحبر السري حتى لا يفك شفرتها سواه وتركت معه الشفرة .
    يشعه وحليمه يسندان لواحظ التي في حالة ذهول
    وتعب وتهذي .
    ..... أنا شفت عنين حسن يايشعه.
    .... أبوس إيدك إنسي حسن لوقتي
    بلاش سيرته إن كنت بتحبيه .
    يشعه لحليمه.
    ...إحنا قربنا من دار جعفر ، أنا
    حمشي ياحليمه وأنت ماتسيبهاش
    وطلعيها أوضتها .
    حليمه تصل لدار جعفر وتطلب من الحارس
    156

    مساعدتها ويدخلان بها القصر فينزعج
    جعفر ومعه اللزي وهارون .
    جعفر
    ... فيه أيه ؟ ..مالها لواحظ.
    حليمه
    ... بعافيه شوية.
    تصعد بها حجرتها وتساعدها حتى
    السرير.
    ....حسن ، حسن .
    ... أنت اللي حتودي حسن في داهية
    بلاش ياست لواحظ سيرته
    أنا إترعبت قدام أبوكي وخفت
    تجيبي سيرته.



    157


    39_ في الحقول
    مع بشاعة واقع مر ومع القهر تسمع عويل النساء
    وبكاء الأطفال وصراخ الرجال ، أسوار البلدة مهزومة
    فالخيانة تفتح أبواب الخسة والوضاعة ويستحيل عليها فتح أبواب الشرف،قصيدة عصر شديدة المرارة ..خلت من الحكمة ..حروفها تلونت بالدم ،فأسوأ مظاهر الإنسانية أن تصبح قطيع للذئاب....

    السلوتي راكباً حمار ،يسير في طريق ضيق
    عبر الحقول ،يقف به الحمار فجأة .
    السلوتي غاضباً من حماره.
    ... انتي كل شويه تقفي، وربنا
    أسيبك للديابه تاكلك.
    ينزل السلوتي من على حماره.
    .... خليكي واقفه هنا ياحماره
    يابنت الحمار، أوعي تتحركي
    158

    أوعي تتحركي من هنا
    حدور على شوية ملوخية وأجي.
    يسمع صوتاً بالقرب منه
    .... أيه ده ياواد ياسلوتي ،هو فيه
    حد معايه .
    يلتفت حوله .
    ... لا مفيش ،يبقى عفريت
    لا أنا أرجع لحمارتي ولا أقولك ياواد
    أروح أتفرج ع العفريت.
    يقترب السلوتي من مصدر الصوت ، هو يعرف
    صاحب هذا الصوت.
    صوت الحمداني
    .....أنا زهقت ياحمدان ياابني من القعده دي.
    .... احسن من قعدة الجبل يابا.
    يقترب منهم السلوتي فيجد الحمداني وإبنه حمدان

    159
    الحمداني
    ... أنا حنزل البلد واللي يحصل يحصل،
    مش حشوف أكتر من اللي شفته.
    .... نصبروا شويه يابا .
    السلوتي يقترب منهم ويجلس بجانبهم دون أن
    يشعروا به وفجأة يُرهبهم بمفاجأته.
    .... إزيكم .
    الحمداني وحمدان ينتابهما الرعب والسلوتي
    يطمئنهم .
    ...متخافوش أنا السلوتي .
    حمدان
    .... يخرب مطنك ياسلوتي وقعت قلبي.
    الحمداني
    ... إزيك ياسلوتي وعامل أيه.
    .... أنا كويس ومعايه حماره.
    .... ماتعرفش حاجه عن ليله بنتي.
    .... عارف كل حاجه.
    160

    حمدان يمسك به
    .... عارف أيه قول.
    .... إهدا ياحمدان ياولدي ، خلينا نفهم
    الحمداني للسلوتي
    .... تعرف أيه عنها يابني.
    ... خطفها السبع وطار .
    .... سبع مين يابني.
    ... بتاع الفلايات ، خطف ليله في شوال.
    .... بتاع الفلايات مين ؟
    ... بتاع الفلايات خطفها قبل مايضرب
    اللزي سديري .
    حمدان
    .....تفتكر حد يكون خطف ليله يابا! ،
    وحيخطفها ليه.؟
    ... خلينا نفهم من السلوتي.
    ... أنت تعرف بتاع الفلايات .
    161

    ... أيوه ، أعرفه وعايش معايه.
    .... مين ده ياسلوتي وجعت قلبي.
    .... حسن اللي ضرب كريم وقتل مهران.
    الحمداني
    وهو حسن لسه قاعد ، أنا سمعت أنه هج
    من البلد .
    السلوتي
    حسن ماهجش وأنا لقيته واقع
    مابينطقش جنب بيت جعفر
    أخدته مغارة التعابين عندي.
    حمدان
    ..... ويخطف ليله ليه ؟
    الحمداني
    ....أنا فهمت يابني ، حسن مش ممكن حيخطفها.
    حسن هرب ليله من اللزي ، صح ياسلوتي.
    .... أيوه صح .
    162

    .... الحمد لله ، دلوقت إطمئنيت.
    يلتفت نجو السلوتي
    .... تقدر تاخدنا هناك
    .... ايوه ، بس محدش يعرف حاجه
    المقدس اداني حماره علشان مااجبش
    سيرة حسن .











    163

    40_ دار اللزي
    من أي سلالة هم ، تيار من الشر يتدفق ، الأبصار
    معلقة على الريح ، ففي سوق النخاسة الإنسانية
    بلا ثمن ، ليس من الصعب أن نفتش عن النوارس
    والعصافير واليمام ، في فضاء تخترقه أسراب البوم
    والغربان .
    اللزي ومنيرة شخصيتان متشابهتان إلى حد كبير
    حتى في العشق ، عشقهم مُظلم ، مُكبل بالأنانية
    وحب التملك ، عشقهم يعرف الإنتقام ولايرى العطاء
    والتضحية .
    اللزي محدثاً نفسه .
    ...... تاني مرة ليله تحرق قلبي، مرة لما رفضتني
    والمرة دي أصعب ، هربت من سكتي وطريقي
    لكن حتروحي فين .

    164
    منيرة
    .... سمعت الكلام اللي داير في البلد.
    اللزي لا يتنبه لحديثها.
    .... أخوي ، لزي .
    ينتبه لها...
    ... فيه أيه يامنيره
    .... بقولك سمعت الكلام اللي بيتقال
    في البلد .
    .... وهي أم البلد دي ، وراها أيه غير
    الكلام .
    .... بيقولوا إن حسن هرب سديري وكانوا
    مع النسوان اللي طلعت الكوله .
    .... حسن هج وطفش ، ماتصدقيش الكلام
    ده ، أهل البلد بيطلعوا الكلام ده غيظ فيه.
    ..... ومايكنش ليه الكلام صح ، تقدر تقولي
    ليله فين ، اكيد هو اللي هربها وكمان جتة
    سديري فين؟
    165

    والحمداني وإبنه فين؟ ، فوق ياخويه
    الحاجات دي وراها حد ، وماحدش يقدر
    يعمل كده غير واحد زي حسن .
    .... الكلام ده كبير، وإزاي واحد لوحده
    يعمل كده ، ولو موجود حسن ، هو فين.؟
    .... أكيد حد من أهل البلد بيساعده .
    طرق على الباب ، تفتح منيرة ويدخل هارون.
    .....تعالى شوف ياهارون منيره بتتمقلذ عليه.
    .... معاها حق .
    ....أيوه ماأنت فرحان فيه.
    ... يعني أنت معاها ومع جعفر في اللي بيقولوه
    .....أيوه معاهم.
    ... يعني حسن ورا كل اللي بيحصل.؟
    .... أيوه وفيه حد بيساعده في البلد، انت
    تعرف سديري كان مختفي فين .
    كان مستخبي في بيت واحد

    166

    مايخطرش لينا على بال ،
    .... ومين اللي يقدر يعمل العملة السوده دي
    بدأ هارون في توعية اللزي ويخبره أن أجد الرجال
    شاهد إمرأة غريبة تدخل دار الشيخ أدم ، وبعد قليل
    من الوقت أصبحا اثنين وأنهم من المؤكد أنهم حسن وسديري
    غضب اللزي من كلام هارون وتوعد الشيخ ادم
    وخرج للبحث عنه.








    167

    41_ السوق .
    المصلحة قتلت العدالة وأعدمت الضمير وسجنت الدين
    وأسرت العقل وحطمت مدن الحكمة.
    الجميع يشرب من نهر الجنون وبحار العقل جفت مياهها.
    نسير في طريق اللاعودة ونتحسس ممرات إبليس
    وطن الجوع ....الغنى لا يشبع والفقير لا يجد قوت يومه .

    وجد اللزي الشيخ أدم واقفاً عند بائع اللحم عبدالمتجلي
    دخل وهو ينهره بشدة
    .... أيه اللي عملته ياأعمى..؟
    .... مَنْ ينطحُ هكذا ؟
    .... انا بنطح ياأعمى .
    .... أنا أعمى النظر بصحيح ولكن أنت
    أعمى البصر والبصيره .
    اللزي أمر رجاله بحبسه في الحجرة الملحقة بالزريبة

    .........

    168
    42_ في المقابر

    صلبوا الحرية على أبواب القرية حتى يتخطف أهلها
    الرعب ، على ناصية الخوف يترقب الحمداني القطار
    المجهول ، يدركون أن الثعلب إخترق حظيرة الدجاج
    وتركوا له حرية إختيار الفريسة .
    .... شايف القبور اللي حوالينا دي ياحمدان.
    .... أيوه يابا .
    .... تقدر تعرف القبر ده ولا ده بتاع مين .
    ..... لا يابا.
    ... علشان دي عدالة ربنا يابني ، ويمكن
    بكره ولا بعده يحطوا عليها أسماء، لكن
    تظل أسماء على قبر بطاقته ميت
    ... لكن تحت الأرض الكل واحد.
    ... بتقولي ليه كده يابا .
    .... علشان أفهمك الفرق بين عدالة ربنا
    169
    وعدالة البشر اللي ضايعه .
    يواصلان السير ، يتجاوزون القبور.
    ....إحنا نلف من ورا الكوله يابا
    عشان محدش يشوفنا .
    .... زي ماتحب ياابني.
    تجاوزا التبة المرتفعة وبدأوا الصعود للدخول في
    الدرب وهو ممر بين جبلين .
    بدأ الإعياء على الحمداني .
    .... تعبت ياابني .
    ... هانت يابا.
    سديري يقوم بالحراسة خارج المغارة مع حسن
    يحاول أن يجعل حسن يستريح ويُكمل هو الحراسة
    ولكن دون جدوى وحسن هو من طلب منه الدخول
    للمغارة للنوم وأنه سوف يسهر بمفرده .
    ظلام دامس وحسن يسمع صوت .
    ..... أدينا قربنا من المغارة .
    تسلل حسن بهدوء لمراقبة مصدر الصوت ، خشية أن
    170

    يكون هناك فخ من اللزي ورجاله أو تكون هلوسة منه .
    صوت حمدان
    .... على مهلك وبشويش ، أدينا وصلنا يابا.
    حسن أدرك أن الصوت حقيقي وليس هلوسه.
    حسن يحاول أن يتبين مصدر الصوت فوجد شبحين
    يتحركان .
    .....على مهلك وبشويش خلاص وصلنا.
    حسن تأكد من وجود رجلين وقرر قطع الطريق عليهم
    .... إنتوا مين ورايحين فين ؟
    .... إحنا من البلد ياابني .
    .... من رجال اللزي .
    لم يتبينوا ملامحه ولا هو يتبين ملامحهم .
    .... لزي مين ياابني ، أنت اللي من رجال اللزي.
    .... لا ياسيدي ولا أعرف خلقتهم.
    ... يعني أنت مش منهم .
    .... انتوا اللي مين .
    172

    .... أنا الحمداني ومعايه إبني حمدان .
    .... أنت ابو ليله .
    .... تبقى أنت أكيد حسن .
    ... نعم ياعمي تعالي .
    .... ليله بخير ياابني .
    ... ليله بخير وسديري بخير.
    كانت فرحة الحمداني عارمة وهو يحتضن ليله وسديري
    وشكر حسن حتى أنه كاد أن يقبل يديه، لولا تواضع حسن
    ورفضه تقبيل يده .

    .........





    173
    43_ مضيفة جعفر

    جعفر استنكر حبس الشيخ أدم من اللزي وعنفه
    بشده وطلب منه إطلاق صراحه واضطر اللزي تحت
    ضغط جعفر أن يطلق صراحه ويرى أن موقف الشيخ
    أدم طبيعي في إستقبال سديري في داره وعلاجه
    وطلب من اللزي أن يهتم بما هو أكبر من الشيخ أدم
    طلب من هارون إطلاق سراحه وإحضاره إليه ، فأحضر
    هارون الشيخ أدم في حضرة جعفر.
    .... معلش يامولانا، أنا معرفتش أنك محبوس
    غير دلوقت .
    الشيخ أدم ساخراً
    .... لا والله! .
    ... أيوه حتى اسأل هارون جنبك.
    ....ونعمه الشاهد ، تريد أن أسمع
    شهادة لص المعيز.
    جعفر يضحك
    174

    .... أنت كمان عارف الحكايه دي.
    .... ماهو سرق مني صخل( ابن الماعز الصغير)
    لسه كان مولود .
    جعفر
    .... لا ملوش حق .
    هارون
    ... الكلام ده كان زمان يابيه .
    اللزي شامتاً في هارون.
    ... شوفت أصل هارون يابيه ؟
    الشيخ ادم للزي
    ... وأنت امك كانت غازية ، تطوق
    البلاد وتلاعب بجسدها العيون .
    اللزي هم بالهجوم على الشيخ أدم لولا أن جعفر نهره.
    ..... مكانك يالزي .
    .... مش شايف بيقول ايه ؟
    الشيخ أدم
    175

    ... وأبيك سارق للبهائم وناقب للبيوت
    وبيكروه للقتل .
    اللزي غاضباً
    .... الراجل ده لو ماسكتش حقتله.
    جعفر
    .... مش أنت فرحت وشمت في هارون.
    علشان تبطل تعيب ع الناس.
    الشيخ أدم لجعفر
    .... وأنت أمك كانت حلبيه تُخرج الدود
    من العيون وكانت تجوب بك البلاد
    وأنت صغير و أهطل بتلملم كسر العيش
    من الأرض .
    جعفر غاضباً
    .... أنا ياإبن ....؟ يسبه ويلعنه.
    الشيخ أدم
    ... أبي الذي تسبه كان شيخاً جليلاً
    176

    وأبيك كان سقا يملأ الماء للبيوت
    ادعي للسنجق اللي خلاكم تتمطعوا علينا.
    جعفر بغضب .
    ... ارموه بره للكلاب .
    الشيخ أدم يرفع عصاه
    .... لو حد قرب مني حلوش فيه.
    ... أنا عارف طريقي كويس .

    .........







    177

    إستطاع حسن أن يجمع أول نواة لعشيرة تقاوم
    الظلم ، أحبوه جميعاً وسيدوه عليهم وعاهدوه
    على الوقوف خلفه ولن يتخلوا عنه وكان أول قرار
    من حسن إستكمال دخلة سديري على ليله
    واحتفل الجميع بهم داخل المغارة . وبدأ بعدها
    حسن تدريب سديري وجمدان ومرسال على
    التحطيب والسيف.

    تم بحمد الله
    سميرحمايه





    .














    .


      الوقت/التاريخ الآن هو الثلاثاء مارس 19, 2024 7:35 am