منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
 رواية مملكة الجبل 6 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
 رواية مملكة الجبل 6 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
 رواية مملكة الجبل 6 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
 رواية مملكة الجبل 6 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
 رواية مملكة الجبل 6 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 رواية مملكة الجبل 6 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 رواية مملكة الجبل 6 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 رواية مملكة الجبل 6 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 رواية مملكة الجبل 6 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    رواية مملكة الجبل 6

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

     رواية مملكة الجبل 6 Empty رواية مملكة الجبل 6

    مُساهمة من طرف سميرحمايه الإثنين فبراير 11, 2019 8:47 am

    ..............


    ..............

    لصوص الاحلام لا يكتفون، بسرقة الأحلام فقط،بل يحملون كل الفرح
    وينثرون كل الهم والوجع في طُرقات مدن الأحلام، حتى الرغبة في
    الحلم من جديد يبنون لها ألف سور وسور، يقتلون كل حلم وليد في
    المهد، وصل حس لدار الشيخ أدم ،مهران يطرق الباب وتفتح عزيزه
    _ فيه ايه يابني؟
    مهران
    _ الشريف معتصم جاي يقابل الشيخ أدم.
    _ شريف مين يابني.
    178

    _ اللي إشترى الأرض.
    حسن يود أن يتخلص من مهران.
    _ تشكر يامهران تقدر ترجع أنت
    مهران
    _ جناب الملتزم قال أقعد معاك
    _ قوله الشريف مشاني، روح
    أنت.
    _ طيب أحرصلك الخيل.
    _ العبد خير حيحرصهم ، أنا حسلم وأمشي.
    يغادر مهران المكان.

    ..............

    الشخ أدم ممسكا بكوب الشاي ويرتشف منه بصوت عالي مُزعج.
    عزيزه تخبره بان واحد إسمه الشريف ع الباب.
    _ شريف مين ياوليه.
    _ بيقولوا اللي اشترى الأرض.
    _ الشريف معتصم ؟
    _ أيوه هو،
    _ أنت إتجنيتي ياوليه، تلاقي حد بيضحك
    عليك .
    _ لا ، كان معاه مهران غفير جعفر وهو
    179

    اللي قال عليه.
    _ خيبه يكون كلامك صح ياوليه
    بس حيجيني ليه، خليه يدخل
    ياعزيزة.
    يدخل حسن ويتبادل التحية مع عزيزة التي ترحب به ويصل منتصف
    الدار حيث يجلس الشيخ أدام رافعاُ قدميه على الدكة ويشرب الشاي
    _ ازيك اشيخ أدم.
    _ اهلاً أنت بقى اللي أخدت الأرض.
    _ أيوه .
    _ وجايلي ليه، انت فاكر أن داري
    تبع حيازة الأرض.
    حسن يضحك ويقترب منه هامساً
    _ أنا حسن ياشيخ أدم ومفيش عندي وقت.
    عاوز اتكم معك لوحدينا.
    _ روحي ياعزيزة اعمليلنا شاي
    _ وانت حتشرب شاي تاني.
    أيوه حشرب ، هو أنا بشرب
    في بيت أبوكي، ياللا غوري
    تدخل عزيزه
    _ أنت حسن ومين بقى الشريف.
    _ أنا خطفت الشريف ولبست هدومه
    ورحت مكانه لجعفر وأخدت منه
    180

    كل ورق الحيازة .
    _ عفارم عليك ياحسن .
    _ مش وقت مديح أنا حسيب
    معاك كل ورق الحيازة ، وتشيلهم
    في مكان أمين ، وماحدش يعرف
    حاجه.
    يناوله العقود
    _ حشيلهم في صندوق العيلة
    صندوق أثري ياحسن ياابني
    بتاع جد جد جدي، من وقت
    السلطان قطز.
    _ كويس كده ياعمي، العقود
    دي مستقبل أهل البلد وأمانه
    عندك، حشوف معتصم لو ريحني
    وإتفقت معاه على وضع يريح
    أهل البلد حياخد ورق الحيازه
    ولو مارضاش مش حنديه ورق
    ومااتمناش كده، المشاكل حتكبر
    _ ماشي ياحسن يابني ،مش حيطلع
    غير ليك.
    _أو يطلع لمعتصم بس لو أنا بعته
    ليك، حقوم أمشي أنا
    181

    _ إستني خالتك عزيزه ، تحضرلك فطار
    _أنا فاطر عند جعفر ومتعشي وزهقت
    من الوكل.
    _أه والمتعوس جعفر كان فاكرك
    معتصم.
    _ أه هو واللزي وهارون وكل الرجاله.
    _ أنت اللي عملته فيهم قبل كده كوم
    والعمله والمقلب ده لوحده كوم تاني
    _ ربك هو الستار يامولانا.
    ينهض حسن واقفاً ويخرج من الدار والشيخ أدم يدعو له بالسلامة
    ركب جواده وانطلق وخلفه مرسال ، عبروا الكوبري واتجهوا في طريق
    الجسر حتى وصلوا قرية الحرادنة وهناك عبروا الكوبري واتجهوا نحو
    الجبل واعدوا للدرب من أسفل الجيل.
    ...........
    يجلس منازع وحمدان أمام الخيمة .منازع يلمح حسن وهو يقترب منهم.
    _ حسن وصل بالسلامة .
    _ الحمد لله ، أحسن قلبي حيقع مني
    من القلق عليه.
    يصل حسن ويتبادل معهم ومرسال الأحضان.
    منازع
    _ تسلم اييدك ياسبع .
    182

    _ ازيك يا منازع، عامل أيه؟
    مرسال
    _ ادينا رجعنا للجبل تاني والعيش
    والجبنة القديمة.
    حمدان
    _ من حقك ، ماانت كنت هايص هناك.
    _ اسكت ياحمدان، اكلت أكل ، ايش
    محمر وايش مشمر ، أنا أكلت لسنه قدام.
    حسن
    _ متعتصم فين ؟
    منازع
    _ جوه هو ورجالته.
    يدخل حسن الخيمة وخلفه منازع وحمدان ومرسال، السلوتي
    يقفز من الأرض واقفاً فرحاً برؤية حسن ويقترب منه ويحتضنه
    ويتعلق به.
    _ حسن ، حسن ، سلوتي بيحبك ياحسن.
    يبكي السلوتي وحسن يمسح دموعه.
    _ ماتبكيش ياسلوتي، تعالي اقعد جنبي.
    يجلس السلوتي بجوار حسن ، معتصم ورجاله مقيديون وأعينهم
    معصوبة ، حسن لمعتصم.
    _ إزيك يامعتصم .
    _ زي ماأنت شايف متكتف وذليل
    183

    واللي ذلني قاطع طريق، مااستنضفوش
    غفير عندي.
    يغضب منازع ويقف ويهجم على معتصم لإهانته لحسن ولكن حسن
    أمسك به.
    _ بلاش يامنازع، هو ماقلش حاجه غلط
    ومعاه حق.
    يلتفت حسن لمعتصم.
    _ قول كل اللي جواك يامعتصم.
    _ أقول أيه ، سرقت كل حاجتي
    واللي نفسك فيه أخدته، ومش
    ناقص غير تخلص علينا ، وإحنا
    قدامك أهو.
    حسن
    _ أنا مش عاوز منك حاجه وتقدر
    تعتبر نفسك حر.
    يلتفت حسن لمرسال
    _ حل قيوده هو ورجالته وشيلوا
    العصابات من على عنيهم .
    منازع
    _بتقول أيه ياحسن؟
    _ اللي قُلته يامنازع
    مرسال يقوم بحل كل الحبال وينزع من على أعينهم العصابات.
    184

    حسن
    _ دلوقت أنت ورجالتك أحرار، تقدر
    تتكلم وانت حر ،وادي البارود
    يرمي حسن ببندقيته جانباً ويرمي أيضا بندقية منازع ، في موقف إندهش له معتصم ورجاله، شافعي نهض وحاول أن يتجه إلى بندقيه
    صرخ فيه معتصم.
    _ اقعد ياشافعي مكانك، معندناش الغدر
    زيهم.
    يلتفت معتصم نحو حسن.
    _ أنا مش فاهم حاجه، أنت عاوز أيه؟
    حسن يقص لمعتصم كل الحكاية من وقت ماوصل البلد وظلم جعفر
    واللزي وهارون ومحاولتهم طرد المقدس أرمنيوس، مروراً بمحاولة
    قتله وإعداد محاكمة ظالمة له، وحرق دار الحمداني وقتل سديري
    حتى بيعهم الأرض لإذلال أهل البلد الذين يعانون الفقر والجوع
    .................
    الشيخ أدم كعاته جالساً على الدكة في منتصف الدار وممسكاً بسبحة
    ويقوم بالتسبيح،يسمع طرق على الباب، ينادي على ابنه شحاته.
    _واد ياشحاته ياابن عزيزه؟
    يأتي شحاته مهرولاً.
    _ أيوه يابا.
    _ مش سامع الباب بيخبط .
    _ والله ماسمعت يابا.
    185

    يتجه شحاته ويفتح االباب ويدخل أرمنيوس، يصطحبه شحاته لمنتصف
    الدار حيث يجلس الشيخ أدم.
    _ خطوه عزيزه يامقدس.
    _ ربنا يعز مقدارك ، عامل ايه ياشيخ أدم؟
    _ ماشي الحال، حنعلوا أيه ؟، إحنا في هذه
    البلدة مربوطين في ساقيه ووجعفر واللزي
    بيسوقوا فينا.
    _ وفين دورك ياشيخ أدم، في خُطب
    الجمعة ودروس مابعد الصلاة.
    _ شوف يامقدس، اللي بخطب فيهم نوعين
    من الناس، نوع قاعد يسمع ومش فاهم
    حاجه ولا داري بحاجه ، ومنهم اللي
    بينام ويستنى تخلص الخطبة.
    _ والنوع التاني؟
    _ النوع التاني بينافقوا ربنا بيجوا
    يصلوا سنه ويسمعوا بضمير
    ويصلوا على النبي وتلاقي الزبيبة
    كد كده ويحسسوك بإيمان وتقوى
    وبعد مايخرجوا، تلاقي الشيطان
    نط عليهم، صحيح أنا مش شايفهم
    بعيني ولكن بشوف كل اللي في الجامع
    بقلبي، دول بيفتكروا ربنا من الجمعة للجمعة
    186

    المهم كويس انك جيت عاوزك
    في حاجه مهمه.
    _ وأنا كمان عاوزك في حاجه مهمة.
    _ تقول أنت الأول ، ولا أقول أنا؟
    _ قول أنت ياشيخ أدم .
    _ حسن كان عندي وسلمني كل ورق الحيازه.
    _ معقول ياشيخ أدم ، وأخدها إزاي؟
    _ خطف الشريف معتصم وراح لجعفر
    على انه معتصم واخد الورق.
    _ ياقلبك ياحسن، يحرصك الرب يابني
    حاجات ولا اللي في الحواديت.
    _ أنت بقى عاوز تقول أيه؟
    _اللزي حيكتب على ليله يوم الخميس
    اللي جاي وانت عارف أنها مش موافقه
    ولا أبوها الله يرحمه ولا أخوها موافقين.
    _ آه يامقدس من ليله، هي خلصت على
    البلد والدور عليه.
    _يعني أيه ياشيخ أدم ؟ والبت ذنبها أيه
    _ ماذنبهاش حاجه ومشعلله الدنيا وهي
    مش ماسكه ولعه، قدر ونصيب ، نقول أيه؟
    _ مش فاهم ! يعني حتكتب الكتاب؟
    _ أعوذ بالله أن يدي تكتب مايخالف كلام ربنا.
    187

    _ اللزي حيضغط عليك ومش حيسيبك.
    _ الروح ملك للي خالقها،وأنا مش أقل
    من حسن، بالعكس أنا رجل دين المفروض
    أكون أقوى منه في الحق.

    ...............

    داخل الخيمة انتهى حسن من حكايته لمعتصم .
    _ أدي الحكايه كلها يامعتصم ، أنا لو قاطع طريق
    كنت أخدت كل الهدايه وأخدت تمن الأرض اللي
    رايح تشتريها.
    _ يعني المال والهدايا مع جعفر.
    _ أيوه وانا ماأخدتش غير ورق الحيازة.
    هي اللي كانت تهمني ، علشان الناس
    الغلابه وأنا مفيش بيني مابينك حاجه
    وماقصدتش أضرك.
    _ عملتك سوده ياحسن ومهببه بطين
    ولكن حسامح علشان غرضها شريف.
    مش عارف أقول أيه؟ أيه المطلوب مني
    _انك تسيب اهل البلد يزرعوا في الأرض
    وتكرمهم ماتمصش دمهم.
    _ موافق ياحسن وحديهم نسبه من ريع
    188

    تخليهم يعيشوا مستورين ، فيه حاجه
    تانيه .
    _ الحيازه في الحظ والصون ، وأنا
    محقوقلك يامعتصم .
    _ الأيام علمتني ياحسن أخد من كل
    بلد صديق .
    منازع
    _ وأنا كفني على يدي، تقدر تاخد
    تارعيلتك مني.
    معتصم ينظر إلى منازع مبتسماً
    _ عشان حسن عفينا عنك ولما ارجع
    لعيلتي ليه كلام معاهم.
    حسن
    _ انت دلوقت حر، عاوز تمشي اتفضل
    ولا تبقى ضيفي الليله.
    _ غالي والطلب رخيص ، حبعت شافعي
    ليهم البلد يطمنهم علشان مايقلقوش عليه.
    _ معلش ضيافتنا على كد الحال.
    _ كرمك في أخلاقك ورجولتك ياحسن.



    189

    13_ البكاء
    هو اللغة الأصعب للقلب والأكثر واقعية وصدق ، هو الوجع الذي يفيض
    مراً، هو اللغة التي تُخرص الكلام ويقف أمامها منحنياً ، مكسورا،ليلة
    توقف لسانها عن الكلام وكيف تتكلم بلغتين مختلفتين ، لغة الكلام ولغة
    البكاء، تمسح دموعها وتحاول أن تتوقف عن البكاء حتى تترك فرصة
    للكلام، هي في حجرتها مع حليمه، في حداد قلبي.
    _ خلاص ياحليمه، الحنه بعد بكره
    والحميس بيقرب.
    _ سلمي أمرك لربنا واللي
    في علمه يكون.
    _ تفتكري حمدان أخويا وحسن
    عرفوا بيوم كتب كتابي.
    _ حتى لو عارفين، حيقدروا يعملوا
    أيه، أكيد اللزي عامل حسابه كويس.
    _ يبقى الموت أهون أنه يقرب مني.
    _ أنت اتجنيتي في عقلك ياليله، أعملي
    زي لواحظ.
    _ ولواحظ عملت أيه؟
    _أمي بتقول عجبها اللي اسمه معتصم
    اللي اشترى الأرض، وبتقول كانت
    طايره بيه من الفرحه.
    _ أنت بتقولي أيه؟
    190

    _ أمي والله اللي بتقول.

    ...............

    منيرة في وسط الدار تتجه نحو الطلمبة، تسترق السمع ويصل إلى
    مسامعها صوت ليله وحليمه ولكن لا تفهم شيئاً تترك الصفيحة بجوار
    الطلمبه وتتسحب بهدو حتي تلتصق أذنها بباب حجرة ليله.
    صوت ليله.
    _ وحسن خلاص نسيته لواحظ.
    صوت حليمه
    _ بتقولي امي ، بطلت تجيب سيرته.
    _ يعني عجبها معتصم وباعت حسن؟
    _ أيوه ، بتقولي أمي فرحانه قوي بيه
    وبتشكر في جماله وطوله وعرضه.
    _ اخص عليك يالواحظ، وعيني عليك
    ياحسن ، ماتستاهلش حسن.
    _علشان كده أنت عاوزاني أنسى
    سديري ، لواحظ إن كانت نسيت
    حسن وعجبها معتصم ، يبقى ماحبتش
    حسن ، لكن أنا غيرها ، رجالة الدنيا
    كلها ماتنسنيش سديري.
    _ وأنا بقولك حاولي تنسيه، وتمشي
    191

    أمورك مع اللزي.
    _ هو اللزي ده فيه واحده تطيق
    تعيش معاه.
    منيرة في حالة غيظ من كلام ليله .
    _ بقى أخويا سبع الحاجر، مفيش واحده
    تطيق تعيش معاه، طيب يابنت الحمداني.
    تتجه منيره لغرفة اللزي وتطرق الباب ويسمح لها اللزي بالدخول
    _ خير يامنيره! فيه حاجه؟
    _ لا مفيش ياخيي كنت رايحه على
    الطلمبه ، سمعت كلام ماعجبنيش
    مارضتش أدخل أرد عليه تزل مني.
    _ كلام أيه يامنيره؟
    _سمعت ليله بتقول لحليمه هو فيه
    واحده ، تطيق تعيش مع اللزي .
    _ وقالت أيه تاني؟
    _هي بس الكلمه دي وباقي الكلام
    عن لواحظ.
    _ وبيقولوا أيه عن لواحظ؟
    _ البت حليمه بتقول لواحظ عجبها
    معتصم وليله زعلت علشان حسن.
    _ كويس أن لواحظ عملت كده، ولمت
    فضيحتها مع حسن.
    192

    _ وكلامها عنك ، حتسكت عليه.
    _ حسابها جاي ماتقلقيش.

    .........

    حسن يحاول أن يرسم إبتسامة من قهر، ويسرق الفرحة من بين ثنايا
    السعادة،هو مرهق من ركض الأيام، يُخفي إبتسامته خلف تجاعيد
    الوجع، لن يسمح بأن تكون الحياة سجناً لأنفاسه، حسن أسفل الجبل
    في وداع معتصم ورجاله.يقف بجوار حسن منازع وحمدان ومرسال.
    معتصم
    _ ماتسيبك من الجبل وتيجوا تعيشوا
    وسطينا ويبقالك دار ياحسن.
    _وأهل البلد الغلابة دول أسيبهم
    لمين ، ومقدرش أقف قدامهم من
    عندك حجيبلك مشاكل أنت وعيلتك
    وبعدين فيه حجم عليه بالإعدام
    _ إن كان على الحكم ، أجيب القاضي
    ونعيد المحاكمة.
    _ لما يجي وقتها حبقى أقولك ، المهم
    أنا عاوز منك حاجه، تروح لجعفر
    وتطلب منه التمن بتاع الحيازه ،
    أو يجيبلك الحيازه.
    193

    منازع
    _ حيقوله وأنا مالي ، أنت جيت
    ودفعت وأخدت الحيازه .
    حسن
    _ وقتها معتصم يحكي اللي حصل كله.
    حمدان
    _ وقتها حيقوله أنت اتقطع عليك الطريق.
    حسن
    _ حيقول اللي قطع عليه الطريق معرفوش
    وهو ماكنش قاصدني ، وهو كان قاصد
    الحيازة ، ولو كان قاصدني كان سرق
    المال.
    منازع
    _ جعفر مش حيوافق ولا حيرجع حاجه.
    معتصم
    _ يبقى فتح على نفسه نار جهنم وحنقعوا
    في بعض وهو مش كدينا ومعندوش عزوة
    وأهل البلد مش حيساندوه.
    منازع
    _ ولو سأله حسن سابك ليه؟
    _ يقول هربت منهم وأنه له تار
    معانا ومش حيسيبنا.
    194

    حمدان
    _ مش فاهم حاجه وليه بتكشف كل حاجه
    وكمان فيها ضرر للواحظ.
    حسن
    _ عارف فيها ضرر للواحظ، بس هي
    ملهاش ذنب ، أبوها اللي استقبلني
    وبعدين فيه الأهم ، أنا قصدت كده
    علشان حساوم بورق الحيازه اللي
    معايه، على البراءة من حكم الإعدام
    ومصلحة البلد.
    معتصم يبتسم.
    _ عرفت دلوقت أنت ليه ماسلمتنيش
    الحيازه وعاوز تلعب بيهم.
    _ هو ده اللي حنعملوه مع بعض.
    يودع معتصم حسن وينطلق برجاله .
    منازع
    _ أنا كمان حنزل أشوف أيه الأخبار.





    195

    14_ حياة بعد موت

    لواحظ عادت إليها الإبتسامة من فوق كف المستحيل، تفتح عينيها
    للهواء والنور وجمال كل شئ، تحتضن عروقها المفتوحة ، قلبها أصبح
    ريشه ترسم على الهواء ، وتلون النسمات، تبتسم بعد وجع وتضحك بعد حزن ، تنطلق في حديقة القصر بروح جديدة وليدة بعد رؤيتا لحسن
    تمسك بفرع شجرة ليمون وتتذكر لحظة رؤيتها لحسن، لا تنسى تلك اللحظة ، توقفت كل الذاكرة عندها.
    جعفر
    _أيه يابت يالواحظ، مالك اتسمرتي كده
    أدخلي سلمي على الشريف معتصم
    تقترب لواحظ من حسن وتمد يدها خلاف المرة السابقة التي
    غطتها بشالها، تحسست يده وتحسس هو دفء يدها، تنظر
    لعيني حسن وكأنها تقول له.
    _ إيدك دافيه ياحسن ، دافيه قوي
    نفسي أترمي في حضنك ياحسن
    حسن يرد عليها
    _ حاسس بحنان يدك يالواحظ
    حبك نار قايده في قلبي
    ينتبه حسن لنفسه ويخشى أن يلفت نظر جعفر.

    _ إزيك ياست لواحظ.
    196

    لواحظ
    _ أزيك أنت يا ...
    كادت أن تتلعثم وتنطق حسن وتداركت الموقف.
    _ إزيك ياشريف معتصم، اتشرفنا بيك.
    تعود من خيالها السارح بعيداً تحدث نفسها .
    _ شُفتيه بعنيك يابت يالواحظ
    مليتي عينك منه، لو فضلت
    أبص لعنيه طول العمر ، مش حزهق.














    197

    15_قلب وروح

    الدنيا لا تحتاج منا سوى قلب وروح يمران بها في طمآنينة وسلام
    فيوم الرحيل من الدنيا ترحل كل الأشياء ولا يتبقى سوى عملك.
    الرحيل بطمآنينة وسلام ، يمنح إسمك الحياة بعد الموت،يبكون
    عليك من الأعماق لا على حسب العادات والتقاليد،منازع أمام منزل
    اللزي ، يقف أمام الغفير طلب.
    بسخرة
    _ اللزي جوه يافقر البين ؟
    _ أيوه جوه، لسه ماطلعش من الدار.
    _ أدخل قول له أني عاوزه,
    _ فرانه ياسبع، مش حعوق عليك.
    ..............

    اللزي يتجه نحو الباب وخلفه طلب، يفتح الباب يجد منازع.
    _ إزيك يامنازع، عاش من شافك.
    _ اسكت يالزي ياخوي، الواد ده
    زي ماقلت عليه ، جن مصور
    كل ماإحس أنه بقى في إيدي
    وقدام عين، أمسك الباروده
    ألاقيه فص ملح وداب، حتججن.
    _ أنا قلت لك أوعي تستهين بالواد
    198

    ده ، قعدت تتمقيط ( تسخر) عليه .
    _ ده ولد حويط قوي.
    _ تعالى نتمشى شويه ، عشان الواحد
    طهقان ومش طايق نفسي.
    _خير ؟ فيه حد مضايقك؟
    _ حقولك واحنا ماشيين.

    .......................

    لتكن كلماتك عطراً يفوح شذاه فيعطر من حولك،واجعل قلبك حقيبة
    لهموم من حولك،وهمساتك وكلماتك الطيبة يد حانية تمسح دموعهم
    حسن وحمدان أسفل الجبل.
    حمدان
    _ خلصنا من الحيازه.
    _ يبقى باقي لينا ليله.
    _ كويس أنك فاكر.
    _اخص عليك ياحمدان ومن ميتى
    قطعت وعد وخليت بيه، وبعدين
    لليله بعتبرها اختي زي ماهي اختك.
    _ الحنه بتاعتها بكره ياحسن.
    _ماتقلقش يحمدان ، إن شاء الله
    ربنا يكرمنا ونخلصها، أول مايرجع
    199

    منازع ونعرف الأخبار ، نفكروا في
    طريقه نخلصها بيها.

    .....................

    ليل حالك السواد.
    هم إعتادوا غرس الشوك في في الجسد، وغرس الأنياب في القلوب
    يضحكون وتركوا لغيرهم كل البكاء ومع ذلك ، القدر يسقيهم بمرارة
    وكأنه ينتقم للخير، عشق اللزي لليله التي لاتحبه إنكسار، يحاول
    أن أن يغرس مخالبه في فم القدر، اللزي يسير مع منازع على طريق
    الجسر محاولاً الخروج من حالة الهواجس التي تحيط به.
    منازع
    _ يعني جعفر فرحان ببيع الحيازه.
    _أيوه فرحان قوي.
    _معقول واحد يملك الأرض دي
    كلها ويفرح في بيعها.
    _ جعفر مش زينا بيتمسك بالأرض
    جعفر أصله تركي ولاتعنيه، سيبنا
    من جعفر ونتكلم في الموضوع
    اللي عاوزك فيه.
    _ رقبتي سداده ياسبع الحاجر.
    _ أنت عارف إن الحنه بكره
    200

    وكتب الكتاب بعد بكره.
    _ حنة مين ؟ وكتب كتاب مين ؟
    _ لحقت تنسى ، حنة ليله وكتب
    كتابي عليها يوم الخميس، منا
    قولتلك قبل كده، عاوزك تكون
    موجودمعايه، وكمان تبات في الدار.
    _وليه ده كله.
    _ كلام بيني مابينك، خايف الواد حسن
    وأخوها الحمداني يعملوا مشاكل
    ورجالتي ممكن مايعرفوش يتعاملوا
    معاهم.
    _ ماشي، أنا ليها ياسبع، وياريت يهوب
    عشان أقطع رقبته.
    منازع يبتسم ويحدث نفسه.
    _ جاتلك على الطبطابة ( جاهزة) ياحسن.
    _ يعني اتكل عليك في موضوع حسن.
    _ أنت خليك في فرحك وسيب الرجاله
    وكل حاجه عليه، وأنا حعمله كمين
    مايخرش الميه، لكن أنت متأكد أنه
    جاي.
    _ حتى لو ماجاش، لازم أكون عامل
    حسابي،الواد ده مش ساهل، وعارف
    201

    بيعمل أيه كويس.
    _ ماتقلقش خالص .
    _ ماأنت قلت كده كتير والواد
    قدامك في الدرب وماعملتش حاجه.
    _ ياسيدي ، ده بيحس بدبة النمله ومعفرت.
    _ بلاش سيرته الوحشه، تعالى معايه نوصلوا
    الشيخ أدم.
    _ الوقت ليل .
    _ نصحيه.
    _ لا أنا أروح أرتب أموري عشان
    ليلة الحنه،وبعدين مابحبش الراجل
    ده لسانه طويل.
    _ خلاص أنت شوف أمورك وأنا
    حعدي عليه.








    202

    16_ الكابوس

    منابع الإذى كثيرة في الحياة ، الشر، الكراهية ، العصبية، الحسد.
    كل إنسان يتعامل ويقاوم تلك المنابع بطريقته الخاصة، هناك من يقوام
    بالإنتقام ، وهناك من يقاوم بالصبت والصبر، وهناك من يقاومها بالضحكة وخفة الدم، أقوى الأسلحة لتجفيف منابع الإذي، هي الحب
    النقاء، الطهارة، الكلمة الطيبة، الشيخ أدم نائم على النوامة هو وزجته
    عزيزه وإبنه شحاته، النوامة هو مبني مستطيل ارتفاعة حوالي متر وربع المتر مبني بالطووب اللبني ، محاط بسور صغير لا يتعدى ربع
    المتر، لها درجات سلم للصعود إليها، بإختصار هي سرير كبير مبني
    بالطوب اللبني، الشخ أدم وأهل بيته ليسوا من هواة السهر فغالباً بعد
    صلاة العشاء ، يستسلم الجميع للنوم،طرق غير عادي على الباب
    يقوم الشيخ أدم من نومه فزعاً.
    _ ياساتر ، مين اللي بيخبط الساعة دي.
    يضرب بكوعه عزيزه بجاواره محاولاً إيقاظها.
    _ قومي ياعزيزه شوفي مين؟
    عزيزة يغالبها النعاس وتتخاذل في القيام .
    _ قوم أنت مش قداره.
    _قومي سنديني الله ماتوعي تشوفي.
    الطرق يزداد على الباب.
    _ مين اللي بيخبط كده؟
    الشيخ أدم يتحسس الحذاء، يلبسه، ويتحسس مكان النزول من
    203

    على النوامة، يمسك بعصاه، يعتمد على حواسه في السير
    حتى وصل الباب.
    _ طيب ياللي بتخبط.
    يفتح الباب ويدخل اللزي .
    _ إزيك يامولانا.
    _ اللزي مش كده؟
    _ أيوه هو اللزي.
    _ماهو المرزبة اللي بتضرب الباب
    لازم تكون يد اللزي، خير ياسبع
    البرمبه.
    _ طيب قولي اتفضل.
    _ تعالى، بس دارنا حتليق بيك.
    الدكك اللي عندنا بتقع باللي
    حيقعد عليها.
    _ خلاص حقعد على الأرص على الحصير.
    _ الحصير بتاعتنا بتشوك وتعور.
    يجلس اللزي علىالدكة ، هو يدرك أن الشيخ أدم غير راغب في تلك
    الزيارة ويحاول تطفيشه.
    اللزي ببرود
    _ مش حطول عليك يامولانا.
    _ يكون أحسن برضوا ، ولو مااتكلمتش
    وتاخد بعضك وتمشي يكون أحسن.
    204

    _ قولتلك حقول كلمتين وامشي
    ان شاء الله وعقبال ماتفرح بشحاته
    أنا عاوزك في كتب كتابي.
    _ انت نويت تتزوج.
    _ أيوه.
    _ ومين دي اللي بلاها ربنا بيك
    قصدي كرمها بيك.
    _ ماانت عارفها ، تبقى ليله بنت
    الحمداني.
    _ يادي ليله وسنينها اللي مابتطلعش
    فيها شمس ، وهي على كده موافقه
    بعد ماشردتها هي وأهلها.
    _ وموافقتها تهمك في أيه؟
    _تهمني علشان شرع ربنا والزواج
    ايجاب وقبول.
    _ إعتبرها قبلت.
    _ أعتبرها إزاي ، لازم أخد رأيها.
    _ بقولك إعتبرها وافقت.
    _ وأنا والله مش حخالف شرع ربنا
    عشانك والشرع مافيهوش اللزي
    لازم أسألها.
    اللزي ينهض واقفاً ويهم بالخروج.
    205

    _ يوم الخميس الرجاله حيجوا ياخدوك
    من الجامع، بعد صلاة العشا.
    _بتهددني يالزي.
    _ إعتبرني بديك فرصه تفكر.
    يفتح الباب
    _ ابقى فكر كويس ، السلام عليكم.
    _الله مايسلمك أبداً يابعيد، وماتوعى
    تفرح ، لا دنيا ولاآخره.














    206

    17_ المفاجأة

    إحذر أن يعلمك البعض الكراهية وحب الإنتقام، حتى تُصبح صورة طبق
    الأصل منهم، ولن تستطيع العودة وقتها سوف تفشل وقتها سوف تكتشف موت الضمير فيك، تحسس خلايا قلبك كل يوم ولا تترك عليها ذرات
    تراب، عندما تجد منابع للقُبح ، اهجرها وابحث عن الأخلاق، القيم والجمال، يصل معتصم قصر جعفر هو وشافعي وأحد الرجال، يدخل بحصانه
    جيث يقف الغفير مهران.
    _ معتصم لمهران
    _ فين الملتزم جعفر؟
    _ قل له فيه ضيف جاي يقابلك.
    _ اقوله مين؟
    _ قل له الشريف معتصم.
    يظهر الإرتباك على مهران والحيرة ، هو قد رأي معتصم قبل ذلك
    يحدث نفسه.
    _ معتصم ده غير معتصم التاني
    يمكن يكون هو، يخرب بيت
    البوظه اللي لحست مخك يامهران.
    معتصم يعنفه ،أدرك أنه يقارن بينه وبين حسن.
    _حتفضل واقف كتير كده؟
    مهران وهو في حالة توتر وارتباك.
    _لا.. أن داخل اهو، خلاص داخل.
    207

    يدل مهران لداخل ممر القصر وهو مرتبك.
    ............

    داخل المضيفة، يجلس جعفر واللزي وهارون، لن تضيع الحقيقة في
    زحام الشر، الحق أقوى من الباطل ولو قل، هم إعتادوا غلق قلوبهم
    وأذانهم وعقولهم أمام الحق، وعندما يفوقون من غفوتهم لا يتحملون
    الحقيقة.
    هارون للزي.
    _ هي ليله تعرف إن أبوها مات؟
    _ لحد دلوقت ماتعرفش حاجه.
    _طيب اتجوز بسرعه أحسن تعرف.
    يضحك جعفر ومعه هارون ، يدخل مهران.
    هارون
    _ فيه حاجه ياواد يامهران؟
    _ أيوه ، الشريف معتصم بره.
    جعفر يتعجب من رجوع معتصم بهذه السرعه .حدث نفسه.
    _ يبقى جاي يقرا فاتحة لواحظ.
    هارون
    _ خليه يتفضل.
    ............

    خارج باب القصر يفتح مهران الباب. ليأذن لهم بالدخول.
    208

    _ اتفضلوا .
    _ ينزل معتصم من على جواده ، وشافعي ينزل من على الجواد الآخر
    ويتبقى رجل لحراسة الخيل ويدخل معتصم ومعه شافعي.
    ...............

    داخل المضيفة جعفر واللزي وهارون في إنتظار معتصم ، يدخل مهران
    وهو يرحب بمعتصم، السعادة تغمر جعفر واللزي وجعفر ينتظران، دخل
    معتصم وخلفه شافعي، المفاجآة هزت الجميع، دهشة وحيرة وقلق وذهول ، لم ينتظر معتصم طويلاًً.
    _مين فيكم جعفر؟
    جعفر
    _ أنا جعفر.
    _ وأنا معتصم اللي جه علشان يشتري الأرض.
    هارون
    _ معتصم جه أخد ورق الحيازة واشترى الأرض.
    معتصم
    _ وأنا اشتريتها إزاي، أنا لسه داخل عندكم.
    اللزي
    _ وبعدين بقى، معتصم كان هنا واشترى الأرض.
    أنت مين؟
    شافعي
    _ده الشريف معتصم يالزي وانا جيتلكم
    209

    مرسال منه قبل كده.
    اللزي
    _ أيوه أنت جيت قبل كده .
    شافعي
    _ وده الشريف معتصم.
    هارون
    _ ومين اللي كان هنا من يومين واشترى الأرض.
    اللزي
    _ وكمان دفع تمنها.
    معتصم
    _ يبقى اللي هو اللي خطفنا وقطع عليه الطريق.
    هارون
    _ مين خطفك وقطع عليك الطريق، مش فاهمين
    حاجه.
    _ واحد إسمه حسن.
    جعفر بدهشة.
    _ إسمه أيه؟
    _ حسن.
    جعفر يُغمى عليه ، إلتف حوله اللزي وهارون محاولين إفاقته، جعفر في غيبوبة كاملة ولا يتحرك، هارون يلتفت نحو معتصم.
    _ ياريت ياجناب الشريف تيجي في وقت تاني
    أنت شايف حالة الملتزم جعفر.
    210

    معتصم
    _ ماشي إسبوع وأجي أخد مالي أو الحيازه
    وما أسمعش كلام تاني في أي حاجه
    مش مستاهله نقعوا في بعض.
    _ ماشي ياجناب الشريف، يقوم بس جناب
    الملتزم بالسلامه ويحلها حلال.
    معتصم
    _ ماشي .
    يخرج معتصم وخلفه شافعي متظاهراً بالغضب يسير في الممر
    حتى يصل الباب الخارجي ، يركب جواده وينظلق خلفه شافعي
    والرجل الذي كان يحرس الخيول، معران الغفير في حالة ذهول
    _هو فيه أيه؟ دا مالحقش يقعد
    الدنيا مغبره كده ليه.

    .................

    لا تبتئس من المآساه، ولاتنظر للوجه القبيح لكل مصيبة كما ينظر الآخرون، لكل مصيبة وجه آخر مخفي ، ووجه مشرق لا تدركه
    الأبصارولكن تدركه القلوب القوية التي تصنع من شراب اليمون
    مشروباً حلو المذاق،طريق الراحة يحتاج السير على الجمر وعلى
    الشوك والمشقة والتعب، لا تقابل مواجهة الصعاب بالعويل والبكاء
    والتحسر، بل قابلها بالصبر والإصرار على الإنتصار والثبات.
    211

    أمام الخيمة في الجبل يجلس حسن و ومرسال وحمدان .
    حمدان
    _ نفسي أشوف شكل جعفر عامل
    أيه دلوقت.
    حمدان
    _ مش بعيد يطب ساكت فيها .
    حسن
    _ الخوف بس على لواحظ.
    مرسال
    _ وهي ذنبها أيه ؟ مش هو اللي جابها
    لحد عندك.
    حسن
    _أيوه ، كان جايبها لمعتصم مش حسن.
    حمدان
    _ كده حيخبطوا في بعض ، لو مارجعش
    المال ولا الحيازه لمعتصم ، حيقعوا في
    بعضظ.
    مرسال
    _ ياريت.
    حسن
    _ معتصم واقف الوقف ده علشاني
    هو ضامن الحيازه في يده ولكن
    212

    بيلاعبهم زي ماطلبت منه وحيجوا
    لحد عندي ، وجعفر مش غبي
    علشان يوصلها لمعركه بينهم.
    حسن
    _ خلونا في موضوع ليله دلوقت
    النهاردة الحنه ولازم نخلصها
    يدخل منازع
    حسن.
    _ جيت في وقت يامنازع، لسه
    كنا بنفكروا نخلص ليله إزاي.
    منازع يمزح
    _ اللي حيقرب ناحية دار اللزي
    أنا اللي حقفله.
    حمدان يغضب
    _ أنت بتقول أيه يامنازع؟
    _ بقول اللي حيقرب للدار
    أنا اللي حقفله.
    مرسال
    _ أنت باين عليك اتجنيت.
    منازع
    _ علشان أنا اللي ححرس دار اللزي
    الليله.
    213

    حسن يضحك أدرك مزاح منازع.
    حمدان
    _ مش فاهم حاجه؟
    حسن
    _ أفهمك ياحمدان، منازع عاوز
    يقول إن ربنا سهلها وأنه هو
    اللي بيحرس دار اللزي.
    منازع
    _ عليك نور ياكبير.
    ينظر لمرسال وحمدان.
    _ شايفين الناس اللي بتفهمها وهي طايره.
    حسن
    _ فهمني اللي حصل بالراحه.
    _ اللزي طلب مني أكون معاه
    اليومين دول ،يوم الحنه وكتب
    الكتاب، خايف منك ياحسن
    وعاوز يعمل حسابه.
    حسن
    _ كده ربنا سهلها علينا شويه.
    وجودك داخل الدار حيسهل
    دخولنا .
    منازع
    214

    دخولكم فيه خطر عليكم ومش
    مستاهله دخلولكم.
    حمدان
    _ عاوز تقول أيه؟
    _ أنتوا تنزلو من هنا بعد نص الليل
    يكونوا ناموا ، أنا حدخل حوش
    البهايم وأنقب الحيطه واخد ليله
    أطلع بيها.
    حسن
    _ عفارم عليك يامنازع ، سهلتها عليه
    وريحتني.
    حمدان مازحاً
    _ قتال قُتله ياعم، ومعلم كبير.


    ..............

    ليلة أرهقتها الجروح ، تنادي الأمل فلا يستجيب، الجرح لا يندثر تحت
    وطأة الوجع،لم تجد ما تأخذه من حنايا قلب مُثقل بالكروب واليأس
    حتى حبة الحب مدفونة في أرض لا تنبت، تبحث عنها لتنثرها على
    أنحاء جسدها فلا تجدها، منيره لا تكف عن مناغصة حياتها والكيد
    لها ومحاولة الشماتة الدائمة لحالها ، دخلت على ليله في غرفتها
    215
    التي تجلس بها حزينة وحليمه تحاول أن تُخفف عنها،منيرة تسخرمنها.
    _ أيه ياعروسه ، مالك ؟ باين عليك
    مش فرحانه! ده شكل واحده حنتها
    النهاردة ودخلتها بكره!
    _قصدك تقولي خرجتها،أنت جايه
    تشمتي وتتمقيطي عليه ، فاهماك
    يامنيره، ماشي أنا قبلت عزاك فيه
    وعلى العموم أنا أحسن من اللي قاعده
    زي البيت الوقف.
    منيره بغضب
    _ إخص عليك ،ينقطع ليانك ، أنا لو
    حقول ياجواز ، حاخد سيد سيدك.
    _ أيوه ، أصلي مش من هنا وحتضحكي
    عليه بكلمتين ، والرجاله واقفه لأخوك
    طابور على الباب ، خليني ساكته
    وسيبيني في حالي وخلي الطابق مستور.
    _ أيوه ماهي العايبه تلهيك واللي فيها تجيبه فيك.
    تهجم منيره على ليله محاولة ضربها وتشدها من شعرها، تشتبك
    معها ليله وتشدها هي الآخرى من شعرها . حليمه تحاول فض
    الإشتباك بينهما ، تقف بينهما.
    حليمه

    _ أيه ده ! والنبي عيب عليكم .

      الوقت/التاريخ الآن هو الجمعة مارس 29, 2024 8:18 am