منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
مسرحية هذا كفنك ياوطن  2 والأخير Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
مسرحية هذا كفنك ياوطن  2 والأخير Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
مسرحية هذا كفنك ياوطن  2 والأخير Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
مسرحية هذا كفنك ياوطن  2 والأخير Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
مسرحية هذا كفنك ياوطن  2 والأخير Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية هذا كفنك ياوطن  2 والأخير Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
مسرحية هذا كفنك ياوطن  2 والأخير Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية هذا كفنك ياوطن  2 والأخير Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
مسرحية هذا كفنك ياوطن  2 والأخير Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    مسرحية هذا كفنك ياوطن 2 والأخير

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    مسرحية هذا كفنك ياوطن  2 والأخير Empty مسرحية هذا كفنك ياوطن 2 والأخير

    مُساهمة من طرف سميرحمايه الثلاثاء مارس 05, 2019 7:15 pm


    36


    ومستنيه الولد يتولد


    جاها ألم المخاض

    مش زي كل ام بتصرخ

    بر غم الألم والتعب

    وجنين ولادته صعبه

    كانت بتصرخ أفراح

    ونسيت كل ألم وأتراح

    وشافت إبنها بعنيها

    وضمته قوي في حضنها

    وفرحت لابنها اللي في بطنها
    إتجلد لما اتولد

    والطفل ياولداه

    إتولد شايل همه
    37


    لو حس بجوع

    بيرضع في دمه

    (تخرج فتاة)

    وحبوه كان في الميدان

    بيحاول يوقف ويمشي

    فرشوله الأرض شوك

    والوليد البطل مابيتعثر

    ولا إر ادته بتتكسر

    ونسيوا ان الوليد

    من صلب الحديد

    متين لا بيلين ولا بيتعصر

    والظالم علي ايد الوليد

    38


    هو اللي انكسر واتعصر

    ووقف كل العالم مذهول

    من شجاعة وليد

    إزاي قدر ينتصر

    والرعب والحسد ملا عيونهم

    وماعاد النوم يعرف جفونهم

    خافوا من المولود

    وفهموا انه من فصيلة أسود

    ولو كبر الطفل وصار فتي

    حيسود كل الوجود

    وبقي همهم وكل شغلهم

    قتل الوليد
    طرف تالت من جوه مستخبي
    39

    يقتل ويدبح ويخطف
    خطف الوليد بقبضه
    من حديد
    ( تخرج الفتاة)

    جمهور 1 هو يمشي

    جمهور 2 مش حيمشي

    عرابي احنا حنقف مع مين يابني .

    عربي أنت روح مع دول وأنا أروح مع دول.

    يتجه عرابي لجمهور 1 وعربي لجمهور 2


    بيان 3 برمهات

    جمهور 1 فرح وتهليل

    جمهور 2 في حزن

    جمهور 2 ينسحب وعربي يحاول أن يذهب إلي عرابي ولكن أحد

    40

    الأشخاص ينهره ويضطر ان يجذبه معهم

    وعرابي ينظر إلي حمو محاولً أن يذهب إليه ولكن ماحوله من
    جمهور يجذبه ، ينجح عرابي في الوصول لعربي عند جمهور
    اتنين ، قوات الشرطة تطارد جمهور 2 وتلقي القبض على
    من يقع في أيديهم .



    بلاك اوت










    41







    الجزء الثاني










    42

    المنظر الأول
    الديكور حجز المساجين في قسم الشرطة، عدد من المساجين
    وعربي داخل الحجز مع المساجين، أحد المقبوض عليهم
    من جمهور اتني
    الشاب أنت يابلدي رايحه على فين
    على فين وخدانا، ماتقوليش
    قَدْرْ وهو اللي رمانا
    أصلك يابلدي على طول مخطوفة
    والموت والهم والوجع حبسوهم
    جوانا.
    أرضك الطيبة، الغربه فيها قريبه
    ( يقترب عرابي من الشاب)
    عربي هو فيه أيه؟ ، مش فاهم حاجة!
    الشاب فيه حبس للضمير، فيه موت
    للعدالة ، في قهر للحرية.
    عربي ياه كل ده !
    الشاب وأكتر من كده ، أنت ممسوك ليه ؟ ثوره؟
    عربي لا أن ممسوك كفن. ماليش دعوه بحاجة.
    43

    الشاب إزاي لازم يكون ليك إنتماء فكري
    لازم يكون ليك رأي، ماينعش
    تعيش ميت.
    عربي كده كده عايش ميت ،أعيش
    ميت بمزاجي ، أحسن ماأعيش
    ميت بمزاجهم.
    الشاب أنت عايش ميت بمزاجهم ، انت
    مالكش تختار مزاجك.
    عربي ياعم سيبنا في حالنا ، احنا تور
    الله في برسيمه.
    الشاب ماينفعش كده ، لازم يكون ليك
    رأي وكلمة.
    عربي والنبي اعمل معروف سيبنا في
    حالنا ، احنا كنا معاكم بندور على
    كفن .
    الشاب ياابني بتاع كفن ، بتاع ترمس
    فيه كتير غيرك مظلومين
    دي شوطه بيشوطوها ماتعرفش

    44

    بتاخد مابتفرقش، دول كل شويه
    يشتغلوا الحاكم ، ويقولوله مسكنا
    خليه كانت بتخطط لنظام الحكم
    وكل مصيبة يقبضوا فيها على مظلوم
    يلبسوه كل مصيبه ، ويغطوا على عيوبهم
    كل شويه مؤامرة ويملوا الكشوف بأي حد
    علشان يصدق، وكل ماكان هو جبان
    يحتاج ليهم أكتر. ويسلمهم السلطة
    ويكونوا الكل في الكل.

    ( يدخل عسكري ويجذب الشاب)
    العسكري تعالى ياروح أمك .
    ( يخرج العسكري ومعه العسكري، يقترب عربي من أحد المحبسوين)
    عربي أنت تعرف واخدينه على فين.
    المحبوس طبعاً عارف ، حياخدوهم يروقوهم
    وبعد كده يكيفيهم .
    44

    عربي وأنت روقوك وكيفوك .

    المحبوس لا ، الحمد لله، أنا مسجل خطر
    سرقة بالاكراه ، سلاح أبيض
    عربي كل اللي هنا زيك .
    المحبوس آه ، اللي هناك ده نخنخ بلطجي
    واللي جنبه حرامي غسيل وبينشل
    محافظ من الأتوبيسات وكلها ساعة
    وحنخرج.
    عربي وتخرجو ليه بقى؟
    المحبوس علشان إحنا مواتنين شرفا.
    عربي واحنا كمان ، بتوع كفن
    المحبوس اللهم ماديم علينا نعمة السرقة
    ومانبقوش زيهم.
    عربي باين عليك خبره ومتودك
    تنصحنا بأيه ؟
    المحبوس أه أنا خبره ولا أجدع محامي.
    عربي طيب قولنا ، نعمل أيه؟
    45

    المحبوس لما يحققوا معاكم ، قولنا
    أحنا مواتنين شرفا .
    عربي ولو قال انتوا ، كنتوا بتعملوا
    أيه هناك.
    المحبوس قولوا علشان نبلغ عنهم يابيه
    بس فيه حاجه .
    عربي حاجة أيه.
    المحبوس انتوا وحظكم، لو كشوفهم
    كملت العدد، حيطلعوكم.
    عربي ولو ناقصة ؟
    المحبوس يبقى ربنا يعوض عليكم
    مش حتشوفوا الشمس.
    عربي يعني ممكن نروح في داهيه.
    المحبوس آه أنتوا وحظكم ، أناأعرف واحد
    جاري كان معاهم وفرحان
    وبيقرقص معاهم وفرحان
    وبيقفش في الستات والبنات
    سهر معاهم وهو شايل العلم
    46

    عربي وبعدين حصل أيه؟
    المحبوس كان سهران للفجر ومفيش
    مواصلات وراجع مشي وعند
    جامع التوحيد ، كانوا بيطاردوا
    ويجروا ورا ثوار هناك .
    عربي كمل وقعت قلبي ، اوعى يكونوا
    قبضوا عليه.
    المحبوس آه والله أخدوه ومحش يعرف
    عنه حاجه .
    عربي ربنا يطمن أهلك.


    بلاك أوت





    46


    المنظر الثاني

    داخل قسم الشرطة مكتب رئيس المباحث عربي في حجرة الضابط

    الضابط يعني انت مش منهم..؟

    عربي لا والله يابيه ولا اعرفهم دنا حته
    مابصليش وصايع وسنكوح

    وخمرجي وحشاش وأي حاجه وحشه
    أنا وأبويه لينا فيها، إلا اللي بتقول عليه. .

    الضابط ولسه الجثه قاعده في البيت انا ممكن
    أعملك محضر تستر علي دفن ميت

    عربي الحمد لله ياباشا طلعت عارف كل
    حاجه ، أحمدك يارب ومحروسه
    حدفنها يابيه بس الاقي حق الكفن.

    الضابط انت حتشتغلني ياولا كفن أيه اللي بتدور

    47

    عليه والله حتي لو اديتك كفن

    حتروح تبيعه،.انا حسيبك بس بشرط. .

    عربي اشرط زي ماانت عاوز يابيه
    بس بلاش تروقنا واتكيفنا..

    الضابط حكلفك بمهمه وتروح تخلصها.

    عربي مهمة ايه يابيه ..............؟

    الضابط عارف مستشفي المجانين .؟

    عربي اللي في العباسيه ...أيوه عارفها.

    الضابط أيوه هي..........؟

    عربي وأنا حعمل أيه بقي ؟.

    الضابط أصل المجانين عاملين مظاهره..

    عربي حتى المجانين اتجنوا يابيه ؟
    الضابط آه .
    عربي هي يعني جات عليهم يابيه.
    48
    .

    الضابط ( غاضبا ) أنت حتهزر معايه ..
    أنت تسمع الكلام وبس.

    عرابي حاضر .....وأنا أعمل أيه بقي..........؟

    الضابط أنت حتدخل تعقلهم. .

    عرابي ( ساخراً) انا حدخل أيه أعقلهم ......
    ..أعقل المجانين. .

    الضابط أيوه مهمتك تعقلهم وتنهي المظاهره..

    عربي إزاي ؟ إن كنتوا انتوا مش قادرين تعقلوهم
    ..حعقلهم أنا..

    الضابط أنت حتنفذ اللي حقولك عليه ولا أحبسك
    بتستر علي دفن جثه ولا تروح تتروق
    وتتكيف مهاهم ، أنا جايبك من وسطيهم
    حقول أنك منهم..

    عرابي لا يابيه أنا حعقل أبوهم ولكن حعمل أيه ؟

    49
    .

    الضابط حتدخل كأنك مجنون وواحد منهم
    وتشوف طلباتهم وواحده واحده تقنعهم
    تخليهم يسكتوا ، الصحافة العالمية
    مش سايبانا في حاجه..

    عربي ماشي يابيه ، بس انا ليه طلب.....؟

    الضابط اوعي تقولي كفن .......؟

    لا ،حاخد معايه عرابي. عربي

    الضابط مين عرابي .؟

    عربي أبويه اللي كان في المظاهره التانيه..

    الضابط ماشي .....؟ يخرج له قطعتين قماش
    أبيض وادي ملابسك انت وابوك

    ولو خلصنا المهمه. عرابي

    الضابط حكلملكم حد يظبطكم وتبقوا
    مواطنين شرفا.
    50
    .

    عربي الله يظبطك يابيه ويظبط كل عدوينك
    تظبيطه حلوه .

    الضابط ماتقلقش كل شئ مظبوط..

    عرابي طيب ليه أنا شايفها ساده .

    الضابط عشان مالكش في الزياده .

    عربي علي رأيك كفايانا ع الريحه ........
    نشم ريحة اللحمه...ريحة الطبيخ

    ريحة الفلوس اللي مابتحبش جيوبنا
    وتفر منها ، صحيح يابيه ليه دايما
    ماشيين شمال...

    الضابط إتشعبط وأنت ساكت.
    .


    بلاك اوت


    51

    المنظر الثالث

    في مستشفي الأمراض العقليه ..الديكور حديقه..مجموعه كبيره من المجانين في مظاهرة

    مجنون 1 قال بيقولوا بين العقل والجنون شعره
    ...تردوا عليهم تقولوا أيه. .

    جمهور المجانين .ماراحت .....ماراحت. .

    مجنون 1 بيقولوا علي نفسهم أهل الابتسامه
    ...تردوا تقولولهم أيه . ..

    جمهور المجانين ماراحت الابتسامه ياأهل الندامه .

    مجنون 2 ماتقوليش ماتعدليش ...الناس دول مايحكُمنيش.

    جمهور المجانين يردد خلفه

    مجنون 1 خلاص ياعاقلين .....بقيتوا مش نافعين

    جمهور المجانين يردد خلفه

    مجنون 2 لا صلاح ولا فلاح، والعاقلين ضيعوا فلوسنا ع السلاح.
    52


    الجمهور يردد خلفه

    مجنون 1 نحن نعلن من هنا حركة مجانينوا
    ومجانين العالم اعلنوا تضامنهم معنا

    وسوف نتوجه للامم المتحده نطالب
    برفع وصاية العاقلين علي المجانين

    الجمهور هتاف وفرح

    يدخل عربي وعرابي) )

    مجنون 1 الاتحاد الفيدرالي الدولي للمجانين يعلن تضامنه الدولي مع مطالبنا

    . المشروعه .

    عرابي يانهار اسود الكلام كبير أوي ياعربي.

    عربي أكبر مننا يابا .ودول حنعقلهم إزاي؟.

    عرابي تعالي ياابني نروح أحسن .مالها المقابر

    53

    ماقاعدين فيها ومتنيلين والله هي أرحم
    وحشتني. .

    عربي الظابط قال حيحبسنا لو ماخلصناش المظاهره دي

    عرابي يبقي لازم نجاريهم ...( يحدث المجانين بصوت
    عالي )

    ليه الملح رخيص والسكر غالي .

    مجنون 1 عشان يملحوا حياتنا ويخللونا. .

    عربي وليه مابيحسوش بفقرنا ووجعنا..

    مجنون 2 عشان مابيرعفوش الجوع..

    عرابي يقولك بنتفاوض وهما بيقسموا لقمتنا..

    عربي ويقولك بنجتمع وهما بينطوا علي بيتنا..

    مجنون 1 ماتقوليش ماتعدليش ،العاقلين مايحكمونيش.

    الجمهور يردد

    عربي يقولك دبلوماسيه وهما أونطجيه.
    54
    .

    عرابي وعامل فيها سياسي وهو عايش فوق راسي.

    عربي ويطالبونا بالواجب وهما طول عمرهم ماعملوه .

    عرابي يبقي لازم حل، وناخد حقنا..

    عربي أيوه لازم حل.( محدثا عرابي ) أيه هو الحل يابا..

    عرابي معرفش .....بس أيه ينفع معاهم

    عربي لقيت الحل يابا........( محدثا جمهور
    المجانين ، بصوا ، الحل ، إننا نعملوا
    إعتصام.


    مجنون 1 إحنا عاملين إعتصام..

    عربي لا مانعملش إعتصام زيهم وإحنا
    لازم نفكر أحسن منهم..

    مجنون 2 أيوه إحنا مش زيهم ونفكر
    أحسن منهم. .

    الجمهور يردد
    55


    عربي هما بيعملوا إعتصام صاحيين.

    إحنا نعمل إعتصام نايمين

    نناموا زي أهل الكهف. .

    عرابي براوه عليك ياواد ياعربي هما يناموا
    واحنا نمشي.
    عربي والظابط يقبض عليهم ويحبسوهم
    في العنابر..
    عربي موافقين

    الجميع موافقين

    مجنون 2 ننام ونطلعلهم في الكوابيس


    بلاك اوت




    56

    المنظر الرابع والآخير

    عوده للمقابر والمنظر الاول.......يدخل عرابي وعربي

    عرابي ياه الواحد تعب ياواد ياعربي لو كل واحد
    يرضي بنصيبه ماكنش تعب..

    عربي ادينا لفينا ورجعنا لمكانا ،الدنيا لما
    بتوسع بتبقي وحشه يابا..

    عرابي وحنعمل أيه في جتة محروسه. .

    عربي إحنا مافيش معانا حق رغيف عيش.

    يدخل مجموعه من الأموات في مظاهرة) )

    فرد1 موتى ياعيني عليك يامحروسه.

    ومافيش حد بيفكر يديكي حاجه.

    عرابي ( محدثا حمو ) مين دول ؟.

    فرد موتي.2.......احنا ثورة أموات ومطالبنا
    دفن جثة المحروسه
    57
    .

    عربي ( يضحك بهيستريا) مظاهرة أموات
    .كده كملت مش ناقص غير

    مظاهره للشجر وللمطر وللطيور .

    فرد 1 أنت بتقول فيها .....كل حاجه
    حلوه فارقت فضاكم.

    حتي الطيور هجت وفارقت سماكم....
    تقدر الطيور تنزل وتعيش وسطيكم

    بحريه من غير ماتفكروا تصيدوهم.

    شوف الشجر حل عليه العجز
    وحتي التراب اللي كانت تحلي

    القعده عليه واللمه بقي بيشوكم

    فرد 2 عملتلكم ايه محروسه غير كل خير...
    كانت شايلاكم وانتوا ماتستاهلوش

    حتي لما ماتت تاجرتم بموتها
    58
    .

    محروسه خساره فيكم وإحنا جايين
    عشان ناخدها.
    .


    بلاك اوت



    إضاءه ........عربي يقوم من نومه فزعا وصارخاً
    عربي لا، لا، لا.

    ماحدش ياخد محروسه مني
    محروسه ، محروسه ،أنا عربي يامحروسه


    ييقوم والده عرابي من نومه ))

    عرابي فيه أيه ياعربي مالك؟...

    عربي فين محروسه يابا؟
    59


    ( تدخل محروسه )

    محروسه فيه أيه ياواد ياعربي

    عربي انت عايشه ؟

    محروسه عايشه ميته ياعربي
    عربي لا مش حنعيش ميتين
    تاني..



    بلاك اوت


    خالص تحياتي
    سميرحمايه


      الوقت/التاريخ الآن هو الخميس مارس 28, 2024 1:10 pm