اللوحه الرابعه
داخل شركة الانتاج...انتريه متناثر بانتظام علي جانبي المسرح
(يدخل ابوالعريف..متحدثا في الهاتف)
ابو العريف...احجز الاستديو بكره عشان نسجل..انا جاهز.
(ينتهي ابوالعريف من المحادثه ويدخل عجلان)
عجلان...ايه الاخبار يااستاذ...؟
عجلان...ومايسه..
ابوالعريف...زمانها علي وصول..هو عباطه فين..؟
عجلان...هو لسه ماجاش..؟
ابو العريف...ايوه لسه ماجاش والمخرج دلوقتي علي وصول.
عجلان...حديله رنه...(عجلان يرن علي هاتف عباطهوفجأه يدخل
عباطه مترتديا ملابس غريبه..عجلان ينظر اليه في زهول)
عباطه...مارضتش افتح عليك يامعلمي.
عجلان...ايه اللي انت لابسه ده ياولا..؟
عباطه...ايه رايك...مش اجنن.
عجلان...داانت تجنن ونص.
(يدخل عثمان الساعي)
عثمان...اجيب لكم سحلب.
ابوالعريف...انت ماوركش غير اجيب ايه ولا بتجيب ولا بتهبب.
عثمان...الاستاذه مايسه وصلت .ندخلها.
عباطه..لا استني..استخبي انا والمعلم عجلان الاول.
ابو العريف...وتستخبوا ليه...هي دلوقتي لازم تعرف كل حاجه.
(محدثا عثمان)...خليها تدخل..
(تدخل مايسه وتفاجأ بالمعلم عجلان وعباطه)
مايسه...السلام عليكم(تقولها بدهشه)..انت بتعمل هنا ايه
يامعلم.
ابو العريف...يااستاذه المعلم عجلان هو صاحب الشركه.
مايسه...معقوله...(محدثه عجلان)..انت صاحب الشركه.
عباطه...وانا المغنواتي..
مايسه..انت اللي حتغني...غريبه...انا مش مصدقه.
ابوالعريف..مش مصدقه ليه..كبار منتجين البلد اصحاب مهنه
انا اعرف واحد فران دلوقت ماشاء الله شرايط
وسينما وتلفزيون ومسرح..والمعلم عجلان مش اقل
منهم...بس انت ايه رأيك في الموضوع.
مايسه...كويس..مش وحش..ومفاجأه لي.
ابوالعريف...ومفاجأه ليه...؟
مايسه...مش متخيله الموقف..
ابو العريف...الانتاج بيكسب كتير وبيوصل لفوق..فوق قوي.
مايسه...ياريت..ربنا يسهل وننجح.
عجلان...هاننجح طول مانفسك معانا يااستاذه.
مايسه...وانا معاكم يامعلم.
ابو العريف...خلصتي الفكره بتاعت الفيديو كليب.
مايسه...ايوه...هو المخرج لسه ماوصلش.
عباطه...مخبر..مخبر مين..؟..انتوا مستنيين حد من المباحث.
ابو العريف...هو حد جاب سيرة المخبرين...بتقولك المخرج
يعني اللي حيعملك الفيديو كليب.
(يدخل الشوادفي مخرج شاب سبور في ملابسه وتسريحة شعره)
المخرج....صباح الفل عليكم كلكم
ابو العريف...اهلا يااستاذ..احنا مستنينك وجاهزين بالفكره.
المخرج...طيب احكيلي الفكره.
ابوالعريف...استاذه مايسه هي اللي حتحكيلك..هي المؤلفه.
المخرج...اوكيه...احكي يااستاذه.
مايسه...الأغنيه اسمها الملوخيه...حانبدأ ببنت فلاحه.
المخرج...كويس قوي جنان خالص...اه وبعدين.
مايسه...الفلاحه دي قاعده علي طبليه وبتخرط ملوخيه
وفجأه يطلع المغني من نص الطبيله يقعد يغنييلها
عباطه...(مندهش)..ايا ياختي..اطلع من نص الطبليه واغني.
المخرج...ايوه عادي...ايه المشكله.
عباطه...طب ازاي انا حدخل تحت الطبليه وحتي لو عرفت ادخل
حخرج ازاي من نص الطبليه.
المخرج...مالكش فيه ده شغلنا.
عباطه...حتخرموا الطبليه..؟
المخرج...لا مش حنخرم الطبليه وحنطلعك من نصها.
عباطه...اقطع دراعي انك مخاوي.
ابو العريف..هو ولا مخاوي ولا حاجه..الشغل ده بتاعه
مش انت اللي حتطلع من تحت الطبليه..هو اللي
حيطلعك.
عباطه...وهو حيطلعني من غير منا اطلع.
ابو العريف...عادي وماتتعبناش بقي وخلينا في الشغل.
المخرج...كملي يااستاذه.
مايسه...بعد كده المطرب يدخل مطعم ويقعد يشمشم والموديلز
وراه...لحد مايدخل المطبخ..ويفضل يدور علي حلة الملوخيه
لحد مايلاقيها وياخدها ويجري والموديلز وراه.
المخرج...حلوه قوي الفكره يااستاذه.
عجلان...انا مش فاهم حاجه...؟
ابو العريف ...ماتشغلش بالك يامعلم.
المخرج...وبعدين يااستاذه.
مايسه...حلة الملوخيه تتقلب..المطرب يزعل والموديلز يعاكسوه
ويدخل عليه طفل صغير ماسك حلة ملوخيه صغيره
يناولها للمطرب...المطرب يغني وهو فرحان.
المخرج...هايل.
مايسه...عجبتك الفكره
المخرج...جدا دي حتكسر الدنيا.
عباطه...انت فاهم يامعلم..
عجلان...يعني انت فاهم اني بفهم .
عباطه...اه معلش يامعلم..نسيت انك مابتفهمش..انا فاهم بقي.
عجلان...طيب طالما انت فاهم فهمني بدل منا واقف عبيط.
عباطه...ماشي يامعلمي ..افهمك..(ساخرا)..افهمك ايه ..انت
فهمت غلط .انا مش فاهم يعني فاهم.انا فاهم اني مش
فاهم.
عجلان..طيب اتنيل واسكت ..
المخرج...هو المطرب بتاعنا لسه ماوصلش ولا ايه..؟
عباطه...لا لسه ماجاش..؟
ابوالعريف...امال انت ايه ياعباطه (محدثا المخرج) يااستاذ
ادي الاستاذ عباطه المطرب بتاع الكليب
المخرج...ده اللي حيغني..فانتاستيك خالص.
واسمه ايه قولتلي.
ابو العريف...عباطه.
المخرج..(يقترب من عباطه)..اوه .مش معقول..عباطه.اسم
يكسر الدنيا (محدثا عباطه)..لف كده ياعباطه.
عباطه...الف ازاي يعني...؟
المخرج...(يمسك عباطه من وسطه)..تلف كده ..عاوز اشوف جسمك.
عباطه..(يضحك بشده)..بقولك ايه انا مابتحملش..انا بغير.
المخرج...هايل حلو قوي.
عباطه...مين ده اللي حلو قوي..؟
المخرج...انت..؟
عجلان..(محدثا ابو العريف)...هو المخبر ماله..؟
ابو العريف...ماتاخدش في بالك يامعلم .كلهم كده..؟
عجلان...كلهم كده ازاي..؟
ابو العريف...سبور يعني يامعلم.
المخرج...(يضع يده علي خد عباطه)
عباطه...انت بتعمل ايه ياجدع انت انا جتتي مش خالصه.
المخرج....انا حخليك نجم النجوم..حخليك تكسر الدنيا.
عباطه...مش باين حلحق اكسر حاجه..انا اللي اتكسرت خالص
(محدثا ابوالعريف وعجلان)...حوشوه عني.
عجلان...(محدثا ابو العريف)...ماتلم الراجل ده شويه
هو فاكرنا ايه..؟
ابو العريف...ده شغل يامعلم..؟
عجلان...شغل ايه المتنيل بستين نيله ده..؟
المخرج...بقولكم ايه سيبوني مع عباطه لوحدنا.
عباطه...لا والنبي يامعلم.
عجلان...ماتخفش انا مش حسيبك مع الواد ده..؟
ابو العريف...يامعلم ده شغله...تعالي نخرج احنا (محدثا مايسه)
بينا احنا يااستاذه.
(يخرج عجلان وابو العريف ومايسه)
المخرج...بص ياعباطه اللي حقولك عليه تعمله.
عباطه...ماشي.
المخرج..ااقلع..؟
عباطه...ااقلع ..ااقلع ايه ياراجل..؟
المخرج...ااقلع النضاره.
عباطه...اذا كان علي دي ساهله.
المخرج...واقلع الجاكت...؟
عباطه..(بغضب)...لا عند دي وكفايه
المخرج...ياحبيبي اقلع عشان اعلمك الرقص..اقلع الجاكت..؟
عباطه...انا مش عاوز ارقص..انا حاغني بس..؟
المخرج...لازم عشان الفيديو كليب.
عباطه....والكلاب مالها ومال الجاكته بتاعتي.
المخرج...تعالي ..ااقلع.
عباطه ...طيب سيبني واقلع لوحدي..(عباطه يخلع الجاكت ويتبقي
الكرافت علي فانله داخليه.
المخرج...واقلع الكرافت.
عباطه...ااقلع ايه.
المخرج...الكرافت..اللي في رقبتك دي.
عباطه ...(يخلع الكرافت)...وادي الاستيك كمان..ارتحت كده.؟
المخرج...اه...كده مش ناقص غير (يشير الي البانتلون)
عباطه...لا .كده مش حتعلمني الرقص..كده انت عاوز تليفني.
المخرج...ياللا ياشاطر..المطربين الشطار يسمعوا الكلام.
عباطه...طيب وده لازمته ايه حغني علي ترعه.
المخرج...لا عاوز اشوف امكانياتك.
عباطه...لا.انسي.مافيش...ماعنديش حاجه.
المخرج...خلصني ياعباطه واقلع بقي.
عباطه..(زهو يخلع بنطاله)...الله يخرب بيت الغني واللي عاوز يغني
(عباطه ينتهي من خلع بنطاله)...
المخرج...(ينظر اليه في زهول وعباطه خائف)...معقول..معقول
قوي..؟
عباطه...يعني ايه...؟
المخرج...يعني يجي منك..؟
عباطه...ويجي مني في ايه...؟
المخرج...يجي منك في كل حاجه؟
عباطه...اه..والله انا حاسس ...انا مش مرتاحلك من ساعت
ماشفتك.
المخرج..(يقترب جدا من عباطه)...انت مدهش.
عباطه...يانهارك اسود.
المخرج...تعالي..(يمسك عباطه من يده وعباطه يبتعد)
عباطه..اجي فين ياراجل يامعفن.
المخرج...ماتخفش حترتاح..؟
عباطه...الهي ماترتاح ابدا ياشيخ ولو مت مايلاقوش فتحه ليك.
المخرج...ياابني اعصابي باظت..
عباطه..وانا مالي...ماتبوظ (يصرخ)..الحقني يامعلم.
المخرج...ياابني خلينا نخلص
عباطه...والله ماحاريحك.
المخرج...ياابني الشغل حيتعطل.
عباطه...شغل..شغل ايه..انت جاي تشتغل..؟
المخرج...ياابني هو مافيش مطرب غرك.
عباطه..وانا بطلت اغني.شوف حد تاني يريحك.
المخرج...ياابني انا ماضي عقد.
عباطه...انت ماضي عقد عشان ايه بالظبط..؟
المخرج...عشان اصورك فيديو كليب واعلمك الرقص.
عباطه...امال ايه اللي بتعمله ده..؟
المخرج...بعمل ايه..؟
عباطه...بتلمح لحاجات وحشه.
المخرج..حاجات وحشه ازاي..؟
عباطه...حتعملي مش فاهم..حاجات وحشه ياراجل...؟
المخرج...انا مش فاهم..؟
عباطه..ايوه استعبطني ..حتعملي فيها مش فاهم قلعتني ليه؟
المخرج..(يضحك)...اه...لا..انت فاهم غلط ياحبيبي..انا قلعتك
عشان اعلمك الرقص وتبقي حركاتك خفيفه وماينفعش
تعملها بالهدوم..؟
عباطه..بتتكلم جدا...مافيش حاجه تاني..؟
المخرج...لا تاني ولا تالت...؟
عباطه...وحياة امك...
المخرج...وحياة امي...
عباطه....اذا كان كده ياللا بينا نرقص..؟
بلاك اوت
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية