منتدى الفراعنة

منتدى أ/سمير حماية

المواضيع الأخيرة

» لوحة الشرف .......
الثلاثاء أغسطس 29, 2017 11:42 am من طرف سميرحمايه

» الأسد والثعلب
الثلاثاء أغسطس 22, 2017 8:51 pm من طرف سميرحمايه

» اكلي لحوم البشر
الإثنين أغسطس 21, 2017 3:58 am من طرف سميرحمايه

» خواطر ساميرية
الجمعة أغسطس 04, 2017 10:35 am من طرف سميرحمايه

» الحمار والثعلب قصة قصيرة
السبت يوليو 15, 2017 5:10 pm من طرف سميرحمايه

» طالوت ملكا..تأليف سمير حمايه..المشهد الاخير( المنظر الاول)
الإثنين يونيو 19, 2017 7:54 pm من طرف سميرحمايه

» ياقوتة.......
الأربعاء مايو 31, 2017 9:18 am من طرف سميرحمايه

»  مسرحية طالوت ملكا تأليف سمير حمايه المشهد الاول(المنظر الرابع والخامس)
السبت مايو 20, 2017 12:46 am من طرف سميرحمايه

»  مسرحية طالوت ملكا...تاليف سمير حمايه..المشهد الثاني(المنظر الاول)
السبت مايو 20, 2017 12:43 am من طرف سميرحمايه

التبادل الاعلاني


    ببساطه زمن عباطه...اللوحه العاشره

    شاطر


    تاريخ التسجيل : 01/01/1970

    ببساطه زمن عباطه...اللوحه العاشره

    مُساهمة من طرف  في الخميس يونيو 16, 2011 3:49 pm


    اللوحه العاشره


    حارة السد.....عباطه والمذيعه جيلان في الحاره..الحاره خاليه تماما


    جيلان..(مندهشه)....ايه ده...هي دي حارة السد..؟


    عباطه...اه هي....انا فاكر شكلها كويس....اه هيه دي حارتنا.


    جيلان....فين الناس...فين سكانها...مش شايفه حد حتي


    المحلات قافله.


    عباطه....يمكن نكونوا تهنا...ولا تكون الحاره تاهت..ولا يكونوا


    ناسها هما اللي تاهو (مندهشا)...مش ممكن تكون


    دي حارتنا...دي نهارها ليل وليلها نهار ومابتهمدش


    (يتجه نحو محل عجلان وجيلان خلفه )..والله وحشتني


    الحاره...من ساعت مانجح المعلم عجلان مازورتهاش


    (يشير الي المحل)....وادي المحل.


    جيلان...محل ايه...؟


    عباطه....محل الجزاره بتاع المعلم عجلان.


    جيلان....مين المعلم ده....؟


    عباطه...اللي عملي الشريط.


    جيلان....شريط ايه....؟





    عباطه.....شريط المغني بتاعي.


    جيلان...تقصد تقول ان صاحب المحل ده هو


    صاحب شركة الانتاج.


    عباطه....اه هو.....وانا كنت الصبي بتاعه.


    جيلان....صبي مع المعلم ده.صاحب المحل.


    عباطه...اه...بس كنت احسن واحد يبيع عضم


    في الحته كلها..


    جيلان...(بقرف)....عضم ...عضم ايه..؟


    عباطه....مواسير وكوارع...علي لحمة راس..علي


    فشه..علي بيت اللوح.


    جيلان (باشمئزاز)..كفايه...عرفت انت مين.


    (تدخل مايسه مرتديه ملابس سوداء ويبدو


    عليها الحزن)


    مايسه...انت هنا ياعباطه..؟


    عباطه....اه لسه واصل دلوقت...انت فين بقالك


    يومين مابتسأليش (ينظر الي ملابسها)


    وايه الهدوم السوده دي.




    مايسه.....انت ماتعرفش....؟

    عباطه.....لا.....وانا اعرف منين...بس اعرف ايه..؟

    مايسه....عادل...تعيش انت..؟

    عباطه....عادل..(بدهشه)...عادل مين...مايكنش..؟

    مايسه ...اه عادل خطيبي..مات شهيد في الميدان.

    عباطه...هو مع العيال دول اللي عاوزين يخربوا البلد.

    مايسه...دول مش عيال ياعباطه..دول ابطال..دول

    اجدع مني ومنك...تقدر تقولي انت عملت ايه..؟

    عباطه...انا جاي عشان اعمل واقف مع الريس.

    مايسه...وتقف مع الريس ليه...؟

    عباطه...عشان الراجل ده حلو وطيب ووشه بيضحك.

    مايسه...(ساخره)...مين اللي قلك كده.

    عباطه...كله بيقول...عجلان وابو العريف..(يشير لجيلان)

    والست دي والتلفزون.

    مايسه...وانت مصدقهم..؟

    جيلان..(معترضه)... ومايصدقش ليه..البلد بتخرب ولمصلحة

    مين تخرب...ماعدش فيه امن ولا امان من ساعت

    ماقامت الثوره.

    عباطه....اه والله معاك حق.

    مايسه...ياعباطه الكلام ده مش صحيح..الاستاذه بتدافع

    عن مصالحها وبتدافع عن نظام هي واللي

    شبها مستفيد منه.

    جيلان...ومال النظام....تلاتين سنه معيشكم في امان.

    مايسه...امان ايه..انت بتضحكي عليا ولا علي نفسك

    فين الامان ده ..امان الذل ولا امان الجوع.




    عباطه.....انا مش فاهم حاجه..؟

    مايسه...ياعباطه..البلد منهوبه...الفساد ملاها

    والفقر عشش في كل حته فيها..شباب

    عاطل...امراض بتحصد في اطفالنا وشبابنانا

    وفساد في كل حته..رشوه ومحسوبيه وظلم

    ومافيش عداله.

    عباطه...يعني العيال دول مابيكرهوش الريس...؟

    مايسه...الشباب ده بيحب البلد وخايف عليها وبيدوروا

    ع الحريه وع العداله...شباب بيحلم يلاقي بلده

    احسن بلد في الدنيا.

    عباطه ...وعادل كان بيحلم معاهم..؟

    مايسه...عادل عاش ومات وهو بيحلم ياعباطه...عادل

    مات شهيد وضحي بنفسه عشاني وعشانك

    وعشان بلده تعيش.

    جيلان...والله حتشوفوا ايام سوده....انتوا مش فاهمين حاجه..؟


    مايسه....مش حتكون اسود من الايام اللي شوفناها.

    جيلان...بكره تندموا وتقولوا ولا يوم من ايامه...؟

    مايسه...ده كلامك وكلام نظام بيصدروا للناس..نظام افتكر

    نفسه وصي علينا وماحدش بيفهم غيره.كأننا

    مجانين ومعاتيه وهما العاقلين فينا.

    عباطه...ورحمة ابويه ..انا مافاهم حاجه..طيب فين ناس

    الحاره.

    مايسه....الحاره نصها في الميدان والنص التاني شويه

    منهم مش فاهمه حاجه ومابيشفوش غير




    قنواتنا وبيتلعب علي مشاعرهم وصدقوا

    اعلامنا المنافق اللي افتري علي شبابنا

    وفهموا الناس غلط ان الشباب بيخربوا البلد

    نزلوا وهما مش فاهمين حاجه..نزلوا يقولوا

    نعم وبس والشويه الباقيين قعدوا في بيوتهم

    تايهين.

    عباطه...يعني الحاره تاهت..؟

    مايسه...ايوه الناس تايهه..اعلام فاسد بيشد من

    هنا وبلطجيه بيروعوا من هنا...لكن شبابنا

    المثقف الواعي فاهم رايح فين.

    جيلان...(ساخره)...مثقف واعي...دلوقتي انت شايفاهم

    ايد واحده...لكن بكره ولو افترضنا ثورتهم نجحت

    حتتغير الوشوش...وحتسمعي خمسه وتمانين

    رأي...احنا ماينفعش نعانا غير ديكتاتور لاننا

    اتعودنا من ايام الفراعنه ع الكرباج.

    مايسه...دي اسطوانه قديمه بنحللوا بيها فسادكم

    من ايام الفراعنه واحنا بنتسرق وبنتنهب

    وخير البلد رايح في كروش الظلمه...الشباب

    دول حيبنوا بلد جديد وحايتحقق حلمهم وربنا

    حيوفقهم في ثورتهم...وحتي لو اختلفوا بكره

    حب البلد حيجمعهم..انتوا اللي زرعتوا الخوف

    والاختلاف بين الناس...وانتوا اللي زرعتوا الفتنه

    لكن ربنا يمهل ولا يهمل وجه دوركم تاخدوا

    العقاب اللي تستحقوه...واحنا مش حنخاف

    من بكره لانه حيكون احسن من امبارح ونرتاح




    من ايامكم السوده اللي فيها بكره اسود من

    امبارح.


    عباطه....انا تايه وسطيكم ومش فاهم حاجه

    ونص البلد اكيد شبهي مش فاهم حاجه

    انا فين.. انا مع مين...؟

    جيلان...انت عباطه وخليك زي ماانت عباطه

    وماتنساش ان النظام ده اللي اتشهرت

    علي ايديه...واتغنيت.

    عباطه....اه صح ...انا معاه بقيت عباطه.

    جيلان...وبص لحالك دلوقت وقف من يوم

    الثوره ولو نجحوا العيال دول مش

    حتكون عباطه.

    مايسه..(تجزب عباطه من يده)..فوق ياعباطه

    بص حواليك الزمن حيتغير ولازم نتغير

    معاه..ماتخليش السكينه تسرقك

    خليك مع شباب حارتك اللي اتربيت معاهم

    عباطه....اه معاك حق..

    جيلان..(تجزب عباطه اليها)...لا ياعباطه دافع عن

    مستقبلك وعن غناك...دافع عن نظام خدك

    في حضنه وكبرك وفتحلك كل الابواب.


    عباطه...معقول....كلامك حلو

    مايسه..(تجزبه اليها)....لا اوعي تضعف ياعباطه

    انت جواك طيب وشهم وشهم وحب

    للناس...ماتخسرش الناس عشان لو





    خسرتهم حتخسر نفسك.

    عباطه..كلام جميل وكلام معقول...

    جيلان..(تجزبه)...لا ياعباطه دي حتضيعك وحتضيع

    مستقبلك...مستقبلك مع عجلان وابو العريف.

    مايسه..(تجزبه)...ماتصدقهاش ياعباطه..عجلان وابو العريف

    خلاص ماتوا.

    عباطه..(ساخرا)...ماتوا....ماتوا شهدا برضه.

    مايسه..(ساخره)...شهدا ايه ياعباطه..بقصد بكلمة

    ماتوا انهم مش حيلاقوا اللي ينافقوه تاني.

    عباطه...وهما بينافقوا مين..؟

    مايسه...كل حياتهم غلط في غلط..عجلان باع

    اللحمه المستورده علي انها بلدي وانت

    عارف..يعني كان بيغش ..وعجلان عملك

    شريط وفسد بيه ذوق الناس.

    جيلان...شوفت..اهي بتغلط فيك..قولها الاغاني

    اللي غنيتها مين الفها.

    عباطه...صح ...الاغاني اللي غنيتها مين بلفها.

    مايسه...انا اللي كتبت الكلام وما انكرش اني

    كنت بجري ورا وهم..خسرت عادل عشنا

    غروري مع اني كنت بس عاوزه اعيش وافتكرت

    غلط ان ده هو الصح..لكن شباب التحرير فوقني

    وموت عادل برصاص الغدر صحي فيه مايسه

    البنت المصريه الحقيقيه.

    جيلان...كلام وشعارات كلها وهم وخيال..(تشد عباطه)

    تعالي ياعباطه نقف مع الناس في ماسبيروا.




    عباطه....ماشي..؟

    مايسه..تجزبه)...لا ياعباطه..تعالي روح معايا الميدان

    وسط اهلك وناسك...تعالي نعيش معاهم

    احلامهم واو جاعهم.

    جيلان...(تجزبه )..لو رحت الميدان حتموت بالرصاص ياعباطه..؟

    مايسه...(تجزبه)..شوفت بتقولك حتموت بالرصاص ..فيه حكام

    ممكن تقتل شعوبها غير عندنا...هي عارف الحقيقه

    وبتهرب منها..وحتي لو ضربوك بالرصاص..حتموت شهيد

    وتكفر عن ذنوبك..تعالي ياعباطه نروح الميدان..الميدان

    محتاج لكل واحد فينا.

    عباطه..(غاضبا)...سيبوني انتوا حيرتوني وشليتو عقلي

    خلوني انا اختار...خلو عقلي التعبان يشتغل (يفكر)

    وبعدين ياواد ياعباطه..حتروح فين..اروح مربيرو

    (محدثا جيلان)...ماسبيروا.

    عباطه...اه زي ماقالت...(يفكر)..تروح ياعباطه اللي

    قالت عليه...ولا تروح (ينظر الي مايسه ويحدثها)

    ولا تروح ..فين..؟

    مايسه...الميدان..

    عباطه...اه...ولا تروح..(محدثا مايسه)...هو حنكش وجعلص

    فين....؟

    مايسه....في الميدان...؟

    عباطه...خلاص حروح مع اهل الحاره الطيبين...مع الناس

    الغلابه..انا من ساعت مااتشهرت ومش عارف

    اكل سندوتش فول ولا طبق كشري..عشت في

    احلي الاماكن ماحسيتش بيها..وشوش كدابه



    ....كل واحد لابس مية وش..وسط الحاره

    فيه الوشوش البسيطه اللي بتضحك

    حتي لو بتبكي جواها...(محدثا مايسه)

    بينا ع الميدان



    (استعراض غنائي راقص واغنيه عن نجاح الثوره )




    بلاااااااااااااااااااااااك اوت



      الوقت/التاريخ الآن هو الأحد سبتمبر 24, 2017 7:31 pm