منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
  ببساطه زمن عباطه.....اللوحه الحادية عشر Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
  ببساطه زمن عباطه.....اللوحه الحادية عشر Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
  ببساطه زمن عباطه.....اللوحه الحادية عشر Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
  ببساطه زمن عباطه.....اللوحه الحادية عشر Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
  ببساطه زمن عباطه.....اللوحه الحادية عشر Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
  ببساطه زمن عباطه.....اللوحه الحادية عشر Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
  ببساطه زمن عباطه.....اللوحه الحادية عشر Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
  ببساطه زمن عباطه.....اللوحه الحادية عشر Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
  ببساطه زمن عباطه.....اللوحه الحادية عشر Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    ببساطه زمن عباطه.....اللوحه الحادية عشر

    avatar


    تاريخ التسجيل : 01/01/1970

      ببساطه زمن عباطه.....اللوحه الحادية عشر Empty ببساطه زمن عباطه.....اللوحه الحادية عشر

    مُساهمة من طرف  الخميس يونيو 16, 2011 5:14 pm


    اللوحه الحادية عشر


    داخل شقة عباطه...في الصاله ممسكا بمنفضه ويقوم

    بازالة الاتربه من علي الاثاث.


    عثمان...(محدثا نفسه)...مش عارف الاستاذ ماله

    بقاله يومين تعبان..لا بيرد علي تلفون ولا

    طايق يكلم حد.

    (جرس الباب يرن يفتح عثمان ويدخل ابو العريف)

    ابو العريف...هو انت جيت هنا ياعثمان..؟

    عثمان...اه ..؟

    ابو العريف ...وسبت الشركه ليه.

    عثمان...عملت ثوره عليكم وجيت هنا..

    ابو العريف...هي جات عليك..فين الاستاذ..؟

    عثمان...والله يااستاذ عفريت..الاستاذ حالته وحشه.

    ابو العريف..(ساخرا)...استاذ عفريت..هه هه..ماشي




    عفريت عفريت...ادخل صحيه.

    (يخرج عثمان وابو العريف يحدث نفسه,


    ابو العريف...ادي الثوره واللي نابنا منها...اهي ضيعت

    علينا فلوس متلتله وياريت كده وبس

    دي بوظت العلاقه بين عجلان وعباطه.

    (يفكر)....لازم ياابو العريف ترجع كل حاجه

    زي ماكانت.

    (يدخل عباطه)...

    عباطه ...ازيك ياابو العريف...داهيه تكون مبسوط.

    ابو العريف...وفيه ايه يخلي الواحد ينبسط.ادي

    الثوره اللي وقفتوا جنبيها ياسيدي

    شالت النظام وحال البلد وقف.

    عباطه...حال البلد وقف ازاي...؟

    ابو العريف...ايه انت مش هنا...ماتعرفش الاخبار.

    عباطه...لا ....انا قاعد وقافل علي نفسي.

    ابو العريف...الناس اللي كانت بتصرخ ياسيدي

    ويقولوا حريه وعداله ومصلحة البلد

    سابوا مصالح البلد ومش شغالين غير

    حاجه واحده...

    عباطه...شغالين ايه....؟

    ابو العريف...الظاهر ان الثوره عجبتهم وبقت موضه

    وحلفوا مايسيبوها...كل الشعب شغال

    ثوره.

    عباطه...ازاي...؟





    ابو العريف...العمال عاملين ثوره في التحرير

    وبتوع حمص الشام عاملين ثوره

    ع النيل...وبتوع الترمس ثايرين في

    ميدان السيده...والاطباء والطلبه

    والفرانين والمدرسين..حتي النسوان

    واقفين قدام التلفزيون وبيهتفوا

    وليسقط الرجال.

    عباطه...يسقط حال الرجال ليه.

    ابو العريف...بيقولوا ماعندهمش قدره ع الحل

    والربط....وحالهم نايم....ياعباطه

    الدنيا باظت..ماحدش قاعد ع حيله

    عباطه...كده حال البلد حيقف.

    ابو العريف..اه والاقتصاد رايح في داهيه

    والبلد حتفلس.

    عباطه...وشباب الثوره ساكت.

    ابو العريف...ياعم كل سنه وانت طيب

    البلد واقعه.

    عباطه...وده من ايه بقي..؟

    ابو العريف..مافيش اتنين في البلد متفقين

    علي حاجه...وكل عشرين نفر

    بقوا جماعه..البلد بقت هيصه.

    عباطه...ومين اللي حيبني....؟

    ابو العريف...ماخلاص مافيش بني .

    عباطه...عاوز تقول اللي راح كان بيبني.

    ابو العريف...اللي راح حبسوه وعاوزين يحاكموه




    خلينا في المهم...انا عاوز اصالحك

    علي المعلم عجلان.

    عباطه...كل وقت وله اذان.

    ابو العريف....عليا النعمه انتوا اتحسدتوا ولازم ابخركم.

    عباطه....انت عاوز ايه دلوقتي...؟

    ابو العريف...عاوز اصالحك علي المعلم عجلان.

    عباطه......وانا مش عاوز اتصالح مع حد.

    ابو العريف.....والشركه..؟

    عباطه...خليهالكو....اشبعوا بيها

    ابو العريف....وحنجيب منين عباطه.

    عباطه...وتفتكر ينفع يكون فيه عباطه تاني.

    ابو العريف..(ساخرا)...انت طيب...البلد لو فضلت ع

    الحال ده...حتكون كلها عباطه...وبعدين

    ماتقلقش انت عارف ابو العريف...احنا

    مظبطين نفسنا قوي..

    عباطه....ازاي..؟...مش فاهم..

    ابو العريف...اخدنا شوية شباب وحنعمل بيهم


    عباطه...شباب...شباب من فين...من الميدان.

    ابو العريف...ميدان ايه ياعم...دلوقت اي حد يقابلك

    يقولك من شباب الثوره..انا من الميدان

    كله ساح علي بعضه.

    عباطه...وطبعا البركه فيكم سيحتوها وعومتوها.

    ابو العريف...امال حنسيبهم ونقعد نتفرج عليهم


    روايح كانت حتودي المعلم عجلان في




    داهيه وتقول انه هو اللي نزلها تولع

    في الميدان...لكن حبايبنا قاموا بالواجب

    وخلصوا عليها.

    عباطه...وطبعا المعلم دلوقت اتقلب وبقي تبع الثوره


    ابو العريف...

    اه....هو فيه حد يقدر يعمل حاجه تانيه

    اتعودنا نرقص لاي حد يطبل....عشان كده

    انا جيتلك وحبيت اقولك مافيش خلاف بينكم

    دلوقت.

    عباطه....لا يا ابو العريف...فيه خلاف .مش عشان

    عجلان اتقلب وبقي مع الثوره..ده رقص

    وانتوا اتعودتوا عليه زي ما انت قلت

    لكن اللي بيني مابينكم دم ابناء الحاره

    اللي اتقتلوا من روايح وبلطجيتها...

    لو تقدر ترجعلي الدم ده ...ممكن ارجع

    لعجلان...انا انسان بسيط مااعرفش

    اتلون.

    ابو العريف...يعني مافيش فايده...؟

    عباطه...لا مافيش واتفضل من غير مطرود

    ابو العريف..(وهو متجها نحو الباب يفتح الباب وهو يتكلم غاضبا

    ومايسه تدخل)

    بتطردني ياعباطه...انت الظاهر نسيت نفسك..فعلا

    اتقي شر من احسنت اليه.

    عباطه....احسان ايه ياعم...انت حتشتغلني...اتكل ع الله.





    (يخرج ابو العريف وتتحدث مايسه)

    مايسه...فيه ايه يا عباطه..؟

    عباطه.....مافيش ...؟

    مايسه....ابو العريف كان عاوز ايه..؟

    عباطه...كان عاوز يصالحني وارجع للمعلم.

    مايسه...وانت طبعا رفضت.. عشان كده هو خارج زعلان.

    عباطه...سيبك من ابو العريف...انا تعبان...انا محتار

    مش عارف عاوز ايه...فلوس ومعايا...لكن مش

    مبسوط ومش طايق حد ولا طايق نفسي.

    مايسه...عارف ليه ياعباطه...؟

    عباطه....ليه...؟...ياريت اعرف..؟

    مايسه...عشان انت ماقدامكش هدف ومش عارف عاوز

    ايه...قالولك تغني غنيت ونجحت وكسرت الدنيا

    لكن نجاحك ناقص ومش لاقي نفسك...انت محتاج

    تشوف نفسك...وتشوف انت عاوز ايه.


    عباطه....انا لما نزلت وسط الشباب..حسيت بيهم في

    الميدان وحسيت لاول مره ان ليه قيمه...عاوز

    افضل احس بالناس ويحسوا بيه.

    مايسه...انت داخلك انسان ياعباطه ولو اتعلمت حيفرق

    العلم معاك كتير...مش حتبقي اعمي وحتفهم

    كل حاجه حواليك.

    عباطه...معاك حق انا لازم اتعلم...اتعلم اقرأ واكتب

    واتعلم مزيكا...بس ده ممكن..؟

    مايسه...ده متوقف عليك انت وعلي ارادتك.





    عباطه....انا مش عاوز اكون عباطه اللي عمله المعلم

    عجلان...انا عاوز اكون محمود خير الله..اتعلم

    مزيكا صح واسمع اللي بيغنوا القديم والجديد

    لو اتعلمت حعرف انا عاوز ايه ولازم الثوره تغيرني

    تغيرنا كلنا...عشان نحدد طريقنا صح.



    مايسه...هايل ياعباطه....برافو عليك...انا فخوره بيك.




    بلااااااااااااااااااااك اااااااااااااوت




      الوقت/التاريخ الآن هو الخميس مارس 28, 2024 8:33 pm