اللوحه الثانيه
صالون من الطراز القديم متناثر في ارجاء المكان بانتظام...لوحات زيتيه معلقه علي الحائط
دواليب خشبيه صغيره في الجوانب تعلوها فازات انيقه ..سجاده كلاسيكيه مذركشه بالرسومات
اليديويه....الصاله مظلمه.
(تدخل عصمت وخلفها صباح ويوسف)
عصمت معلش ياصباح من ساعت وفاة امي مادخلتش الشقه دي
(تحدث نفسها ) مفتاح النور فين...تلاقي الشقه بقت خرابه
معلش حتاخدي وقت في تنضيفها.
صباح ....... مش مهم يااستاذه عصمت ...انت ماتتخيليش فرحانه بيها قد ايه..؟
يوسف الدنيا ضلمه ياماما...؟
عصمت ماتخفش ياحبيبي ...ادي مفتاح النور (اضاءه علي خشبة المسرح)
(تحدث المفاجأه لعصمت).....مش معقول.....؟
صباح... الشقه جميله وزي الفل ومش ناقصها حاجه
(الجميع يتحرك في الصاله)
دي كأنها لسه متنضفه دلوقتي.
عصمت سبحان الله مش ممكن ...انا مش مصدقه كأني شايفه امي
قاعده فيها....انت ماتعرفيش كانت تحب النظافه اد ايه.
صباح ذوقها ونظافتها بيانه في الشقه.
يوسف حنقعد هنا ياماما...؟
صباح ايوه ياحبيبي...
يوسف ومافيش حد حيزعلك تاني زي امبارح..
عصمت لا يايوسف ياحبيبي...الشقه دي بتاعتك انت وماما.
يوسف حلوه مش كده شقتنا ياتانت.
عصمت ايوه ياحبيبي.
يوسف............(يجري فرحا ويدخل احدي الحجرات)
صباح انا مش عارفه اشكرك ازاي يااستاذه عصمت
جميلك ده في رقبتي.
عصمت احنا اخوات ومالوش لازمه الكلام ده .
صباح والله انت احسن من الاخوات....هما اخواتي
عملولي ايه.......؟
عصمت رب اخت لم تلدها امك (تضحك)
صباح طبعا اخت واغلي اخت....ربنا يسترك
زي ماسترتيني انا وابني.
عصمت دي احلي دعوه بحبها.
(يدخل يوسف ممسكا بلعبه كبيره في يده)
يوسف بصي ياماما لقيت ايه فوق الدولاب.
صباح (بلهجة غضب) روح حطها مكانها
عصمت (تقترب من يوسف وتمسك اللعبه) ياه لسه عايشه اللعبه دي.
صباح انا اسف يااستاذه عصمت حيرجعها مكانها ومش حيمسكها تاني.
عصمت لا دي هديه مني ليوسف...(تناولها ليوسف) خدها يايوسف
دي بتاعتك (تضحك) (محدثه صباح) اصلك مش عارفه قصتها
صباح هي دي كمان ليها قصه زي التحف.
عصمت ايوه ..امي كانت غاويه مزادات الانتيكات والتحف وراحت
اشترتها في مزاد من باريس بمبلغ كبير علي انها لعبه خاصه
بالكونت دراكولا وهو طفل وجات بيها فرحانه عشان تهديها
ليه في عيد ميلادي.
صباح دراكولا مصاص الدماء...
عصمت ايوه هو ....بس دراكولا الحقيقي غير بتاع الافلام اللي شفتيها
دراكولا الحقيقي كان كونت كبير في فنسا وبيقولوا انه قتل كام
واحد ودفنهم في القصر زي ريا وسكينه عندنا وكتاب الافلام
عملوا من شخصيته اساطير وحكايات من اللي انت بتشوفيها
صباح يعني اللعبه دي بتاعت دراكولا وهو صغير.؟.
عصمت ماهو انا بضحك عشان كده.....اللعبه مافيهاش حاجه توحي
انها قديمه..(..تقترب منها ) حتي بصي فيها.
صباح (وهي خائفه) لا مش عاوزه ابص .
عصمت ماتخافيش امسكيها
(تمسك صباح اللعبه)
صباح اه فعلا دي مش ممكن تكون قديمه.
عصمت عشان كده انا افتكرت ابويه وعماله اضحك
وكل ما افتكر وهو بيزعق لماما ازاي لما
شاف اللعبه دي اضحك..
صباح تلافيها دفعت فيها فلوس كثيره.
عصمت دفعت فيها عشرين الف دولار .
عصمت يانهار اسود.
عصمت عشان كده بابا دخل معاها في خناقه لرب السما
هو مصمم علي انها اتنصب عليها وهي مصممه
علي انها بتاعت دراكولا.
صباح وبعدين حصل ايه...؟
عصمت ماما جابت خبير تحف وللأسف ماوقفش في صفها
واكد كلام بابا وقالها اتنصب عليك...ماما اتغاظت ورمتها
فوق الدولاب ومن ساعتها ماحدش مسكها لحد مايوسف
جابها دلوقت.
صباح يعني اطمن
عصمت (تأخذ اللعبه من يد صباح) اللعبه مافيهاش حاجه ...(محدثه يوسف)
خد يايوسف دي بقت بتاعتك.
يوسف (يمسك اللعبه فرحا بها).....دي بقت بتاعتي....؟
عصمت ايوه ياحبيبي ..انا ماليش نصيب فيها من ساعت
ماجات واترمت ع الودلاب وانت اول واحد يمسكها
من ساعتها تبقي احق واحد بيها.
صباح قول لتانت شكرا ولو ني مش عارف اشكرك علي
ايه ولا ايه .
يوسف شكرا ياتانت.
عصمت العفو ياحبيبي...انا حسيبك دلوقت تشوفي حالك
(تضع يدها في حقيبتها)...وادي مفتاح الشقه
وربنا يجعل قدمها خير عليك.(تناولها المفتاح)
صباح مش عارفه اقولك ايه.....؟
عصمت ماتقوليش حاجه (محدثه يوسف) خلي بالك
من ماما يايوسف.
يوسف حاضر ياتانت.
(تخرج عصمت)
صباح (تجلس علي اقرب مقعد) احمد ك واشكر فضلك يارب
(تنام صباح علي المقعد من شدة الارهاق ويوسف يترك
اللعبه علي المقعد المقابل لامه ويجري فرحا داخل الصاله
يلهو)
اللعبه (تنادي) يوسف.....يوسف....يوسف.
يوسف (يسمع الصوت ويقترب من امه)...انت بتنادي ياماما
(يكتشف ان امه نائمه ومجرد مايعطي ظهره لمقعد امه)
اللعبه (تنادي) يوسف......يوسف.
يوسف نعم ياماما.....(يتجه اليها ويتكرر معه الموقف)
الظاهر ان ماما بتحلم بيه....كتر خيرها...ياحبيبتي
ياماما.....(يعطي ظهره مره اخيره لمقعد امه)
اللعبه يوسف......يوسف.
يوسف (يتأكد ان مصدر الصوت ليس من عند امه ويقترب من الكرسي
الموضوعه عليه اللعبه ومحدثا نفسه)....فيه حد بينادي ولا
انا متهيألي...يمكن بحلم ...(مندهشا) ...بس انا صاحي
وسامع الصوت...
اللعبه انت صاحي مش نايم يايوسف وانا اللي بكلمك.
يوسف (ينتابه الرعب ومحدثا اللعبه)..زانت اللي بتكلميني.
اللعبه ايوه وانا اللي بنادي عليك.
يوسف (يتهته ويتلعثم من الخوف)...انت اللي بتنادي عليا
وعارفه كمان اسمي.
اللعبه ايوه ...انا ماصدقت شفتك وفرحانه اني بقالي صاحب..
يوسف (والرعب يسيطر عليه)...وانت تعرفيني.
اللعبه ايوه....انا اعرف عنك كل حاجه.
يوسف (يقترب من امه من شدة الخوف) عارفه عني كل حاجه
(يحاول ان يفيق امه)...ماما ماما (جسده يرتعش ويلمس
امه برفق) ماما ماما .
اللعبه سيب ماما في حالها دي تعبانه وتعالي نلعب مع بعض.
يوسف (يحتضن امه وهو خائف) نلعب مع بعض...انا العب
معاك (يصحي امه) ماما ماما.
صباح (تصحو علي صوت يوسف) ياه انا جسمي ريح..يوم
طويل بشكل.
يوسف ماما الحقيني.
صباح فيه ايه يايوسف مالك....؟
يوسف اللعبه بتكلمني وبتقولي تعالي العب معايا.
صباح.. .اهدأ ياحبيبي.....دي لعبه ومتخفش...دي مبرمجه...حتي بص
(تمسك اللعبه)....اسمك ايه (تحرك الزمبلك)
اللعبه اسمي ناني (تضحك) هأ هأ.
صباح شوفت ياحبيبي....هي لوحدها كده..؟
يوسف بس دي كانت بتنده عليا.
اللعبه (تغني) ....انا ناني الاموره...شاطره وشطوره
تيجي نلعب ياولا...تيجي نلعب الكوره.
صباح..... شوفت مبرمجه ازاي...بتقلك تعالي نلعب ياولا
(تغنيها) تعالي نلعب الكوره.
يوسف بس دي مقالتش ياولا....دي قالت يايوسف.
صباح متهيألك ياحبيبي...ولوني مش فاهمه اتكلمت عربي
ازاي بس يمكن مبرمجه عربي...احنا ندخل ننام دلوقت
والصبح حبقي استأذن ساعه بدري واروح اجيب شنطنا
من عند ستك.
بلاك اوت
صالون من الطراز القديم متناثر في ارجاء المكان بانتظام...لوحات زيتيه معلقه علي الحائط
دواليب خشبيه صغيره في الجوانب تعلوها فازات انيقه ..سجاده كلاسيكيه مذركشه بالرسومات
اليديويه....الصاله مظلمه.
(تدخل عصمت وخلفها صباح ويوسف)
عصمت معلش ياصباح من ساعت وفاة امي مادخلتش الشقه دي
(تحدث نفسها ) مفتاح النور فين...تلاقي الشقه بقت خرابه
معلش حتاخدي وقت في تنضيفها.
صباح ....... مش مهم يااستاذه عصمت ...انت ماتتخيليش فرحانه بيها قد ايه..؟
يوسف الدنيا ضلمه ياماما...؟
عصمت ماتخفش ياحبيبي ...ادي مفتاح النور (اضاءه علي خشبة المسرح)
(تحدث المفاجأه لعصمت).....مش معقول.....؟
صباح... الشقه جميله وزي الفل ومش ناقصها حاجه
(الجميع يتحرك في الصاله)
دي كأنها لسه متنضفه دلوقتي.
عصمت سبحان الله مش ممكن ...انا مش مصدقه كأني شايفه امي
قاعده فيها....انت ماتعرفيش كانت تحب النظافه اد ايه.
صباح ذوقها ونظافتها بيانه في الشقه.
يوسف حنقعد هنا ياماما...؟
صباح ايوه ياحبيبي...
يوسف ومافيش حد حيزعلك تاني زي امبارح..
عصمت لا يايوسف ياحبيبي...الشقه دي بتاعتك انت وماما.
يوسف حلوه مش كده شقتنا ياتانت.
عصمت ايوه ياحبيبي.
يوسف............(يجري فرحا ويدخل احدي الحجرات)
صباح انا مش عارفه اشكرك ازاي يااستاذه عصمت
جميلك ده في رقبتي.
عصمت احنا اخوات ومالوش لازمه الكلام ده .
صباح والله انت احسن من الاخوات....هما اخواتي
عملولي ايه.......؟
عصمت رب اخت لم تلدها امك (تضحك)
صباح طبعا اخت واغلي اخت....ربنا يسترك
زي ماسترتيني انا وابني.
عصمت دي احلي دعوه بحبها.
(يدخل يوسف ممسكا بلعبه كبيره في يده)
يوسف بصي ياماما لقيت ايه فوق الدولاب.
صباح (بلهجة غضب) روح حطها مكانها
عصمت (تقترب من يوسف وتمسك اللعبه) ياه لسه عايشه اللعبه دي.
صباح انا اسف يااستاذه عصمت حيرجعها مكانها ومش حيمسكها تاني.
عصمت لا دي هديه مني ليوسف...(تناولها ليوسف) خدها يايوسف
دي بتاعتك (تضحك) (محدثه صباح) اصلك مش عارفه قصتها
صباح هي دي كمان ليها قصه زي التحف.
عصمت ايوه ..امي كانت غاويه مزادات الانتيكات والتحف وراحت
اشترتها في مزاد من باريس بمبلغ كبير علي انها لعبه خاصه
بالكونت دراكولا وهو طفل وجات بيها فرحانه عشان تهديها
ليه في عيد ميلادي.
صباح دراكولا مصاص الدماء...
عصمت ايوه هو ....بس دراكولا الحقيقي غير بتاع الافلام اللي شفتيها
دراكولا الحقيقي كان كونت كبير في فنسا وبيقولوا انه قتل كام
واحد ودفنهم في القصر زي ريا وسكينه عندنا وكتاب الافلام
عملوا من شخصيته اساطير وحكايات من اللي انت بتشوفيها
صباح يعني اللعبه دي بتاعت دراكولا وهو صغير.؟.
عصمت ماهو انا بضحك عشان كده.....اللعبه مافيهاش حاجه توحي
انها قديمه..(..تقترب منها ) حتي بصي فيها.
صباح (وهي خائفه) لا مش عاوزه ابص .
عصمت ماتخافيش امسكيها
(تمسك صباح اللعبه)
صباح اه فعلا دي مش ممكن تكون قديمه.
عصمت عشان كده انا افتكرت ابويه وعماله اضحك
وكل ما افتكر وهو بيزعق لماما ازاي لما
شاف اللعبه دي اضحك..
صباح تلافيها دفعت فيها فلوس كثيره.
عصمت دفعت فيها عشرين الف دولار .
عصمت يانهار اسود.
عصمت عشان كده بابا دخل معاها في خناقه لرب السما
هو مصمم علي انها اتنصب عليها وهي مصممه
علي انها بتاعت دراكولا.
صباح وبعدين حصل ايه...؟
عصمت ماما جابت خبير تحف وللأسف ماوقفش في صفها
واكد كلام بابا وقالها اتنصب عليك...ماما اتغاظت ورمتها
فوق الدولاب ومن ساعتها ماحدش مسكها لحد مايوسف
جابها دلوقت.
صباح يعني اطمن
عصمت (تأخذ اللعبه من يد صباح) اللعبه مافيهاش حاجه ...(محدثه يوسف)
خد يايوسف دي بقت بتاعتك.
يوسف (يمسك اللعبه فرحا بها).....دي بقت بتاعتي....؟
عصمت ايوه ياحبيبي ..انا ماليش نصيب فيها من ساعت
ماجات واترمت ع الودلاب وانت اول واحد يمسكها
من ساعتها تبقي احق واحد بيها.
صباح قول لتانت شكرا ولو ني مش عارف اشكرك علي
ايه ولا ايه .
يوسف شكرا ياتانت.
عصمت العفو ياحبيبي...انا حسيبك دلوقت تشوفي حالك
(تضع يدها في حقيبتها)...وادي مفتاح الشقه
وربنا يجعل قدمها خير عليك.(تناولها المفتاح)
صباح مش عارفه اقولك ايه.....؟
عصمت ماتقوليش حاجه (محدثه يوسف) خلي بالك
من ماما يايوسف.
يوسف حاضر ياتانت.
(تخرج عصمت)
صباح (تجلس علي اقرب مقعد) احمد ك واشكر فضلك يارب
(تنام صباح علي المقعد من شدة الارهاق ويوسف يترك
اللعبه علي المقعد المقابل لامه ويجري فرحا داخل الصاله
يلهو)
اللعبه (تنادي) يوسف.....يوسف....يوسف.
يوسف (يسمع الصوت ويقترب من امه)...انت بتنادي ياماما
(يكتشف ان امه نائمه ومجرد مايعطي ظهره لمقعد امه)
اللعبه (تنادي) يوسف......يوسف.
يوسف نعم ياماما.....(يتجه اليها ويتكرر معه الموقف)
الظاهر ان ماما بتحلم بيه....كتر خيرها...ياحبيبتي
ياماما.....(يعطي ظهره مره اخيره لمقعد امه)
اللعبه يوسف......يوسف.
يوسف (يتأكد ان مصدر الصوت ليس من عند امه ويقترب من الكرسي
الموضوعه عليه اللعبه ومحدثا نفسه)....فيه حد بينادي ولا
انا متهيألي...يمكن بحلم ...(مندهشا) ...بس انا صاحي
وسامع الصوت...
اللعبه انت صاحي مش نايم يايوسف وانا اللي بكلمك.
يوسف (ينتابه الرعب ومحدثا اللعبه)..زانت اللي بتكلميني.
اللعبه ايوه وانا اللي بنادي عليك.
يوسف (يتهته ويتلعثم من الخوف)...انت اللي بتنادي عليا
وعارفه كمان اسمي.
اللعبه ايوه ...انا ماصدقت شفتك وفرحانه اني بقالي صاحب..
يوسف (والرعب يسيطر عليه)...وانت تعرفيني.
اللعبه ايوه....انا اعرف عنك كل حاجه.
يوسف (يقترب من امه من شدة الخوف) عارفه عني كل حاجه
(يحاول ان يفيق امه)...ماما ماما (جسده يرتعش ويلمس
امه برفق) ماما ماما .
اللعبه سيب ماما في حالها دي تعبانه وتعالي نلعب مع بعض.
يوسف (يحتضن امه وهو خائف) نلعب مع بعض...انا العب
معاك (يصحي امه) ماما ماما.
صباح (تصحو علي صوت يوسف) ياه انا جسمي ريح..يوم
طويل بشكل.
يوسف ماما الحقيني.
صباح فيه ايه يايوسف مالك....؟
يوسف اللعبه بتكلمني وبتقولي تعالي العب معايا.
صباح.. .اهدأ ياحبيبي.....دي لعبه ومتخفش...دي مبرمجه...حتي بص
(تمسك اللعبه)....اسمك ايه (تحرك الزمبلك)
اللعبه اسمي ناني (تضحك) هأ هأ.
صباح شوفت ياحبيبي....هي لوحدها كده..؟
يوسف بس دي كانت بتنده عليا.
اللعبه (تغني) ....انا ناني الاموره...شاطره وشطوره
تيجي نلعب ياولا...تيجي نلعب الكوره.
صباح..... شوفت مبرمجه ازاي...بتقلك تعالي نلعب ياولا
(تغنيها) تعالي نلعب الكوره.
يوسف بس دي مقالتش ياولا....دي قالت يايوسف.
صباح متهيألك ياحبيبي...ولوني مش فاهمه اتكلمت عربي
ازاي بس يمكن مبرمجه عربي...احنا ندخل ننام دلوقت
والصبح حبقي استأذن ساعه بدري واروح اجيب شنطنا
من عند ستك.
بلاك اوت
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية