المنظر الثاني
عبده وحمو في الشارع الخالي من الماره تماما
عبده ايه الحكايه ده سابع جامع نعدي عليه ومنلاقيش حد.
حمو البنت محاسن دي طول عمري اقول عليها منحوسه .....حتي كفن مشلاقينه ليها.
عبده عشريه اووووي باين عليها ومش عاوزه تسيبنا ...بس ايه حكاية كل الناس اللي في الجوامع
طلعوا علي التحرير.
حمو يمكن رمسيس زحمه ومش عارفين يركبوا من هناك وراحوا علي التحرير
( تدخل مذيعة احدي القنوات الفضايه )
المذيعه وأنا الأن سيداتي وسادتي في شارع السد والصوره امام حضراتكم بيقولوا
الشعب كله في التحرير وادي اتنين مواطنين بيمارسوا حياتهم اليوميه بشكل
عادي خالص ونتعرف بيهم ( محدثه عبده )
عبده عبده العبد عبوده
المذيعه من فين ياعم عبده
حمو وانا حمو ابنه وقاعدين مع بعض.
المذيعه ( بابتسامه ساخره ) اهلا حمو وقاعدين فين ياحمو.
عبده قاعدين في المقابر.
المذيعه قاعدين بتعملوا ايه ...بتدفنوا حد .
حمو لا ساكنين هناك ...انت متعرفيش ولا ايه دي البلد عزلت هناك .
المذيعه وبتعملوا ايه هنا .........؟
عبده اصل محاسن مرات حمو ماتت ومافيش معانا تمن الكفن وبنلف علي ولاد الحلال
يايدونا كفن ياناخد حقه
المذيعه ( يسيطر عليها الغضب ) وتحدث المخرج طلعنا فقره اعلانيه خليني اظبط.
والأن سيداتي وانيستي سادتي فقره اعلانيه ونرجع مع عم عبده وحمو
( محدثه عبده وحمو) ....بصو انا حسألكم وانتوا اي حاجه قولوا كويس وتمام
ماشي .
عبده ماشي بس والكفن .......
المذيعه انا حديكم تمن الكفن ياسيدي بس اسمعوا الكلام .
حمو انت هاتي تمن الكفن واحنا حنسمع الكلام خالص.
عبده اه انا وحمو ابني نبهين خالص.
المذيعه ( تخرج من حقيبتها مبلغ من المال) دول خمسمية جنيه اهم وقولوا
زي ماقولتلكم .
عبده ( يخطف منها النقود ) احنا حنقول للصبح ..تشكري ياست.
المذيعه ودلوقت سيداتي انيساتي سادتي عوده مره اخري مع عبده وحمو
( محدثه عبده ) هل انت راضي ياعم عبده عن افعال الشباب في التحرير
وتعطيلهم للمرور.
عبده كويس تمام
المذيعه ايه اللي كويس تمام ياعم عبده.
حمو اللي بتقوليه.
المذيعه وادي عمي عبده وحمو مش راضيين عن الافعال ودايما احنا بنقول دي
مؤامره علي البلد واجندات خارجيه مش كده ياحمو.
حمو اه كده ونص وكل اللي تقوليه حلو ومايطلعش من العيبه (يقترب منها ويحدثها
في اذنها ) كده كويس .......؟
المذيعه ( تبعده عنها ساخره ) اه كويس خالص ...طيب ياعم عبده انت بتعترف
بالكلام اللي بيقولوه انها ثوره .
عبده تمام . كويس .....
المذيعه ايه هو اللي تمام وكويس .......انت بتعترف انها ثوره.
عبده الكذب خيبه انا معرفش حاجه.
المذيعه وادي عم عبده بيقول مايعرفش وكمان حمو.......(محدثه حمو)
انت تعرف ياحمو.
حمو لا ورحمة ابويه مااعرف حاجه.
عبده رحمة ابوك ايه قول ورحمة محاسن ان جنبك.
المذيعه وزي ماشفتم اعزائي المشاهدين ان فيه ملايين زي عم عبده وحمو
رافضين التصرفات الطايشه اللي بتحصل والي لقاء اخر وموعد
بالمصادفه .( تخرج المذيعه )
حمو طول عمري بقول البنت محاسن بنت حلال .
عبده ( ينظر الي الفلوس التي بيده ) سترانا دنيا واخره ربنا يسترها.
بلاك اوت
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية