مسرحية نصيحه للبيع

اللوحه الأولي


المكان.......الشارع علي محطة اتوبيس يقف عمرو وسماح بجوارهم بعد الافراد.

سماح ماينفعش ياعمرو تسيب الكليه . أنت لسه حتي اول سنه .

عمرو ماقداميش حل تاني ياسماح .

سماح حاول تذاكر انتساب وانا حنقلك المحاضرات.

عمرو مش حينفع يا سماح .الصيدله كليه عمليه ومحتاجه حضور وانتظام .

سماح خلاص حول علي كليه نظريه .

عمرو انت عارفه بحب الصيدله اد ايه وماليش في الكليات النظريه .

سماح معقوله عمرو الفيلسوف بيقول كده.

عمرو سماح ارجوك نقفل الكلام في الموضوع ده . انا خلاص اخدت قراري

ومافيش قدامي حل تاني . انت عارفه بعد وفة ابويه مافيش عائل ليه

انا وامي وامي مريضه ومحتاجه علاج ومعاش ابويه مايكفيش عيش

حاف.

سماح عارفه ومقدره ظروفك والله ياعمرو .ومش عارفه اساعدك ازاي..؟

عمرو سيبيها علي الله ياسماح وهو مابينساش حد .المشكله حتي الدكان اللي

حيلتنا فاضي ومش عارف اعمله ايه .

سماح طيب ممكن اساعدك انا بأي حاجه .

عمرو ربنا يخليك . مش حينفع حبيبتي ولازم اعتمد علي نفسي.

سماح انا مش متخيله تكون من غير شهاده ياعمرو ولو اتقدمت لبابا حتقوله ايه .

عمرو وضعي دلوقت طبعا مش حيليق بيك . وانا مش اناني ياسماح وتقدري تفكري

بهدوء . ظروفي بقت صعبه .حتي انا مش عارف حعمل ايه.

سماح انا مقدرش اعيش من غيرك ياعمرو . انا كنت اموت .

عمرو سماح انت بنت راجل اعمال معروف .وانا انسان تايه وبيلطش

لا عارف ليه بدايه ولانهايه .

سماح انا ممكن ازورك في المحل . هو فين .

عمرو في سوق الصعاليك.

سماح وانت حتفتح الدكان ايه ..؟

عمرو مش عارف والله دماغي مشتته. البلد حالها واقف .لسه مش عارف حفتح ايه .

سماح افتح مطعم .البلد ديه مافيش حاجه مشيه فيها غير الاكل.

عمرو مافيش امكانيات لمطعم ولا لمكتبه ولا سنترال ولا لأي حاجه.

سماح شوف حد معرفه ليكم يساعدك واستلف منه .

عمرو هو فيه حد بيسلف حد دلوقت .الناس ماشيه تكلم نفسها وبعدين انا مقطوع

من شجره .انا بفكر افتح حاجه ماحدش اشتغل فيها وكل البلد محتاجاها دلوقت .

واللي بفكر فيه محدش عمله محتاج بس قلم وشوية ورق .

سماح (ساخره ) قلم وشوية ورق في محل .........حتبيع ايه ..............؟

عمرو حبيع النصيحه واستخدم ثقافتي واحل مشاكل الناس.....البلد كلها ضايعه

وكلها مشاكل والناس مش لقيه حل....لا نظام نافع ولا عقل شافع.

سماح نصيحة ايه ياحبيبي اللي حتبيعها . ومين قلك مش لاقيين حل..دول مشكلتهم انهم

عاملين فاهمين في كل حاجه وبيفتوا في كل حاجه وكل واحد شايف اللي ماحدش شايفه.

عمرو عشان كده انا حفتح المحل انظملهم فكرهم صح ...اعالج تفكيرهم السلبي وابيعلهم

النصيحه .

سماح نصيحة ايه اللي حتبيعها ليهم ...حيقولوا عليك مجنون ويسخروا منك .

عمرو حتحمل لحد ماانجح ويأمنوا بفكرتي .

سماح فكرة أيه بس . انت ممكن تتفلسف عليه .علي زمايلك . علي ناس متعلمين

لكن الناس دول عاميين ومش حيفهموا فكرتك .

عمرو ححاول وان شاء الله حنجح .


بلاك اوت