مسرحية
هذا كفنك ياوطن
فصل واحد
سميرحمايه
2
الإهداء
نغدوا عراة منبوذين من الفضيلة سكاكين القهر تطعننا دموعنا حمراء بلون الدم.
3
الشخصيات
4
الجزء الأول
5
المنظر الاول
المنظر الأول في المقابر، حجرة بسيطة بها ثلاث مصاطب والوسط
تتوسطه مقبرة ..الإضاءة خافتة ، يجلس التنبل وإبنه الكسلان
التنبل وإبنه سيئي السمعة يعملان في الحدادة وغير منتظمان في
عمل دائم، في أي ورشه يقضيان معظم وقتهم في التسكع
الخمول والكسل يلازمهما.
عربي .أنا جعان يابا..
عرابي ومين سمعك يابني أنا سامع عصافير
بطني بتصوصو..
عربي وانا بقي قطط بطني بتنونو ،.تيجي
نخليها تاكل عصافير بطنك..
عرابي ادي اللي فالح فيه هو أنت لوكملت
يومك مع المعلم بسه النهارده
6
كنا جعنا كده .
عربي (ساخرا ) ابا، لاتعايرني، ولا أعايرك الهم
طايلني وطايلك ماأنت من وقت ماسبت
المعلم شحتوت ماشفناش ليك شغل..
عرابي ( غاضبا ) طيب إتنيل واسكت ( يحدث نفسه)
لسانه عاوز قطعه انده علي مراتك
يمكن هي تتصرف.
عربي أنا سايبها تعبانه والظاهر قربت تولد. .
عرابي بس انده عليها البت دي جدعه ودايما
بتتصرف. .
عربي (ينادي ) محروسه
( تدخل محاسن وهي تعاني من ألمخاض )
محروسه ( وهي تتألم )....عاوز أيه ياتاعبني..
عرابي .أنت لسه تعبانه يابنتي
7
محروسه أيوه ياعمي الظاهر حولد النهارده انتوا
عاوزين حاجه
عربي كنا بنسأل علي لقمه ناكلها؟
(وقبل ان يكمل جملته تصرخ محروسه ،وتتجه الي إحدي المصاطب وتنام عليها صارخة)
عربي هو فيه أيه ..؟
عرابي الظاهر مافيش عشا. .
عربي (محدثا محروسه ) انت حتولدي
يامحروسه .
محروسه ( تصرخ )آه ، أه آه.
عربي طالما الصرخه عفيه وجامده
كده يبقي ولد.
( محروسه تصرخ ولا أحد يعبأ بصراخها )
عرابي ويمكن بنت ......ع العموم ولد ولا بنت
8
حنلعب بيه (محدثا حمو ) انت مش
حتقوم تشوف مراتك
عربي أعمل أيه يعني .
عرابي اعمل زي مابيعملوا الناس .
عربي والناس بيعملوا أيه ....؟
عرابي بيقعدوا يدعوا يقولوا يارب..
عربي يارب
عرابي ولا ياحمو طيب حنعمل أيه دلوقت
مافيش مغات ولا الحاجات بتاعة الولاده
فيه عندنا بس ميه سخنه
عربي تعرف يابا ياريت تموت وتريحنا..
عرابي إخص عليك قليل الاصل دي
نفعانا في البيت .
عربي منا مش متحمل صراخها ووجعها
9
.
عرابي طيب قوم سختلها شوية ميه. .
لا قوم انت. عربي
عرابي وأنا احقوم ليه، هو أنا جوزها ولا أنت.
عربي مش انت حماها
عرابي اه .
يبقى تحمي الميه. عربي
عرابي بص عشان مانقعدش نتخانق زي كل مره
...تيجي مانتكلمش، واللي يتكلم هو اللي
يحمي الميه.
عربي ماشي.......واحد، اتنين ،ثلاته، خمسه
عشره، إبتدي..
(محروسه تصرخ وعربي وعرابي ينظر كل منهما إلى الآخر ولا يجيب
تدخل نعمه من الجيران بعد القليل من الوقت)
10
نعمه العوافي ( محدثه عربي وعرابي ولا احد يرد ويشيران لمحروسه)
ايه ياختي ده جالهم البلم (تجري مسرعه نحو محروسه
أنا جيتلك ياحبيبتي،
(.محروسه تصرخ صرخه كبيره ويتوقف الصوت فجأة.)
نعمه ( تمسك يدها ) دي ماتت وتصرخ
محاسن ماتت. عرابي
عربي ( يقف مهللا ) هيه انت اللي عليك تحمي
الميه السخنه.
.
بلاك اوت
11
المنظر الثاني
عربي وعرابي في الشارع الخالي من المارة تماما.
عرابي أيه الحكايه ده سابع جامع نعدي
عليه ومنلاقيش حد..
عربي البنت محروسه دي طول عمري أقول
عليها منحوسه،.حتي كفن مشلاقينه ليها..
عرابي عشريه أوي ، باين عليها ومش عاوزه تسيبنا
..بس أيه حكاية كل الناس اللي في الجوامع
طلعوا علي ميدان الحريه..
عرابي يمكن ميدان خوفو زحمه ومش عارفين يركبوا
من هناك وراحوا علي الحريه.
(تدخل مذيعة إحدي القنوات الفضاية الحكومية )
المذيعة وأنا الأن سيداتي وسادتي في حارة
المهابيل والصورة أمام حضراتكم مابتكدبش
12
بيقولوا الشعب كله في ميدان الحريه وادي اتنين
مواطنين بيمارسوا حياتهم اليومية بشكل
طبيعي خالص ونتعرف بيهم ( محدثه عرابي
ممكن نتعرف بحضرتك .
عرابي عرابي العربي أبو العرب .
المذيعة من فين ياعم عرابي ؟
عربي ( مقاطعاً) وأنا عربي إبنه وقاعدين مع بعض.
المذيعة ( بإبتسامة ساخرة ) أهلا عربي.
وقاعدين فين يا عربي .؟.
عرابي قاعدين في المقابر..
المذيعة قاعدين بتعملوا أيه ،بتدفنوا حد؟ .
عربي لا ساكنين هناك،.أنت متعرفيش
ولا أيه دي البلد عزلت هناك.
13
.
المذيعه وبتعملوا أيه هنا
عرابي أصل محروسه مرات عربي ابني
ماتت ومافيش معانا تمن الكفن وبنلف علي ولاد
الحلال يايدونا كفن ياناخد حقه.
المذيعة ( يظهر على ملامحها الغضب وتحدث المخرج)
طلعنا فقره إعلانيه خليني أظبط..
والأن أعزائي المشاهدين فقره إعلانيه ونرجع مع عرابي وابنه عربي .
( (محدثه عربي وعرابي) ....
أنا حسألكم وإنتوا أي حاجه قولوا كويس
كويس وتمام ، ماشي.
عرابي ماشي بس والكفن؟
المذيعة أنا حديكم تمن الكفن ياسيدي
بس إسمعوا الكلام.
عربي أنت هاتي تمن الكفن وإحنا
14
حنسمع الكلام قوي.
عرابي آه والله أنا وعربي إبني شاطرين وبنسمع الكلام.
المذيعه ( تخرج من حقيبتها مبلغ من المال) دول خمسمية جنيه اهم وقولوا زي ماقولتلكم .
عرابي ( يخطف منها النقود ) إحنا حنقول للصبح ..تشكري ياست.
المذيعه ودلوقتأعزائي المشاهدين عوده مره آخري مع عرابي وعربي.
(محدثه عرابي ) هل انت راضي ياعم
عرابي عن أفعال الشباب في الميدان
وتعطيلهم للمرور ومصالح الناس.؟.
عرابي كويس تمام.
المذيعه أيه اللي كويس تمام ياعم عرابي.
عربي اللي بتقوليه..
المذيعه وادي عمي عرابي وعربي مش راضيين عن
الإفعال ودايماً إحنا بنقول دي مؤامرة
15
علي البلد واجندات خارجيه مش كده ياعربي.
عربي اه كده ونص وكل اللي تقوليه حلو ومايطلعش
منك العيبه (يقترب منها ويحدثها
في اذنها ) كده كويس .......؟
المذيعة ( تبعده عنها ساخرة ) آه كويس خالص .
..طيب ياعم عرابي انت بتعترف
بالكلام اللي بيقولوه انها ثوره؟ .
عرابي تمام . كويس.
المذيعه ايه هو اللي تمام وكويس.أنت بتعترف انها ثوره؟.
عرابي الكذب خيبه انا معرفش حاجه..
المذيعه وادي عم عرابي بيقول مايعرفش وكمان .(محدثه عربي)
أنت تعرف ياعربي ؟.
عربي لا ورحمة أبويه ماأعرف حاجه.
16
.
عرابي ( ساخراً) رحمة ابوك ايه قول ورحمة محروسه أنا جنبك. .
المذيعه وزي ماشفتم أعزائي المشاهدين إن فيه ملايين زي عم عرابي وعربي ، رافضين التصرفات الطايشه
اللي بتحصل وإلي لقاء آخر وموعد وبرنامج موعد
بالمصادفه .( تخرج المذيعه)
عربي طول عمري بقول البنت محروسه بنت حلال .
عربي ( ينظر الي الفلوس التي بيده ) سترانا دنيا وآخره ربنا يسترها.
بلاك اوت
17
المنظر الثالث
الديكور ميدان كبير.جماهير الثوره ..لافتات كبيره ...حركة الجوع الكافر..جماعة البر والاحسان، حزب نجوم الليل........
الجمهور احنا جينا ومش ماشيين
( يخرج شاب )
الشاب... إحنا جينا ومش ماشيين
عشان مابقتش تفرق
إحنا كده .كده مش عايشين
تايهين...ضايعين
الاسم عايش
وف الحقيقه ميتين
سرقتوا حلمنا
مصيتوا دمنا
18
نسيتونا حتي إسمنا
وخليتوا الحياه .
.قبر كبير بيضمنا
يسمع صوت جهوري من مسؤل
الصوت إمشي ياإبني أنت وهو
مش ناقصين لعب عيال
ولو ليكم اي شكوي
قدموها ف مرسال
التجمهر ممنوع
وأنا عليكم طويل البال
ولو حل عليكم غضبي
معرفش أيه حيكون الحال
19
صوت الجماهير إحنا جينا ومش ماشيين.
يخرج رجل عجوز من وسط الجماهير
العجوز ...خلاص الكيل طفح
والخوف اللي كان راح
الميه واشربناهامجاري
والعيش أكلناه محشي حصي
والجسم اتملي بالمرض
وف كل المسام جراح
وإبني اللي ربيته
عايش ف الدنيا سواح
أخدتوا كل الفرح
20
وسبتوا كل ترح
يُسمَع صوت المسؤول
المسؤول حق أيه ياابني اللي بتدور عليه
فوقوا وبلاش تخاريف
وحقكم إحنا أحرص منكم عليه
( تخرج فتاة من وسط الجمهور )
الفتاة خلاص الصغير كبر
وللوصايه مش عاوزين
ولو كانت وكاله
إحنا ليها لاغيين
أول حقوقنا كرامه
21
وليها طالبين
وتاني حقوقنا حريه
وليها عايشيين
وتالت حقوقنا عداله
وهي حلم كل الملايين
( يدخل عرابي وعربي)
عرابي صرفنا فلوس الكفن وحتي مافيش
باقي فلوس نروح بيها.
عربي بس عشنا يوم من عمرنا يابا سهرة
الكباريه كان تجنن.
عرابي آه والله شوفت الناس امبارح كانوا
هايصين إزاي وامبارح كنا فين
ودلوقت فين.
22
صوت الجماهير عيش .....حريه .........عدالة إجتماعية
عربي ناس بتنقط وناس بتتنطط شبهنا
عاوزه تعيش يابا..
عرابي اه يابني بيقولوا عاوزين عيش .ملوخيه
عربي خلينا واقفين معاهم يمكن نلاقولنا رغيفين
عرابي ويمكن نلموا تمن الكفن تاني.
صوت الجماهير مش حنمشي هو يمشي
( يسمع خطاب التنحي )
فرحه غامره للجماهير وأحضان هيستيرية)
(يخرج شاب من وسط الجمهور)
الشاب إنتصرنا وكان الثمن كام ألف شهيد
نصر غالي واليوم اتولدنا
وبقينا مية مليون وليد
23
أخيرا لقينا حلمنا
واليوم اللي صابح
حيكون يوم جديد
عرابي يحتضن عربي.....إحنا كده ضمنا حق الكفن
بلاك أوت .
24
المنظر الرابع نفس ديكور المنظر الأول في داخل المقابر
عبده وحمو يقفان امام جثة محروسه.
عربي إحنا لمينا أكتر من أربع تلاف جنيه
تمن الكفن وماجبنهاوش.
عرابي ربنا يخليهالنا، سترتنا، وبشبشتنا علي الأخر
عربي وماغرمتناش حاجه، كام كيس ملح كل يوم
وكام إزازة خل ..بس تفتكر يابا
حنقدر نخللها كام يوم.
عرابي مش عاوز أفتكر ولو عليه عاوزها هنا علي طول
عربي بس البت نعمه كل يوم بتسألني انتوا
مادفنتوش محروسه ليه.
عرابي قلها دفناها.خلينا بس نفكر حنجيب
فلوس منين تاني .
عربي ماتقلقش ..فيه مظاهرات جديده
25
شغاله في كل حته
السواقين والعمال وامناء الشرطه والخير كتير.
عرابي السواقين كمان دول مولعينها العربيه اللي
شغاله من رمسيس لحد الوراق
مقسمه المسافه خمس مرات والعربيات
اللي جايه هنا عاوزلك كل يوم عشرين
جنيه مواصلات..
عربي الناس اتسعرت ومحدش طايق التاني
عرابي يابني مش إحنا بس اللي خايبين إحنا
عندنا ضمير أكتر منهم إحنا مابنشتغلش
ومابنلاقيش فلوس وهما مابيشتغلوش
وبيقبضوا أول كل شهر وعاوزين زياده
الموظف المفروض بيشتغل تمن ساعات .
عربي اه من تمانيه لاربعه ...بيروحوا تسعه
26
ويفطروا من تسعه لعشره ويادوب
شغل ساعتين لحد مايأذن الضهر
وبعد كده يقولك تعالي بكره.
عرابي بيتعبوا خالص ومن حقهم ياعيني
زياده في الاجور.
عربي يابا احنا شعب نتكلم اه ومانعملش
حاجه وعاوزين كل حاجه..
عرابي ياعيني عليك يامحروسه
عربي مش حننزلوا نلقطوا رزقنا ونجيب
حق الكفن.
عرابي أه والنبي عشان الرقاصه وحشتني..
عربي يابا خف عليها ،دي كل ماتغمزلك .
ترمي عليها مية جنيه وحتى
مش عارف تمسك إيديها.
27
عرابي وحياتك، مسكت إيدي، وقالتلي
انت ساكن فين . .
عربي وقلتلها ساكن في المقابر.
عرابي لساني المنيل زالف وقولت ساكن
في المقابر ومن ساعتها بتغمز بس..
عربي طيب تعالي نقرا الفاتحه لمحروسه .
عرابي خلي الفاتحه بعدين وبينا نلقط زقنا
ونشوف تمن الكفن
.
بلاك اوت
28
المنظر الخامس
خشبة المسرح مقسمه الي جمهورين ...جمهور 1 وجمهور 2
جمهور 1 لازمي يمشي.
جمهور 2 لا مش حيمشي
يخرج من وسط جمهور المسرح المشاهد للعرض شاب
الشاب عجبي علي بلد مكسورة الخاطر
لا الحازم حيكون فيها حازم
ولا الشاطر حيكون شاطر
وشوش بتيجي ووشوش بتروح
والشكل واحد والخلقه واحده
بلد وفيها العدل ممسوح
والحق تايه ممسوخ
29
وبقينا تكيه لكل مفضوح
ولسه حنفضل نطلع في الروح
الصوت بقي منبوح
والقلب بات مدبوح
ولسه تايهين عن الطريق
وبيقيد جوانا الحريق
يخرج الشاب ويدخل عربي وعرابي))
عرابي أيه الحكايه إمبارح كانوا كلهم إيد
واحده والنهارده بيتفرقوا .
عربي الماعز لما تعوز تحكم تفرق الغنم
يابا، الحكايه بقت سوق كبير يابا
الحكايه بقت سوق كبير يابا
بتارين شعار ات كدابه
30
ودنيا تاه فيها الغلابة
خناقه على مين يحكم
الأسود أم الديابه
(خرجت فتاه تنظر لعرابي وعربي)
الفتاة ومش حنخلص من الكلام
وعربيات حمص الشام
وبلد و الكل بيها بيتاجر
مابين ست بترقص ومابين عجوز
عمره راجل ماحلم يكون راجل
لا نافع نصيحه ولا نداءات
احزاب وحركات بتاجر بالدبيحة
31
وائتلافات بتبيع ولاعات
( تخرج الفتاة)
عرابي كلام كبير اوي ياواد ياعربي
عربي بقينا مش عارفين نفهم حاجه يابا
عرابي معاك حق عايشين وسط الاموات
وكنا مرتاحين وحتي لو مش لاقيين لقمه.
صوت جمهور 1 هو يمشي
جمهور 2 لا مش حيمشي
( يخرج شاب )
الشاب أم تقاسي...تكابد..
تبكي بمراره
تمشي علي الأشواك
سبعة ألاف سنه
32
لم ينل منها الزمن
وشامخه أبيه في المحن
تلبس الشمس ثوبا
مهما مزق الظلام ردائها
متوجة بتاج السما
علي رأسها
لا يناله غاصب
مهما كان العدا لها
زينت النجوم صدرها
تخرج فتاة
الفتاة وكم من يتيم طامع في حضنها
جعلها الخالق كنانته
33
وأمِنْ كل مخلوق علي أرضها
أحتضنت يوسف الصديق
وترعرع مستنشقا هوائها
عاشق لأرضها...مستظلا بظلها
وكانت ميلاد نبؤته
وهو نعم الابن بارا بها
وكان المسيح ربيبها وحبيبها
وفتحت حضنها للإسلام
وكانت له نصيرة
في الحرب والسلام
ودفنت في ارضها
كل الغزاه
34
وداست رأس كل الطغاة
أجيال وراء أجيال
والأم بتعاني
دموعها علي خدها
وبتحلم بالأماني
بتصَبر نفسها بموال الشجن
وتغنى على لحن الألم
كل الأغاني
وما بتكل يوم
وحتي مع القهر
بتبتسم تاني
وتفضل تحلم بجنين
ينمو في بطنها
35
وسكن النسيم حضنها
ونيل عديد الروافد
مصبه في الجنوب
ويأبي أن يكون إبنا لغيرها
فهي أم الحياة
يخرج شاب اخر
الشاب واتزرعت البذره جواها
وبدأت تحس الجنين في حشاها
خافت عليه وبقت تضمه
سهرت علي راحته مابتنام
تفرح لو تحرك في حشاها
وتدمع لو حست انه ساكت جواها
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية