منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
عفاريت تيك اواي 4 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
عفاريت تيك اواي 4 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
عفاريت تيك اواي 4 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
عفاريت تيك اواي 4 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
عفاريت تيك اواي 4 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
عفاريت تيك اواي 4 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
عفاريت تيك اواي 4 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
عفاريت تيك اواي 4 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
عفاريت تيك اواي 4 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    عفاريت تيك اواي 4

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    عفاريت تيك اواي 4 Empty عفاريت تيك اواي 4

    مُساهمة من طرف سميرحمايه الثلاثاء يناير 22, 2019 9:16 pm

    51

    كلمنا في حاجة تانيه.
    الاراجوز حكلمك في حاجه غايظاني جداً.
    ايمان قول ياسيدي وفضفض علشان ترتاح.
    الاراجوز عاوز أقول الناس ماعادتش مهتمة
    بما ينفعهم . وبيهتموا بالكلام الفاضي
    وهو اللي شاغل تفكيرهم ووقتهم.
    ايمان زي ايه...! فسر كلامك !
    الأراجوز ناس فاسده عايشه معانا ، بتوجه خطابها
    لحاجات تافهه.
    ايمان فهمنا اكتر.
    الاراجوز سمعت عن حكاية السمكة سيئة السمعة.؟
    ايمان ( تضحك ساخرة) سمكة سيئة السمعة؟
    الأراجوز ايوه ، سمكه منحرفه ومشيها بطال .
    ايمان مش معقول الكلام ده ، مين بقى بيقوله.
    الأراجوز شيخ شيعي ، ماهو مش احنا بس اللي
    عندنا شيوخ لاسعه، الشيعه عندهم
    52

    الشيخ الشيعي بيفتي في الفضائيات
    بيحرم أكل السمكة سية السمعه
    ايمان ودي حنعرفها ازاي ..؟
    الاراجوز بيقول حنلاقيها ملساء وعينها زايغه
    بتبص علينا ، ومفيش قشر على جسمها.
    ايمان حاجات غريبه بجد.
    الاراجوز احنا لازم نواجه تلك النوغيات ، هي نوعيات
    فاسده ومفسده .
    ايمان اتفق معاك ، لازم الاشكال دي نحاربها.
    الاراجوز ياريت نتعلم كلنا من مملكة النحل.
    ايمان ( بدهشة) مملكة النحل ...؟
    الاراجوز اه مملكة النحل اللي بتتخلص من اي
    فاسد في الخليه .
    ايمان ازاي ....؟
    الاراجوز مملكة النحل فيها نظام ، فيه نحل بيشتغل
    علشان يزود الإنتاج ،وفيه نحل فاسد
    53

    مقضي حياته سكر وعربده.
    ايمان النحل فيهم نحل بيسكر ..؟
    الأراجوز ايوه و ومدمن كمان ويحب يعيش
    في سكر بين ،وعلشان يعيش على
    طول سكران ، يدور على ثمار الفاكهه
    اللي اتعفنت ويشرب منها ، لأنها بعد التعفن
    ينبعث منها ماده مسكره ، تسكر من يشرب منها
    ايمان كده لو هو رجع الخليه بالماده دي وزود بيها
    العسل ممكن تفسد العسل وتجعله خمراً.
    الاراجوز هنا بتيجي رحمة ربنا علشان العسل
    يبقى شفاء للناس ، جعل سبحانه وتعالى
    بعض النحل يحمل أجنحة انذار وأول
    ماتقرب النحله السكرانه يتعرف عليها
    ويقضي عليها قبل ماتدخل الخلية .
    ايمان سبحان الله واحنا سايبين الفاسدين
    في كل الخلايا .
    54

    الأراجوز ومش عارفين نتخلص منهم، ومفيش خليه
    بتخلوا من فساد وإفساد والمستفيد منهم
    كثير ويفرضون الحمايه عليهم.
    ايمان ايه رأيك نغير الموضوع، عاوزه اسألك
    اسئله عامه .
    الاراجوز اتفضلي اسألي؟
    ايمان ايه رأيك في كلمة عروبه.
    الأراجوز اتعلمنا ن فيه خريطه ايمها العالم العربي
    في الغرب مابيعترفوش بكده ويقولوا
    الشرق الأوسط، حدودنا كبيره وسكانا كتيره
    وشعوبنا بقيت فقيره في كل شئ مال واخلاق
    حتى اللغة فقدناها ، شوفي اسماء المحلات
    حتلاقيها كلها اجنبيه ورغم ان فيه حاجات
    بتشدنا لبعض وكل ماتيجي تشدنا الحبل يتقطع
    ونوقعوا على ضهرنا .
    ايمان وكلمة وطن ..
    55

    الاراجوز اتعلمنا ان الوطن له سمات ومقومات خاصة
    هي القيم والعادات والتقاليد والتراث والأخلاق
    ....تقدري تقوليلي هي فين الآن ..؟ والوطن
    المفروض بيحضن اولاده بحب ويحميهم
    ويحافظ عليها ، لكن دلوقت ، صراعات
    خيانات ، دسائس ، تدني اخلاقي ومجتمعي
    كامل ، بنسمع الوطنيه شعرات واغاني
    لكن الحقيقة الوطن بيهرب من المواطن
    والمواطن بيهرب من الوطن .
    ( نسمع أصوات وصراخ ودخان يتصاعد من اللوكانده
    ويتحرك بعض الأثاث مع موسيقى صاخبة وإضاءة
    مناسبة للحدث ، يخرج الأراجوز حاملا البرافان
    وخلفه المصور)

    بلاك أوت

    56

    الجزء الثاني
    اللوحة الخامسة
    المنظر ريسبشن اللوكاندة ،الأثاث متناثر،الإضاءة
    مترددة ، سكان اللوكاندة في حالة هرج وخوف
    وارتباط،يتحركون جرياً في كل مكان ، خلفهم
    مجموعة من الأشخاص يرتدون ملابس العفاريت
    ثم يخرجون .
    عبدالموجود ( صعيدي يجري وراء كل فرد متسائلا
    هو فيه أيه ؟ هو فيه ايه ؟( لا أحد يرد)
    الوزير ( مخاطبا شوشو، راقصة) انت ايه اللي نزلك
    من الاوضه هنا .
    شوشو انا قمت مفزوعه من النوم ( جانباً)ويعدين
    محدش ح يعرف إني كنت مع الامير
    في اوضته .
    الوزير حسابك معايا بعدين ، بس نشوف المصيبة
    57

    اللي إحنا فيها دلوقت .!
    عبدالموجود ( للوزير) قوللي انت ياابو وش سمح
    فيه ايه ؟
    الوزير ياسيدي سيبني في حالي أنا مش
    طايق نفسي ، وخلاص حطله من هدومي.
    عبدالموجود ماني لازم اعرف ايه اللي بيحصل ؟
    اول مانزلت اللوكانده يادوب دخلت الأوضه
    وحصل اللي حصل، يكنش القيامه قامت ولا ايه.
    الوزير قيامة ايه ، امشي من قدامي، هي مش ناقصاك.
    ايمان ( للشيخ زيكو) عندك تفسير للي بيحصل ده يامولانا.
    زيكو لا تقلقي الأمر هين ، وبسيط ، ربما إنقاطاع
    في التيار الكهربائي ويعود، أو زلزال ثار
    ثم هبط ، وقد يكون بركان يتنفس .
    عبدالموجود ياه كل ده حصل..؟ لا حول ولا قوة إلا بالله.
    ايمان ( محدثه عبدالموجودوساخره) كل ده ايه ....؟
    انت فاهم حاجة.
    58

    عبدالموجود أقطع دراعي إن كنت فاهم حاجه ؟
    ايمان ممكن اعرف حضرتك مين وايه اللي
    جابك هنا ، انا اول مره اشوفك هنا.
    عبدالموجود أني عبدالموجود جاب الله ، نايب
    كفر البطيخ .وجيت احضر جلسات
    المجلس، وحجزت في اللوكانده دي
    واول مادخلت اوضتي ، حصل اللي حصل.
    ايمان ياريتك ماجيت ، جيتك سوده علينا ، بس
    ياريت تهدا كده ، علشان نعرف اللي حصل.
    مهموم ( يدخل ) احنا اتحبسنا كلنا في اللوكانده مافيش
    باب بيفتح ولا شبك .
    شوشو ايه اللي بتقوله يااستاذ ، يعني احنا اتحبسنا
    كلنا في اللوكانده الفقر دي .
    ( يدخل عزيز وخلفه موسى .
    عزيز كل اللي بيقوله صح ..؟
    ايمان يعني أيه..؟
    59

    عزيز فيه حاجه مش طبيعيه ، ممكن كلكم تهدوا
    وتسكتوا علشان اركز واتصرف واشوف
    فيه ايه ؟
    عبدالموجود انا عن نفسي حسكت خالص ،منا ساكت
    على طول في المجلس ، انت باين عليك
    راجل ابن حلال وبركه، وحتقولنا فيه أيه.؟
    ( عزيز يتجه إلى الحائط ويضع يده عليها ويدق بيدهعليها)
    عزيز ايه ده ؟ مش ممكن ..؟ ..مستحيل !
    الجميع ( في تعجب وخوف بصوت واحد) فيه أيه ؟
    الأمير فيه ايه ، خبرنا ، مش عارف اتلم على نفسي
    وركبي سايبه ( ينظر لشوشو)ناس قدمها نحس.
    شوشو وانا مالي، انتوا حترموا بلاكوا عليه .
    عزيز (صارخاً) ياجماعه ارجوكم، خلوني اركز شويه
    واشوف حعمل ايه .
    زيكو ركز يااستاذ واقدح زندك، ودعك من هؤلاء الشناقيط.
    شوشو ( ساخرة من كلمة شناقيط) شناقيط، جتك ايه
    60

    يااسمك ايه ( ضاحكة بمياصه)
    عزيز ( معاتباً) وبعدين ! احنا في ايه واللا ايه....
    ( محدثا ابو موسى) روح هاتلي الجهاز اللي في اوضتي.
    ابوموسى جهاز ايه ياريس .؟
    عزيز جهاز الكشف عن الكوارث ، حتلاقيه في
    الكوميدينو اللي جنب السرير.
    مهموم كل الأبواب والشبابيك اللي بتطل على
    الشارع مقفوله .
    عزيز دلوقت ح نعرف فيه أيه ؟ ( محدثا ابوموسى)
    ياللا بسرعة ياابوموسى هات الجهاز
    ( يخرج ابوموسى)
    مهموم انت شاكك في حاجه .
    عزيز اه ولكن حشوف شكي صح ولا لا.
    ( يدخل ابوموسى وفي يده جهاز صغير الحجم ، يناوله
    لعزيز وعزيز يضعه في اماكن متفرقة على الحائط
    وكأنه يقوم بقياس شئ ما .
    61

    عزيز (بغضب ) مش ممكن ؟
    الأمير فيه ايه ياوش الخير!(ساخرا)
    عزيز ( بدهشة) مش ممكن، شئ فظيع، مايصدقوش
    عقل .
    ايمان ماتقول وتخلصنا ، احنا اعصابنا سايبه
    ( عزيز صامت ولا يرد)
    الجميع ( في صوت واحد) اتكلم ، حصل ايه ؟
    ابوموسى قول ياريس ، مفيش حل غير كده.
    عزيز للأسف، إحنا على بعد ثلاثة الاف قدم
    تحت الأرض .
    الجميع بتقول ايه ؟
    عبدالموجود بتقول تحت الارض!
    عزيز ايوه اللوكانده اتخسفت تحت الأرض.
    زيكو ( يحاول ان يكون متماسك) ماذا تقول ياهذا
    وماذا نفعل في هذه الكارثة ،واين نحن نقع
    من الارض الآن .
    62

    عزيز اللوكانده تقريبا اتخسفت لسابع أرض.
    عبدالموجود ودي بعيده عن كفر البطيخ ..؟
    مهموم ياسيدي استنى ، سيبك من كفر البطيخ
    وكفر البدنجان بتاعك ده ، وخلينا نشوف
    المصيبه اللي احنا فيها ...
    عبدالموجود ماني عاوز افهم فيه ايه ؟ ولا حتعملوا
    زي الريس في المجلس ، مش بفهم منه حاجه.
    مهموم كلامه واضح، بيقولك اتخسفنا لسابع ارض.
    عبدالموجود ودي تبقى حاجه وحشه ولا حلوه .
    ايمان تبقى حاجه منيله بستين نيله ، اسكت بقى.
    ( محدثه عزيز) وده حصل ازاي ؟
    الأمير اه قولنا حصل ازاي ..؟
    عزيز الإحتمال الأكيد ، انه حدث زلزال فتشققت
    الأرض فهبطت في الشق اللوكانده.
    مهموم بس تفتكر اللوكانده هي بس اللي هبطت
    ولا اماكن تانيه هبطت .
    63

    عزيز وانا اعرف منين ، انا بكلمكم عن حالنا
    مش حنعرف حاجه كده عن الدنيا خالص
    زيكو احمدوا ربنا ان اللوكانده ماانهدمتش وروحنا
    فطيس ، ربنا كان لطيف بينا ، جعل من
    اللوكانده اسانسير ونزلت بيدا بدون خساير.
    ايمان يعني ممكن نصلح الاسانسير ويطلع بينا تاني.
    ابوموسى ( ساخرا ) يطلع ايه وينزل ايه .! ونصلح ايه
    عزيز بيقول اننا هبطنا لسابع ارض يعني
    احنا ميتين ، ميتين
    شوشو فال الله ولا فالك ياوش الغراب انت، بلاش
    تقول كده ،أنا عايزه أعيش .
    الجميع واحنا كمان عايزين نعيش .
    شوشو (ترفع يديها للسماء) ايوه ، انا عاوزه اعيش يارب
    انا لسه صغيره وحلوه .( تنظر للشيخ زيكو)
    مش كده ياسيدنا الشيخ ولا ايه .
    زيكو انما الاعمال بالنيات .
    64

    عزيز ( ينظر لهم جميعا ) ياريت كلكم تسمعوني
    كويس ، احنا كلنا في كارثة كبيرة والجهاز
    رصد الحاله ،وكلها 24 ساعه ونفقدوا
    الاكسجين ونموت .
    شوشو ( بخوف ) يعني حنموت كلنا ومش حنلاقوا نفس نتنفسه.
    عبدالموجود انا الحمد لله ، لا بشرب سجاير ولا معسل.
    عزيز ( ساخراً من عبدالموجود) سجاير ايه ومعسل
    ايه ، انت مش حتعرف تاخد نفسك.
    عبدالموجود واخد نفسي ليه وهو معايه.
    ايمان ( محدثه عبدالموجود) يادي الغباء ، ياسيدي
    اسكت ، خلينا نشوف حل للمصيبة دي .
    عبدالموجود مصيبة ايه لا سمح الله.
    ايمان ( بغيظ) لا ده كتير، انت قلة الكلام معاك احسن.
    ( محدثه عزز) طيب وايه الحل دلوقت .
    عزيز انا حطلع اوضتي اشوف حل ( يخرج)
    مهموم ( محدثاً الجميع) ياجماعه مفيش امامنا
    65

    غير حل واحد وطريق واحد.
    زيكو قول ياسيدي لعل هذا الحل فيه خلاص لنا.
    شوشو قول يااستاذ الحقنا بيه والنبي .
    مهموم الحل اننا نرجع لربنا ونصدقه النية
    ولو صدقنا النيه حيفرج كربتنا .
    الأمير واحنا حنرجع ازاي بقى ؟
    مهموم احنا حالتنا شبه الثلاثه اللي اتقفلت
    عليهم المغارة ومش عرفين يطلعوا
    منها..عملوا ايه ؟
    زيكو ايوه صح دول قعدوا يدعو لربنا لحد مافتحت
    المغارة وخرجوا منها .
    مهموم وكان دعام ايه ياشيخ زيكو ؟
    زيكو قالوا يارب نجنا من هذا الكرب
    مهموم وبعدين ..؟
    زيكو المغاره اتفتحت وخرجوا منها سالمين.
    مهموم المغاره مااتفتحتش بدعاهم ياشيخ .
    66

    ايمان امال اتفتحت ازاي ؟
    مهموم اتفقوا مع بعض ان كل واحد يقول
    عمل خير عمله في حياته .
    الأمير وقالوا على اعمال الخير اللي عملوها.
    مهموم ايوه بقى كل واحد يقول عمل خير
    عمله ويتقرب بيه لربنا ومع اول واحد
    اتفتح جزء من المغاره ومع التاني اتفتح
    جزء ولما قال التالت اخر عمل خير واتقرب
    بيه لوجه الله اتفتحت المغاره كلها وخرجو.
    الأمير خلاص نعمل زيهم وكل واحد يتكلم عن
    عن عمل خير عمله في حياته .
    مهموم ( محدثا الأمير) وهل ياترى حنلاقي منك
    عمل خير قدمته للناس.
    الوزير ( معترضاً) ايه الكلام اللي انت بتقوله يااخ
    الأمير كله خير وعمل خير كتير.
    شوشو إن كان على الخير انا اول واحده حقول .
    67

    الأمير ( معترضاً) لا والنبي بلاش انت تقولي حاجه خالص
    اعملي معروف خليك قاعده ساكته؟.
    زيكو خليها تقول يااخي ، ربنا هو وحده المطلع على قلوبنا
    شوشو ( تتجه نحو منتصف خشبة المسرح حولها دائرة ضوئية)
    (تحدث ربها) ، ياربي انا غلبانه ومنكسره ومش مفتريه
    انا ياما عملت خير كتير،
    الوزير وياترى ايه الخير اللي عملتيه ؟
    شوشو انا كنت ادور على واحد مسكين واروح
    ارقص في فرحه ببلاش وكنت بعمل ده
    مره كل شهر.
    مهموم احنا كده حننزل اسفل السافلين ومش
    حنطلع ابدا ، اقعدي ياشوشو.(تجلس)
    زيكو ( يدخل زيكو منتصف المسرح ويحدث ربه.
    ياربي انت عارف جهدي في سبيل الدعوة
    وكنت بطلع من قناه وادخل قناه بلا كلل
    واسهر طول الليل على صفحتي على الفيس
    68

    الفيس بوك من اجل الدعوه وكنت بتواصل
    مع الشباب وعملت منهم صناع المستقبل
    مهموم ( معترضا ) انت بتكدب في حضرة ربنا
    شباب ايه اللي عملته ودعوة ايه ، احنا ماشفناش
    مرة كلمة حق ليك في الشباب اللي بيتقتل
    ولا اللي بيُعتقل ولا اللي بيتحبس، انت شغال
    تاجر دين لحساب نفسك، وبتسمم قلوب الناس
    وافكارهم وانت لا رجل دين مؤهل ولا مثقف
    فاهم .
    زيكو العبرة بالنية والنية محلها القلب والقلب يعلمه
    الله مش انت .
    مهموم ونعمة بالله والله يعلم انكم شبكة كبيرة مدسوسة
    وبتغرروا بشبابنا ، ان كان عندك عمل خير
    جقيقيتقوله ، قوله ، هي مش ناقصه خسف تاني.
    زيكو اه عملت ، انا كنت كل مااركب تاكسي وادفع
    الاجره بسيب الباقي للسواق ، وكتير بدفع
    69

    وكتير بدفع بقشيس للغلابه.
    مهموم صلاة النبي احسن هو ده عمل الخير
    اللي انت عملته ،احنا امامنا اربعه وعشرين
    ساعه وح نموت اقعد ياشيخ الله يخليك.
    ايمان ( تدخل منتصف المسرح ) انا الحمد لله ياربي
    انت عارف اني عملت خير كتير وكل شغلي
    خير في خير .
    مهموم برنامج ايه ده ؟
    ايمان البرنامج التاني بتاعي سنابل المعروف
    ياما ساعدت الغلابه اللي بيناموا في العشش
    واليتامى اللي اتاخد حقهم ، والزوجه اللي بيظلمها
    زوجها وانت عارف ياربي عالجت ناس كتير
    مهموم ياشيخه حرام عليك ، عمل الخير في الكتمان
    وانت بتفضحيه وماعملتيش حاجة من جيبك
    تقدري تقولي عالجتي كام واحد من مرتبك
    ولا ساعدتي كام واحد، انت بتاجري بالمعروف
    70

    وبتستغلي الغلابه وتضحكي عليهم بتمثيليات
    بايخه ومفضوحه علشان تبيني للناس انك
    بتعملي خير .
    ايمان لا الكلام ده مش حقيقي .
    مهموم مش حقيقي ازاي ، فاكره الراجل الراجل
    اللي فضحك وقال المذيعه جابتني وادتني
    خمسين جنيه علشان اعمل غلبان وتلمي
    على حسه فلوس من الناس .
    ايمان لا لا ..ده تطاول غير مقبول .
    مهموم ياستي ربنا مش بينضحك عليه وخلي
    الطباق مستور ، انت بتجري ورا
    غرورك وبس، ان كان عندك عمل خير حقيقي
    قوليه ، انا مش ضدك ولا بحاسبك انا بس
    بحاول اصفي نوايانا.
    ايمان اف انت انسان غريب ( مش حقول حاجه)
    مهموم علشان مش لاقيه حاجه ( يلتفت لعبدالموجود
    71

    اتكلم انت ياعم عبدالموجود انت الوحيد
    فينا اللي نيته صافيه .
    عبدالموجود اقول ايه ..؟
    مهموم قولنا عمل خير تكون عملته يمكن
    ينجينا من اللي احنا فيه ده .
    عبدالموجود منها لله امي .
    مهموم مالها امك.
    عبدالموجود ربنا يسامحها ، لولاها كنت عملت خير كتير.
    مهموم ازاي فهمنا ؟
    عبد الموجود كانت دايما تقولي ياعبدالموجود
    ياابني ، اعمل الخير وارميه في البحر
    وانا رميت خير كتير في البحر.
    مهموم رميت خير كتير ازاي ؟
    عبدالموجود كانت امي كل ماتشتري سمك قراميط
    كبير ، كنت اخده وارميه في الترعه
    ومره بعد مره مسكتني وانا رابط القرموط
    72

    القرموط في ديل الجلابيه، قالتلي رايح
    فين بالقرموط اللي معاك ده ، قلتلها رايح
    ارميه في الترعه ، مش انت قولتيلي اعمل
    الخير وارميه البحر.
    مهموم يعني انت عاوز تعمل خير تروح تسرق
    السمك من ورا امك .
    عبدالموجود ايوه علشان اعمل خير في القراميط
    وارجعها الميه علشان تعيش،ومن وقتها
    امي بطلت تجيب سمك.
    مهموم حتى الراجل اللي افتكرته رجل طيب
    وقلت حيطلع الخير منه ، طلع مفيش
    خير من وراه .
    الامير ( يدخل دائرة الضوء في منتصف المسرح)
    ( محدثا مهموم ) انا عملت خير كتير، وانت
    شاهد عليه.
    مهموم ( متعجبا ) خير..! انت عملت خير ؟
    73

    الأمير مش انت وافقت تعلم الحمار بتاعي ؟
    مهموم اه ، كنت بعلم الحمار بتاعك، ولكن ايه
    علاقته بالخير.
    الأمير ده عمل عظيم من اعمال الخير، مش
    ده رفق بالحيوان، مش في واحدة شربت
    قطه دخلت بيها الجنة.
    مهموم بس دي قطة والست شربتها مش اخدتها
    تحطلها مكياج ولا تعلمها الاتيكيت، انت
    بتعليم الحمار بترضي غرورك بموضوع
    تافه ، عاوز تحس ان مختلف، بتعلم الحمار
    وسايب ولاد بلدك من غير تعليم .
    الامير انا إمارتي الوحيدة اللي بتهتم بحقوق الحيوانات
    ومفيش بيت في الإمارة مافيهوش كلب او قطه
    مهموم ايوه الكلاب الوولف والالماني والقطط السمان
    لكن قوليعملت ايه في الكلاب والقطط اللي
    في شوارع الإمارة.
    74

    الامير ضربتهم بالنار علشان اخلص الناس من اذاهم.
    مهموم انت لاهتميت بحيوان ولا انسان ، تقدر تقولي
    عملت ايه مع جيرانك واخوانك.؟
    الأمير كل مايدعوني لاجتماع بروح، وكل مايعملوا
    مؤتمر ببقى موجود فيه .
    مهموم وبتعملوا ايه بقى ..؟
    الأمير غداء عمل وعشاء عمل ونتسامر في المشاكل.
    مهموم وبعد ماتتسامروا في المشاكل ؟
    الأمير نرمي كل مشكلة ورا ضهرنا .
    مهموم كفايه كده واقعد سمو الامير ، احنا مش
    ناقصين خسف ،( يلتفت للوزير ) وانت
    فيه عمل خير عملته .
    الوزير انا دايما ورا الأمير في كل اعماله.
    مهموم خليه بقى ينفعك دلوقت، يعني مفيش
    عامل تتقرب بيه لربنا .
    الوزير قولتلك ، كنت دايما ورا الامير.
    75

    مهموم اه صح ، انت قلت ، معلش العتب ع السمع.
    الوزير انت م الصبح عمال تحقق معانا وتسألنا عن
    الخير اللي عملناه ، ماتقولنا انت ايه عمل الخير
    اللي انت عملته .
    مهموم أنا ألفت كتاب كيف نسود العالم ، كشفت فيه
    ألاعيب أعداءنا وشرحت فيه ازاي نرجع لبعض
    وازاي نستثمر امكانيات بعض،ونستفيد منها كلنا
    وأهملت بيتي ونفسي واولادي ، وياريت طلعت بنتيجة
    كلنا بنحصد مازرعنا وإن ماكنش واحد وسطينا
    عمل خير ، يبقى على الأقل نرجع لربنا وننوي
    بصدق التوبة ، يمكن ربنا يقبل توبتنا ويفك كربنا

    ( إظلام مع موسيقى إنتقالية )



    76

    اللوحة السادسة
    المنظر اللوكانده نفس المنظر .
    مهموم ياه لو يفهم البني أدم إن الدنيا دي ، فانية
    وعمرها قصير ومابدمش لحد، كان قدريكون
    انسان حقيقي ، يعرف ان الحياة بتستقبلنا
    بكفولة بيضا وبتودعنا بكفن أبيض واحنا
    كل اللي بنفكر فيه ناكل ونشرب ونتجوز
    ونخلف عيال وتغيير السكن ، ونفكر دايماً
    في بكره مه انه بإيد ربنا.
    ( تدخل الإعلامية ايمان حمدي مرتدية ملابس بيضاء
    وطرحه بيضاء)
    ايمان خلاص يااستاذ مهموم ، الاكسجين قرب يخلص
    وحنموت كلنا .
    مهموم ياه معرفش إن انتظار الموت صعب كده ، والأصعب
    مابعد الموت وياعالم فيه رصيد ولا لا ، ياريت كنا
    بنشحن لهاتف الآخرة زي مااحنا بنشحن لهاتف الدنيا
    77

    كلنا كنا بنهتم وجود رصيد في هواتفنا في الحياة.
    ايمان حتى رصيد الدنيا طار وخلص .
    مهموم مفيش قدامنا غير ندعي ربنا رحمنا.
    ايمان معاك حق ، الدنيا لهتنا وخدتنا بعيد
    حبيناها وعمرها ما حبتنا .
    مهموم كنا بنفرح بحضنها وهي بتضحك علينا.
    ( تدخل شوشو ايضا مرتدية ملابس بيضاء وممسكة بسبحة)
    مهموم ماشاء الله ، والله لايقه في لبس الأبيض.
    شوشو المهم ترجع قلوبنا بيضا، انا بدعي
    ربنا يتقبل توبتنا.
    مهموم ربنا يتقبل منك .
    ( يدخل الأمير عبقر وهي ممسكاً بسبحة في يده ويرتدي
    جلباب ابيض قصير )
    الأمير يارب سامحني ، لو رجعتني الإمارة حعمل
    حاجات كتير .
    مهموم حتعمل ايه لو رجعت ؟
    78

    الأمير كنت حفكر في إسعاد شعبي وبس وأساعد
    الفقير وأعلم أولادنا واربيهم على عاداتنا
    وتقاليدنا وقيمنا الاصيلة وعقيدتنا السمحة
    ححط ايدي في ايد اخوانا ونرجع امة كبيرة
    الكل يعملها حساب ، سلاحنا واحد وإقتصادنا
    واحد.
    مهموم ياريت حطيتوا ايديكم في إد بعض من زمان
    وتفهموا مايحيط بيكم من أخطار ، لو اتحدتم
    ماكنش حد يقدر عليكم .
    الأمير حب الكرسي أعمانا ، الأنانية وحب النفس
    خلونا لقمة طرية للكلاب اللي بتنهش في
    لحمنا ومابتشبعش .
    مهموم انا بقول الكلام ده من تلاتين سنه ولا حد
    كان بيسمعه او يفكر فيه ... لكن للأسف
    بعد أيه ...؟ كلها دقايق وح نموت كلنا.

    79
    ( يدخل عبد الموجود متلهفا )
    عبدالموجود خلاص قربنا نفطس ولا لسه .
    ايمان ( ساخرة) انت مستعجل على الفطسان اوي
    كلها دقايق وحنفطس كلنا .
    ( يدخل الشيخ زيكو )
    زيكو ايه ياجماعة ..! هل اقترب الأجل؟
    مهموم خلاص كلها لحظات ويجي عزرائيل
    ياخدنا جمله ،
    زيكو يعني ايه ؟ حقابل ربنا بالشكل ده ؟
    ايمان كلنا حنقابل ربنا ياشيخ زيكو .
    زيكو لا ماينفعش ، ماينفعش أكدب وأنا
    بقابل ربنا .
    مهموم يعني انت عارف انك كنت بتكدب؟
    زيكو ايوه كان لازم أكدب وأعيش كداب
    الكدب هو اللي ماشي ، هو اللي كان بيعلي
    فوق، كنت بدور على كدبه كبيره تشهرني
    وألفت بيها نظر الناس ، علشان كل الناس
    80

    تسمعني وتعرفني .
    مهموم فعلا اللامنطق هو اللي شغال وهو
    اللي بيكسب، قوللي ازاي في سنة
    واحدة قدرت تكون من اشهر الدعاة.
    ازيكو انا حاصل على دبلوم، وحافظ يادوب
    قصار السور من القرأن، ضاقت بي الدنيا
    وجيت من الصعيد للقاهره، دورت على
    شغل ، لقيت حاجات يادوب تأكلني وكنت
    بنام في الجوامع ، وف ليله صحيت من
    نومي ، لقيت موبايل كبير.
    مهموم وطبعا قلت فرصة وطبعا اخدت الموبايل
    من غير ماتسأل على صحبه .
    زيكو المهم جبت شريحه وشغلت الموبايل
    واتعلمت النت وفتحت صفحة ع الفيس بوك
    مهموم وطبعا حصل تواصل بينك وبين الناس.
    زيكو حصل وبسرعة كبيرة ، وف يوم لقيت
    81

    رساله جاياني من واحده ست .
    ايمان ( ساخره) ايوه اظهر بقى على حقيقتك.
    زيكو كل منها وكلمة مني ورسالة منها ورسالة مني
    لقيتها في يوم بتقولي انا جبتلك منحة تعليم
    في انجلترا اتعلم وادرس هناك وحيوفروا
    لي سكن ومصروف جيب.
    ايمان آه وبعدين ..؟
    زيكو ( محدثاً ايمان ) تفتكري واحد مش لاقي شغل
    ولا عارف يعيش ، يعمل ايه ..؟
    مهموم ( لايمان ) النوع ده يوافق طبعا
    زيكو وسافرت وقابلتها هناك ودرست في الجامعة
    هناك.
    مهموم جامعة ايه ..؟
    زيكو جامعة لويز للإستشراق الديني ودرسولنا
    الدين من خلال مستشرقين منهم .
    مهموم يعني رحت تتعلم دينك علي يد مستشرقين
    82

    أجانب ، يعلموك الفقه والسنة والفتوى.
    زيكو ايوه علموني ده وهم مستشرقين من معظم
    دول اوربا ومعظمهم يهود .
    مهموم على كده فيه كتير عندنا ، بيدرسوا في
    الجامعة دي .
    زيكو كان بيدرس معايا كتير من الدول العربية
    والأفريقية ...لعلمك يااستاذ خريجينها ينافسوا
    أشهر علماء الأزهر.
    مهموم وللأسف كتير بيتخدع فيهم وخاصة الشباب.
    زيكو أهو كده أنا خلصت ضميري أمام ربنا وقلت
    الحقيقة ، علشان أموت مرتاح .
    ( يدخل نعمان الرافدي )
    مهموم ( يفاجأ به )...مين الأستاذ ، انت هنا بتعمل أيه..؟
    نعمان انا نعمان الرافدي .
    مهموم أول مرة اشوفك في اللوكاندة.
    نعمان أنا مابروحش اي حته إلا للضرورة ( ينظر للأمير)
    83

    مش كده ياسمو الأمير.
    مهموم هو الأمير يعرفك ؟
    نعمان أه يعرفني وهو اللي اتفق معايا أجي هنا..
    أنا شغال معاه في بعض العمليات.
    مهموم عمليات جراحية ولا أيه (محدثا الأمير)
    انت شغال دكتور ياسمو الأمير.
    نعمان لا دي عمليات من نوع تاني خالص.
    الأمير ياسيدي خلاص، أنت دلوقت تتوب لربنا
    وكلها دقايق وكلنا ح نموت ...انت مش
    عارف اللي حصل هنا ..! ولا أيه.
    نعمان طبعا عارف ، علشان كده عاوز أخلص
    ضميري امامكم .
    الأمير ياسيدي خلاص ،أنت توب لربنا وهو
    حيقبل ومافيش داعي للكلام .
    مهموم فيه أيه يا أخينا ، قلقتنا .؟
    عبدالموجود خلاص يااخينا ، كل حاجة محصلة
    84

    بعضها ،ومش لازم نعرف حاجة خلاص
    حنفطسوا ونقابل رب كريم .
    الأمير ( محدثا عبدالموجود) معاك حق يااسمك أيه.
    ( يلتفت لنعمان ) خلاص بقى كلها دقايق
    ونموت كلنا.
    نعمان وأنا مش حروح فطيس واقابل ربنا مليان
    ذنوب ،وإيدي ملوثة بالدم .
    الأمير ياسلام هو يعني الموت كان بعيد عنك
    ما أنت على طول جاهز للموت .
    نعمان أيوه كنت بكون جاهز للموت وماخفتش منه
    ابدا لأني كنت بجري وراه ، لكن دلوقت
    هو اللي بيجري ورايا وأول مرة أحس
    أنه قريب من قلبي ،ولازم أعترف بالحقيقة.
    مهموم حقيقة أيه قول اتكلم ، مفيش وقت.
    نعمان أنا اللي كنت بعمل كل المصايب والتفجيرات
    ( يشير للأمير) والراجل ده هو اللي كان بيخطط
    85

    ويمولنا بالفلوس .
    الأمير أنت كداب .؟
    نعمان .....وكمان اتفق معايه أج هنا وأفجر اللوكانده
    اللي انتوا فيها ، قبل ماتتخسف بينا .
    عبدالموجود يعني أيه مش فاهم ..؟
    مهموم يعني كنا ح نموت قبل ماح نموت دلوقت .
    عبدالموجود يعني موته سبقت موته .
    مهموم أيوه.
    نعمان أنا عاوزكم تسامحوني كلكم ، دول غسلوا
    عقولنا وعمونا بالفلوس .وخلونا ندور في
    ساقية ارهاب بيلف بيها كل شيطان منهم
    ( مشيرا للأمير) واسألوا الراجل اللي قدامكم ده.
    الأمير مش صحيح ، الراجل ده بيخرف .
    نعمان أنت عارف أني مش بخرف ياسمو الأمير
    خايف أقولهم أنت بتعمل أيه ولمصلحة مين.
    عبدالموجود ياساتر يارب ،يعني احنا اللي بنقتل

      الوقت/التاريخ الآن هو الجمعة مارس 29, 2024 1:02 am