منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
 رواية الحاجر 4 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
 رواية الحاجر 4 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
 رواية الحاجر 4 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
 رواية الحاجر 4 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
 رواية الحاجر 4 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 رواية الحاجر 4 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 رواية الحاجر 4 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 رواية الحاجر 4 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 رواية الحاجر 4 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    رواية الحاجر 4

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

     رواية الحاجر 4 Empty رواية الحاجر 4

    مُساهمة من طرف سميرحمايه الأربعاء يناير 30, 2019 3:17 am

    105

    22_ البندقية
    هل نحتاج تغيير لطريقة حياتنا ، هل نحتاج إلى التنازل
    عن بعض الأفكار الملونة التي تحاصرنا كألوان الطيف
    هل هناك مبادئ قديمة وعادات مستنبطة من الغير
    نحتاج التخلص منها، لاشك أن وضعنا النفسي صعب
    للغاية ولكل إنسان وضع خاص به، ونحتاج لجلسات
    مكثقة نُعيد فيها قراءة مجلداتنا وأفكارنا .
    .........
    في مضيفة جعفر ، يجلس جعفر ومعه اللزي
    يدخل هارون وبصحبته منازع رجل ضخم الجثة، أجش الصوت( عينان جاحظتان تشعرك أن الشيطان يحرسهما، ملامح متعرجة غليظة، شكل مثير للإشمئزاز والريبة، له صيت واسع في الشر، قاتل متسلسل ، هو  يحمل
    جميع شهادات الإجرام و كل تكوينه النفسي وثقافته
    لا يحوي سوى مَن ْيقتل ، ومتى يقطع الطريق
    وكيف يَنقب البيوت لسرقة البهائم ، منازع يحمل
    شوالاً به خمسة بنادق .

    106
    هارون
    _ اتفضل يامنازع ، أنت مش غريب.
    جعفر
    _ والله زمان يامنازع.
    _ ازيك ياجناب الملتزم .
    اللزي وهو ينظر إلى الشوال .
    _ أيه اللي في الشوال ده يامنازع
    أوعى يكون فيه قَتِيل.
    منازع ساخراً
    _ هو قتيل واحد .
    يضحك
    _ دول خمس قُتَلْه.؟
    يفتح منازع الشوال ويُخرج منه بُندقية.
    جعفر
    _أيه ده ؟ باروده !
    منازع

    107
    _ أيوه
    هارون
    وجبتها من فين ؟ ياحزين ؟
    _ معايه خمسه منها.
    يلتفت لجعفر ويعطيه البندقية. جعفر يمسكها
    ويصوبها ناحية اللزي .
    _ دي ممكن تموت اللزي ، مش كده.
    منازع
    _ باروده واحده ويقع مايجطش منطق.
    اللزي
    _ ودول موديهم فين ؟
    _ وهو فيه حد عندي أهم من جناب الملتزم.
    جعفر
    _ فيك الخير يامنازع ، بس لو الهجانه
    شافوهم مش حيسيبوهم .
    _ مايقدروش يقربوا ناحية هنا، أنت قَطْعتْ
    108
    رجليهم  من البلد ومايقدروش يهوبوا هنا.
    اللزي
    ودي تُضرب إزاي؟
    منازع يمسك البندقيه ويضع بها رصاصة ويشرح
    للزي كيفية إستخدامها .
    _ وبعدين تدوس على الصوبع الصغير ده ، تطلع
    الباروده من هنا ، تقتل واحد في الجبل.
    _ تضربها من هنا ! تقتل واحد في الجبل!
    _ أيوه يالزي ، أنت ماشفتهاش مع الهجامه.
    _ شوفتها معاهم ، لكن ، ماشفتهمش بيضربوا بيها.
    هارون
    _ يعني يالزي تقدر تضرب حسن من بعيد
    من غير مايشوفك.
    منازع
    _ مين حسن ده ؟
    جعفر
    _ واحد مانعرفش طلعلنا منين ولا جه من
    109
    أنهي داهيه.
    _ أيه ؟ وانتوا مش قادرين عليه.
    اللزي
    هو إحنا طايليْنُه، ده عامل زي العفريت.
    منازع
    _ بالباروده دي ، تقدروا تصطادوه زي الظرظوره (العصفورة).













    110

    23_ في الجبل
    ...أمام الخيمة.
    حسن لديه الوعي ،هو يحاول أن يحدد هدفه ، فتحديد
    الهدف هو نصف التعامل مع الأزمات، لا يسمح للضغوط
    النفسيه أن تُبعده عن هدفه، هو يؤمن أن السيطرة على
    المواقف تحتاج عنصر المبادأة، لأنه يخلق الإرتباك للآخرين
    هو من النوع الذي يقتصد في قوته ولايبعثرها،هو يؤمن
    أنه ليست كل الصراعات تنتهي بتحقيق مكاسب، هناك
    خسائر وهناك طاقة مهدرة والطاقة المهدرة هي جزء من الحياة  فالأسد يصطاد فريسته بعد أربع محاولات وهكذا الحياة بين خير وشر وبين نجاح وفشل .
    حسن يتدرب مع حمدان ومرسال بالعصا خارج الخيمة
    هو يحطب معهما ومسعدة وحمدان يجلسان يراقبان
    التحطيب ، مرسال يحل عليه التعب والإجهاد من التدريب
    يرمي العصا ويرمي نفسه على الأرض، يتبعه حمدان.
    111
    حمدان
    _ أيه ياحسن ؟ أنت مابتتعبش؟
    مرسال
    _ لا ياسيدي مابيتعبش، بيلاعبنا أحنا
    الإتنين وهلكنا وهو لسه ماتعبش.
    _ علشان مابتتمرنوش كتير ونفسكم قصير
    لكن أنتم أحسن كتير دلوقت ، مايتخفش عليكم.
    _ الفضل ليك ياحسن .
    _ الفضل لله وحده ، قدامنا وحوش ولازم نكون
    جاهزين .
    ........
    الحمداني يحكي لمسعده عن حياته.
    _أم حمدان ماتت وماكنش حمدان كمل
    الخمس سنين وليله تزيد عنه سنتين .
    ربيتهم أنا ومادخلتش عليهم مرات أب في الدار.
    مسعده وهي تحاول أن تخفف عن نفسها فقدان
    زوجها رحان.
    112
    _ ربنا يخليك ليهم ، تلاقي أمهم غاليه عليك.
    _ الله يرحمها ، كانت ست ولا كل الستات
    مافيش واحده تقدر تعوضني عنها.
    _ الولاد أهم كبروا قدام عنيك وربنا يباركلك فيهم.
    _أيوه ، كبروا وشايف عزابهم قدام عيني
    ومش قادر أعمل حاجه .
    مسعده تشعر بضيق في التنفس ، كحة شديدة
    مصحوبة بقئ .
    الحمداني
    _ سلامتك مالك .
    حسن وحمدان ومرسال إتجهوا نحوها، هي لا تشعر
    بهما ، تنظر بعيداً وهي تبتسم وتقول .
    _ رحان
    توقف نبضها وفارقت روحها الحياة ، صدمة آخرى تعصف
    بحسن ومرسال أوجعتهم بعد موت رحان.


    113

    24_إغتراب الزمن
    هل الزمن يغترب ويضطرب ، ويتغير حاله؟ ، هل آفاق الأموات
    ومات الأحياء؟، هل تسَاقُط الدموع يعمي العيون ؟ ننتحب
    بصوت السكون، نسير في مفترق الطرق ، لا نعلم إلى
    أين ، الكل يجري ، يتسابق ولكن لا يعلم إلى أين ، أقسى
    البشر ، هؤلاء المشوهون في داخلهم ، تهرب منهم الأشباح
    وتفر من أمامهم الشياطين ، حتى كرهوا النظر إليهم.
    هم حاقدون ، حاسدون ، متطيرون ، متشائمون ، مبعثرون
    طعنوا ضمائرهم وأماتوها .
    داخل دار اللزي
    ...منيرة كالعادة لا تترك ليله في حالها وتُنغص عليها
    جياتها من حين لآخر وكأنها لا تكتفي بما بها من وجع
    ولكن أرادت قتلها حية بسكين بارد.
    دخلت منيرة حجرة ليله ، ليله التي كانت لاتنظر
    إليها ، نظرت لها بإشمئزاز ومنيرة قابلت النظرة
    بإبتسامة صفراء تحمل كل الشماتة.
    114

    ليله بلغة آخرى لم تتعودها منيرة.
    _ مش أخوكي قلك ماتهوبيش هنا.
    _بجيلك علشان أتشفى فيك وامشي
    ياخطافة الرجاله.
    _ وأيه اللي حيعود عليك وأنت بتتشفي فيه ؟
    _ أرتاح من جوايه ،وكل ماتتذلي وتتجاب
    مناخيرك الأرض ، أرتاح أكتر وأكتر.
    _ مش حَتْذل يامنيره ، ومش حديك فرصه تتشفي.
    يدخل اللزي ويتفاجآ بمنيرة في حجرة ليله.ينظر
    إلى منيره بغضب.
    _ أيه ده ..؟ أنت أيه اللي جابك هنا ؟
    منيرة تتلعثم في الرد وترتبك .
    _أنا جيت ياخويه ، قلت يمكن تكون محتاجه
    حاجه ليله بنت الحمداني.
    ليله تتصنع البكاء وتكيد لمنيره.
    _فيه أيه ياليله ؟
    115

    تنظر لمنيرة
    _ مفيش حاجه .
    _قوليلي فيه أيه ؟
    _اختك عماله تشتم فيه وتضربني.
    منيرة هزتها المفاجأة ووضعتها ليله في موقف
    صعب أمام اللزي ، اللزي التفت نحو ليله.
    _ بتشتمك وتضربك
    اللزي صارخاً في وجه منيرة.
    _أطلعي من هنا واستنيني بره، ياللا غوري.
    تخرج منيره منكسرة ومهزومة.اللزي يقترب
    من ليله.
    _ ، معلش ، ماتعيطيش ، مش حتقرب
    ناحيتك واصل تاني.
    _ أنا ماعملتش لها حاجه .
    _ أنا عارف ، عارف إنها براويه ومش طايقاكي.
    _فكرتي في اللي قولت لك عليه.
    116

    _ لو أبويه وأخويه وافقوا ، أنا موافق.
    اللزي بفرحه وسعادة.
    _ حيوافقوا .
    _ وأنا مستنيه موافقتهم .
    _ وأنا حجيبهم من تحت طقاطيق الأرض.
    _وحتجيبهم إزاي ؟
    _ متخافيش مش حأذي حد فيهم
    أنت من دلوقت تاكلي معنا .
    _ لما أبويه وأخويه يوافقوا.
    _ ماشي .
    يخرج اللزي ومنيره تنظر له بسخريه وتحدث نفسها بصوت عالي،
    _ حنشوف مين فينا الأقوى يالزي ، أنت ولا أنا.


    117
    25_دار أرمنيوس
    البشر الذين يكفون عن الشكوى ، هم بشر يكفون
    عن التفكير ويعيشون في إغتراب روحاني،
    يجلس المقدس ارمنيوس بصحبة إبنتيه مريم ويشعه.
    _ حسن وحشني قوي يابنات ، تصدقوا أنا شايل همه
    كأنه إبني .
    _ وانا ومريم خايفين عليه كأنه أخونا ، هو اللي عمله
    علشانا شويه، هو حفظ لينا بيتنا وبقى زي المطاريد
    عايش في الخلا ،.
    مريم
    _ حسن زي الجبل يابا ، متحمل اللي مايتحملوش
    حد ، سنه صغير ولكن ولا أجدع راجل .
    أرمنيوس
    _ بيقولوا اللزي حيتجن لما دخل داره وأخد رحان.
    مريم
    _ وهو اللي عمله فيه شويه ، دول بيقولوا
    أخد البهايم بتاعته وحرق القمح .
    118
    يشعه
    _ يارب اللزي يطق فيها ويموت .
    ارمنيوس
    _ اللزي مش حيعديها لحسن وحيقلب عليه الدنيا
    عاوز يوصله علشان حسن كسر راسه قدام جعفر
    ومش حيقدر يرفعها إلا لو جاب حسن .
    يشعه
    _ بيقولوا جعفر قعد يتريق على اللزي وقال
    حسن ده ولد ماجابتوش ولاده .
    أرمنيوس
    _ ده كلام من ورا قلبه بيغيظ بيه اللزي
    وبيسخنه على حسن ، جعفر بيكره حسن
    أكتر من اللزي .
    مريم
    _ وهو عمله أيه ؟
    _حسن بقت ليه سيره حلوه وسط أهل
    البلد وجعفر خايف يتلموا حواليه ، زي الحمداني
    119

    وحمدان وسديري ، وكمان بنته اتعلقت بحسن
    ولو وصله الخبر مش حيسكت ، جعفر عاوز الكل
    ضعيف ومحتاج ، مش عاوز القوي .
    يشعه
    _ بس حسن حيقدر يصد لإمتى يابا.
    _ حسن نفسه طويل ، هو تربية الشيخ عامر
    اللي كان واقف لوحده قدام الوالي .
    مريم
    _ ربنا معاه ، الصيف قرب يخلص وعيشة الجبل صعبه.
    وكمان الخمس شهور باقي فيهم شهرين ويطردونا.
    يشعه
    _ مش حيقدروا طول ماحسن موجود، حيسكتوا علينا
    علشان يخلونا طُعم يصطادوا بيه حسن ، مش كده
    يابا .
    _ معاك حق يابنتي ، حتى حسن وهو بعيد ضامن
    لينا الأمان .
    120

    26_ المؤامرة
    نحتاج أن نضحك ، حتى ولو كانت أعيننا مليئة بالدموع
    نبتسم عندما ينتظر منا الأخرون البكاء،
    اللزي ومعه منازع بجوار نخلات مُصبح وهم ثلاثة نخلات في
    مفترق طريقين ،على ناصية  الجسر و ممر ضيق ونخلات مُصبح هو مكان اللقاء والتواعد سواء بشكل سري أوعلني
    وتنتسب النخلات لصاحب الأرض ويدعى مُصبح ورغم أنه ترك البلده ظل إسمه يتردد جيل بعد جيل .
    _ أد كده ، الواد ده غايظك يالزي .
    _ غايظني وبس ، ده غايظني وفارسني
    مش لاقيله حل يامنازع.
    .. السلوتي إعتاد الدخول داخل الأراضي الزراعية
    لجمع الحشائش لحمارته ، لم يتخيل أن يجد اللزي
    ومنازع ، هو يعلم جيداً أن منازع رجل يستأجروه للقتل
    وقاطع طريق ، هو يخافه وتردد في الهرب ولكن هم
    يجلسون في ظل النخلات ولن يروه.إقترب منهم.
    ينصت لحديثهم .
    121

    _ الواد ده شيطان ، مش ساهل زي
    ماانت فاكر يامنازع .
    _ تعرف مكانه ؟
    _ لو أعرف مكانه  ماكنتش سبته
    هو عايش في الجبل ، لكن فين ؟، الله أعلم.
    _ سيب الواد ده عليه ، ديته طلقه من الباروده دي
    وأجيبلك جتته في شوال .
    فزع السلوتي عندما رأي البندقيه في يد منازع.
    _ ياريت تقدر ، تبقى عملت فيه معروف
    ويبقى جميل مش حنساه.
    _معروف أيه يالزي ، كل شئ بتمنه.
    _ ليك حق تشرط يامنازع ، والله وجه يوم
    اللي اللزي يكري فيه واحد على قتل عدو ليه.
    _ حاخد عشرين أردب قمح قصاد رقبة حسن.
    السلوتي في حالة رعب وفزع ، تنتابه رعشات
    لا يستطيع لملمتها.
    122
    _ ماشي يامنازع ، مواقف ، هاتلي جتته
    وحديك عشرين أردب قمح، بس الكلام بيني مابينك.
    _ سرك في بير ماتقلقش ، قدام الناس أنت اللي
    قتلته وأنا ليه العشرين أردب .
    _ ماشي يامنازع .
    _ خلاص وأنا حجيب عزالي وأقعد في بيت التعابين وحبات
    من الليله هناك .
    _ لكن أنت حتعرفه إزاي ؟
    _ اللي يعيش في الجبل وسط الديابه
    لازم يبقى ديب والديب يعرف الديب اللي زيه.
    _ كويس انك حتقعد في بيت التعابين حتبقى
    جنبينا وكما ده المكان اللي كان هربان فيه الأول
    قبل ماأهجم عليهم فيه .
    _ أنت خلاص عرفت حقعد فين ، حبات هناك الليله.
    يفترق اللزي ومنازع وكلاً منهم في إتجاه، منازع يذهب
    بإتجاه الماسوره ليعبرها واللزي يعود للبلده من الجسر.
    .. السلوتي يجري داخل الزراعه قاصداً حمارته الموجوده
    123
    على مشارف مصرف مياه نهاية الأرض التي يتواجد
    بها ، هو في حالة دهشة وذهول ، هو يحب حسن
    يحدث نفسه .
    _ منازع حيموت حسن بالباروده ، حسن حيموت
    يجري داخل الزراعة . وصل حيث حمارته ، ركب الحمارة
    _ ها ، ها ياحماره ، حنروحا الجبل لحسن ،
    إستمر في سيره لم يعبأ بأشباح الليل، مر على المقابر ، لم تتوقفه الاصوات النداهة التي إعتاد سماعها واصل السير
    وهو يحس ويشجع حمارته ويحكي لها عن حسن ولِمْ يحبه.


    124
    27_الجبل
    إن الأمل بطئ يطير بأجنحة ، رغم أن أجنحته متكسرة
    إلا أنه لا يتوقف عن الطيران ،لا تصدق من يقول أن هناك
    وسادة للراحة ، أسوأ البشر من يُجنب القانون وقواعد العدالة والضمير ويتخذ من إرادته قانونا
    وقت العصاري ، حسن يجلس مع حمدان على حجر كبير ناظراً نحو مباني البلدة من بعيد.
    _ تعرف ياحمدان حال البلد هنا ، هو نفس حال المحروسة
    هناك وَالِيْ وهنا ملتزم ، هناك حاميات شركسيه وهنا
    اللزي ورجاله .
    _طيب وآخرتها؟
    _الظُلم ياحمدان لا يوقفه جبان ولا صاحب مصلحه
    ولا باحث  عن أمان كاذب ، من يمكنه مقاومة الُظلم قليل
    هو شجاعة وإيمان بالحق والعدالة  ودي حاجات
    ماتعرفش تلاقيها بسهوله.
    _كلامك صح ياحسن ولكن فيه اللي مش فاهم
    وراضي بمرارة حياته ، يحتاج اللي يفهمه ويقوده
    يعني أنا في البلد كنت من اللي بيدور على
    125

    على أمان كاذب ولكن بعد مالقيت اللي
    يبصرني ويفهمني وأمشي وراه ،اتغيرت
    ومافيش خوف من مواجهة الظالم وأرفع
    صوتي للحق ، كان جوايه بذرة انت كبرتها
    وخليتها شجره ياحسن .
    _ لسه طريقنا صعب ويحتاج لنفس طويل
    الناس بقت بتتفرج على الظُلْم مابتحاولش
    تقاومه ، الحر ياحمدان هو من يُفضل الموت
    عن الظلم والعبد هو من يُفضل الظلم حتى
    لو عاش جبان.
    _ يعني كل البشر بين أسياد وعبيد .
    _ ايوه ياحمدان ، ربنا خلقنا كلنا أسياد
    على الدنيا وعبيد له وحده ولكن إحنا
    إستعبدنا بعض .قولي ياحمدان.
    _ أرضك دلوقت مين بيزرعها.
    حمدان يبتسم ساخراً.
    126

    _ أرض مين ياعم حسن ، إحنا بنزرع
    وجعفر هو اللي بيحصد ويدينا تمن
    تعبنا غلة نروح نطحنها في طاحونته
    ولو أدونا مال ،مابين عشرة وعشرين
    آقجة .
    _ يعني من تلاتين لستين باره.
    _ ماوحشتكش الأرض .
    _ الأرض توْحَشْ صاحبها ياحسن .
    _ معاك حق .
    يسمعان أصوات أقدام.
    _ سامع اللي أنا سامعه
    _ صوت أقدام ، تعالى نشوف فيه أيه؟
    يتسللون ببطء من حجر خلف حجر .
    _ ده الواد سلوتي.
    _ يبقى أكيد وراه حاجه ، يتجهان نحوه.السلوتي عندما
    لمح حسن جرى نحوه والدموع تنساب من عينيه.
    127

    حمدان
    _ أيه ياسلوتي ، مالك ، فيه أيه.
    السلوتي يتلعثم ويشير إلى حسن
    _حسن ، حسن .
    حسن يُربت على كتفه ويمسك بيده ويجلسه.
    _ إهدا ياسلوتي ماتخفش.
    _ بخاف عليك ، أنا بحبك ، بحبك أكتر من الحماره
    بتاعتي.
    _ وأنا كمان بحبك ياسلوتي.
    _ يبقى بلاش تموت ياحسن.
    _ أنا عايش أهو قدامك وماتخفش مش حموت.
    _ لا منازع حيموتك بالبارودة.
    يلتفت لحمدان
    _ مين منازع ده ؟
    _ ده واحد من المطاريد بيَكْرْوه علشان يقتل
    وقاطع طريق ونقاب بيوت ، يبقى كروه عليك ياحسن.
    128

    يلتفت حمدان نحو السلوتي .
    _ عرفت منين أنت ياسلوتي.
    _ كنت بجيب للحماره حشيش ولقيت
    اللزي قاعد مع منازع وقال له اقتل حسن
    وحياخد عشرين أردب قمح.
    حسن يضحك
    _ يعني تمن رقبتي شوية غلة .
    سلوتي
    _ أيوه وحيقتلك بالباروده .
    _ هي الباروده وصلت ليهم .
    _ أيوه .
    حمدان
    _ أيه البارودة .
    _ دي سلاح بيضرب طلقة رصاص في حجم
    عقلة الصوبع ده ( يشير إلى إصبعه) ممكن
    تموت واحد من بعيد ، يعني ممكن توصل
    129

    من بلدكم لهنا .
    _ ياوقعه طين ، يبقى حيجي يدور عليك
    في الجبل .
    السلوتي
    _ أيوه وحيستخبى في بيت الكفار
    بيت التعابين اللي كنتوا فيه.


    130
    28_ دكان على معبد
    الخوف لا يخيف سوى القلب الفاسد والجبان لا يُقاتل
    في الحرب طالما هناك طريقة للفرار البسطاء من الناس
    يواجهون الظُلم بأشكال مختلفة  منهم من يواجهه بِنُكته
    ومنهم من يُساير اللهو هرباً من مواجهة جُبنه ، هكذا حال
    السهارى في دكان علي معبد.
    على الحصير يجلس محمد عوض والفخراني وعثمان
    برطوعة وعبدالمتجلي الحلاق .
    محمد عوض
    _ الدكان بقي ماسخ من غير حمدان وسديري
    الله يرحمه .
    الفخراني
    _ ياترى فين حمدان .
    _ تلاقيه هو وابوه مع حسن .
    _ الود حسن ده أنا حبيته وكل يوم حبي
    ليه بيزيد ، ده جنن جعفر واللزي .
    عبدالمتجلي الأخنف
    131

    _ والنبي بلاش سيرة حسن ، الحيطان
    ليها ودان.
    عثمان برطوعه
    _ نتكلم في الأعمال أحسن،أم حمال بتقولي
    خلي محمد عوض يعمل حاجه تُفك عقدة
    البت وتتجوز.
    محمد عوض يُحدث نفسه ساخراً
    _ ودي مين يتجوزها ياربي .
    يلتفت لعثمان .
    _ طيب أقولك تعمل ايه؟ تروح لسَرب
    الميه اللي في الكترة ، المية فيه دلوقت
    قليله ، تعكرها ، حيطلعلك السمك ،تمسك
    السمكه النتايه وتسيب الدكر وأوعى تغلط
    وتاخد سمكه دكر، وياريت لو تلاقي سمكه
    بايره وماشيه على حل شعرها ، دي حتبقى
    أحسن .
    132

    عبد المتجلي
    _ هو فيه سمكه بايرة وسمكة بنت حلال.
    _ أيوه فيه ، مش فيه ولاد حرام وولاد حلال
    _ أيوه .
    _ السمك فيه ولاد حرام وولاد حلال.
    عثمان
    _ سيبك منه ، ده حمار مابيفهمش حاجه.
    محمد عوض
    _ يعني أنت تعرف السمكه بنت الحلال
    والسمكة بنت الحرام .
    _ أيوه السمكه بنت الحرام تلاقيها
    ماشيه تبصبص للسمك وعايمه وهي
    بتترقص صح .
    محمد عوض يضحك على نباهة عثمان برطوعه
    _ايوه صح ، ولو مسكتها تلاقيها ناعمه أوي.

    133
    29_ حجرة لواحظ
    هي أنثى يُحبُها القمر ، يُقبل جبينها كل مساء ، هي
    سيدة جبال جوريات القمر، هو رفيق أحلامها، يداعب جفونها
    وجنونها،
    لواحظ وحليمة داخل حجرتها .
    _ أنا من وقت ما منازع دخل البلد وأنا قلبي
    مش مطمن ياحليمه.
    _ معاك حق  وشه فقري ، ومايجيش غير
    بالمصايب .
    _ جاب لأبويه خمس برودات ، خايفه على حسن.
    _ وأيه الباروده دي ياستي.
    _ دي طلقة صغيرة لو ضربتيها من هنا، تموت
    واحد على الجسر.
    حليمه بفزع
    _ ياوقعه طين ، هو أحنا ناقصين .
    _ تفتكري حيكروا منازع لقتل حسن .
    _ ايوه ياستي ، طالما ظهر منازع ، يبقى فيه
    134

    مصيبه جايه ، ده قتال قُتله وقاتل أكتر من ميه وواحد
    أنا بسمع لما حد تطلعه قوبه في رجلية ، يقولوا له
    شوف منازع وخليه يتفلك ( يبصق) عليها علشان تخف.
    _ ياعيني عليك ياحسن حتلاقيها من اللزي ولا منازع .

    .........
    مضيفة جعفر
    هم ساكني الشر ، يتحسسون خيوطه، يلملمون
    ماتبقى من هواء ، يتركون لغيرهم الباقي من هواء
    مُعفر بالتراب غير صالح للتنفس، جعفر وهارون في
    المضيفة كل يضع بندقيته بجواره
    _ البلد ساكته بقالها كام يوم ، ولا كأننا في ميتم.
    _اللزي راعبهم وكمان من وقت ماحسوا بوجود
    منازع إترعبوا أكتر.
    جعفر يأخذ نفساً عميقاً
    _مش قادر ياهارون أنسى عملته السوده.
    135

    _ هي عمله مهببه بصحيح ولكن بعد ما أخدت
    منه الجنينة والطاحون وبعدته عن القمح وهو
    بياكل في نفسه ، مش حيقدر يعمل حاجه تاني.
    _قليل أصل عملت منه بني أدم ، بعد ماكان مطرود
    في الجبل ، وشلت عنه بلاوي سوده .
    _ هو لولا جنابك كانوا الهجامة سابوه ، كان زمانه
    محبوس ونايم على الُبرش.
    _ ماهو ماتمرش فيه ياهارون ،
    _أنت ربيته وبهدلته وعلمته الأدب.
    _ كان لازم أعمل كده،علشان يعرف
    إن اللي رفعه لسابع سما ، يقدر يخفسه
    في سابع أرض.


    136
    30_ حديث الروح
    الحب الحقيقي هو عطر لا ينتشر بين كل الناس ولكن تعلق
    قطراته ببعضهم، هو مرض لا نتمنى الشفاء منه ونكره
    المداوي ، وعندما يكون الحب خطاباً بلا توقيع لا تنبُض
    فيه حباه، حسن سئم ممارسة لعبة الأسرار وكره أن
    أن يكون رواية في حضن الظلام.
    على مقربة من الخيمة ، السلوتي يلهو مع حصان حسن
    وحسن وحمدان يراقبان الموقف وهما يبتسمان .
    _ أهو كويس إننا طلعنا بحاجه من اللزي.
    حسن يهيم بعيداً غير منتبه لحديث حمدان.
    _ حسن ، حسن .
    ينتبه إليه حسن .
    _ أيه ياسيدي أنت مش معايه خالص ؟
    _ معلش ياحمدان ، رُحت بعيد شويه.
    _ في لواحظ صح .
    حسن يبتسم وينادي على السلوتي ، يهرول السلوتي
    نحوه مُسرعاً.
    137

    حسن للسلوتي .
    _ لو طلبت منك خدمه ياسلوتي ؟ تعملها ؟
    _ أيوه ، أنا بحبك ياحسن ، وأعمل أي حاجه
    علشانك ، بس أوعي تقولي اقتل منازع.
    _ لا مش حتقتل منازع ، الخدمه اللي عاوزها
    منك كبيرة وسر بينا إحنا التلاته.
    _ عاوز أيه وأنا أعمله.
    _تقدر تقابل لواحظ ياسلوتي.
    _ أيوه بقابلها كتير وبتديني حاجات حلوه.
    حمدان
    _ بتفكر في أيه ياحسن .
    _عاوز ابعتلها كلمتين .
    _ كلمتين أيه ، السلوتي لو وصل البلد
    حيكون نسيهُم.
    _ حكتبهم ، بس مش عارف بتعرف تعرف
    تقرا ولا لا.
    138

    _ أيوه بتعرف ، ماهي اتعلمت شويه في كُتاب
    الشيخ أدم ، قبل اللزي مايمنعه .
    _ واللزي منعه ليه ؟
    _ بيقولوا بيقوي قلب العيال على أهلهم
    حسن يبتسم
    _ عملوا كده مع أبويه.
    _ قولي حتكتبلها على أيه وبأيه.
    _ شوفلي حتتة قماش من جلبيه
    يكون لونها فاتح.
    _ دي ساهله .
    ...........

    حمدان يتذكر منديل أخته ليله ، فقد كانت تحمل فيه
    الغداء له هو وسديري ،كانت تضع لهم فيه قطعة
    جبنة قديمة وقطعة جبنة قريش ورغيفين شمسي
    الرغيف سُمكه حوالي عشرة سم ، يتم خبزه في فرن
    139

    مبني من الطوب اللبني ، له عينان ، إحداهما لإشعال
    النار وموجوده من أسفل ويوقدونها بالحطب والبوص
    والعين العلويه يضعون فيها الرغيف ، عبارة عن عجينه
    تم فردها ووضعها على مايسمونه طُباعه وهي صاج
    الصعايدة أيضا مصنوعة من الطين وعلى شكل دارة
    عندما تدخل الأرغفة بداية مرحلة الإحمرار يخرجونها
    بمغرفة كبيرة وهي قطعة من الخشب على شكل دائرة
    نصف قطرها حوالي 15 سم مشدودة على لوح خشبي
    وكانت ليله لا تنسي أن تضع لهم فحلي بصل ،وسبحان
    الله الكثير يتساءل عن سر قوة بنيان أبناء الريف وقلة الحالات
    المرضية بينهم بالمقارنة بسكان المدن ، والسر في فحل
    البصل فهو لا يخلوا من وجبه حتى أن البعض يستخدمه
    مع العسل فهو يقلل نسبة الكوليسترول وله فواد آخرى
    يحتوي البصل على مركبات الكبريتيك والكيرسيتين quercetin  يحتوي أيضًا على معادن مثل الكالسيوم، والمغنيسيوم، والصوديوم، والبوتاسيوم،

    140
    • .
    • البصل أيضًا مصدر جيد لفيتامين C وفيتامين B6 والسيلينيوم والفوسفور والألياف الغذائية ، هم يتصرفون بشكل فطري وتلقائي وفي هذا التصرف
    • فادة علمية وطبية للجسم
    دخل حمدان الخيمة ، الحمداني ومرسال يجلسان بالداخل.
    مرسال
    _ أيه اللي عوقكم كده .
    _ مفيش ، كنا بنتدرب وبعدين جه السلوتي
    قعدنا نضحك معاه .
    الحمداني
    _ والله السلوتي مُصيبه كبيره ، مفيش حته
    إلا وتلاقيه فيها .
    حمدان يجد المنديل في صرة ملابسه ،يأخذه ويخرج
    ، يتجه نحو حسن ويناوله المنديل .
    _ وادي اللي تكتب فيه ، منديل ليله.
    حسن يمسك بالمنديل ويضعه على الأرض ويشده
    بأربع أحجار في أطرافه.
    حمدان
    141

    _ حتكتب أيه دلوقت .
    حسن يبتسم .
    _ أنت بتعرف تقرا .
    _ لا ، أنا كنت غبي والشيخ أدم شبعني ضرب.
    حسن يبتسم .
    _ كويس انك مابتعرفش.
    السلوتي يراقب الموقف وهو في حيرة من تصرف
    حسن ،حسن يُخرج من جيبه خِنْجَراً يجرح ذراعه
    تسيل منه دماء غزيرة يستخدمه كحبر وإصبع يده
    كقلم ويكتب للواحظ.
    حمدان
    _ كتبت أيه بقى .
    كتبت
    ( إن ماكنتش شايفك بعنيه ، أنا شايفك بقلبي يالواحظ)
    _ الله على الكلام الحلو ده .
    السلوتي

    يتبع 5

      الوقت/التاريخ الآن هو الخميس مارس 28, 2024 6:40 pm