منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
 رواية مملكة الجبل 2 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
 رواية مملكة الجبل 2 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
 رواية مملكة الجبل 2 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
 رواية مملكة الجبل 2 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
 رواية مملكة الجبل 2 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 رواية مملكة الجبل 2 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 رواية مملكة الجبل 2 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 رواية مملكة الجبل 2 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 رواية مملكة الجبل 2 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    رواية مملكة الجبل 2

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

     رواية مملكة الجبل 2 Empty رواية مملكة الجبل 2

    مُساهمة من طرف سميرحمايه الثلاثاء فبراير 05, 2019 5:18 pm


    37

    2_ الطوفان
    لواحظ وكأنها تنتظر على باب سفينة نوح ، تنتظر الطوفان لتُبحر،لكنها
    لا تفكر بأن الطوفان يطرق بابها ، سوف يجرفها بأمواجه بعيداً، فهل تتعلق بباب السفينة أم تقودها لعواصف المياه ، تلهو بها الأمواج وتتلاعب
    بها دوامات تلف وتدور بها في أعماق سحيقة ، مسكين هو هذا الحب العالق بذرات الغبار، هو حُلمها السارح على كف الأمل، قلبها يشتعل بالحريق ، وعقلها تُعمه بزيت الصبار، تطير بأجنحة متكسرة ، تطير عرجاء
    في الفضاء نحو الشمس وكأنها تنتظر موعداً هناك على باب المستحيل.
    لواحظ في حجرتها وهي في غاية الفرح والسعادة بعد أن إطمآن قلبها
    لم تعبأ بدخول حليمة ،تحتضن منديل حسن وتُقبله.
    _ يادي المنديل اللي ماورناش غيره.
    _ ده من ريحة حسن ياحليمه ، ريحة
    دمه بشمها ، أحسس عليها ، ده منديل
    حسن يابت.
    حليمه تضحك
    _ شلاه ياسي حسن ، ربنا يجعل
    كلامي خفيف عليك.
    لواحظ تسهر منها
    _ حتفضلي طول عمرك هبله كده .
    _هو فيه أحسن من الهبل .
    أنا أفضل هبله ، أحسن ماابقى
    مجنونه زيك.
    _ أنا حسيبك بقى وأمشي بكره
    38

    عيد الضحية ، كل سنه وأنت طيبة
    ماتيجي تطلعي معانا العيد.
    _ياريت أبويه يوافق ،.
    _ أبوكي مش حيوافق ، تلاقيه
    متنكد من اللي عمله حسن فيهم
    _ وانت لحقتي تعرفي الأخبار
    _ معاك حق ، ماأنت مش حاسه
    المياتم والصويت اللي في البلد
    _تقصدي على اللي ماتوا ، كريم
    وهريدي وبكر ومعاهم اتنين تاني
    ماأعرفهمش.
    _معاهم خلف الحاج، ونصحي عتمان
    البيوت مش بتبطل ندب وصويت وكأن
    النهارده مفيش وقفه ، حتى الناس مابتدبحش
    واللي بيدبح بيدبح في السر، بكره حتلاقي
    نص البلد في العيد فرحان بحسنوالنص التاني
    في ميتم وبرضو من حسن.
    حليمه تحاول أن تهم بالخروج، وتستوقفها لواحظ.
    _ استني يابت شويه ، وحنزل معاك
    علشان تاخدي لحمة العيد.
    _ فيك الخير، عمرك مانسيتي
    الغلابه بتوع أهل البلد في العيد
    39


    _ أنا وزعت على أهل البلد كلها
    من فرحتي بنجاة حسن .
    _ أبوكي لو عرف حيطين عيشتك
    سيبيني أنا أروح وأنت افرحي
    بحسن زي ما أنت عاوزه .

    .....................

    ..لواحظ تحاول أن تستريح على مشارف الحلم البعيد، ولكن هل
    تجد وسائد للراحة، هي تفترش وسائد الأماني على مقعد من نار
    تنتظر قطاراً بلا موعد وصول .
    جعفر يدخل قصره مهرولا وصاعداً السُلم قاصداُ حجرة لواحظ والشر يتطاير من عينيه ، يشعر بطعنة شديدة في قلبه ، طعنة من إبنته مزقت
    أشلاؤه ، حطمت كبرياؤه ، جعفر لنفسه.
    _الواحد ممكن ينتظر طعنه من أي حد
    في البلد ، ولكن الطعنه تجيلي من بيتي
    من بنتي ، بتك اللي بتعمل كل حاجه عشانها
    ترفض العريس ده ، ماشي، تعيب ع العريس
    ده ، ماشي .
    يصل جعفر لحجرة لواحظ ويستمع لحديثها هي ، وحليمه، فضل أن يتلصص على مايقولون قبل أن يدخل عليها حجرتها.
    40

    لواحظ ينقلب حالها ، فرحتها بنجاة حسن ، أنستها أن أبيها ذهب
    لدار اللزي .
    _ يامُرك يالواحظ.
    _ فيه أيه ياستي ، ماكنت كويسه دلوقت.
    _ فرحتى بنجاة حسن ، نستني حاجه مهمه
    قوي .
    _ أيه هيه ياستي.
    _ اللزي عرف مكان حسن من السلوتي
    وممكن يكون اللزي عرف باللي بيني
    وبين حسن ، هو مفيش فرحه بتكمل
    كر فرحه ليه تجر وراها مصيبة.
    _ أنت تستاهلي ، قولتلك بلاش السلوتي
    ماسمعتيش الكلام .
    .. الحزن ضيف ثقيل الدم، أقسم أن لا يفارق لواحظ، هو يُحب عشرتها
    ودائماً يطارد فرحتها ، حتى يظل هو فقط أنيسها ، هو يعشقها وهي
    لا تُحبه، في الفراغ الضيق نسير. نمسك بالسحب الداكنة وليل يقبض علينا. تقصر الأماني وتسير بخطوات متعرجة تحسب أنها تضلل اللصوص. بقايا فرح تتسرب من جيوب الأمل، يفتح جعفر باب غرفة لواحظ بقوة
    ويركله بقدمه ، المفاجأة تزلزل لواحظ وحليمه ، لواحظ تسمرت قدميها
    وتوقف لسانها ، حليمه ترتعد من شدة الخوف ، لواحظ تحاول أن تلملم
    حيرتها المبعثرة .
    _أبويا.
    41

    حليمه بخوف وفزع وهي تهم بالخروج.
    _ أنا ماشيه ياست لواحظ،أنا أتعوقت خالص
    وأبويه حيضربني .
    جعفر لحليمه
    _ غوري من هنا ، وماتعتبيش هنا
    خالص ، لو شُفتك حقطع رقبتك .
    حليمه وهي ترتعش
    _ مش جايه تاني خالص، ولا تزعل
    نفسك .
    تهرول حليمه مسرعة وهي مقطوعة الأنفاس، جعفر تقع عينيه على المنديل الممسكة به لواحظ .
    _ وريني اللي في ايدك ده .
    لواحظ ترتبك، هي نسيت المنديه في يدها ولم تتنبه لنفسها بعد دخول أبيها أن تتخلص من المنديل .
    _ مفيش حاجه يابا ، ده منديل.
    يقترب منها .
    _ منا عارف أنه منديل .
    ينزع المنديل من يدها عنوة ، يقرأ الكلمات الموجودة في المنديل
    بالدم ، يقترب من لواحظ أكثر ولواحظ تتراجع إلى الخلف حتى إصطدمت بالسرير ووقعت عليه .
    _ بتعشقي حسن يافاجره!،أنا مش
    مصدق نفسي! ، أنت تعملي كده؟
    وف مين ؟ أبوكي ! مالقتيش في
    42

    في الدنيا كلها ، غير حسن يافاجره
    يصفها على وجهها بكف يده أكثر من مرة ولواحظ تصرخ
    _ مش بإيدي يابا.
    _ وليك نفس كمان تردي !
    يصفعها مرة أخرى ، لواحظ تستجمع قواها .
    _ أنت السبب ، حبستني بين أربه حيطان .
    يصفعها مرة آخرى.
    _ أنت عايشه في قصر مايحلمش بيه والي.
    _ ويفيد ب ايه قفص من دهب لعصفور محبوس فيه.
    _ لما كل ده مش عاجبك ، كنت عاوزه ايه، نعيش
    زي المقاطيع في بيت خوص علشان تبقى حره.
    _ ماقصدتش كده يابا ، أنا لا بشوف حد ولا حد
    بيشوفني ، ومن كُتر الحكاوي عن حسن لقيت
    نفسي متعلقه بيه ، قلبي مال ليه ، قلبي حسسني
    أني واحده ست ، بني أدمه.
    _ لسه بتبرر غلطك ، معرفتش تربي ياجعفر
    عريتي ابوك وخليتي راسه في الطين .
    يقترب منها ويشدها من شعرها.
    _ اسمعى يابت سلمى ، انت بره عتبة
    الاوضه دي ماتعتبش خطوه ولو عتبتي
    براها ، حدفنك بالحيا يالواحظ يابت سلمى
    يخرج جعفر غاضبا وترتمي لواحظ على الفراش وهي تبكي
    43

    3_ العيد فرحة
    العيد أقبل على أهل البلدة ضاحكاً محاولاً رسم الفرحة على وجوههم
    يطوف بالقلوب ناثراً فرحته، يحلق في فضاء الكون ويعني من السماء
    بترانيم المحبة والإيمان، نسمعه لحناً جميلاً سائغا وزلالاً،أشرق بأنواره
    فتلألأت الوجوه،ولكن هل ينسى الأعداء أضغانهم كما يتسامح الأصحاب عن هفواتهم،هو يُهيج فينا مشاعر الحب والإيمان، طوال الدهور وهو
    يرسم تلك البسمة الوردية على الشفاة.
    .. صباح بلون الأمل على أهل البلدة ، في المسجد ينتهون من التكبيرات
    الآخيرة لعيد الأضحى ، الله أكبر كبيرا ، والحمد لله كثيرا ، وسبحانه
    المولى بكرة وأصيلا ، حقاً لا إله إلا الله ، صدق وعده ونصر عبده وهزم الأحزاب وحده ، لا إله إلا الله.
    _ بمجرد إنتهاء تكبيرات العيد العيد، وسط تبادل التهاني والفرحه
    أهل البلده انطلقوا في يومهم الجديد المبارك وملابسهم الجديدة
    نحو المدافن ، هي مكان فسحة العيد للجميع ، كبار وصغار وشباب
    هناك عند المدافن سوق صغير يحيط بالمدافن يُباع فيه الحلوى والملوحة والطعمية والفول النابت والخلعة وأماكن مخصصة لألعاب
    الأطفال المختلفة وداخل القبور يزورون الموتى ويترحمون عليهم
    ويقرأون القرأن على قبورهم ويوزعون الصدقات نقود بارات أو حلوى
    أو عيش فايش واخر على شكل مثلث يسمونه ممنون، والبسطاء يوزعون أرغفة العيش الشمسي حسب مقدرتهم.
    ...............
    تظهر المدافن من بعيد ، يراها شحاته ابن الشيخ أدم ببصره ويتحسسها
    الشيخ أدم بقلبه .
    44

    _ قربنا على الجبانه ياواد ياشحاته.
    _ أيوه يابا ، كلها كام كعب ونوصلوا
    حتجيبلي فرانه وملوحه،مش كده يابا.
    _ حجيبلك اللي أنت عاوزه ، بس نخلصوا
    قرايه على القبور ، ونلموا فايش وممنون
    وعيش وبعدها أجيبلك اللي أنت عاوزه
    أوعي تكون نسيت الزكيبه اللي حنلم فيها
    العيديات.
    _ لا يابا معايه ، ماتيجي نروح السوق
    الأول يابا.
    _ سوق أيه ياواد، اسكت ياابن عزيزة
    خلينا نلحقوا الناس قبل مايروحوا
    من الجبانه.
    يدخل شحاته المقابر بصحبة أبيه وما إن يضع قدمه في المقابر
    حتى نادت عليه إحدى السيدات.
    _ تعالى ياشيخ أدم اقرالنا شويه.
    الشيخ أدم بفرحه.
    _ أول استفتاح يارب ياكريم ، ياترى
    حيكون عيش ولا فايش.
    يقترب الشيخ أدم من القبر التي تقف عليه السيدة، يبدأ في قراءة القرأن
    ((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي)) صدق الله العظيم.
    45

    هاتي بقى ياست .
    المرأة تعترض
    _ اقرا كمان شوية .
    _وباقي الميتين نسيبهم من غير قرايه.
    تعطي المرأة رغيف عيش لشحاته الذي يضعه في الزكيبة، ظل الشيخ
    أدم يتنقل من قبر إلى وقبر وهو يرددأيه ياأيتها النفس المطمئنة ولو جامل أحد يضيف سورة أخرى قصيرة ، امتلأت زكيبة شحاته بأنواع
    مختلفه من عيش وفايش وبلح وبرتقال والفرحة لا تسع شحاته.
    _ يعني مفيش حد بينادي عليه اقراله.
    _ مااحنا خلصنا كله والزكيبة اتملت يابا
    ومفيش باقي غير الميتين بتوع اولة عشيه
    اللي قتلهم حسن ، جايبين شيخ من البلد اللي جنبينا
    _ عملوا خير والله ، أنا مكنتش حروح
    بنفس ليهم.
    _ بينا يابا نشتري الفرانه والملوحه.
    _ كفاياك الفرانه ، عاوز كمان ملوجة.
    _ ياباالملوحه لأمي رجليها تعبانه وماقدرتش
    تيجي.
    _ الحمد لله نها ماجتش ، كانت طلب نابت وطعميه
    كمان ، ماهو أمك عزيزه ماورهاش غير الوكل.


    46

    هل هاجر الحلم وأبصارنا معلقة بأشباح غير مرئية. أيادي مرتعشة تتخطفنا. ننظر للخلف ونحن لا نلتفت، ننظر للأمام بمؤخراتنا. ليس هناك من عرس ، حسن في الفضاء الرحب الواسع ، يهجو الصباح ليصله بحبائل
    النور وكلما مدح الليل حاصره بالكوابيس،هو لا يكل ، لا يعرف اليأس له طريقاً.
    خارج الخيمة تبادل حسن مع منازع وحمدان ومرسال التهنئة بالعيد
    هم يعيشون العيد في أعماقهم ، يرونه في ضوء الشمس ونسمات الهواء، يتبادلون الضحكات مع أحجار الجبل .
    منازع
    _ أنا حنزل دلوقتي على اللزي ياحسن
    كأني رايح أعيد عليه وأخد اللحمة بتاعتي
    حقوله اللي اتفقنا عليه ، ويارب اعرف حاجه
    عن ميعاد اللي حيشتري الحيازه .
    _ربنا يوفقك يامنازع ، خلي بالك على نفسك.
    _ ماتقلقش عليه ، أنا زي القطط بسبع أرواح
    ويمكن أنا أكتر.
    حسن يبتسم
    _ماتتعوقش هناك .
    _ سيبني اقلب في البلد براحتي.
    _ قلب زي ماانت عاوز يامنازع

    ..................
    اللزي يعاتب نفسه حتى أنه يود لو يعاقبها، يسكن قصور الحيرة
    47

    عاصفة من التساؤلات لا يجد لها إجابة، ه لا يهدأ يمشي في حجرته
    ذهاباً وإياباً،هو بين فكي رحى ، وجع العشق وحسن الذي كسره
    أكثر من مره ، يحرق القمح ويسرق البهام من الجنينه، يدخل داره
    ويحرر رحان وأخيراً هو قتل خمسة من رجاله ووضعه في خزي أمام
    رجاله إن لم يأخذ بثأرهم سريعاً من حسن .
    _ وبعدهالك يالزي ، هيبتك ضيعها عيل
    لازم تفوق ، ماتخليش عيل يكسرك
    قلبك كمان يالزي بيدوس عليك ويمرمغ
    راسك في التراب، لازم تموته وتدوس
    عليه وتعتبره ميت ،أيوه لازم أعتبره ميت.

    ...................

    الشيخ أدم يصحبه ابنه شحاته في الدرب بعد عودتهم من الجبانة.
    _ تعبت يابا ، الزكيبه تقيله، قطمت ضهري.
    _أهو أنت طالع لامك ، مش فالحين
    غير في الوكل ، مش قادر تشيل
    شوية عيش على فايش على بلح
    ياابن عزيزه ، بقولك أيه ياواد ياشحاته؟
    _ قول يابا.
    _ أنا حطلع على دار المقدس وانت
    خد الزكيبه وارجع للبيت.
    48

    _ ومين حيوديك يابا .
    _ أنا حلوش لحد مااوصل لداره.
    الشيخ أدم يمشي متحسساً بعصاه حتى دخل بداية درب الحواشي ، بينما
    شحاته سلك درب آخر يصله لمنزله،في الدرب يتبادل الشيخ أدم تهنئة العيد بسكان الدرب ، هناك من يعرفه فيناديه بإسمه ومن لا يعرفه يكتفي
    برد التهنة بلا اسم ويتوه في تساؤلاته من يكون هذا ومن يكون ذاك.
    وصل دار المقدس ، تحسس الباب بعصاه .
    _ أيوه هي الدار.
    طرق الباب بعصاه ، فتحت يشعه.
    _ عم الشيخ أدم ، كل سنه وأنت طيب.
    _ وأنت طيبه يابنتي ، المقدس فين؟
    _ جوه ، احنا لسه راجعين من العيد
    في الجبانه.
    يدخل الشيخ أدم فتصتحبه يشعه من يديه حتى تصل منتصف الدار حيث يجلس أبيها .
    أرمنيوس
    _والرب لسه كنت على بالي وفكرت
    اني اجي أعيد عليك ،وقلت استنى
    شويه علشان عارف انك حتقرا كتير
    قرأن على الميتين في الجبانه، أقعد
    ياشيخ أدم .
    _ لا مفيش قعاد وقوم بينا على بيت جعفر
    49

    كأننا رايحين نعيد عليه وبالمرة
    نكلموه في موضوع الأرض.
    _ كلامنا مش حيجيب فايده وريح
    نفسك، قولتلك كده مية مرة.
    _ يامقدس احنا بنعمل اللي علينا
    وكمان علشان الناس اللي حتموت
    من الجوع ، ياتيجي معايه ، ياتيجي
    توصلني وادخل أنا.
    _ يعني كده أو كده ، قايم معاك
    يبقى أروح معاك أحسن .












    50

    ................

    اللزي في حجرته ، يحاول أن يمسح دموعه الهاربة إلى أعماقه
    حتى الدموع تخشى شره ، تخاف أن تسقط على خديه فيؤذيها
    هربت منه بوصلة الضمير، اللزي جالساً وهو في حالة غيظ من
    الأحداث المتتالية التي أفقدته إتزانه، يحاول أن يستعيد شيطان
    الغواية .
    _ فوق يالزي ، شوف حالك قبل
    الزمن مايجري بيك ويضحك عليك
    الناس أكتر وأكتر.

    ............

    ليلة جالسه على دكة في حجرتها، يدخل اللزي مندفعاً نحو حجرتها
    ينظر لها لحظات نظرات غريبة ، ليله لا تهتم به ولم تلتفت إليه.
    يقترب منها اللزي ويمسك بيديها ويدفعها نحوه واقفة.يحدثها بإسلوب
    لم تتعوده.
    _ لما تشوفي اللزي ، تقومي تقفي
    فاهمه يابنت الحمداني.
    _ فيه أيه مالك داخل تقول ياشر
    أنا عملتلك حاجه؟
    اللزي ساخراً
    51

    _ عملتيلي حاجه ، لا ماعملتيش حاجه واصل
    دا أنت سبب كل البلاوي اللي أنا فيها، إطمنى
    قلبي ده اللي عشقك ، خلاص قتلته ودفنته
    بالحيا كمان.
    _ وأنا مالي بيه ، تقتله، ماتقتلوش
    اهوقلبك وأنت حر فيه ومايخصنيش.
    _ معاك حق ، فعلا مايخصكيش ، ماهو أنا
    اللي عبيط وخليته يركبني، إسمعى ياليله
    يابنت الحمداني ،النهاردة السب يوم الخميس
    اللي جاي حتكوني مرتي، برضاك ، غصب عنك
    مش حعملك إعتبار.
    _ وده يعني حيريحك .
    _ لو ماريحنيش ، حيشفي غليلي، فاهمه
    يابنت الحمداني.
    يخرج اللزي من حجرتها قاصداً جعفر.







    52

    4_أحلام ضالة.

    عندما تُمطر السماء الوجع يتلقفه البُسطاء وكأنه يختارهم ويتفادى
    رؤوس الأغنياء،صعب أن تبذر بذور الأمل ولا تحصد سوى الألم
    هم ساكني حي الشجرة الباكية وتركوا لهم حي شجرة الصفصاف
    البُسطاء يتقاسمون هم الصباح والمساء وهم استأثروا بكل الفرح
    مضيفة جعفر ، يجلس جعفر ومعه هارون.
    _لسه موضوع عشيه شاغلك ياجناب البيه.
    _دي مصيبه ياهارون ، لاكانت على البال
    ولا الخاطر .
    _ ماتكبرش الموضوع ، الست لواحظ
    لسه صغيره وعقلها عقل عيال .
    _ صغيره إزاي ياهارون؟ أنت بتراضيني؟
    دي لو اتجوزت ، كان زمان عيالها طولي.
    يدخل مهران قاطعاً حديثهم.
    _الشيخ أدم ومعاه المقدس ،عايزين يقابلوك.
    _ وعاوزني في أيه دول كمان ؟ هو أنا ناقص.
    _ بيقولوا جايين يعيدوا عليك.
    هارون ساخراً
    _ ومن ميته بيفكروا يعيدوا على البيه.
    _ روح ياهارون ، قابلهم ومشيهم، ولا اقولك

    53

    أنا حخرج أقابلهم بره الدار.

    ...............

    الفقراء أصحاب تلك القلوب البسيطه التي أقصى أحلامهم أن يناموا
    مستورين ، هم يعيشون بأرواح ترفرف منكسرة محاولة أن تنفض
    بعض الوجع والغبار الواقع عليهم،تحتاجهم أحياناً خوفاً من عتمة الجوع، تحتاج أن تنظر لهم في توسل ورحمة ، بكلام من عيون جائعة
    للراحة والسكينة والأمان.
    أمام قصر جعفر ينتظر الشيخ أدم بصحبة المقدس أرمنيوس.
    _ شُفت يامقدس جعفر لاطعنا إزاي؟
    _ ماقولتلك بلاش المشوار ده ؟
    _أنا مش ماشي ولا حتعتع من هنا
    جتى لو حبات قدام الدار.
    يفتح مهران الباب ويخرج منه جعفر وخلفه هارون.
    جعفر ببرود وتأفف.
    _ إزيك ياشيخ أدم .
    _ إزيك أنت ، أنا جاي علشان أعيد عليك.
    _ فيك الخير والله .
    يلتفت جعفر نحو أرمنيوس.
    _ إزيك يامقدس.
    ارمنيوس
    54

    _أحمد الرب على كل شئ،إزيك أنت
    وكل عيد وأنت طيب.

    الشيخ أدم
    _ قولي ياجعفر ، صحيح اللي أنا سمعته.
    هارون
    _ سمعت أيه ياشيخ أدم ؟
    _استنى أنت ياديل التعبان، قولي ياجعفر
    ولا خليها جعفر بيه ، أنت صحيح حتبيع
    حيازة أرض الحاجر كلها.
    _ وفيها أيه ، دي حيازتي وأنا حر فيها؟
    وبعدين مين قال أني ببيع، أنا برجع
    الأرض لصحابها ، كل الحيازات بتقول
    أنها أرض الأشراف.
    _ لا مش صحيح ولا أيه يامقدس.
    أرمنيوس
    _ أيوه مش صحيح ، الأرض دي من
    أيام الأقباط والرومان ، قبل مانشوفوا
    الأشراف.
    _ كلامكم مش صح ، أنا عندي كل
    الإثباتات .
    _ والناس الغلابه دول حيروحوا فين؟
    55

    _ اللي بعمله لمصلحتهم.
    _ لمصلحتهم إزاي ؟
    أرمنيوس
    _ كلام الشيخ أدم صح ، لمصلحة مين تدي
    أرضنا لأغراب .
    هارون
    _ كل اللي بيزرع في الأرض قاعد فيها.
    الشيخ أدم
    _ يعني حيسيبوها أرض زراعيه ، ومش
    حيبنوا فيها قصور ، وقلاع وبساتين.
    هارون
    _ لا مش حيبنوا حاجه من دي.
    الشيخ أدم
    _ وكيف نضمن ماتقول ؟
    _ كلام رجاله.
    الشيخ أدم يضحك ساخراً
    _لا بصحيح رجاله وخير من يحافظ
    على العهد ، انتوا مفيش حاجه وعدتونا
    بيها ونفذتوها.
    جعفر
    _ أنا اللي عملته للبلد ماحدش عمله.
    أرمنيوس
    56
    _ وأيه اللي أنت عملته للبلد .
    _ عملتلكم بير تشربوا منها ، بعد ماكنتم
    تدوخوا السبع دوخات على طلمبه، عملتلكم

    كوبري على الترعه بعد ماكنتوا
    تمشوا بعيد لحد الماسورة تعدوا
    عليها وعيالم تقع.
    _ مسمى الفلقة دي كوبري.
    _ الفلكة دي بتعدينا كلنا .
    الشيخ أدم
    _ يافرحتنا بالبير والفلقة ، امال لو
    دخلت طلمبه في كل بيت حتعمل أيه.
    دا أنت قولنالك نور الدروب بالكلوبات
    استخسرت تحط كام كلوب في الدرب.
    هارون
    _ كل ده حنعملوه ياشيخ أدم لما ناخد
    إعانة الأرض ، حنعمل كتاتيب وندخلوا
    طلمبات ونعقلقوا كلوبات في الشوارع.
    _ ونعمة الأعمال ياحرامي المعيز
    حتى كذبك عبيط شبهك ،فكرتك حتقول
    نعملوا جسر، تهتموا بالحرف الصغيرة
    وتكبروها.
    بدأ توافد الكثير من أهل البلدة ، منهم من أحاط بالشيخ أدم ومنهم من
    57

    وقف في جانب يراقب الموقف ، بدأ التوتر يظهر على جعفر وهارون
    هارون يحاول أن يخرج من الموقف بحيلة ومكر ودهاء.
    هارون
    _ كل حاجه عاوزينها أهل البلد ، حنعملها ليهم
    وحتشوفوا بلد تانيه خالص ، حتبقى زي إخميم
    وساقلته.
    الشيخ أدم
    _أنا مابرتحش لكلامكم لله في لله ، نفسي
    أصدقم ،لكن الفيران بتتنطط في عبي.
    الشيخ أدم يقف مدافعاً عن مستقبل أهل البلد، يحاول أن يحلم
    معهم ولكن الأشباح تفسر لهم الحلم بكوابيس لا تنقطع، يجتهد في
    الوقوف على أبواب الأحلام الموصدة بالحديد وقطع النار.
    يصل اللزي
    اللزي لهارون
    _ أيه اللمه دي؟
    هارون
    _ الشيخ أدم والمقدس مش مصدقين
    إننا بنبيع الحيازة لمصلحة البلد.
    اللزي بغضب
    _ يصدقوا ولا مايصدقوش ، تاعبين
    روحكم ليه معاهم ، دول ماينفعش
    معاهم غير عصايه ، اتربوا على
    58

    طبله تلمهم وعصايا تفرقهم.
    اللزي يعض كف يده بغيظ ويرفع عصاه مهدداً.
    _ قولتوا أيه ؟ موافقين على البيع ولا لا.
    أهل البلدة منهم من وافق على كلام اللزي خوفاً منه ومنهم من وافق
    نفاقاً وبحثاً عن مصلحه خاصة ، فلربما يرضى عنه جعفر واللزي
    فينوبه من الحب جانب ، وغالبية أهل البلدة إنصرفوا في صمت
    بلا أمل في حالة يأس وإحباط ولم يتبقى سوى الشيخ أدم ومعه المقدس
    أرمنيوس ، بعدما رحل أهل البلدة من حول الشيخ أدم ، نظر له اللزي
    ساخراً.
    _ فيه حاجه ياشيخ أدم تاني ، عاوز
    تقولها .
    الشيخ أدم
    _ لا مفيش يالزي ، عليه العوض ومنه
    العوض، ماهو لوفيه جنبينا واحد
    زي حسن ماكنتش حتتنفخ علينا كده
    يلتفت للمقدس
    _ بينا يامقد س نمشي قبل التعابين
    ماتاكلنا .
    كلمات الشيخ أدم عن حسن غيرت وجع اللزي وكسرته واضطر
    يكتم غيظه من الشيخ أدم ، فهو ضرير وإن تعدى عليه سوف
    يقلل من شأنه أمام الناس وهم دائما يتركوا لسانه حراً من أجل
    عماه ، أحياناً يكون العمى نعمة تحفظ الكرامة.
    59

    .................
    غرفة ليله

    مسافات الأمل محدودة ومساحات اليأس شاسعة ومترامية الأطراف. لذلك نري دائما دروب الأمل ضيقة، هي المهاجرة من السماء إلى
    السماء، هي العالقة على كف القدر، معها ينام المنام، ترثي لحالها
    الأحلام، كلام اللزي هزها ، وضعها في حالة حيرة وتوتر ،هو يُجبرها
    على الزواج ولم يترك لها فرصة لنقاش أو إختيار.
    _ والعمل يابنت ياليله ، الريح شديدة
    وعفية ، الموت أهون عليه من أنه
    يلمس شعره مني
    تبكي بحرقة
    _ أعمل أيه ياربي؟


    ........................

    عندما يستعصي السؤال ، تكون الدموع جواب، ولكن دموع القلب
    تحتاج لألف جواب وجواب، فحديث الدمع قاتل وتسقط أمامه كل
    لغات العالم ، حسن وحمدان ومرسال أسفل الجبل.
    _تفتكر ياحمدان ضربتنا للزي هزته؟
    _أيوه هزته وكسرته جامد، لكن اللزي
    60

    مش ساهل ، احنا تعبناه في الأول
    وماقدرش يطولنا،ودلوقت كسرناه
    قدام عنيه مش من وراه.
    _علشان كده أنا بدأت أقلق على
    ليله ياحمدان.
    _ وأنا خايف عليها كمان ، اللزي
    دلوقت عامل زي الكلب المسعور
    حيلطش في كل حته وتتوقع منه
    أي حاجه .
    مرسال
    _ يبقى احنا مانهمدش علشان
    نقدروا نخلصوا على الكلب السعران.
    _ معاك حق يامرسال ، يبقى إحنا قدامنا
    حاجتين ، تخليص ليله، واللي حيشتري
    الأرض، بس كمان فيه حاجه تانيه.
    حمدان
    _ أيه هي ياحسن ؟
    _ قلبي واكلني على لواحظ، حاسس
    إن فيه حاجه حصلت.
    مرسال
    _ تلاقي أبوها عرف كل حاجه دلوقت.

    61

    حمدان
    _ صح يامرسال ، اللزي لو ماقلش
    لأبوها ، منيره أخته زي الحيه حتقول
    على كل حاجه أو يخلوا السلوتي يقول
    حسن
    _ اللي حيقول اللزي علشان يبرر
    كسرته قدام جعفر، ويرمي عليه
    فشله ويقوله بنتك السبب ،وكمان
    حيتهموها بأنها بتوصلني كل الأخبار
    علشان يقدموها هي ضحيه.
    حمدان
    _ كده الأمور بتتعقد ياحسن .
    _ ربك كريم ياحمدان ، علينا التفكير
    وعليه التدبير.


    ..................

    في الدرب يسير المقدس ارمنيوس بصحبة الشيخ أدم، حتى يقوم بتوصيله إلى بيته ، بعد زيارتهم الفاشلة لجعفر.
    _شُفت أهل البلد يامقدس ؟
    _ اعذرهم ، الخوف والرعب ماليهم
    62

    أنت ماشُفتش شكل اللزي عامل أيه؟
    _ تصدق يامقدس أني بحمد ربنا
    أني أعمى ولا أرى تلك الوجوه
    المعفنه، وخاصة هذا الخنزير اللزي.
    _ اللزي مكسور من حسن وباين عليه
    وهو شايف شماتة أهل البلد في عيونهم
    هو بيوريهم أنه ماإنكسرش قدام حسن
    وبيحاول يصمد طوله ، لكن هو مكسور
    من جواه، حسن قتل خمسة من أهم رجالته
    وخصوصاً كُريم عيلته كبيره ومش ساكتين.
    _بقولك أيه يامقدس؟
    _ قول ياشيخ أدم .
    _ أنا عاوز أشوف حسن يامقدس؟
    _وتشوفه ازاي؟
    _ نروحله مكانه اللي قاعد فيه.
    _نروحوا الدرب ؟
    _أيوه ، ان شاء الله نطلع الجبل.
    _ بس أنت حتقدر على المشوار ده؟
    _حقدر بعون ربنا، قابلني بعد صلاة
    الفجر قدام الجامع ونروخوا مع بعض.
    _ بس دي مخاطره كبيرة.
    _ إن كان حسن عرض نفسه للموت
    63

    علشان أهل البلد من غير مايكون ليه
    مصلحه وعرض نفسه للإعدام علشان
    دافع عنك وعن دارك، حنستخسروا
    فيه مشوار، وبعدين هو احنا رايحين
    في مصلحه ليه، احنا رايحين نزود همه
    ربنا يكن في عون الولد ده.
    _ مش عارف أقولك أيه ؟
    _ لو خايف حروح لوحدي بالواد شحاته
    ويحصل اللي يحصل.
    _ مش خوف ياشيخ أدم.
    _ يبقى خلاص اتفقنا.
    يقتربان من دار الشيخ أدم.
    _ ادينا وصلنا بيتك.
    _ ماتتفضل معانا عزيزه عامله شلولو( هو ملوخية ناشفه على ماء بارد بقليل من الثوم مع عصير ليمون)
    المقدس يضحك
    _ شكرا ، اشوفك الفجر ، سلام.





    64

    السلوتي ، شخصية بسيطة تحتاج معاملة خاصة ، معاملة أطفال
    ليس ذنبه خلقته بعيب خُلقي جسدي وعيب خُلقي عقلى، يصرخ
    يستغيث كالأطفال كما تستغيث الزهور الجميلة بين أنقاض الأشواك
    يصرخ ينادي ، يبكي ، لم يرحموا ظروفه الخاصة وربطوه في حوش
    البهائم في مربط البهائم، يقترب من بقرة في الحوش.
    _أنت بقره حلوه ، حبي سلوتي ، مش كده
    السلوتي جعان ، اديني شوية لبن .
    البقرة تنظر إليه وكأنها ترثي لحاله ، تشعر به ، تتمنى أن تتكلم
    تحدثه أنها تتمنى لو كانت لو ولدت الآن في تلك اللحظة لتُشبع
    هذا الطفل الكبير، حاول سلوتي أن يحلبها وتركت له نفسها هو
    لا يعلم أن البقرة تحلب اللبن بعد ولادتها،يصرخ ، ينادي ،يبكي
    ولكن هل من مجيب، يطرق باب الحوش.
    _ جعان ، سلوتي جعان .

    ....................

    ليله تجلس في حجرتها، تحلق بحزنها في فضاء بعيد،تتمنى أن
    تتحرر من خوفها ، من سجنها، أحلامها تنهتي قبل أن تبدأ
    تسمع صوت السلوتي .
    _ جعان ، سلوتي جعان .
    تحدث نفسها
    _ حتى أنت ياسلوتي لم يرحموك.
    65

    تنظر ليله لقطع من الخبز على الدكة ، راحت تجمعها، خرجت بها
    قاصدة السلوتي، تخرج من حجرتها حامله كسر الخُبز في يدها
    تقطع منيره عليها الطريق.
    _ رايحه فين يابنت الحمداني؟
    _حدخل للسلوتي أوديله كسر العيش دي.
    _وأنت مالك وماله ، وتوديله ليه؟
    _الواد بيصرخ من الجوع ، حرام عليكم
    تبهدلوه كده ،ده عقله على كده وانتوا
    عارفين .
    _صعبان عليك علشان كان بيساعد حسن وأخوكي.
    _ أنا صعبان عليه جوعه بس.
    _مالكيش دعوة.
    صوت السلوتي
    _ جعان ، سلوتي جعان ، عاوز لقمه.

    .............

    السلوتي رجل بسيط ، يحمل عقل وقلب طفل ، ليس ذنبه أن خُلق
    بعيب عقلي وعيب خُلقي هو علته،هو إنسان يحاول أن يعيش
    لا يحمل هماً لغد ، ليس له دار وكل الأرض تحتضنه وتعطف عليه
    ترق لحاله السماء فتمطر عليه رزقه ، لك هؤلاء لا يرحمون ضعفه
    وقلة حيلته ، لا زال يصرخ من الجوع
    66

    تدخل منيره الحوش .
    _ فيه أيه ياواد ؟
    _ جعان ، سلوتي جعان، عاوز لقمه.
    _ حندهلك اللزي يجيبلك لقمه .
    _ لا مش عاوز وكل ، أنا شبعان
    سلوتي مش جعان.
    منيره مهددة
    _ لو سمعت صوتك تاني حندهلك اللزي.
    _ لا بلاش اللزي، حسكت خالص .













    67

    5 _ قلوب تخلت عن هويتها
    ، هي قلوب متمردة ، عصت السماء، هي قلوب أنيسة للشياطين
    تعشق الدم وتحسبه طهاره ، أهل البلدة هم قرابين يختارون منها ماشاءوا كذبيحة لآلهتهم ،، هي قلوب مغلفة صماء يعشقون الحكم والسلطة والمال ، يجلس جعفر في مضيفته بصحبة هارون واللزي، الثلاثة في حالة صمت ، لواحظ سببت له جرحاً لا يندمل ولا يجد له حلاً.
    هارون
    _حتفضل ساكت على طول ياجناب البيه؟
    _حقول أيه ياهارون ، تعبان وقرفان.
    _ أنت لسه واحد على خاطرك من الست لواحظ؟
    _ ماحدش يجيب سيرتها قدامي ؟
    اللزي
    _ الست لواحظ مخها صغير وانضحك عليها.
    _ قلت ماحدش يجيب سيرتها.
    هارون محاولاً إخراج جعفر من حالته .
    سمعت اللي حصل مع ابن شملول؟
    _أيه اللي حصل؟
    _ بيقولوا كان بيتعلم في كتاب بالجلاويه
    والشيخ لما بيخلص تعليمهم بيخلي
    كل واحد يقرا قرأن شويه،قال لابن شملول
    اقرا ، قال له حقرا أيه ، قال له إقرا الفاتحه
    قال له مبلاش الفاتحه ياشيخ، قله اقرالي
    الفاتحه ولا اقوم اعبطك،شملول قال
    68

    الفاتحه على روح مولانا الشيخ وراح
    نازل عليه بعصايته محطش منطق.
    جعفر يبتسم.
    اللزي
    _ وبعدين حصل أيه؟
    هارون ضاحكاً
    _ هو انت لسه مافهمتش؟
    _ لا
    يلتفت هارون لجعفر
    _طيب أعمله ايه ده علشان يفهم؟
    جعفر يضحك وفجأة يتذكر حسن.
    _ الواد حسن من وقت ماجع وضرب
    كريم وأنا مش مرتاحله.
    اللزي
    _ ولا أنا مرتاحله ، ده طير النوم
    من عيني ،أنا حولع في الجبل
    علشان أشفي غليلي منه .
    _ أخلص بس من بيع الأرض وفيه كلام
    كبير حيحصل وأنا حخلص عليه بإيدي.
    يقطع حديثهم دخول مهران
    _ منازع على الباب ياجناب البيه .
    _ خليه يدخل ، جه في وقته
    69

    اللزي

    ونشوفوا عمل أيه في الجبل وهو
    اللي ضرب نار ولا حد غيره.
    يدخل منازع ويتبادل معهم التحية ، يحدث الزي.
    _ رحتلك البيت قالولي أنك هنا.
    _هنا وهناك واحد يامنازع، قولي
    أنت ضربت بارود من يومين في الجبل
    _ أيوه، ضربت على اللي كانوا بيضربوا عليكم
    بارود وقتلت منهم واحد، ماأعرفش إن كان حسن
    ولا لا ، أنا اتصبت في كتفي.
    يعري لهم كتفه أسفل الجلباب
    وكمان البارود خلص مني.
    هارون
    _وبعدين ؟
    _ريحت شوية مكاني وقعدت أوقف
    الدم اللي نازل من كتفي، وبعد نص
    الليل ، لمحتهم شايلين واحد وداخلين
    ع الترب ، عرفت أني قتلت واحد
    كانوا رايحين للجبانه تلات أنفار
    اتنين شايلين الميت وواحد ماشي
    وراهم.
    70

    جعفر
    _ يعني راحوا دفنوه في الجبانة.
    _ أيوه .
    _لو كان حسن يامنازع ، يبقى حلال عليك الجنينة.
    اللزي
    _ يبقى الفحاحري عارف شكل اللي دفنه
    حقوم أخلي مهران يجيبه من الجبانه.
    يخرج اللزي وأرسل مهران لإحضار حمزه الفحاحري، وعاد سريعاً.
    هارون
    _ تفتكر يامنازع حسن جاب بارود
    من فين.
    _ أنا كنت في سوق التلات اللي فات
    ومعت ان اتنين راحوا باعوا بهايم
    هناك وسألوا عن حد بيبيع بارود
    وولاد الحلال دلوهم على واحد وانا
    يومها زعلت أني مابعتش أنا ليهم
    البارود.
    هارون
    _ يبقى راح باع البهايم اللي سرقها
    من الجنينه هناك واشترى سلاح
    يدخل مهران .
    _ حمزه الفحاحري واقف بره.

      الوقت/التاريخ الآن هو الخميس مارس 28, 2024 11:23 am