المنظر الثالث
الديكور ميدان كبير........جماهير الثوره ..لافتات كبيره ...حركة الجوع الكافر..جماعة البر والاحسان
حزب نجوم الليل.......
الجمهور احنا جينا ومش ماشيين
( يخرج شاب )
الشاب...احنا جينا ومش ماشيين
عشان مابقتش تفرق
احنا كده .كده مش عايشين
تايهين...ضايعين
الاسم عايش
وف الحقيقه ميتين
سرقتوا حلمنا
ومصيتوا دمنا
ونسيتونا حتي اسمنا
وخليتوا الحياه ..قب ر كبير بيضمنا
يسمع صوت جهوري من مسؤل امشي ياابني انت وهو
مش ناقصين لعب عيال
ولو ليكم اي شكوي
قدموها ف مرسال
التجمهر ممنوع
وانا عليكم طويل البال
ولو حل عليكم غضبي
معرفش ايه حيكون الحال
صوت الجماهير احنا جينا ومش ماشيين
يخرج رجل عجوز من وسط الجماهير
العجوز رجل عجوز....خلاص الكيل طفح
والخوف اللي كان راح
الميه واشربناهامجاري
والعيش اكلناه محشي حصي
والجسم اتملي بالمرض
وف كل المسام جراح
وابني اللي ربيته
عايش ف الدنيا سواح
اخدتوا كل الفرح
وسبتوا كل ترح
يسمع صوت المسؤل حق ايه ياابني اللي بتدور عليه
فوقوا وبلاش تخاريف
وحقكم احنا احرص منكم عليه
( تخرج فتاه من وسط الجمهور )
الفتاه خلاص الصغير كبر
وللوصايه مش عاوزين
ولو كانت وكاله
احنا ليها لاغيين
اول حقوقنا كرامه
وليها طالبين
وتاني حقوقنا حريه
وليها عايشيين
وتالت حقوقنا عداله
وهي حلم كل الملايين
( يدخل عبده وحمو )
عبده صرفنا فلوس الكفن وحتي مافيش باقي فلوس نروح بيها
حمو بس عشنا يوم من عمرنا يابا سهرة الكباريه كان تجنن
عبده اه والله شوفت الناس امبارح كانوا هايسين ازاي وامبارح كنا فين ودلوقت فين .
صوت الجماهير عيش .....حريه .........عداله اجتماعيه
حمو ناس بتنقط وناس بتتنطط شبهنا عاوزه تعيش يابا.
عبده اه يابني عاوزين عيش .ملوخيه
حمو خلينا واقفين معاهم يمكن نلاقولنا رغيفين
عبده ويمكن نلموا تمن الكفن تاني
صوت الجماهير مش حنمشي هو يمشي
( يسمع خطاب التنحي )
فرحه غامره للجماهير واحضان هيستيريه
يخرج شاب من وسط الجمهور
الشاب انتصرنا وكان الثمن الف شهيد
نصر غالي واليوم اتولدنا
وبقينا خمسه وثمانين مليون وليد
اخيرا لقينا حلمنا
واليوم اللي حيصبح
حيكون يوم جديد
عبده يحتضن حمو .....احنا كده ضمنا حق الكفن .
الثلاثاء أبريل 19, 2022 7:25 pm من طرف hanan45
» تطبيق وصفات طبخ
الخميس أبريل 14, 2022 5:57 pm من طرف hanan45
» تفسير الاحلام كاملا بالحروف
الأحد أبريل 03, 2022 9:48 pm من طرف hanan45
» تطبيق وصفات طبيعية للتجميل
الثلاثاء مارس 29, 2022 11:12 pm من طرف hanan45
» الاتجاهات الحديثة في الكتابة القانونية
الإثنين سبتمبر 27, 2021 10:36 am من طرف sabra group
» الاتجاهات الحديثة في الكتابة القانونية
الإثنين سبتمبر 27, 2021 10:36 am من طرف sabra group
» الاتجاهات الحديثة في الكتابة القانونية
الإثنين سبتمبر 27, 2021 10:35 am من طرف sabra group
» الاتجاهات الحديثة في الكتابة القانونية
الإثنين سبتمبر 27, 2021 10:35 am من طرف sabra group
» الاتجاهات الحديثة في الكتابة القانونية
الإثنين سبتمبر 27, 2021 10:32 am من طرف sabra group