الفصل الثاني
105
المنظر الأول
داخل حارة السد...عدد قليل من الماره...
(حنكش يقف امام القهوه....يدخل جعلص)
جعلص.... تعرف ياواد ياحنكش لو ايامنا كلها انتخابات...مش حنلاقي
واحد فقير في البلد.
حنكش... والله معاك حق ياجعلص ..الناس هاصت لحمه وفلوس ولا كأننا في عيد.
جعلص.. .بصراحه ...المعلم عجلان ظبط الحاره...اصل الفقر وحش ياحنكش
تعرف ياواد البرشامه اللي فرقها
106
المعلم عجلان عملت شغل جامد قوي معايا
حنكش ... هي عملت شغل معاك انت بس...عملت شغل
مع رجالة الحاره كلها...الرجاله بتوع الحاره
طلعوا تعبانين قوي ياجعلص .
جعلص.. .بيني مابينك كتر خير نسوان الحاره..الفقر منيم حال رجالتها
الرجاله مش عارفه تقف علي رجليها
حنكش.. ..لا اتكلم علي نفسك انت بس..انا بخير وجامد قوي
جعلص .. .يعني ما اخدتش البرشامه ياواد...؟
107
حنكش... .لا اخدتها...عشان اجربها بس.
جعلص..... وحسيت بالفرق..؟
حنكش.. .(بحماس قوي)....اه طبعا فرق كبير قوي.
يقل من حماسه كاذبا)...يعني عادي.
(يدخل فوزي)
فوزي.. .اشكي لمين ياربي..انت المنتقم الجبار.
جعلص.. .فيه ايه تاني يافوزي....؟
فوزي.. .قولولي ياناس...قولولي ياخلق..اعمل ايه معاها.
108
البنت ضاعت..والود حيضيع...حيتعود يبقي..؟
حنكش... ماتطلقها وتريح نفسك..؟
فوزي... لو طلقتها حتاخد الشقه...والعيال...وكمان المعاش.
دي كرشاني م البيت.من يوم الانتخابات.
جعلص... تلاقي المعلم عجلان ظبطها ع الاخر.
فوزي... .من ناحية اتظبطت هي اتظبطت جامد.من المعلم عجلان
واتظبطت م القسم..دي كانت بتقبض
ع الراس مية جنيه.
109..
حنكش... روايح مولعاها مولعاها في البيت وبره البيت وكل الحملقيه
والصيع بتوعها...هو حد اتظبط اديهم.
جعلص... معاك حق ياواد ياحنكش...البلطجيه اكتر ناس استفادوا.دا الواحد فيهم
يوميته لربعمية جنيه.
حنكش. ..جاتنا نيله في حظنا الهباب واحنا فرحانين
بكيلو لحمه مستورده وبرشامه.وطبعا المعلم
عجلان مش حنشوف خلقته بعد مانجح.
جعلص... بعد عمر طويل انشاء الله نبقي نقابله
110
بعد اربع سنين
فوزي.. .انا سمعت ان فيه قلق جامد علي الانتخابات دي بيقولوا عليها مزوره.
حنكش... .وايه الجديد...عادي..احنا شوية خرفان بتتساق وبس ياعم اربط الحمار
.. مطرح مايعوز صاحبه
وهما صحاب البلد...اهل عز.
(يدخل عصام)
عصام... .عاجبكم اللي حصل في الانتخابات ده.
حنكش.. .خير يااستاذ عصام حصل ايه..؟
عادل ... التزوير والرشاوي...؟
111
حنكش.. .ياعم واحنا مالنا....؟
عادل... مالكم ازاي...امال مال مين...البلد مش بلدكم مش بتحلموا بهوا نظيف .
جعلص.. .هوا نظيف.. ساخرا.هما واخدين الهوا
كله والسرور وكل واحد فيهم شريف ونزيه
ورشيد...احنا ولاد الايه...البلد بلدهم ياعم
واحنا ضيوف عليهم...
ياعم سيب الملك للمالك...ياريت كل يوم انتخابات .
عصام ...خساره...خساره يااهل الحاره...يشتروكم بكيلوا لحمه وبرشامه
حنكش... .وحياتك وبربع كيلوا حنقول...الجوع وحش
112
يااستاذ عصام.
عصام.... وفين احنا كبني ادمين..فين الحريه..فين العداله.
جعلص.. ياحبيبي عدالة ايه اللي بتقول عليها...لقمة العيش مره
يااستاذ واحنا ميتين وهما عرفوا يدفنونا...واللي يدور ع الحريه
لازم يكون صاحي وعمر الحريه مايجيبها
ميت.
عصام ...مش صحيح كلامك الرجوله بتتخلق من رحم المعاناه واسلوبك ده اسلوب
الضعيف المستسلم..انت بتقول انك
ميت يعني عايش ميت..ليه ماتحاولش تحيا
113.
جعلص.. .اللي بيحاول يحيا في البلد دي..بيدخلوه الانعاش بيوقفوله عقله وقلبه ويصموله
ودانه ويعموا عينه.
فوزي.... معاك حق ياجعلص...منا بدور ع الحريه ومراتي كاتمه نفسي..اجيب منين
الحريه..لا قسم ناصفني
ولا نيابه جايبه حقي...اروح لمين...فوضت امري لله.
عصام ...عشان انت ضعيف...النيابه حتعملك ايه..؟..مراتك واللي شبها جزء من النظام. .
فوزي... النيابه بتقولي لازم حالة تلبس..ومين بقي اللي يقدر يمسكها...اهل الحاره
اللي بيخافوا منها ولا
114
القسم اللي مشغلها مرشده...ولا البلطجيه صحابها اللي شبعوني ضرب.
عصام .. .هانت ياعم فوزي الثوره حتقوم...؟
جعلص .. .ثوره....ثورة ايه..؟
عصام...ثورة الحريه....ثورة التحرير.
حنكش.... ياعم فوكك هو فيه حد يقدر يتنفس في البلد دي..؟
عصام ....خلاص ياحنكش...الكلام ده كان زمان..الشباب بتاعنا
فتح وبقي عنده وعي.
جعلص... .شباب مين ياعم اللي قاعدين ليل نهار في اسمه ايه ده..؟
115
عصام .. .قاعدين في النت.
حنكش. ..بقي شوية الخنافس دول حيقوموا بثوره..ياعم ارحمنا
دا عسكري واحد لو نفخ فيهم يجريهم...دول بسكوت
لو حطيتهم في كوباية شاي يدوبوا.
جعلص.. .معاك حق ياواد ياحنكش...وبعدين هي ناقصاهم .
عصام.. .مش يمكن ربنا يوضع سره في اضعف خلقه.
فوزي... .والشباب دول امتي حيعملوا الثوره دي يااستاذ عصام.
116.
عصام....هما بيجمعوا نفسيهم ع الفيس بوك.
جعلص ..(يضحك)...وايه البوك ده محطة مترو جديده.
عصام ...لا...الفيس بوك اده للتواصل الاجتماعي ع النت مع كل العالم.
جعلص.. .وحيقوموا بالثوره وهما بيلعبوا ع البتاع ده.
عصام ...اه...
جعلص ...دي ثورة اتاري بقي.
حنكش....اه ثورة عيال بقي.
عصام ...لا دول مش عيال...دول شباب وشباب مثقف ومتعلم
117.
جعلص... ويعملوا ثوره ازاي ع البتاع ده....حيجمعوا نفسيهم ع القهاوي .
حنكش....اه ويعملوا ثورة بلفتيشن.
عصام .... اسمها بليستيشن...وهما مش حيعملوا ثوره في كافيهات النت.....هما حيجمعوا نفسيهم ويروحوا ميدان التحرير
ويروحوا ميدان التحرير.
فوزي....حيروحوا ميدان التحرير...؟..بجد..
عصام.. ..اه
فوزي.....انا معاكم يااستاذ عصام...مش حلاقي نومه
118.
عصام.. ..اه فيه اعتصام مفتوح..
جعلص.... يعني العدد حيبقي كبير.
عصام ...طبعا...حيعدي المليون.
جعلص....بص يااستاذ عصام...انا لو لقيت الجو هادي
حاجي معاكم.
حنكش...(هامسالجعلص)....تروح فين ياجعلص...؟
جعلص...(هامسا لحنكش)...حروح القط رزقي ياعبيط
محدثا عصام)..لكن لو لقيت الجو مولع نار..انت شايف
119
صحتي علي قدي ومش حمل بهدله.
حنكش... (هامسا لجعلص)....هي المسأله ممكن يكون فيها لقمة عيش .
جعلص... اه ..اكيد..مش ثوره...ممكن تعملك برنيكة شاي وعربية كبده...هيصه بقي ياواد
وعربية كبده...هيصه بقي ياواد.
عصام...(ساخرا)...حتي الثوره عاوزين تقلبوا فيها....؟
جعلص.. .مش بتقول ثوره معموله عشانا.
عصام....عشان كل الناس...عشان الحريه..عشان العداله...نقول بصوت عالي للظلم لا....للفساد لا...
حنكش... طيب طالما عشان مصلحتنا انت زعلان ليه.
عصام.. .احنا عاوزينكم معانا ايدكم في ايدينا...
120
عاوزين نرجع نلاقي بعض...احنا تهنا عن بعض سنين
عاوزين نلاقي بعض مره صح...نقف ايد في ايد نبني بلد جديد
فوزي... .انا معاكم يااستاذ عادل..يمكن الثوره تريحني من روايح..
جعلص.. .واحنا برضه معاكم (هامسا لحنكش)...احنا نعدي اول
يوم والتاني...ولو لقينا الجو هادي نروحوا نلقطوا .
حنكش. ...ماشي ياجعلص ؟
بلاك اوت
121 ....
المنظر الثاني
داخل شركة الانتاج
(ابو العريف يتحد ث مع عجلان في الهاتف)
ابو العريف... .ماتقلقش يامعلم..كله حيكون تمام وهرفع راسك قدام الحزب كله
ايه...روايح..اه انا بعتلها وتلاقيها في
الطريق...اوكيه منا ماتوصل حتكون جات.
(يدخل الساعي عثمان)
عثمان.... نجيب ينسون بالحليب
122
ابوالعريف... .اه يبقي فيه حد بره...قول وخلصني
عثمان... فيه واحد ست راجل..
ابوالعريف.... ست وراجل...(يحدث نفسه)...مين دول
شكلهم ايه الست والراجل دول .
عثمان... .لا هما واحد...واحد ست راجل.
ابو العريف.. .اه تبقي روايح يامنيل خليها تدخل.
(تدخل روايح ويخرج عثمان)
روايح... .اهلا يااسمك ايه...؟
ابو العريف. ..اهلا وسهلا بالست روايح كبيرة حارة السد
123.
روايح.. .اه ادخل في عبي ياواد وقرطسني...انا كبيرة حارة السد..؟
ابو العريف... .اه انت الكبيره هو فيه حاجه في الحاره
ماتعديش عليك..
ابو العريف. ..سيبك من الاونطه اللي ماتدخلش عليا
المعلم الكبير فين..من ساعت مانجح
ماشفتوش.
ابو العريف..(ساخرا)...نجح ايه ياروايح ماالدنيا اتنيلت
بستين نيله والمعلم بيندب ع الفلوس
اللي صرفها
124.
روايح... ماهو حيعمل قديهم مية مره .عليا انا الكلام ده. .
ابو العريف.. .كان حيعمل...لكن ياعالم حيلحق يعمل
ولا لا...المهم احنا عاوزينك في شغله كبيره.
روايح.... مش فاضيه.
ابو العريف ..(ساخرا)...ليه وراكي ايه انشاء الله.
روايح.... عندي لجان شعبيه.
ابو العريف.. .وانت كمان بتعملي لجنه..؟
روايح .. .اه انا لجنه عشره في الحاره.
ابو العريف.. .عشر لجان في الحاره
125.
روايح . ..اه ...كل خمسه متر لجنه..
ابو العريف... سيبك من اللجان واسمعيني وركزي
قوي ...الموضوع كبير..
روايح.... مش حتدفعوا...؟
ابو العريف... طبعا..هو انتي بتعملي حاجه لله
انتي زي المنشار طالع واكل ونازل
واكل .
روايح.. بطل قر يافقري..وقول عاوزين ايه .ماهو انتوا
الواحد مابيشفش خلقتكم الا لما تكونوا
عاوزين حاجه.
ابو العريف....ماشي يا روايح...مقبوله منك.بصي
126
ياستي احنا عاوزينك تلمي كل الألاديش بتوعك بتوع حارة
السد والحارات اللي جنبيها
وكل اللي تعرفيهم.
روايح... .اه وبعدين...؟
ابو العريف...حتاخديهم وتطلعي ع الميدان وتروحوا
تضربوا شوية العيال دول وتقعدوا مكانهم .
روايح. .(تضحك ساخره)...نضرب...نضرب مين.؟...انت
مابتسمعش قناة الحصيره بيقولوا فوق المليون.
127
.
ابو العريف....لا انا بسمع قنواتنا بس هي بس اللي
بتجيب الحقيقه...وطول النهار جايبين
كوبري الميدان فاضي.
روايح ....والميدان وتحت الكوبري.
ابوالعريف...لا الكاميرات بتاعتنا مابتنزلش تحت
دايما تجيب من فوق...واللي تحت
بيقولوا عليهم كام الف مابيزيدوش غير
يوم الجمعه....المهم انكم تطلعوهم
128
وخلاص...ازاي مااعرفش.
روايح... .طيب واذا ما قدرناش يافالح نطلعهم.
ابو العريف....تقسموا معاهم الميدان..هما ياخدوا
نص وانتوا تاخدوا نص..ماهو الميدان
ملك لكل الشعب ومش بتاعهم لوحدهم.
الميدان بتاعنا كلنا...وبكده ماحدش من بره
حيقدر يتكلم.حتبقي ظاهره صحيه..الرأي
والرأي الأخر.
روايح.... مش فاهمه..
ابو العريف....يعني هما يقولوا يسقط النظام واحنا
يعيش النظام.
روايح....بس الموضوع ده خطر قوي وعاوز تفكير
129.
ابو العريف.. .مافيش وقت للتفكير..حديكي خمسمية
جنيه علي كل راس في اليوم..ماتقلقيش
الحزب حاطط تقله كله في الموضوع..ماهو
الاولاد دول لو نجحوا..كلنا خنروح في داهيه
ومش حتقوم لنا قومه تاني ..فاهمه.
(يدخل عجلان)
عجلان......كويس انك هنا ياروايح..؟
روايح... .وانا اقدر اتأخر عنك يامعلم..دا انت جمايلك
مغرقاني وعرقك لسه في هدومي(تقترب
منه)...ونفسك في كل حته في الشقه
130
لكن بقينا دلوقتي مش قد المقام.
ابوالعريف..(ساخرا)....هي كانت بتورد لك لحمه
يامعلم .
روايح.... كان بيموت في لحمتي...نفسي
في الاكل حلو...مش كده يامعلم..؟
عجلان. ..اه...لحمه وقيع...انت مش شايف
يابني..؟
روايح.. ..فشر..انا عندي لحمه وقيع ...خليني
ساكته (هامسه لعجلان)..ااقوله انك
ماتعرفش تدبح .
عجلان ....انا مابعرفش ادبح...؟
131
روايح.. ..اه...اخرك تعاين وتتفرج بس..؟
عجلان.. .مالوش لازمه الكلام ده يافضايح.
روايح... .طيب اسكت وخليني ساكته..؟
عجلان....حسكت .حسكت خالص.
ابو العريف...خلونا في الشغل ..بكره يمكن لا
نشوف لحمه ولا حتي عضم.
عجلان... .اه معاك حق...خلينا في الشغل.
ابو العريف.. .فهمتي حتعملي ايه ياروايح..؟
روايح.... اه فهمت حنقعدوا في نص الميدان
لكن حنبات زييهم...؟
132
ابو العريف. ..اه تباتوا زيهم...وماتقلقيش من حاجه
حنعملكم خيم ونديكم بطاطين.
روايح..... .وعاوزين حمامات..؟
ابو العريف....حنعملكم حمامات سوبر لوكس.
روايح... .وعاوزين مناشر غسيل ؟.
ابو العريف....حنعملكم كل حاجه
عجلان...انا مش غايظني غير العشره مليون اللي
صرفتهم...حاتنقط عليهم.
روايح.....قلبي عندك يامعلم ...معلش...ده حال الدنيا.
عجلان....حال الدنيا اتلخبط ياروايح...انا مش قادر اصدق
دنا سمعت كمان انهم عاوزين يشيلوا الريس.
روايح.. ..اه....ماهو القوالب نامت والنصاص قامت
133.
ابو العريف....ما حدش قادر عليهم يامعلم وخلاص الزمام فلت....دا الشرطه اللي
مايقدرهاش غير ربنا .خلعوا
وسابوا الكل يخبط في بعضه.
روايح... .ماتقلقش يامعلم...وراك رجاله...انا حخليلك
الميدان حريقه.
عجلان....اه والنبي ياروايح ..لو قدرتي تولعي فيهم
ولعي...عاوز الميدان فحمه...دول عشره
مليون صارفهم.
(يدخل عباطه والجميع في سكون تام)
عباطه... .مالكم....فيه ايه...ايه ياجماعه ولا اللي
قاعدين في ميتم.
134.
عجلان....هو فيه ميتم ووقف حال زي اللي احنا فيه.
عباطه..(ينظر الي روايح ويتحدث ساخرا)..اهلا بالست
فضايح..قصدي روايح.
روايح...(ساخره)...اهلا يامدهول والله نضفنا اهو
خلاص علينا وبقينا فوق.
عباطه...وجوزك فوزي لسه برضه بياخد علقه
كل يوم.
عجلان...انا سمعت انه متلقح في الميدان مع
الواد عصام.
روايح....اه...اتلم المتعوس علي خايب الرجا..
وياريت هما بس...دي الحاره كلها في
135
الميدان والواد حنكش عامل برنيكة شاي
واللي عامل عربية كبده وحمص شام وحلاق
ومكوجي...الميدان بقي سوق كبير يامعلم.
ابو العريف. ..وطبعا انتي لما تاخدي الاديشك وتقعدوا
في نص الميدان حتقلبي عيشك..
روايح... .اه...وشرفك حأجر بالمتر..
ابو العريف...طيب اتكلي انتي دلوقت .عشان تلحقي
تظبطي نفسك...الليله لازم تكونوا بايتين
في الميدان.
(تخرج روايح)
عباطه....الليله حيباتوا في الميدان...هو انتوا اتقلبتوا
136
ولا ايه...؟
ابو العريف....اتقلبنا ازاي...؟
عباطه......مش انتوا كنتوا بتقولوا العيال دول وحشين
وبيخربوا في البلد..
ابو العريف ...اه...وحشين...ووحشين قوي كمان.
عباطه... .طيب حتروحوا الميدان ليه..؟
ابو العريف.. .عشان نعمل مجموعه مضاده ليهم.
عباطه.... اقطع دراعي مافاهم حاجه.
ابو العريف.. .بص ياعباطه..الوضع في البلد بقي خطير
قوي...واديك شايف وقف حالنا وحال البلد
137
كله واقف...الناس مش لاقيه تاكل.
عباطه.... والناس لما هيه مش لاقيه تاكل سايبنهم ليه؟
ابو العريف. ..مش عارف....ماعندهمش نظر..غاويين فقر خلينا في دورك يامطرب
يافنان...البلد محتاجالك.
عباطه.. .محتاجالي انا..؟
ابو العريف....وجه الوقت اللي لازم تدي فيه مصر.
عباطه... وماله ادييها...اديها ونص...مااديهاش ليه ...بس مصر حتحتاج عباطه في ايه
138
ابو العريف.. .تديها صوتك...؟
عباطه... .ومصر حتعمل ايه بصوتي...؟
ابو العريف.. .انت ممكن تعمل شغل حلو قوي...ومصر تتبسط منك.
عباطه.... ..وانا نفسي ابسط مصر...لكن حبسطها ازاي...؟
ابو العريف...انت حتروح حارة السد وطبعا حيتلم حواليك اهل الحاره زي العاده .
عباطه.. ..اه...
ابو العريف...وانا حكلملك المذيعه صاحبتنا وحاتيجي
تصورك وانت تقول كلمتين حلوين في حق الريس .
139.
عباطه.. .كلمتين حلويين زي ايه....؟
عجلان.. .قول الريس مشبعنا لحمه.
ابو العريف..(ساخرا)....لحمة ايه يامعلم..قول ان الريس بقاله تلاتين سنه معانا
وماشفناش منه حاجه
وحشه...والناس مبسوطه بيه وفرحانه .
عجلان.. ..اه..قول الريس منضفنا اول باول..ومابيهنش
عليه يشوفنا في زحمه...كل شويه يعملنا
كوبري...شبعنا كباري .
عباطه.. .معاك حق يامعلم..طول عمره مهيصنا ومرقصنا.
ابو العريف...وطبعا الحلقه اللي حتسجلها في الحاره
140
حتتذاع في كل الفضائيات وانت شعبيتك
مش شويه.
عجلان.. .عفارم عليك ياحلال العقد.
بلاك اوت
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية