25
الوزير........ ياريت عملوا ثورة .
الأمير ضربوا بعض، وخونوا بعض،وتآمروا
على بعض .
الوزير ياريت يامولاي.
الأمير طيب أيه اللي حصل ، قول ، اتكلم .
الوزير شعب الإمارة كله اتصاب بالزُغطه يامولاي.
الأمير وجات منين الزُغطه للشعب .
الوزير الظاهر والله أعلم حد رمى في نهرنا فيرس
الزغُطه يامولاي وكل اللي يشرب منه تجيله زغطه
الأمير يعني شعبنا كله بقى بزغطه ,
الوزير نعم يامولاي .؟
الأمير طيب وبنتي وزوجي الأميرة ؟
الوزير جالهم زُغطه .ياريت عند كده وبس.
الأمير فيه أيه تاني ،
الوزير غيروا لغتهم كمان للزغطة وعملتهم
سموا العمله زغطط والزوجة زوغطيطه والزوج
26
زغطيط وكل البلد اتزغططت يامولاي .
الحرس ، وكبير الحكماء حتى الأطباء
بقى الطبيب زغططب .
الأمير يعني كل سكان الإمارة اتزغططوا في غيابي
الوزير انت غبت كتير عن الإمارة يامولاي .
الأمير هو أنا غبت ليه مش علشان مصالح شعبي
بسافر هنا وهناك واعقد صداقات مع الإمارات.
الوزير دلوقت مفيش غير أنا وأنت بس اللي ماتزغططناش.
الأمير طيب والعمل دلوقت؟
الوزير انا سمعت كمان أنهم عاوزين يعزلونا أنا وجنابك
ويعملوا إنقلاب ويستولوا على الحكم والزغططيش
بيجهزوا للإنقلاب .
الأمير ومين الزغططيش دول .
الوزير عسكر الإمارة يامولاي وحراسها.
الأمير طيب احنا حنتصرف ازاي؟
الوزير مفيش حل لما نرجع الإمارة غير
نشربوا من النهر .
27
الأمير ونتزغطط ، مش ممكن .
الوزير يامولاي نحكم الإمارة وإحنا مزغططين
أحسن مانعيشوا وسطهم أغراب .
الأمير عندك حق..( يمشي ذهابا وايابا ثم يحدث
الوزير ) أيه هي الفكرة اللي مفكرش فيها حد.
الوزير الفكرة اللي مافكرش فيها حد، اننا نحكم إمارة زُغطة
ومن غير عقل .
الأمير لا دي مش جديدة ، كتير مجانين بيحكموا بلاد،
شوف يابعجر ، رعية مجانين لا يصلح لحكمهم عاقل
ورعية عقلاء ، لو حكمهم مجنون حيعيشوا في تعاسة
الوزير يمكن الزُغطه حتبقى موضة .بس أنا بحسدك
على تحليلك الرائع وثقافتك يامولاي ، مع انك
مااتعلمتش القراءة والكتابة .
الأمير القراءة والكتابة ، أيوه لقيتها .
الوزير لقيت أيه يامولاي ؟
الأمير لقيت الفكرة اللي بدور عليها ، أنا حعلم الحمار.
28
الوزير ( مندهشاً) تعلم الحمار، حمار مين مولاي.
الأمير حماري أنا ، مدام أنا مااخدتش قسط وافر
من التعليم ، اعلم حمار وادخل الموسوعة.
الوزير بس ده مش ممكن ، مش معقول !
الأمير أيه اللي مش ممكن ، كل شئ ممكن ، اش
فهمك انت في فكر الأمراء.
( يدخل مهموم وهو يقرأ من الكتاب)
مهموم مادة 15 صفحة 27
هم لا يخشون تسلحنا ، ومهما جمعنا
من سلاح، ولكنهم يخشون أن نقف صفاً
واحداً في ركوب الباص ، ويخشون أن
يكون عدد المصلين في الفجر مثل عدد
المصلين في صلاة الجمعة .
الأمير ( مستنكراً دخول مهموم عليه ) مين ده.
مش قلت ماحدش يدخل علينا وأحنا بنتكلم
ونبهت على عزيز ؟
29
الوزير لا تقلق جنابك ، لن يمر هذا الأمربسهولة !
مهموم ( يُكمل القراءة ) مادة 16 ص 28
كيف نثق فيهم ، وهم يتمنوا أن لايوجد أطفال
لنا علي قيد الحياة ، هم سرقوا ماضينا
ويسرقون حاضرنا ومستقبلنا ونحن نغط في
نوم عميق.( الأمير مُنصت ولا يفهم)
الأمير ( محدثاً مهموم ) ولو أني مش فاهم حاجة
من كلامك ، إلا أني أشعر أن فيه حاجة ..
( مستفسراً) أيه الكتاب ده ؟
مهموم ده كتاب ، كتبته لأمي .
الأمير كتاب امك ، واحنا مالنا ومال امك.
مهموم أمي تبقى أمي وأمك وأمنا كلنا ، بقالي
أكتر من تلاتين سنة بعلم الناس ، ازاي
يستشعروا الخطر المحيط بيهم ‘ ازاي يفوقوا
بعلمهم وأنا صاحي ، وانا نايم ، وانا مريض.
الأمير يعني أنت مُعلم ....!!
30
مهموم ..... اعتبرني مُعلم مش لاقي حد يتعلم !
الأمير ( ينظر لبعجر بفرحة) شُفت يابعجر
اديني لقيت المعلم ! ( محدثا مهموم)
بقولك ايه ؟ ..تشتغل معايه مُعلم ؟
مهموم أعلم مين ..أعلم في مدارس إمارتك.
الأمير لا أنت حتقوم بحاجه محدش يقدر يقوم
بيها ،فكره محدش فكر فيها غير جنابي
أنت حتعلم ....حماري .
مهموم ( مصدوماً) قلت أيه ؟ .حعلم حمارك !
الوزير أيوه حتعلم الحمار بتاع فخامته ....
مهموم ( محدثاً نفسه ) لو وافقت حكون معاهم
واعرف اسرارهم ،وأيه المانع ، يمكن
وجودي معاهم يفيدني ، ويفيد غيري
ويمكن الاقي متوى ليه انام فيه .
الأمير قلت أيه ..؟
مهموم أنا بقالي تلاتين سنه بعلم البني أدمين
31
وفشلت ، يمكن انجح في تعليم الحمير
أنا موافق يامولاي .
الأمير انت اسمك ايه ؟
مهموم اسمي مهموم ابن موجوع يامولاي .
الأمير يعني خلاص حتعلم الحمار.
مهموم موافق يامولاي ، دنا حتى مغرم
بتعليم الحمير .
الأمير هايل ، تمام ، عفارم عليك.
مهموم وجنابك بهيمه كمان يامولاي.
الوزير انت بتقول أيه ..؟
مهموم بقول ممكن أعلم الجِمال والبقر
وجنابك جاموس كمان ؟
الوزير هايل ، يعني ممكن تعلم البهايم كلهم .
مهموم انا حلم حياتي كنت افتح مدرسة للبهايم.
الأمير خلاص أنت حتعلملي حماري الحروف
الأبجدية ، وتحفظها له ، وتخليه يكتبها كمان.
32
مهموم لا يامولاي مش حعلمه حروف بس ، حعلمه
لغات وترجمة وحساب.
الوزير ( مندهشاً) حتعلمه كل ده !
مهموم وكمان حعلمه الرقص والغنا.
الأمير اصرف له ألف درهم.
الوزير ..( يناوله الف درهم )
الأمير قولي ياااستاذ مهموم محتاج وقات اد ايه
علشان تعلم الحمار اللي قلت عليه.
مهموم خمس سنوات يامولاي.
الأمير لا خمس سنين كتير .
مهموم كتير أيه يامولاي ؟ إن كان البني أدمين
بيتعلموا خمستاشر سنه حتى خروجهم من
الجامعة وتلاقي معظمهم مش فاهم حاجه
وعاوزين ادهم كمان علشان يتعلموا
مستكتر خمس سنين على تعليم حمار .
الأمير خلاص موافق ، حتبدأ الشغل إمتى...؟
33
مهموم. بس قبل مااشتغل ، ليه شروط؟
الوزير انت حتتشرط علينا كمان !
الأمير سيبه يابعجر يقول شروطه .( محدثا مهموم)
أيه شروطك .
مهموم حجز غرفة دائمة ليه في اللوكانده
لمدة خمس سنوات طوال فترة التعليم.
مع ثلاث وجبات يومياً فطار وغدا وعشا.
الأمير ..... يعني إقامة كاملة ، موافق .
مهموم كمان تخصيص قاعة في اللوكاندة
لتعليم الحمار تكون تحت تصرفي .
الأمير مفيش مانع ، موافق يااستاذ، المهم
إن الحمار يتعلم .
مهموم وضرورة حضور جنابك كل يوم حصة
تعليم الحمار .
الأمير يعني لازم من حضوري .؟
مهموم طبعاً .
34
الأمير .... ماشي موافق علشان اتابع تعليم الحمار بنفسي.
مهموم إذن دعونا نعمل في صمت لتعليم البهايم .
بلاك اوت
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية