35
اللوحة الثالثة
نفس المنظر يدخل عزيز وخلفه مساعده ابو موسى.
عزيز احنا كده وصلنا لنفس الطريق .
ابو موسى ايوه ماشيين على إسلامنا .
عزيز صنعنا الشيخ الجاهل وكمان ملينا كتب الاحاديث
بالأحاديث الضعيفة والغريبة وكلام من كتب التراث
وأقنعناهم أنها أحاديث وخلقنا بلبلة مش حيفوقوا منها.
ابوموسى ( ضاحكاً) وجبني الشيخ الجاهل المتحرر حطينا الشيخ
المتشدد والمتنعت في الكفاة المفابلة .، الشيخ المتشدد
يحرم كل حاجة والشيخ المتحرر يحلل كل حاجه
ويفتي في كل حاجه .
عزيز كان لازم نعمل كده علشان نفسد عقيدتهم ونقتل
الوسطية فيهم .
ابو موسى وكمان حبسنا الحرية وقيدناها.
عزيز وصنعنا اللي بيطالب بالحرية وخليناهم
عايشين في صراع وتربص بعضهم البعض.
36
مش حيعرفوا يفوقوا منه أبدا .
ابوموسى وده هدفنا اللي بنشتغل عليه .وهما بمنتهى
البساطه اقتنعوا وساعدون في تحقيق أهدافنا.
عزيز علشان كه لازم نكثف مقابلاتنا السرية
معاهم وبكرة حتبقى علنية وعيني عينك.
ابوموسى وأنا أكدت عليهم ، لازم يقابلوك ضروري
واحنا في انتظارهم .
( يدخل ابو عدنان )
ابوعدنان مساكم بالخير وعساكم بخير وطيبين .
عزيز أهلا أبو عدنان ، شرفتنا ، اتفضل اقعد.
ابو عدنان ( يجلس) عسا الله يكون خير ، بلغني من
اخويا ابو موسى ، انك تبغاني ، وجيت على طول.
ابو موسى بس لازم تكون المقابلة دي سر بينا
ومحدش يعرف بيها زي ماقولتلك .
ابو عدنان أكيد ماحد غيرنا ح يعرف حاجة عنها.
عزيز جميل ، ممتاز جدا قوللي ياابوعدنان
37
أنا سمعت إن بلدكم أحسن بلد في المنطقة
بتنتج بلح .
ابو عدنان أحنا ياصديقي بلد العشرين مليون نخلة.
ابو موسى رائع ، شئ جميل،وهو ده اللي احنا عاوزينه .
ابو عدنان انتوا بس خبروني انتوا مهتمين بالبلح ليه .
عزيز حقولك كل حاجه ، بس الأول حسألك كام سؤال.
ابو عدنان اتفضل خي ...
عزيز انتوا بتبيعوا كيلو البلح بكام ..؟
ابو عدنان تقريبا ثلاثة دنانير .
ابوموسى طيب اللي يشتري منك بأكتر من كده
حتقدر تبيع له.
ابو عدنان ومين حيشتريه باكثر من ثلاثة دنانير.
عزيز أنا ياصديقي حشتري الكيلو منك بعشرة دنانير.
ابو عدنان ايش تقول انت عشرة دنانير، انت مجنون
ولا مخبول ، حتشتي الكيلو بثلاث أضعافه.
عزيز وحدفع فلوسي كاش كمان، وحشتري كل انتاجكم.
38
ابو عدنان حتحتكر كل انتاجنا وتاخد الكيلو بعشرة
دنانير...؟
ابوموسى ( بخبث ) اكيد مش حتلاقي صفقه زي دي
ياابو عدنان وارباح مكنتش تحلم بيها .
ابو عدنان ( فرحا ) وانا جاهز ،حعطيك كل الإنتاج
وكل البلح اللي عندنا حيبقى بتاعك انت وبس.
عزيز ومش عاوز بلحه واحده تروح لغيري.
ابو عدنان موافق على كل شئ تبغاه .
عزيز خلاص ، جهز البلح اللي عندك كله،
وانا جاهز بالفلوس .
ابوعدنان وانا حتصل بالهيئة العامة لإنتاج البلح لعمل
المطلوب وخلال كام يوم ، حيكون البلح عندك.
( يخرج عدنان ويدخل نعمان)
نعمان نهاركم سعيد .
ابوموسى جيت في وقتك تمام يانعمان .
عزيز من زمان وانا مستني المقابله دي يانعمان ياخويا.
39
نعمان أنا لما جاني ابوموسى وقال لي انك عاوزني
والمقابلة سرية ، ومحدث يعرف عنها حاجة
جيت على طول ، خير ان شاء الله .
عزيز ضروري خير ، وخير جدا كمان ،انا سمعت
إن بلدكم أحسن بلد في انتاج البطيخ.
نعمان طبعا مفيش بلد في المنطقة كلها تنتج بطيخ
زي بطيخنا ، بطيخنا كله أحمر،وماتلاقيش
فيه بطيخة واحدة قرعة.
ابوموسى علشان كده عزيز طلب مقابلتك,
نعمان وانا تحت أمر عزيز بيه.
عزيز قوللي ...هو سعر البطيخة عندكم بكام,,؟
نعمان حسب الوزن ، الجودة الحجم ، البطيخة
المتوسطه بعشرة دنانير والكبيرة بخمستاشر
والصغيرة بخمسة .
عزيز أنا حشتري كل انتاجكم من البطيخ ومفيش
حد يكون عنده بطيخة واحدة في البلد.
40
نعمان وانا أوعدك مش حخلي بطيخه واحده
توصل لأي حد في البلد ،وحاصدر قرار
مخصوص بهذا الأمر، وتنفيذه فوراً.
عزيز وانا فلوسي جاهزة ...سلم واستلم ؟
( الجميع يضحكون)
نعمان ( محدثا نفسه ) يافرحة الحكومة بالصفقة
( يخرج مسرعاً)
ابوموسى.. كده عملنا صفقات مع كل البلاد، بس كده
حندفع فلوس كتير اوي ونرفع من اقتصادهم
ونوفرلهم كمان عملة صعبة .
عزيز ( يضحك بصوت عالي ) ايه رأيك بقى أنا لما اخلص
اول صفقة مع كل واحد فيهم، حطمعه اكتر واعمل
صفقة تانية وازود السعر يعني كيلوا البلح اللي
اخذته بعشرة حتعاقد معاهم تاني عليه بخمستاشر.
ابوموسى مش فاهم احنا كده حيتخرب بيتنا، ومش حنستفيد
حاجة وحنخسر كتير.
41
عزيز افهمني ياغبي ، انا لما اطلب البلح بالسعر
الجديد ، حيزيد طمعهم ويلموا كل بلح البلد
من كل محافظاتهم ويبيعوه لينا ، بالسعر الجديد
ونكسب أضعاف أضعاف ما أخذنا.
ابوموسى انت ناوي تجنني ياراجل .!
عزيز افهمني بس ، بعد مانشتري البلح كله اللي
عندهم حنقولولهم عاوزين صفقة تانية الكيلو
بخمسين .
ابوموسى لا كده كتير ، انت قاصد تجننى..ده خراب
بيوت ومش حنستفيد حاجة .
عزيز ياغبي ركز ..لما نطلب منهم البلح الكيلو
بخمسين ...حيجيبوه من فين ياغبي.
ابو موسى اه بصحيح حيجيبوه من فين واحنا اخدناه
منهم كله .
عزيز تمام ، كده بديت تركز، مين بى اللي عنده
بلح .
42
ابو موسى ... احنا بس ...
عزيز ... تمام كده ، احنا بقى حنديه لتاجر يبيعه ليهم
بخمسة وتلاتين .
ابوموسى يانهار اسود ، هي لعبة ولا فزورة
كده خسرانين وكده خسرانين علشان حنرجع
نشتريه بخمسين .
عزيز يابني هما لما يلاقوا التاجر بيبيعه بخمسة وتلاتين
حيجروا عليه ويشتروا البلح اللي عنده كله.
ابوموسى أيوه علشان يجوا يبيعوه لنا بخمسين .
عزيز عليك نور وهما كده حيستلفوا ويتداينو بارقام
كبيرة علشان يغطوا السعر اللي حيشتروا بيه
من التاجر بتاعنا.
ابوموسى مااحنا حنشتريه بخمسين .
عزيز لا ياناصح ، التاجر اللي حنبعته ليهم علشان
يشتري بخمسين حيختفي ، احنا بره الموضوع
مش حنتفق على سعر الخمسين
43
ابو موسى ويلبسوا البلح كله ، بلحه ، بلحه.
عزيز في الوقت ده تكون بقت القوة الشرائية للبلح وقعت
ويبقى البلح عندهم مالوش سعر ، ناخده احنا بقى
وقتها بتلاته جنيه ونعمله عجوه ونرجع نبيعها
ليهم الكيلو بعشرين جنيه ، شوف كده احنا كسبنا
اد ايه في الاول والاخر.
ابو موسى واللي حيسري ع البلح حيسري على البطيخ
والجاز وكل منتجاتهم المتفردين بيها.
بلاك أوت
44
اللوحة الرابعة
نفس المنظر يظهر في منتصف المسرح بارافان للاراجوز
تدخل المذيعة ايمان حمدي ومعها المصور .
ايمان هو فيه أيه ؟ فين الناس ؟ وفين الإحتفال
اللي دعانا ليه عزيز ..؟
المصور مفيش مظاهر لحفله خالص، الظاهر كلهم
لسه نايمين .
ايمان عزيز أكد علينا ضروري نحضر علشان
ننقل الحفلة ونعمل لقاءات مع كل الموجودين.
المصور نستنى شوية يااستاذة لما نشوف آخرتها.
الأراجوز ( يظهر من خلف البرافان ) ..أهلا بيك
استاذة ايمان .
ايمان ( بدهشة) عم الأراجوز هنا ..!
الأراجواز انا هنا من بدري علشان الحفلة .
ايمان هي فين الحفلة ..؟
الأراجوز يمكن احنا جينا بدري .
45
ايمان أيه رأيك نعمل معاك لقاء .
الأراجوز وأنا معنديش مشكلة دا شرف ليه
ياهانم .
ايمان ( محدثه المصور ) اجهز بالكاميرا ياتامر.
المصور جاهز ، اتفضلي يااستاذة .
ايمان سيداتي انيساتي سادتي أهلاً بيكم وتغطية
لحفلة لوكاندة الإنسانية ..ويسعدنا أن
يكون اول لقاء مع الأراجوز الفيلسوف ,
( محدثة الأراجوز ) اهلا بيك ياعم اراجوز .
الأراجوز اهلاً بيك ياست ايمان .
ايمان حنتكلم في ايه في حلقة اليوم.
الأراجوز اللي عاوزه تتكلمي فيه ، انا جاهز
وممكن اتكلم في اي حاجه ..اتفضلي.
ايمان نتكلم في السياسة ؟
الأراجوز لا والنبي بلاش السياسه .
ايمان ليه كده بس ..؟
46
الأراجوز علشان أنا متوضي .
ايمان ( ضاحكة )خلاص نتكلم في الثقافة.
الأراجوز لا أرجوك بلاش ، أحسن يقولوا عليه
علماني أو ملحد.
ايمان خلاص حنتكلم عن الإنسان والإنسانية .
الأراجوز هم فين ، انت لقيتي حد منهم ؟
ايمان ( تضحك) ازاي بتقول كده ، هما موجودين.
الأراجوز لا مش موجودين واللي بنشوفهم لابسين قناع
إنسان ، وخطفوا الإنسان الحقيقي ولبسوا وشه .
ايمان تقسد الإنسان اللي عندنا بس ؟
الأراجوز لا طبعا بقصد الإنسان في كل مكان ،إحنا
مش عايشين في دنيا ، عايشين في حفله
تنكريه كبيره .
ايمان لا ... أنت كده بتقول كلام كبير.
الأراجوز هي دي الحقيقة ....فاكرة في الجغرافيا
إتعلمنا كلمة وطن ،، وكان الإنسان شهم
47
وعنده قيم ومبادئ وإنتماء لأرضه ووطنه
وكان الوطن بيحضن أولاده ويدفيهم بالحب
والحنان .
ايمان ودلوقت ايه اللي حصل ؟
الأراجوز دلوقت مابنعرفش في الخريطه غير
كلمة حدود حتى خطوط العرض
والطول نسيناها.
ايمان كفايه علينا التاريخ ..
الأراجوز التاريخ منعرفش عنه حقيقة ثابته ، بيكتبولنا
حروب ومعاهدات ونكبات وكوارث وخيانات
ومابيكتبش عن أهم حاجة ، الإنسان والإنسانية
ايمان بصراحه مش عارف كلامك صح ولا غلط.
الأراجوز طيب أنا حكلمك عن اللي ماكتبوش التاريخ
عن الإنسان ،
ايمان ياريت نفسنا نعرف ..
الأراجوز تعرفي أيه عن هتلر..؟
48
ايمان اعرف انه زعيم نازي والكل بيكرهه
وقالولنا عليه نازي وسفاح .
الأراجوز سفاح ليه .
ايمان علشان الحروب اللي عملها.
الأراجوز وهو بس اللي عمل حروب، نابليون عمل
وبريطانيا عملت وايطاليا واسبانيا وروسيا
وكتير عمل حروب وقتل ملايين . امريكا
في العراق وافغانستان وفيتنام وسلالة الهنود
اللي خلص عليها الانجليز...ليه محدش بيتكلم
عنهم وبيتكلموا على هتلر.
ايمان ليه نفسي اعرف ياعم الاراجوز.
الاراجوز علشان حاجات كتيره مانعرفش الحقيقة
ويوصلونا التاريخ اللي بيكتبوه لينا
اللي طلع هتلر نازي هو اللي بيطلعنا ارهابيين.
ايمان الكلام ده كبير، وخطير يافيلسوف.
الأراجوز فيه اكتر من سبب خلاهم يعملوا كده .
49
ايمان علشان المحرقة اللي عملها لليهود..؟
الأراجوز عليك نور ، ده السبب اللي وصلوه لينا
لكن هناك سبب أقوى من ده ..؟
ايمان هو ايه...؟
الأراجوز موقف هتلر من الإسلام، هو جمع كتب
التاريخ القديم والحديث وقرأها واحترم
العرب وحضارتهم.
ايمان معقوله الكلام ده ..؟
الأراجوز ومش كده وبس ، طبع كتب تعرف
الالمان بالإسلام ، ووزعها على كل
أفراد جيشه، وكلفته من المال الكثير
رغم أنه في حاجة للمال.
ايمان أنا اول مرة اسمع الكلام ده !
الاراجوز مش بقولك صفحات التاريخ حروب
معاهدات وخيانات وإستعمار.
ايمان انت خليت دماغي تلف .
50
الاراجوز تعرفي يااستاذة ايمان لما هتلر استعد
بجيشه لدخول روسيا وهو بيخطب
في جنوده اختار ايه علشان يبدأ بيه
خطابه.
ايمان اختار أيه ..؟
الأراجوز اختار اقتربت الساعة وانشق القمر.
ايمان لا مش ممكن ! أنا مش مصدقه !
الأراجوز أه حصل، ياريت احنا بس نعرف
قوة الأية دي وروعتها ونفهم معناها
احنا أولى بيها من هتلر.
ايمان غريب عليه كل اللي بتقوله !
الاراجوز ياريت كده وبس ،كمان القسم الرسمي
للجيش بتاعه بيبدأ بأقسم بالله العظيم ..
عرفتي ، ليه دلوقت بيطمسوا تاريخ هتلر؟
لأنه بدأ يقتنع بحضارة العرب وعقيدتهم.
ايمان ( بمحاولة تناسي) بقولك أيه ياعم الأراجوز
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية