مسرحية
لعبة الخوف
سميرحمايه
2
الإهداء
في تلك الحجرة المظلمة نتحسس بعضنا البعض. ذهبت أبصارنا. أغلقوا الباب. أضاعوا المفاتيج. يرقصون علي أوجاعنا ولازلنا نطبل.
سميرحمايه
3
الشخصيات
4
الجزء الأول
5
اللوحه الأولي
حجرة صالون داخل شقة الاستاذ كمال ابو المعاطي
اثاث متناثر في انتظام...في الوسط كنبة انتريه كبيرة كلاسيكية علي جانبي الكنبه اتنين كرسي سجادة
سجادة أنيقة في الوسط تعلوها مائده صغيره...مناظر
طبيعيه تكسوا الجدران...إضاءة متوسطة.
( تفتح الستار علي الاستاذ كمال وهو يدخل علي خشبة المسرح وخلفه زوجته عصمت الصحفية)
عصمت ياحبيبي اديني من وقتك نص ساعه بس
أنا مش طالبه اكتر من كده.
كمال ياحبيبتي عندي مواعيد في المكتب
..ماأقدرش أتاخر.
عصمت عشان خاطري دي نص ساعه وبس وبعدين
ده موضوع إنساني، أنت مابتعملش حاجه
لله ابدا..؟
كمال دي مشكلة صاحبتك وجوزها وجايه تشكيلك
أنا مالي..؟
6
عصمت مش يمكن تكون محتاجالك ترفع لها
قضيه ولا حاجه أنت ما سمعتش هي
بتتكلم في التليفون ازاي...دي
منهاره خالص وبتقول أنا وعيالي بقينا في الشارع.
كمال ليه بيتهم وقع....؟
عصمت لا جوزها قليل الاصل ولافت عليه واحده واتجوزهاعرفي، وخلصت علي كل اللي
حتي المصروف مابيسيبوش وياريت علي
كده وبس؟
كمال فيه أيه تاني...؟
عصمت قعد يلف ويدور عليها لحد مابيعها الشقه
اللي كانوا قاعدين فيها ووعدها انه حيجيب
مكانها في خمس شهور وسكنها في شقه مفروشه ، وطبعا مر سنه ولا جاب شقه
ولا بيدفع ايجار الشقه المفروشه وصاحب الشقه المفروشة.طردها هي وإبنها
كمال تستاهل وهي توافق ليه علي بيع شقتها.
عصمت عليه ديون كتيره وكان حيتحبس.
7
كمال ماتسيبه يتحبس ولا يروح في ستين داهيه.
عصمت عشان هي اصيله وعملت بأصلها معاه
((جرس الباب ...)
اهي وصلت ياريت اكمال تكون لطيف معاها
((تتجه عصمت لتفتح الباب وتدخل صباح وإبنها يوسف
طفل في الحادية عشر من عمره، ذكي ولماح)
عصمت.. .(ترحب بصباح) أهلا صباح (تحتضن صباح وتقبلهاوترحب بيوسف)
إزيك يايوسف .
يوسف إزيك ياتانت.
صباح معلش انا جيت في وقت غير مناسب.
عصمت ماتقوليش كده ياحبيبتي ،البيت بيتك
إتفضلي.
(يتجهون نحو الصالون ويقف كمال مرحبا)
كمال إهلا مدام صباح ،اتفضلي.
(تجلس صباح علي الكنبه وبجوارها يوسف)
عصمت قوليلي بقي ايه اللي حصل وكمال أخوكي ومش عريب، أنا أخرته عن مكتبه عشانك.
8
صباح صاحب الشقه طردني منها، وهو معذور له اكتر من خمس شهور متأخرين، غير الشهر
إحنا فيه والبيه جوزي، من وقت مادفع اخر
شهر من خمس شهور، لا حس ولا خبر
حتي الشقه اللي كان فيها مع الهانم مقفوله ومش عارفين عنه حاجه ،وتليفونه مقفول
وخارج الخدمه.
كمال أنت غلطتي يامدام صباح لما فرطتي في شقتك اللي باعها.
صباح وعدني أنه حيرجع لبيته، وابنه وانه حيسيب الهانم اللي من وقت ماعرفها وهو عمال
يرجع ورا...كان بيلعب بالفلوس لعب ومستور
ودلوقت ،راحت صحته ،وكترت ديونه، وكان
حيتحبس وطبعا ماهنش عليا وقلت أبو إبني ودموعه غاليه عليا اللي انخدعت بيها وقلت
رجع لعقله ولازم اكون جنبه وادي نتيجة وقفتي
وعملي بأصلي معاه (تبكي بحرقة)
عصمت إهدي ياصباح مافيش مشكله مالهاش حل تحدث كمال) انت ترفع لها قضية طلاق ونفقه)
كمال ممكن طبعا بس لما توصل لمكانه وعنوانه ،لو عاوزه قضيه.
9
صباح (وهي تبكي) مش عارفه اعمل ايه ولا اروح
فين حتي الشقه بتاعت امي اخويا الكبير أخدها..ومافيش في يوم نصفوني
لامع جوزي ولا لقيتهم في شده.
كمال أنا حستأذن دلوقت عشان مواعيد المكتب
ولما توصلي يامدام صباح لعنوانه، حبقى
اقولك نعمل أيه ؟
صباح حاضر يااستاذ كمال ،وأنا متشكره قوي علي تعبكم معايا.
كمال ماتقوليش كده إحنا أهل.(محدثا عصمت) عاوزه حاجه ياحبيبتي.
عصمت متشكره ياكمال مع السلامه..
(يخرج كمال )
صباح اتمني ما كنش تقلت عليك ياأستاذه عصمت.
عصمت ماتقوليش كده ياصباح...انا ما انساش وقفتك معايا في المقال بتاعي ولولا انك شريفه
ومحترمه في وقت صعب كان زماني في
السجن ومتهمه بنشر أخبار كاذبة ولكنك وقفتي جنب الحق وماخفتيش، من مديرك
10
صباح عارفه مسميني ايه في الشغل، الفقريه اللي غاويه فقر ، وكلهم شمتانين فيه في الظروف
اللي أنا فيها
عصمت خليك قويه زي ماأنت ، وثابته أمام أي فساد.
صباح الشرف والكرامة مالهمش تمن عند الناس
أنا في نظرهم عبيطه وهبله وجبانه وراضيه
بالفقر.
عصمت أنت احسن من غيرك كتير،وماتغركيش
المظاهر الكدابه، دول مشوهين وماليهمش
هويه...ناس عايشه زي بلا عقل ولابيفرقوا
بين الحلال والحرام ، الكل بينطحوا في بعض
إقري الحوادث، حتلاقي الأخ اللي بيقتل اخوه
وإبن بيقتل أبوه وصاحب بيحتال علي صاحبه واللي فتحت مطوه علي ابن عمها علشان
شافها واقفه مع شاب في نص الليل وقتل بين
الأزواج والزوجات، وخيانات زوجيه وإنتحار واستغلال نفوذ، ورشوه وتربح.....ده للأسف
الواقع، ضيعنا كل حاجه حلوه جوانا
إحمدي ربنا أنت أحسن من غيرك ،كفايه انك
راضيه عن نفسك .
11
صباح أنا راضيه بقدري ونصيبي ،لكن الحمل فوق طاقتي ، ومش حمل شقه مفروشه
ومرتبي يادوب يعيشنا انا وابني نص شهر
وبااكمل باقي الشهر من الخياطه وحامده ربنا
لكن اعمل ايه في السكن.
عصمت ماتقلقيش،انا عندي شقة امي في شارع طيبه في الإبراهيميه وشقه كبيره كمان
اقعدي فيها لحد ماتزهقي منها ..
صباح يبقي كتر خيرك،وجميلك ده مش حنساه طول عمري،
(تقترب منها لتقبل يدها فترفض عصمت)
عصمت أستغفر الله،الناس لبعضيها ياصباح..
صباح.. كان زمان فيه حب وكنا لبعضينا لكن دلوقت كل شئ اتغير، ربنا يسترك ويخليلك اولادك وجوزك.
عصمت بس أنا ليه عندك طلب صغير...؟
صباح أنا تحت امرك ياأستاذه عصمت.
عصمت الشقه دي كلها تحف وعفشها كله أثري،امي
كانت غاويه تحف ولوحات واثاث والحاجات دي غاليه جدا، وعشان كده انا مافرطش في حاجه
12
فيها مع أنها تجيبلي ملايين، لكن انا الحمد لله
مش محتاجه وبعدين الحاجات دي غاليه
عليه لانها من ريحة امي وصعب عليه ادخل
أدخل حد شقتها،ولولا غلاوتك ماكنتش عملت كده...عاوزاك تحافظي على التحف اللي فيها.
صباح في عنيه أستاذه عصمت،ودي أمانه وأشكرك
ثقتك الكبيرة فيه .
عصمت أنت تستحقي كل خير ،حقوم أغير هدومي
وأنزل معاك افتحلك الشقه وانت النهارده اتسلي
نضافتها وبكره هاتي حاجتك واتكلي علي الله
واقعدي فيها انت وابنك.
بلاك اوت
13
اللوحة الثانية
صالون من الطراز القديم متناثر في ارجاء المكان بانتظام،لوحات زيتية معلقة علي الحائط،دواليب
خشبيه صغيره في الجوانب تعلوها فازات أنيقه ،سجادة كلاسيكية مذركشة بالرسومات اليدوية ، الصالة مظلمة.
(تدخل عصمت وخلفها صباح ويوسف)
عصمت معلش ياصباح، من وقت وفاة أمي
مادخلتش الشقه دي.
((تحدث نفسها )
مفتاح النور فين، تلاقي الشقه بقت خرابه
معلش حتاخدي وقت في تنضيفها .
صباح ....... مش مهم ياأستاذه عصمت ...أنت ماتتخيليش فرحانه بيها قد ايه..؟
يوسف الدنيا ضلمه ياماما...؟
عصمت ماتخفش ياحبيبي ...ادي مفتاح النور (إضاءه علي خشبة المسرح)
14
( تحدث المفاجأه لعصمت).....مش معقول.....؟
صباح الشقه جميله وزي الفل ومش ناقصها حاجه
(الجميع يتحرك في الصاله)
دي كأنها لسه متنضفه دلوقتي.
عصمت سبحان الله مش ممكن ،انا مش مصدقه كأني شايفه امي قاعدة فيها ،أنت
ماتعرفيش كانت تحب النظافه اد أيه.
صباح ذوقها ونظافتها واضحة في الشقه.
يوسف حنقعد هنا ياماما...؟
صباح أيوه ياحبيبي.
يوسف ومافيش حد حيكرشنا تاني زي امبارح
عصمت لا يايوسف ياحبيبي،الشقه دي بتاعتك أنت وماما.
يوسف حلوه شقتنا ياتانت.
عصمت أيوه ياحبيبي..
يوسف يجري فرحا ويدخل إحدي الحجرات))
15
صباح أنا مش عارفه أشكرك إزاي ياأستاذه عصمت
جميلك ده في رقبتي .
عصمت إحنا إخوات ومالوش لازمه الكلام ده.
صباح والله أنت حسن من إخواتي،هما إخواتي
عملولي ايه.......؟
عصمت رب إخت لم تلدها أمك (تضحك)
صباح طبعا أخت وأغلي أخت،ربنا يسترك
زي ماسترتيني أنا وإبني .
عصمت دي أحلي دعوه بحبها..
(يدخل يوسف ممسكا بلعبه كبيره في يده)
يوسف بصي ياماما لقيت أيه فوق الدولاب
صباح (بلهجة غضب) روح حطها مكانها
عصمت (تقترب من يوسف وتمسك اللعبه) ياه لسه عايشه اللعبه دي.
صباح أنا أسف ياإستاذه عصمت حيرجعها مكانها ومش حيمسكها تاني .
عصمت لا دي هديه مني ليوسف...(تناولها ليوسف) خدها يايوسف دي بتاعتك (تضحك)
(محدثه صباح) أصلك مش عارفه قصتها
صباح هي دي كمان ليها قصه زي التحف.
16
عصمت أيوه ،أمي كانت غاويه مزادات الانتيكات والتحف وراحت اشترتها في مزاد من
باريس بمبلغ كبير علي أنها لعبه خاصه
بالكونت دراكولا وهو طفل وجات بيها فرحانه عشان تهديها ليه في عيد ميلادي
صباح دراكولا مصاص الدماء؟
عصمت أيوه هو ،بس دراكولا الحقيقي غير بتاع الأفلام اللي شفتيها، دراكولا الحقيقي كان
كونت كبير في فرنسا وبيقولوا أنه قتل كام
واحد ودفنهم في القصر زي ريا وسكينه عندنا وكتاب الأفلام، عملوا من شخصيته أساطير
عملوا من شخصيته أساطير وحكايات من اللي أنت بتشوفيها .
صباح يعني اللعبه دي بتاعت دراكولا وهو صغير.؟
عصمت ماهو انا بضحك عشان كده،اللعبه مافيهاش حاجه توحي انها قديمه( تقترب منها)
حتي بصي فيها.
صباح (وهي خائفة) لا مش عاوزه أبص
عصمت ماتخافيش إمسكيها.
(تمسك صباح اللعبه)
17
صباح أه فعلا ،دي مش ممكن تكون قديمه
عصمت عشان كده انا افتكرت ابويه وعماله اضحك
وكل ما افتكر وهو بيزعق لماماإازاي لما
شاف اللعبه دي أضحك.
صباح تلافيها دفعت فيها فلوس كثيره
عصمت دفعت فيها عشرين الف دولار
عصمت يانهار أسود.
عصمت عشان كده بابا دخل معاها في خناقه لرب
السما هو مصمم علي أنها اتنصب عليها وهي مصممه علي انها بتاعت دراكولا
صباح وبعدين حصل أيه...؟
عصمت ماما جابت خبير تحف وللأسف ماوقفش في
صفها ،وأكد كلام بابا، وقالها اتنصب عليك، ماما إتغاظت ورمتها فوق الدولاب
ومن ساعتها ماحدش مسكها لحد مايوسف
جابها دلوقت .
صباح يعني اطمن
عصمت (تأخذ اللعبه من يد صباح) اللعبه مافيهاش حاجه ...(محدثه يوسف )
خد يايوسف دي بقت بتاعتك .
يوسف (يمسك اللعبه فرحا بها).....دي بقت بتاعتي....؟
عصمت أيوه ياحبيبي ،أنا ماليش نصيب فيها من
18
من وقت ماجات، وإترمت ع الودلاب، وأنت أول واحد
مسكها من ساعتها تبقي احق واحد بيها
صباح قول لتانت شكرا ولو أ ني مش عارف أشكرك
أيه ولا أيه. على
يوسف شكرا ياتانت
عصمت العفو ياحبيبي،أنا حسيبك دلوقت تشوفي حالك
( (تضع يدها في حقيبتها،وادي مفتاح الشقه
وربنا يجعل قدمها خير عليك، (تناولها المفتاح)
صباح مش عارفه اقولك ايه.....؟
عصمت ماتقوليش حاجه (محدثه يوسف) خلي بالك
من ماما يايوسف.
يوسف حاضر ياتانت..
(تخرج عصمت)
صباح (تجلس علي اقرب مقعد) احمدك واشكر فضلك
يارب (تنام صباح علي المقعد من شدة الإرهاق ويوسف يترك اللعبه علي المقعد
المقابل لأم هلامه ويجري فرحا داخل الصالة
19
يمرح ويلهو )
اللعبة (تنادي) يوسف،.يوسف،يوسف..
يوسف (يسمع الصوت ويقترب من أمه)...انت بتنادي ياماما.
(يكتشف أن أمه نائمه ومجرد مايعطي ظهره لمقعد أمه)
اللعبة (تنادي) يوسف،يوسف.
يوسف نعم ياماما.....(يتجه إليها ويتكرر معه الموقف)
الظاهر ان ماما بتحلم بيه،كتر خيرها،ياحبيبتي
ياماما.....(يعطي ظهره مره أخيره لمقعد أمه)
اللعبة يوسف،يوسف.
يوسف (يتأكد ان مصدر الصوت ليس من عند امه ويقترب من الكرسي.الموضوعة عليه اللعبة
محدثاًنفسه)....فيه حد بينادي ولا أنا
متهيألي،يمكن بحلم ،(مندهشا) بس أنا صاحي وسامع صوت حد بينادي.
اللعبة أنت صاحي مش نايم يايوسف وأنا اللي بكلمك.
يوسف (ينتابه الرعب ومحدثا اللعبة)أنت اللي بتكلميني ؟
20
اللعبة أيوه ،أنا اللي بنادي عليك.
يوسف (يتهته ويتلعثم من الخوف)انت اللي بتنادي عليا
وعارفه كمان إسمي .
اللعبة ايوه ،أنا ماصدقت شفتك، وفرحانه أني بقالي صاحب .
يوسف (والرعب يسيطر عليه)،وأنت تعرفيني؟
اللعبة أيوه،أنا أعرف عنك كل حاجه.
يوسف (يقترب من أمه من شدة الخوف) عارفه عني كل حاجه.
(يحاول أن يوقظ امه)...ماما ماما (جسده )
يرتعش ويلمس أمه برفق) ماما، ماما
اللعبه سيب ماما في حالها دي تعبانه وتعالي نلعب مع بعض .
يوسف (يحتضن امه وهو خائف) نلعب مع بعض،أنا العب
معاك (يصحي امه) ماما ماما
صباح (تصحو علي صوت يوسف) ياه انا جسمي
كان يوم طويل بشكل.
يوسف ماما إلحقيني.
صباح فيه أيه يايوسف مالك....؟
21
يوسف اللعبة بتكلمني وبتقولي تعالي إلعب معايا
صباح إهدأ ياحبيبي،دي لعبه ومتخفش، دي مبرمجه...حتي بص.
(تمسك اللعبه)إسمك أيه (تحرك الزمبلك)
اللعبة إسمي ناني (تضحك) هأ هأ.
صباح شوفت ياحبيبي،هي لوحدها كده..؟
يوسف بس دي كانت بتنده عليا؟
اللعبة (تغني) أنا ناني الأموره،شاطره ،وشطوره
تيجي نلعب ياولا،تيجي نلعب الكوره
صباح شوفت مبرمجه إزاي،بتقلك تعالي نلعب ياولا
(تغنيها) تعالي نلعب الكوره
يوسف بس دي مقالتش ياولا،دي قالت يايوسف
صباح متهيألك ياحبيبي،ولوني مش فاهمه اتكلمت عربي
إزاي بس يمكن مبرمجه عربي،إحنا ندخل ننام
دلوقت والصبح حبقي أستأذن ساعه بدري واروح أجيب شنطنا ، من عند ستك.
بلاك اوت
22
اللوحه الثالثه
في الصالة،يدخل يوسف إلي الصالة بعد أن قام من نومه
يفرك في عينيه،ينظر الي الساعة المعلقة علي الحائط
يوسف ياه الساعه احداشر ماما قدامها اكتر من ثلاث ساعات.
((ينظر إلي المائدة المتوسطة لفوتيه الصالون فيجد طبق
عليه سندوتشين ،يتجه الي السندوتشات بسعاده
(يحدث نفسه بصوت عالي)...
أمي ماتنساش حاجه ابدا
(يمسك بساندوتش ويجلس علي أحد كراسي الفوتيه)
اللعبة صباح الخير.......؟
يوسف (تعلوه الدهشة وينظر حوله و يهز رأسه قانعا نفسه بالتهيؤات.
(يستمر في تناول الساندوتش)
23
اللعبه صباح الخير يايوسف.
يوسف (يسيطر عليه الخوف ويبدأ يمضغ االطعام ببطء وناظرا للعبة بخوف)
اللعبه انا بصبح عليك يايوسف ..مابتردش عليا ليه.........؟
يوسف (يبلع الطعام بصعوبه وينظر للعبة في خوف
(يتلعثم وهو يتحدث) انت بتكلميني أنا؟
اللعبة أيوه،هو فيه حد غيرك هنا؟.
يوسف (يسيطر عليه الرعب)...أنا أنا !
اللعبة أيوه أنت ،متخافش،قرب مني أنا صاحبك.
يوسف (وهو في قمة الرعب) صاحبي ولا صاحبتي
انت مش لعبه وإسمك نانا.
اللعبه لا،انا مش نانا ،أنا عملت كده عشان مامتك تصدق إني لعبه.
يوسف يعني أنت مش لعبه.
اللعبة لا طبعا،هو فيه لعبه تاخد وتدي معاك كده.
يوسف طيب أنت ايه (وهو في قمة الرعب)
اللعبة أنا روح.
24
يوسف روح ،روح أيه ،الروح اللي بتطلع من
الناس لما تموت ؟
اللعبة لا، أنا روح من الجن.
يوسف (وهويتهته ويتلعثم من شدة الخوف) روح من الجن ،يعني أيه.عفريت يعني ؟
اللعبة أيوه ،أنا عفريت من الجن.
يوسف أنت عفريت (يغمي عليه علي الكرسي)
اللعبة (تنزل من علي الكرسي وتتجه نحو يوسف)
يوسف ، يوسف، متخافش مني.أنا صاحبك. (وبعد تكرار المحاوله بين تفتيح يوسف
وإغمائته كل مرة)
يوسف (وهو في قمة الرعب) ابعدي عني،أنا عاوز ماما
أنا حروح لماما.
اللعبة متخفش مني يايوسف ،انا مش حأذيك
يوسف أنت عاوزه مني ايه...؟
اللعبة عاوزاك توعدني اننا نبقي صحاب وماحدش يعرف
اللي بينا.
يوسف أنا مش فاهم.
اللعبة يعني قدام الناس أنا لعبه وقدامك أنت إحنا إتنين
صحاب ،تساعدني، واساعدك
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية