حلم ليلة حب....خواطر سمير حمايه

لو بعيده عن عيني

انت من قلبي قريب

قمر وشمس لنهاري وليلي

وف دنيتي ياحبيبي مابتغيب

مريض بحبك ومين يشفيني

وفين الاقي غيرك لقلبي طبيب

لو عليل عشقت علتي

فما اروع من علة حبيب

دواه في لقا حبيبه

وكل ماتشوفه العين يطيب

وف البعد ألم وحزن

والقلب يعيش بين البشر غريب

في القرب يسعد القلب ويرجع شباب

وفي البعد يحل عليا العجز والقلب يشيب

انت كل الحنان والسحر وقلبك كله صفا

ومهما غبتي عن عيني ليك ياعمري كل الوفا

ومهما طالت الليالي قلبي مايعرف جفا

حبك شموع في قلبي وضوء سناه ماينطفا

انت فجر لنهاري وانت المسا

 ربي خلقك ومن بين البشر ابدعك

 ولسان قلبي يغني ما أروعك

 دنيتي تفرح لبسمتك

ويداي تهفو للمستك

وبغير من النسيم اللي يداعب شفتك

عاشق متيم وحبك بيحييني

ملا قلبي وطفح علي دمي وشراييني

وتاهوا البشر عن نظري

ومافيه غيرك بقت تشوف عيني

بقيتي الماضي والحاضر والحيني

كل الغنا كل المواويل

وما فيه غير لحن حبك

يطربني ويشجيني

اتنفسك هواء

وانت اكسجين شهيقي

ونبض في قلبي يحييني

بقيتي يومي وشهري وربيع عمري

صيفي وشتائي وسنيني

مع شمس النهار حلم

وف كل ليله طيفك يزورني

اعيش في حضنه وعن بعدك يواسيني

واقيد لك كل ليله شمعه

واغني معاك مواويلي