عجبي ...........

عجبي

عجبي علي بلد مكسورة الخاطر

لا الحازم حيكون فيها حازم

ولا الشاطر حيكون شاطر

وشوش بتيجي ووشوش بتروح

والشكل واحد والخلقه واحده

ولا تقولي عوا ولا ابو الفتوح

بلد وفيها العدل ممسوح

والحق تايه ممسوخ

وبقينا تكيه لكل مفضوح

ولسه حنفضل نطلع في الروح

الصوت بقي منبوح

والقلب بقي مدبوح

ولسه تايهين عن الطريق

وبيقيد جوانا الحر يق

وماعاد فيه دم

لسه فيه عمرو وشفيق

وجالنا كمان مرسي للكرسي

أصل بلدنا بلد حرمان

مايحكمش فيهاالاالغربان

وان راح مبارك مابيغلبوش

عندهم لسه عمر سليمان

والغلابه كل واحد فيهم عامل صاحي


لسه عندهم أمل يروح الليل ويجي صباحي

مايعرفوش ان الكل جاي يسرق مني افراحي


البلد بلدنا ولسه اغراب فيها

والبوم معسكر في كل حته فيها

ولحمنا رخص وكل كلب

بيعض في كل حته فيها

وحمير بتنهق وتبرطع في اراضيها

واخترنا نكون ميتين

ونكون عبيد فيها