كنا بنحلم........

كنا بنحلم


كنا في يوم بنحلم

واحلامنا بتتحدي السحاب

والكوابيس سرقت منا أحلامنا

وعشنا تحت الضباب

لا واقع بينصفنا

وحتي الحلم بقي سراب

ومنين نجيب أرواح

وأحنا بنموت كل يوم

وبترفرف قلوبنا بالعذاب

وشايلين كل يوم كفنا

وعايشين ميتين فوق التراب

ماعدنا نشوف حاجه ساهله

واتزرعنا في أرض الصعاب

لمين غير الله حنشكي جراحنا

ومافي بشر يستاهل لوم أو عتاب

والطفل اللي اتولد في ثانيه

شعر راسه من الذل شاب

وتاهت حياتنا جوه السؤال

ولسه بنسأل ومافيه جواب

والبشر اللي عاشوا ايمان

حل علي قلوبهم الخراب

فيارب مين غيرك حيرحمنا

أنت مولانا ورب الأرباب

لك نشكو ضعفنا وقلة حيلتنا

فالحياه لم تعد لنا جنه

وعشنا فيها نار العذاب

مافيه صراط قدرنا نخطيه

ودنيا واسودت فيها صحفنا

وتاهت فيها الحقايق

والحرام ملا كل جوفنا

واللسان اتلون بخوفنا

وتيار الظلم عات بيجرفنا

ووسط الناااااااار بيحدفنا

ولسان الباطل بقي السيد

وكل يوم يجلدنا ويخرصنا

والظلم علم علينا

وف أسره حبسنا

ومين ياربي غيرك يداوينا

ومن ضلال قلوبنا حينقذنا