منتدى الفراعنة

منتدى أ/سمير حماية

المواضيع الأخيرة

»  الرياينة الحاجر .....
الخميس نوفمبر 16, 2017 2:29 pm من طرف سميرحمايه

»  تابع الرياينة الحاجر
الخميس نوفمبر 16, 2017 3:51 am من طرف سميرحمايه

» الرياينة الحاجر
الخميس نوفمبر 16, 2017 3:48 am من طرف سميرحمايه

» اصل الرياينة الحاجر
الخميس نوفمبر 16, 2017 2:59 am من طرف سميرحمايه

»  دعاء فتح الفيس
الأربعاء نوفمبر 15, 2017 11:19 pm من طرف سميرحمايه

» السيرة الذاتية ...
الثلاثاء أكتوبر 17, 2017 8:19 pm من طرف سميرحمايه

»  ملك النساء ...
السبت أكتوبر 07, 2017 4:33 pm من طرف سميرحمايه

»  ليه الفرحة غايبة ..
السبت أكتوبر 07, 2017 12:36 am من طرف سميرحمايه

» لوحة الشرف .......
الثلاثاء أغسطس 29, 2017 11:42 am من طرف سميرحمايه

التبادل الاعلاني


    مسرحية المهابيل...المشهد الاول المنظر الاول

    شاطر

    سميرحمايه

    عدد المساهمات : 1016
    تاريخ التسجيل : 29/10/2010
    العمر : 48

    مسرحية المهابيل...المشهد الاول المنظر الاول

    مُساهمة من طرف سميرحمايه في الجمعة أكتوبر 04, 2013 1:01 am

    المشهد الاول

    المنظر الأول في المقابر...حجره بسيطه بها ثلاث مصاطب والوسط تتوسطه مقبره ..الاضاءه خافته

    يجلس عبده وابنه حمو...عبده وابنه سيئين السمعه يعملان في الحداده وغير منتظمان في عمل دائم

    في أي ورشه يقضيان معظم وقتهم في التسكع ...اللامبالاه عنوان الاثنين...الخمول والكسل يلازمهما

    حمو ...........أنا جعان يابا.

    عبده ومين سمعك يابني انا سامع عصافير بطني بتصوصو.

    حمو وانا بقي قطط بطني بتنونو .......تيجي نخليها تاكل عصافير بطنك.

    عبدي ادي اللي فالح فيه هو انت لوكملت يومك مع المعلم حلبسه النهارده

    كنا جعنا كده.

    حمو (ساخرا ) ابا لاتعايرني ولا اعايرك الهم طايلني وطايلك ماانت من وققت ماسبت

    المعلم شحتوت ماشفناش ليك حاجه.

    عبده ( غاضبا ) طيب اتنيل واسكت ....لسانه عاوز قطعه انده علي مراتك يمكن هي تتصرف

    حمو انا سايبها تعبانه والظاهر قربت تولد .

    عبده بس انده عليها البت دي جدعه ودايما بتتصرف .

    حمو (ينادي ) محاسن

    ( تدخل محاسن وهي تعاني من ألمخاض )

    محاسن ( وهي تتألم )....نعم ياحمو .

    عبده .....انت لسه تعبانه يابنتي.

    محاسن ايوه ياعمي الظاهر حولد النهارده انتوا عاوزين حاجه

    حمو كنا بنسأل علي لقمه ناكلها

    وقبل ان يكمل جملته تصرخ محاسن ووتتجه الي احدي المصاطب وتنام عليها صارخه

    حمو هو فيه أيه ..؟

    عبده الظاهر مافيش عشا .

    حمو (محدثا محاسن ) انت حتولدي يامحاسن .

    محاسن ( تصرخ ) ااااه...ز

    حمو طالما الصرخه عفيه وجامده كده يبقي ولد.

    ( محاسن تصرخ ولا احد يعبأ بصراخها )

    عبده ويمكن بنت ......ع العموم ولد ولا بنت حنلعب بيه (محدثا حمو ) انت مش

    حتقوم تشوف مراتك .

    حمو اعمل ايه يعني...

    عبده اعمل زي مابيعملوا الناس .

    حمو والناس بيعملوا ايه ....؟

    عبده بيقعدوا يدعوا يقولوا يارب.

    حمو يارب

    عبده ولا ياحمو طيب حنعمل أيه دلوقت مافيش مغات ولا الحاجات بتاعة الولاده

    فيه عندنا بس ميه سخنه .

    حمو تعرف يابا ياريت تموت وتريحنا.

    عبده اخص عليك قليل الاصل دي نفعانا في البيت .

    حمو منا مش متحمل صراخها ووجعها.

    عبده طيب قوم سختلها شوية ميه .

    حمو لا قوم انت .............

    عبده وانا اقوم ليه هو انا جوزها ولا انت

    حمو مش انت حماها تقوم تحمي الميه .

    عبده بص عشان مانقعدش نتخانق زي كل مره ...تيجي مانتكلمش واللي يتكلم هو اللي

    يحمي الميه ..

    حمو ماشي.......واحد اتنين ثلاته خمسه عشره ابتدي.

    ( محاسن تصرخ والاثنان ينظر كل منهما الاخر ولا يجيب )

    تدخل نعمه جارت محاسن بعد القليل من الوقت .

    نعمه العوافي ( محدثه عبده وحمو ولا احد يرد ويشيران لمحاسن )

    ايه ياختي ده جالهم البلم (تجري مسرعه نحو محاسن )

    انا جيتلك ياحبيبتي........محاسن تصرخ صرخه كبيره ويتوقف الصوت فجأه

    نعمه ( تمسك يدها ) دي ماتت وتصرخ........

    عبده محاسن ماتت ....

    عبده ( يقف مهللا ) هيه انت اللي عليك تحمي الميه السخنه .


    بلاك اوت





      الوقت/التاريخ الآن هو السبت نوفمبر 18, 2017 10:14 am