المنظر الثاني
داخل قسم شرطه مكتب رئيس المباحث حمو في حجرة الضابط
الضابط يعني انت انت مش منهم..؟
حمو لا والله يابيه ولا اعرفهم دنا حته مابصليش وصايع وسنكوح
وخمرجي وحشاش واي حاجه وحشه انا وابويه لينا فيها.
الضابط ولسه الجثه قاعده في البيت انا ممكن اعملك محضر تستر علي دفن ميت
حمو لا والنبي حدفنها يابيه بس الاقي حق الكفن.
الضابط انت حتشتغلني ياولا كفن ايه اللي بتدور عليه والله حتي لو اديتك كفن
حتروح تبيعه.انا حسيبك بس بشرط .
حمو اشرط زي ماانت عاوز يابيه.
الضابط حكلفك بمهمه وتروح تخلصها.
حمو مهمة ايه يابيه ..............؟
الضابط عارف مستشفي المجانين .؟
حمو اللي في العباسيه ...ايوه عارفها.
الضابط ايوه هي..........؟
حمو وانا حعمل ايه بقي.
الضابط اصل المجانين عاملين مظاهره.
حمو هما كمان .......وماله يابيه هما جات عليهم.
الضابط ( غاضبا ) انت حتهزر معايه ..انت تسمع الكلام وبس.
حمو حاضر .....وانا اعمل ايه بقي..........؟
الضابط انت حتدخل تعقلهم .
حمو انا حدخل ايه اعقلهم ........اعقل المجانين .
الضابط ايوه مهتمتك تعقلهم وتنهي المظاهره.
حمو ان كنتوا انتوا مش قادرين تعقلوهم ..حعقلهم أنا.
الضابط انت حتنفذ اللي حقولك عليه ولا احبسك بتستر علي دفن جثه ولا ليه انا
انا كفايه جايبك من وسطيهم .
حمو لا يابيه انا حعقل ابوهم ولكن حعمل ايه .
الضابط حتدخل كأنك مجنون منهم وتشوف طلباتهم وواحده واحده تقنعهم انهم يسكتوا.
حمو ماشي بس انا ليه طلب.....؟
الضابط اوعي تقولي كفن .......؟
حمو لا حاخد معايه عبده .......
الضابط مين عبده .........؟
حمو ابويه اللي كان في المظاهره التانيه.
الضابط ماشي .....؟ يخرج له قطعتين قماش ابيض وادي ملابسك انت وابوك
حمو ولو خلصنا المهمه .........
الضابط حكلملكم حد يظبطكم .
حمو الله يظبطك يابيه ويظبط كل عدوينك تظبيطه حلوه .
الضابط ماتقلقش كل شئ مظبوط.
حمو طيب ليه انا شايفها ساده .
الضابط عشان مالكش في الزياده .
حمو علي رأيك كفايانا الريحه ........نشم ريحة اللحمه...ريحة الطبيخ
ريحة الفلوس اللي مابتطقش جيوبنا وتفر منها.
صحيح يابيه ليه ماشيين شمال.
الضابط اتشعبط وانت ساكت .
بلاك اوت
حمو
» تطبيق وصفات طبخ
» تفسير الاحلام كاملا بالحروف
» تطبيق وصفات طبيعية للتجميل
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية
» الاتجاهات الحديثة في الكتابة القانونية