منتدى الفراعنة

منتدى أ/سمير حماية

المواضيع الأخيرة

»  الرياينة الحاجر .....
الخميس نوفمبر 16, 2017 2:29 pm من طرف سميرحمايه

»  تابع الرياينة الحاجر
الخميس نوفمبر 16, 2017 3:51 am من طرف سميرحمايه

» الرياينة الحاجر
الخميس نوفمبر 16, 2017 3:48 am من طرف سميرحمايه

» اصل الرياينة الحاجر
الخميس نوفمبر 16, 2017 2:59 am من طرف سميرحمايه

»  دعاء فتح الفيس
الأربعاء نوفمبر 15, 2017 11:19 pm من طرف سميرحمايه

» السيرة الذاتية ...
الثلاثاء أكتوبر 17, 2017 8:19 pm من طرف سميرحمايه

»  ملك النساء ...
السبت أكتوبر 07, 2017 4:33 pm من طرف سميرحمايه

»  ليه الفرحة غايبة ..
السبت أكتوبر 07, 2017 12:36 am من طرف سميرحمايه

» لوحة الشرف .......
الثلاثاء أغسطس 29, 2017 11:42 am من طرف سميرحمايه

التبادل الاعلاني


    مسرحية نصيحه للبيع اللوحه الثالثه

    شاطر

    سميرحمايه

    عدد المساهمات : 1016
    تاريخ التسجيل : 29/10/2010
    العمر : 48

    مسرحية نصيحه للبيع اللوحه الثالثه

    مُساهمة من طرف سميرحمايه في الأحد نوفمبر 03, 2013 4:02 am

    اللوحه الثالثه

    داخل شقة حسان البلتاجي .......صالون يجلس حسان وزوجته نهال.الوقت بعد منتصف الليل.

    حسان الساعه بقت اتنين صباحا والمحروص ابنك لسه ماجاش.

    نهال خف علي الولد شويه .انت حطفشه باسلوبك ده....خد الولد بالراحه ..خده صاحب ليك .

    التربيه مش زعيق وشخط حتعقد الولد .

    حسان ادي اللي انت فالحه فيه .الفلسفه الكدابه ودعلك ياهانم هو السبب...انا مافيش طريقه

    ماجربتهاش معاه ........صاحبته ساق فيها .......بتعصب عليه بارد ومابيحسش

    لا نافع في كليه ولا نافع في اي حاجه .

    نهال انت اللي بتبوظ الولد بشدتك دي..........انت مش عارف تفهمه .

    ( جرس الباب يرن تتجه نهال لتفتح الباب ويدخل مدحت )

    مدحت مساء الخير ياماما .

    حسان قول صباح الخير ياروح امك ..........احنا بقينا الفجر ...وطبعا سكران زي عادتك.

    مدحت ( باستظراف ) مين بابا .........هو انت هنا .....؟

    نهال اطلع اوضتك غير هدومك وارتاح ياحبيبي.

    حسان لا مش حيطلع غير لما اشوف اخرتها معاه ومعاكي...تقدر تقولي كنت فين .

    مدحت كنت هناك يابابا .زي كل يوم .

    حسان في الكابريهات والبارات طبعا...........تقدر تقولي جبت فلوس من فين .

    مدحت من ماما حبيبتي وربنا يخليهالي........وانا جبتلك هديه يابابا.

    نهال شفت حنية الولد . انت بتعامله ازاي وهو بيعاملك ازاي .

    حسان انا بربيه ياهانم وبحاول اربيه صح زي مااتربينا ومن حقي احاسبه علي تصرفاته الغلط

    والفلوس اللي بيصرفها .........امسكيه كده وفتشيه مش حتلاقي في جيبه جنيه .

    مدحت كان معايه عشرين جنيه وجبتلك بيهم الهديه يابابا .

    نهال وجبت لابوك ايه ياروح ماما .

    حسان ياما جاب الغراب لابوه .

    مدحت ابويه كل يوم بيديني نصيحه .........انا اشتريت له نصيحتين .

    حسان ( ساخرا ) اشتريت ايه ياروح امك .

    مدحت اشتريت نصيحتين ليك يابابا .........مش انت بتحب النصايح .جبتلك اتنين معايه.

    حسان واشتريتهم من فين دول.

    مدحت اشتريتهم من محل اسمه ( يحاول ان يتذكر ) اسمه ...مشاكل للبيع ........لا...مصايب للبيع.

    حسان مصايبايه ومشاكل ايه انت بتستعبط.

    مدحت انا بفتكر يابابا ..........اه افتكرت اسمه نصيحه للبيع واشتريت نصيحه بعشرين جنيه

    واخدت التانيه كادوه .

    حسان ( محدثا نهال ) افرحي ياهانم بابنك ( يعود محدثا مدحت ) وايه بقي النصيحتين اللي اشتريتهم.

    مدحت ( يخرج الورقه من جيبه ويناولها لابيه) اهم يابابا انا مش بكذب عليك .

    حسان ( يفتح الورقه ويقرأ مابها )........ان وجدت اثنان يتشاجران فلا تتدخل في العراك وراقب في

    صمت ........( محدثا نهال ) شوفتي شطارة ابنك الحيله ....شوفتي جايب ايه ..قال ايه

    لو شاف اتنين بيتعاركوا مالوش دعوه بيهم ........هي دي محتاجه حد يشتريها .

    نهال الولد نفسه يرضيك ........هو عمل كده ليه يعني.مش عشانك وخليك بالراحه مع الولد .

    حسان دول نصبوا عليه واشتغلوه ياهانم ..........الكلمتين دول بعشرين جنيه .

    مدحت لا يابابا فيه نصيحه تانيه .

    حسان نشوف الخيبه التانيه ..........لا يحزنك انك فشلت مادمت تحاول الوقوف علي قدميك

    من جديد .

    مدحت (محدثا نهال ) حلوه دي ........صح ياماما .

    نهال حلوه اوي ياحبيبي .......زفيهمعاك تاني.

    مدحت بكره انت بس اديني مية جنيه وانا حظبطك.

    حسان انتوا بتهرجوا تقولوا ايه ........انت بتشجعيه علي الغلط ياهانم .

    ( يمسك مدحت من ملابسه ) فين النصاب اللي باعلك الكلام ده.

    مدحت والله من محل يابابا في سوق الصعاليك.

    حسان وايه اللي وداك السوق ده .

    مدحت معرفش انا ماشي ولقيت نفسي هناك .

    حسان بعد الضهر انا حاخدك واروح بيك هناك واشوف النصاب اللي اشتغلك .


    بلاك اوت


      الوقت/التاريخ الآن هو السبت نوفمبر 18, 2017 10:05 am