منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
كتاب مسرحية زمن عباطة تأليف سمير حمايه 2 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
كتاب مسرحية زمن عباطة تأليف سمير حمايه 2 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
كتاب مسرحية زمن عباطة تأليف سمير حمايه 2 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
كتاب مسرحية زمن عباطة تأليف سمير حمايه 2 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
كتاب مسرحية زمن عباطة تأليف سمير حمايه 2 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطة تأليف سمير حمايه 2 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطة تأليف سمير حمايه 2 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطة تأليف سمير حمايه 2 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
كتاب مسرحية زمن عباطة تأليف سمير حمايه 2 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    كتاب مسرحية زمن عباطة تأليف سمير حمايه 2

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

    كتاب مسرحية زمن عباطة تأليف سمير حمايه 2 Empty كتاب مسرحية زمن عباطة تأليف سمير حمايه 2

    مُساهمة من طرف سميرحمايه الأربعاء أكتوبر 31, 2018 9:47 am


    38
    المنظر الثاني

    داخل شقة ابوالعريف..تبدو الصالة مثل الكهف المخيف .صور لجماجم بشريه ورؤوس حيوانات...يسمع اصوات ضفادع وحيوانات.
    يدخل عباطه وبصحبته عجلان وهما يرتعدان من شدة الخوف.

    عباطه.. (خائفاوعجلان يمسك فيه من شدة الرعب)...ماتمسك نفسك يامعلم
    .انا جتتي مش خلصانه...؟
    عجلان.. .ماتيجي قدامي ياواد ياعباطه..؟

    عباطه.... لا انت المعلم واشجع مني..(يدعو علي حنكش)..الله يخرب

    بيتك ياحنكش كانت شوره مهببه.

    عجلان... .يمكن ربنا يجعل الخير علي ايده والبنت مايسه تحبني .

    عباطه... انشاء الله مش حتلحق تحبك..؟
    39

    عجلان.. .اسكت متفأرش فيها...هو فين اسمه ايه ده...؟

    عباطه... اسمه اكيد دراكولا وتلاقيه بيمص قصب جوه..

    عجلان.. .غريبه.الا مافيه صريخ ابن يومين ولا حد بيقلنا رايحين فين...؟...امال فين الغفير...؟
    عباطه.. .مش محتاجه غفير...دا اللي داخل محتاج حد يحرصه..؟

    (يسمع صوت)
    الصوت.. .اهلا بعجلان ابن المفش واللي امه اسمها ليه...؟ مرحبا بعائلة الضاني
    في بيت الأشباح.

    عباطه.. (يسيطر عليه الرعب)...لا ..احنا نرجع احسن يامعلم . احنا جينا للعفاريت برجلينا.
    40

    عجلان... اسكت بقي دول عارفين اسم امي...اموت واعرف جابوه منين .

    عباطه.. .اصلهم مخاويين ويعرفوا كل حاجه...هي امك اسمها ليه.؟

    عجلان... اه

    الصوت... خليك مكانك ياعباطه ياللي امك دلاله..

    عباطه... (معترضا لعجلان)...انت جايبنا عشان البت تحبك ولا عشان نتهزق..؟

    عجلان... الراجل مغلطش في حاجه..مش امك دلاله بصحيح..

    عباطه.. .(ساخرا)..اه وبتلملك اللحمه م الجمعيات وانت تقول لاهل الحاره
    انك لسه دابح جاموسه..

    عجلان.. (غاضبا)..انت بتقول ايه ياواد...؟
    41

    عباطه.. انا بقول الحقيقه قبل مايقولها هو ويفضحنا.

    (يدخل ابوالعريف وعباطه وعجلان يرتجفان من الخوف)

    ابوالعريف. .(محدثا عباطه)..ماتخافش ياعباطه..كل اللي قلته انا عارفه..

    عجلان... (وهو خائف)..بسم الله الرحمن الرحيم

    عباطه... (مكملا)..وبه نستعين من الشيطان الرجيم..الله يخرب بيتك ياحنكش

    ابو العريف... مالكم ..فيه ايه..؟..ماتخافوش...؟

    عجلان.. .مانخافش ازاي...انت مين..؟

    عباطه.. .تلاقيه خدام العفاريت..

    ابو العريف.. .انا مش خدام حد ..انا اللي انتوا عاوزينه
    42

    انا ابو العريف.

    عجلان.. .انت اللي بيقولوا عليك بتحل العقد..؟

    ابو العريف.. .ايوه انا..؟.

    عباطه.. .وشبهنا...يعني بني ادم..؟

    ابو العريف.. ايوه انا قدامك اهو..؟

    عباطه... مش مبلوعه...بس ماشي.

    ابوالعريف... طلباتكم ؟

    عباطه... انا كل طلباتي ادخل الحمام.

    ابوالعريف (يشير الي احد الاماكن)..ادخل من هنا تلاقي الحمام علي ايدك ايمين.

    43

    عباطه... لا...مش داخل
    ابو العريف ... ليه..؟

    عباطه... خلاص اتصرفت بمعرفتي.

    ابوالعريف .. (محدثا عجلان)..وانت يامعلم..

    عجلان.... انا اتصرفت من زمان ومش عاوز الحمام.

    ابوالعريف. .(يبتسم)...لا ما اقصدش..ااقصد طلباتك ايه ؟ وجايلي ليه؟

    عجلان... انا جيتلك عشان تعملي حجابين..حجاب محبه يخلي البت مايسه ...وحجاب

    وحجاب كره يخليها تكره الواد عصام .

    ابوالعريف. ..ومايسه تبقي البنت اللي انت بتحبها وواخد منها بمبه ومش معبراك


    44
    وبتحب واحد اسمع عصام..صح.؟

    عباطه.. وهي لو معبراه كنا شفنا خلقتك.الله يخرب بيتك يامايسه .

    .. يارب تتشحوري زي ماشحورتي المعلم وراكي . .

    ابو العريف. .واضح ان الموضوع كبير وصعب ومعقد.

    عجلان... كبير قوي والله..انا دايخ وراها بقالي سنتين مافيش حاجه في الدنيا
    ماعملتهاش عشان تقربني منها.
    ابو العريف... ماتخفش يامعلم .كله حيبقي تمام..انا ابوالعريف اللي يعرف كل حاجه..؟

    عجلان... يعني حتعملي حجاب وحيعمل شغل مع مايسه وتحبني.
    ابو العريف. .حجاب ايه ياجاهل..انا ماليش في الشغل
    البلدي ده .
    45


    عجلان.. .امال حتحبني بأنهي شغل...؟

    ابو العريف.. .حخليها تحبك مش بالحجاب والكلام الفاضي ده احنا في القرن الواحد

    الفهلوه والعشرين.قرن الفكر.قرن

    .قرن الكمبيوتر..قرن الأنترنت..؟

    عباطه.. .البهايم دي اول مره اسمع عنها يامعلم..انت تعرفها.؟

    عجلان. .لا ياواد ياعباطه ولا قرن بهيمه من دول اعرفه (محدثا ابو العريف)..هي بتتباع

    ( هي بتتباع بالكيلوا ولا الراس.

    ابوالعريف.. .ايه دي يامعلم...؟

    عجلان...البهايم اللي قلت عليها دلوقت..مش انت
    46
    عمال بتقول قرن ايه..وقرن مش عارف

    ايه وقرن ابصاري ايه..؟

    ابو العريف (ضاحكا)...اه ..القرن ده يامعلم..ده مش بهيمه . القرن ده مية سنه...؟

    عجلان... كندوز يعني...؟

    ابوالعريف... يامعلم احنا في العصر الحديث..عصر التكنولوجيا.؟

    عباطه... ياحلاوه حتعصروا اللوبيا....؟

    ابو العريف... لوبية ايه وعصير ايه ياعباطه..انا بقصد اني اعرفكم ان الفكر

    بيتطور ودلوقت فيه نت وفيس
    بوك وتويتر وياهو .

    عجلان (محدثا عباطه وهو مندهش)..انت فاهم حاجه ياواد
    47.

    عباطه.. .اه فاهم...؟

    ابوالعريف.. .فهمت ايه ياعباطه ...

    عباطه.. انت مش بتقول ياهو..

    ابوالعريف... اه ....

    عباطه. .يعني الحقونا ياخلق هووووووووو..؟

    ابوالعريف... (يضحك)..دي مواقع ع النت ياجماعه.

    عجلان... والنبي ياعم بلاش الكلام المجعلص..انت فهمني بالبلدي حتخلي مايسه تحبني ازاي..؟

    ابو العريف...ادوني شوية معلومات.

    عجلان... مش فاهم حاجه..؟

    عباطه... ولا انا فاهم...(محدثا ابو العريف)..ياعم
    48
    خلي مايسه تحب المعلم ونديك اللي عاوزه.

    ابوالعريف.. .انتوا مش فاهمني برضه..انا عاوز معلومات..يعني احكولي عنها

    شويه...شكلها مثلا...؟

    عباطه.. .زي الجاموسه...قصدي عروسه.

    عجلان... هي زي القمر يااسمك ايه..؟

    ابو العريف.. .هواياتها ايه...؟

    عجلان .. .حترجع تاني تجعلص الكلام....

    عباطه. .(محدثا عجلان)...ياعم انت خليك معانا واحده واحده وراعي ان قدامك

    .. اتنين بهايم...؟

    ابو العريف... حاضر...بلاش هوايتها...هي بتحب ايه..؟
    49

    عباطه.. .بتحب الواد عصام اللي غايظ المعلم...

    ابو العريف...مش قصدي بتحب مين ..هيه بتحب ايه..؟

    عباطه.. .بتحب البطاطس الشيبسي..كل يوم ماسكه كيس ف الحاره .

    ابو العريف...(غاضبا)...اللهم ماطولك ياروح..يابني ياحبيبي بقصد هيه بتحب ايه من

    الهوايات..مزيكا.رسم.شعر..؟

    عجلان... ايوه هي التالته دي..

    عباطه... صح يامعلم...هي بتفرد شعرها لحد تحت .

    عجلان..(ساخرا من عباطه)..ياجاهل هو عاوز يعرف شعر الكراس مش شعر الراس.

    .
    50
    عباطه... وانت عرفت منين يامعلم..؟

    عجلان... سمعتها بتتخانق مع الواد عصام وتقوله
    غني غنوة. الملوخيه اللي عملتهالك
    هي اللي حتمشي دلوقت..والواد

    عصام يقولها...لا انا مااطبخش الغنوه دي.

    ابو العريف. .(فرحا)...بس..خلاص..كده المشكله اتحلت..برافو عليك يامعلم..؟



    بلاك اوت




    51

    المنظر الثالث

    داخل شركة عجلان للإنتاج الفني...صالة كبيرة..مكتب كبير معد للجنة اختيار المواهب..كرسي امام المكتب
    ...انتريه متناثر علي جانبي المكتب...

    (يدخل عباطه مرتديا بدله غير متناسقة الألوان
    كرافت طويل وعريض الحجم..نظارة شمسية)..

    عباطه.. (ممسكا بورقه ويغني)...ياعم ياللي بتغني وتقول الغني مش اي حد يغنيه..دا الغني
    . بحر واي حد يقدر يستحمى فيه

    ...واحد وخمسين ياليل واحد وخمسين ياعين.

    (يدخل ابوالعريف)

    ابو العريف. .(ساخرا)..واحد وخمسين ايه ياعباطه..انت بتغني حساب
    52


    عباطه... مش انتوا اللي كاتبينها..؟

    ابو العريف. .(ساخرا)..يعني انت بتعرف تقرا..وريني الورقه.؟

    عباطه..(يناول ابوالعريف الورقة)..خد (ويشير الي كلمة

    اه يا ليل اه ياعين)..دي بقي مش واحد وخمسين ياليل

    وبعدها واحد وخمسين ياعين.

    ابو العريف..(يضحك)...واحد وخمسين ايه..دي اه ياليل.اهياعين.

    عباطه... دي تبقي اه..؟

    ابو العريف..ايوه..وبعدين مش فاضيين للكلام ده..الملحن زمانه علي وصول
    53

    عباطه.. ملحم ..ملحم مين...؟

    ابوالعريف.. .اللي حيعلمك المزيكا.

    (تدخل سعدية ملحن وتحمل عود في يدها)

    سعدية... سعدية سعداوي..ملحن موسيقي.

    ابو العريف (يعرفها بنفسه)..ابو العريف عرف الديك مدير شركة الإنتاج.
    .
    سعديه.. .تشرفنا يااستاذ ابو العريف (تشير الي عباطه) والأستاذ.
    .
    ابو العريف.. .ده يبقي عباطه مطرب الشركة والوجه الجديد.

    سعديه.. .(ساخرة)...ده المطرب ؟.

    عباطه.. ايه مش عاجبك انا..؟
    54

    ابو العريف. .(محدثا عباطه)..لا عاجبها ونص..(يلتفت محدثا سعديه)...ايه يااستاذه انت

    . تلحني وتقبضي وبس.

    سعديه.. .مافيش مشاكل يااستاذ .نو بروبلم

    عباطه.. (يشير الي العود في يدها)..وايه الفخده اللي ماسكاها في ايدك دي...؟

    سعديه.. (ساخره)...فخدة ايه يااستاذ..ده عود

    ابو العريف...(محدثا عباطه)..ماتنسي الجزاره بقي ياعباطه. ده عود حتلحن عليه الاغاني..؟

    عباطه... تلحم بيه الاغاني ازاي..؟

    سعديه. .(غاضبه)...الحم ايه وانيل ايه..انت مطرب ولا سمكري
    55 .

    عباطه.. .لا صبي جزار...؟

    ابوالعريف.. .العود ده حيفهمك مقام كل اغنية.

    عباطه.. .هيه الغنوة ليها مقام..؟

    سعديه... ايوه يابني..هو انت فاكر ايه..؟

    عباطه...شلاه ياسيدي...سيدي..سيدي ايه بقي..؟

    ابو العريف.. .ياعباطه المقام بتاع المزيكا غير المقام اللي انت تعرفه.

    سعديه. .(مندهشه)...هو فيه مقامات تانيه...؟

    ابو العريف.. .لا بس عباطه فهم غلط..عشان هو مايعرفش غير مقامات الأوليه
    .
    سعديه..(تضحك)...اه فهمت..(محدثه عباطه)..ياابني ياحبيبي. مقامات المزيكا...بياتي وصبا
    56

    ونهاوند وسيكا.

    عباطه... دي المقامات بتاعتكم..؟

    سعديه... ايوه...؟

    عباطه... وسيدي سيكا كان ايه..؟

    ابو العريف... (ساخرا)..سيدك سيكا...انت حتودينا في داهيه خلصونا وخلونا نستعد
    .
    (يدخل عجلان مرتديا بدله غريبة الاطوار ايضا)

    عجلان.. .ايه عملتوا ايه...؟

    ابو العريف... ايه الشياكه دي يامعلم..؟

    عجلان.. .شكلي زي البهوات مش كده...؟

    ابو العريف.. .واجدع من البهوات كمان
    57.

    سعديه... ياجماعه خلونا في الشغل..؟

    عجلان.. (محدثا ابو العريف)...ومين الست المكعبره دي..؟

    ابوالعريف... دي الاستاذه سعديه التي حتلحن الاغاني لعباطه

    وتمتحن المواهب اللي حنقابلها.

    عجلان... ودي بتلحم كويس...؟

    ابو العريف... دي من احسن الملحنين اللي في السوق..بس مش لاقيه فرصتها
    .
    عجلان.... علي ضمانتك ؟.

    ابو العريف... ايوه يامعلم..واحنا دلوقت جاهزين للاختبارات وحنقعد انا وانت


    58
    وعباطه والاستاذه اعضاء لجنه

    بس احنا مش حنتكلم ونسيب الاستاذه تمتحن وتختار.

    عباطه... واحنا مانخترش ليه..؟

    ابو العريف.. .هو احنا بنفهم حاجه في المزيكا ياعباطه..؟

    عباطه... لا..؟

    ابو العريف.. .يبقي نسكت احسن..

    عجلان... .انت شايف كده..؟

    ابو العريف. ..اه..

    عجلان... خلاص ماشي احنا نعاين بس المواشي.

    ابو العريف.. .مواشي ايه..ماشي يامعلم ابقي عاين بس من بعيد بينا نقعد كلنا علي
    59
    المكتب
    .
    يجلس الجميع كأعضاء لجنه )

    ابو العريف. .(ينادي علي الساعي)..ياعثمان.

    (يدخل عثمان الساعي النوبي)

    عثمان. ..تحت امرك سيد بوريف..نجيب قهوه.

    ابو العريف. ..لا..دخل رقم 1 اسمها كهربا.

    عثمان... (ينادي)...رقم واحد كهربا.

    (تدخل كهربا فتاه ترتدي ملابس مثيره واعضاء اللجنه في ذهول)

    عجلان.... ان جيتوا للحق هي كهربا..

    ابو العريف... اه الفولت عالي قوي يامعلم..

    عباطه ...انا حاسس ان جتتي حصلها ماس..انا
    60
    اتكهربت يامعلم .

    عجلان... امسك الخشب ياواد ياعباطه..(يهمس لعباطه)..حتتة بتلو جامده قوي ياواد.

    ابوالعريف. .(يحاول ان يتماسك)...خلونا في الامتحان ياجماعه يشير الي كهربا يالجلوس)

    ( اتفضلي يااستاذه.

    سعديه.. .اتفضلي اقعدي..

    كهربا.. (تتحدث بمياصه).حاضر يااستاذه (تجلس)
    عباطه.. .(هامسا لعجلان)...صوتها حلو يامعلم..حاسس ان حرارتي زادت
    .
    عجلان. ..ياواد لو حرارتك زايده شغل المنظم..احسن يضحكوا
    علينا.

    سعديه...متهيألي كهربا ده اسم الشهره بتاعك
    61.

    كهربا.. .ايوه ده اسم الشهره واسمي الحقيقي بهيه.

    سعديه... وغنيتي فين قبل كده ياكهربا.

    كهربا... بغني في الافراح والموالد والطهور.

    عباطه.. .يابخت الطهور بيكي.

    سعديه.. (مقاطعه عباطه)..استني شويه لو سمحت.(تعود محدثه كهربا

    .. وبقالك كام سنه بتغني...؟

    كهربا.. .بقالي سنتين ؟.

    سعديه.. .طيب سمعينا حاجه.

    كهربا... تحبوا تسمعوا ايه..؟

    عباطه...اي حاجه منك حلوه وحتتسمع
    62.

    كهربا... حغني لروبي.

    سعديه.. .لا غني حاجه فيها مزيكا وطرب غني لام كلثوم .اصاله.

    كهربا.. .بس انا مش حافظه غير روبي.

    عجلان... غني اللي عاوزه تغنيله ..بوبي .حصاله..قولي اللي تعرفي

    تقوليه.

    عباطه.. اه صح يامعلم (محدثا سعديه)..انت مجعلصاها كده ليه غني ياكهربا

    وولعي فينا.

    كهربا... (تغني لروبي)...انا كل ما اقوله اه..هو يقولي لا.

    عباطه.. .(يصفق)...الله تنجح يامعلم
    63.

    سعديه.. .بس ؟.

    عجلان... مابسش ولا حاجه..ماشي..اعملي حاجه لله .البنت منكسره.

    عباطه... اه والنبي ماتقطعيش عليها النور.

    كهربا.. (فرحه)...يعني انا نجحت.

    عباطه... اه نجحتي.

    كهربا... متشكره قوي (تقترب من سعديه لتقبلها وسعديه ترفض

    ويبدو عليها الضيق) .

    عباطه. .(محدثا كهربا)...سيبك منها وتعالي بوسيني انا والمعلم.

    ( (كهرباتقترب من عجلان وعباطه لتشكرهم وعباطه يقف
    64

    ويخرج من وقاره ويغني لروبي)

    ابو العريف. .(محدثا كهربا)...خلاص يااستاذه نشوفك الاسبوع القادم.
    ...
    (تخرج كهربا وابو العريف يرن الجرس..يدخل عثمان)

    عثمان... نجيب حلبه حصا.

    ابو العريف.. .حلبة ايه ..دخل اللي بعده.

    عثمان. ..(ينادي)..عصام محروس.

    ( يدخل عصام وبصحبته مايسه والاستياء يظهر علي الجميع)

    عجلان... (محدثا عباطه)...البس النضاره ياولا عشان مايعرفوناش.

    عباطه ..(يلبس النظاره)...ماشي ياسيد المعلمين
    65.

    ابو العريف.. (محدثا عصام)...الاستاذه دي بتعمل ايه معاك.

    عصام ...دي خطيبتي.

    ابو العريف. .(ساخرا)..خطيبتك بره ..في الشارع..احنا في امتحان

    يااستاذ مش في نذهه.

    عجلان.. .(هامسا لابو العريف)..عفارم عليك..اديله البارد ده.

    عباطه.. .أه والنبي تهزأهولنا شويه.

    ابوالعريف.. .(محدثا مايسه)..لو سمحتي يااستاذه ومن فضلك استني بره

    مايسه... .انا جايه للشعر الغنائي.

    ابو العريف.. .لما يجي دورك نبقي ننده عليك
    66

    (تخرج مايسه)

    سعديه.. (محدثه عصام)..اتفضل يااستاذ.

    (عصام يجلس)

    عباطه.. .بذمتك ده شكل واحد يغني.

    عجلان.. .لا مش باين عليه ريحة الغني.

    عباطه... (محدثا عصام)...ساقط ..ساقط انشاء الله.

    سعديه.. .قولي بقي بتغني لمين ياعصام.

    عصام ...بغني لكل مطربينا العظام.

    عجلان.. (معترضا)...ولا مالكش دعوه بالعضم والمواسير.

    سعديه... عضم ايه ومواسير ايه يامعلم..هو
    67
    بيقول بيغني

    لمطربينا العظام..يعني الكبار.

    عباطه... ودول ليهم في العضم برضه.

    سعديه . .(ساخرة)..لا مالهمش..(محدثه عصام)..قول ياابني
    تحب تغني لمين..؟

    عصام... انا حافظ كل اغاني ام كلثوم وعبد الحليم والشيخ سيد درويش.
    عجلان.. .انت يتعرفهم ياواد اللي قال عليهم..؟

    عباطه . .لا معرفهمش ...

    سعديه. .(محدثه عصام)..ماشاء الله عليك.

    عجلان . .(معترضا)..ماشا الله علي ايه..هو احنا شوفنا حاجه وماتنسيش نفسك

    يااسمك ايه
    68.

    سعديه... حاضر يامعلم..قصدي يااستاذ (محدثه عصام)..سمعنا يااستاذ .

    عصام.. .ممكن اخد العود...؟

    سعديه... مافيش مانع ...

    عصام.. (يمسك العود)...ويغني وقف الخلق ينظرون جميعا..كيف ابني قواعد
    المجد وحدي.

    عباطه.. (مقاطعا)...ايه ده..ده غني برضه..ايه وقف دي..وقف وقف ايه يامعلم.
    عجلان..... مش فاهم حاجه...انا كل اللي فهمته انه شغال بنا لوحده وماحدش بيناوله
    .
    عصام. .(محدثا سعديه)...انا قلت وحش يااستاذه.

    سعديه. .(بأسي وتعاطف مع عصام)..معلش ياابني..غني حاجه تانيه
    69.

    عصام... (يغني من جديد)...الحلوه دي قامت تعجن م الفجريه

    والديك بيأذن كوكو كو كو من الفجريه.

    عجلان.. .اهو ساب البنا ودخل ع العجين.

    عباطه.. .ياابني بلاش شغل الفرانين علينا...عندك حاجه عدله

    تقولها قولها...ماعندكش روح وريحنا.

    سعديه.. .(محدثه عصام)...قول حاجه تانيه ياابني.

    عصام.. .(يغني مداح القمر)..عاشق ليالي الصبر مداح القمر

    عشق العيون السمر غواني السهر..لولا النهار في

    70


    جبينك لولا ..ما كنت حبيت ولا حسيت بطعم الحب ياعمري

    قدك المياس ياعمري ..ايقظ الاحساس

    عجلان.. (مقاطعا)...الواد ده بيفرسني.

    عباطه.. .انت عاجبك صوته .

    عجلان.. .لا...ده وحش خالص ..

    ابوالعريف.. .(محدثا سعديه)...خلاص يااستاذه سعديه ماينفعش.

    عصام ...طيب ممكن اعرف ايه العيب اللي فيه..؟

    عباطه.. .كلك وحش ومابتعرفش تغني.

    سعديه..(محدثه عصام)...كل وقت وله أذان ياابني
    71

    (يخرج عصام ويدخل عثمان)

    عثمان... .نجيب لكم موغات.

    ابو العريف.. .ياعمي موغات ايه..؟..انده علي اللي بعده

    عثمان... دي واحده ست اخر حاجه.

    ابوالعريف.. .ايوه..مايسه صادق.

    ( عثمان ينادي مايسه صادق...تدخل مايسه ويخرج عثمان
    مايسه.. .مساء الخير عليكم.

    عجلان... مساء النور ع البنور.

    ابوالعريف.. (هامسا للمعلم عجلان)...امسك نفسك يامعلم.

    سعديه... اتفضلي يااستاذه (تشير اليها بالجلوس
    72

    مايسه... معايا كل كلماتي.

    عجلان... خلاص نجحتي..

    سعديه.. .استني نشوف الكلمات.

    ابوالعريف. .(هامسا لعجلان)...الاستاذه سعديه معاها حق عشان مايسه ماتشكش

    في حاجه يامعلم.

    مايسه. .(تمسك بورقه وتقرأ)...مش بايدي هجرتك..مش بايدي

    مش بايدي فارقتك ..مش بايدي

    مش بايدي انسي الجراح..

    مش بايدي اداوي الجراح

    مش بايدي
    73.....

    عجلان..(يصفق بحراره)...الله الله ادي الغني ولا بلاش.

    سعديه... بس يامعلم..؟

    ابو العريف. .(محدثا سعديه)..كويسه ومش بطاله نجحيها.

    سعديه.. .بس الكلمات مكسوره.

    عجلان... مكسوره...مشطوفه...انا عاوزها كده.

    سعديه... خلاص...مبروك ياانسه مايسه.

    بلاك اوت







      الوقت/التاريخ الآن هو الثلاثاء مارس 19, 2024 6:50 am