منتدى الفراعنة

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى الفراعنة

منتدى أ/سمير حماية


المواضيع الأخيرة

» تطبيق لايف هاك تجارب ونصائح وأفكار منزلية
 كتاب مسرحية زمن عباطه تأليف سمير حمايه 3 Icon_minitime1الثلاثاء أبريل 19, 2022 7:25 pm من طرف hanan45

» تطبيق وصفات طبخ
 كتاب مسرحية زمن عباطه تأليف سمير حمايه 3 Icon_minitime1الخميس أبريل 14, 2022 5:57 pm من طرف hanan45

» تفسير الاحلام كاملا بالحروف
 كتاب مسرحية زمن عباطه تأليف سمير حمايه 3 Icon_minitime1الأحد أبريل 03, 2022 9:48 pm من طرف hanan45

» تطبيق وصفات طبيعية للتجميل
 كتاب مسرحية زمن عباطه تأليف سمير حمايه 3 Icon_minitime1الثلاثاء مارس 29, 2022 11:12 pm من طرف hanan45

» الاتجاهات الحديثة في الكتابة القانونية
 كتاب مسرحية زمن عباطه تأليف سمير حمايه 3 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 كتاب مسرحية زمن عباطه تأليف سمير حمايه 3 Icon_minitime1الإثنين سبتمبر 27, 2021 10:36 am من طرف sabra group

» الاتجاهات الحديثة في الكتابة القانونية
 كتاب مسرحية زمن عباطه تأليف سمير حمايه 3 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 كتاب مسرحية زمن عباطه تأليف سمير حمايه 3 Icon_minitime1الإثنين سبتمبر 27, 2021 10:35 am من طرف sabra group

» الاتجاهات الحديثة في الكتابة القانونية
 كتاب مسرحية زمن عباطه تأليف سمير حمايه 3 Icon_minitime1الإثنين سبتمبر 27, 2021 10:32 am من طرف sabra group

التبادل الاعلاني


    كتاب مسرحية زمن عباطه تأليف سمير حمايه 3

    avatar
    سميرحمايه


    عدد المساهمات : 3157
    تاريخ التسجيل : 29/10/2010
    العمر : 54

     كتاب مسرحية زمن عباطه تأليف سمير حمايه 3 Empty كتاب مسرحية زمن عباطه تأليف سمير حمايه 3

    مُساهمة من طرف سميرحمايه الأربعاء أكتوبر 31, 2018 9:50 am

    74

    المظر الرابع

    داخل حارة السد...تدخل مايسه وخلفها عصام .

    مايسه..... .انا مابعتش نفسي ياعصام..؟

    عصام ... .لا..بعتي نفسك لعجلان يامايسه ومابعتيش نفسك وبس..انت كمان بعتي حبنا

    مايسه. ..انا مابعتش نفسي لحد..ولا بعت حبنا....كان لازم اعمل كده...الفقر محاوطنا من كل ناحيه في حارة السد

    .. ومن ساعت متخرجنا تقدر تقولي عملت أيه...انا فشلت وانت فشلت...؟

    عصام... انا مافشلتش لكن الظروف كلها واقفه ضدي....؟

    مايسه... .ظروف ايه اللي بتتحجج بيها..ده مجتمع واحنا جزء منه ولازم نتعايش معاه ونجاريه.

    عصام.... .وعشان نتعايش معاه نبيع ضميرنا

    75.

    مايسه.... ماحدش قال كده..لكن السوق له اذواق ومتطلبات ومايقدرش جزء يأثر علي الكل...

    الكل بيفرض نفسه علي الجزء.

    عصام .....والاحلام الجميله اللي عشناها .

    مايسه. ..دي في خيالي انا وانت بس....؟

    عصام ...افهم من كده انك كمان مش باقيه عليا..؟

    مايسه.. .لا..انا بحافظ عليك وعلي حبنا وانت كمان لازم تحافظ عليا علشان حبنا مايموتش

    وسط الفقر..؟

    عصام ...يعني ايه ..مش فاهم..؟

    مايسه.... .يعني حاول تنسي القديم وتجاري الجديد بفكره واوضاعه
    76.

    عادل... انسي القديم....انسي الاطلال...ولا انسي فاتت جبنا...انسي من غير ليه..؟

    مايسه... .لا طبعا صعب يتنسوا...لكن احتفظ بيهم ليك ولذوقك انت...لكن ماتفرضش

    ذوقك علي الناس...الاغاني دي ظهرت في وقت كان فيه حب وتأمل وحياه

    ..لكن دلوقتي...

    عادل...(مقاطعا)....دلوقت عصر التيك اواي. .

    مايسه... .ايوه...الاغنيه بقت زي الساندوتش ..ماحدش فاضي.

    عصام... .صحيح ماحدش فاضي...بقي الحب تيك اواي والاكل تيك اواي والصداقه تيك اواي

    ايه اللي مابقاش تيك اواي في حياتنا...انت مش ممكن تكوني مايسه اللي انا عرفتها وحبيتها


    77.

    مايسه.. .اسمع ياعصام..اللي تعمله دلوقتي برضاك احسن ماتعمله بكره غصب عنك
    صدقني ماقدامكش طريق تاني .
    .والا حتبقي اخترت تعيش ميت .

    عصام... .يعني يااختار اكون عباطه يااما اعيش ميت..؟

    مايسه... .وماله عباطه...بص حواليك...حتلاقي اللي عايشين معظمهم عباطه

    وبعدين عباطه شريكه كسر الدنيا وكل الفضائيات بتذيع اغانيه ومافيش مكان مابيتسمعش فيه عباطه
    (يسمع صوت اغنية عباطه )....
    سامع....ادي اغاني عباطه في كل المحلات

    والعربيات ملاكي واجره...مش حتلاقي غير عباطه
    ...بقالنا سنين حياتنا كلها عباطه

    78

    عصام..... .انا مش حستسلم يامايسه...

    وحثبتلك صحة
    كلامي...الناس اللي فاكراهم عباطه

    مسيرهم يوم يفوقوا ويصحوا ويتخلصوا من عباطه.

    مايسه ...ياريت ياعصام....دي احلام حتفضل عايش جواها.
    ..اوهام بتقنع بيها نفسك

    ... اتمني لك كل خير....لكن صدقني حتفضل تحلم وبس وتعيش كابوس الحياه المر
    ..
    عادل. ..مش حفشل يامايسه ومش حكون عباطه...(يصرخ بشده)....مش حكون عباطه

    ( يخرج عادل وهو يصرخ ...مش حكون عباطه.....يتجمع مجموعه من اهل

    الحاره لتوقيع الاتو جروفات من مايسه...ويدخل حنكش مسرعا)
    79

    حنكش.. .(يمنع الجمهور عن مايسه)...بالراحه علي الاستاذه ياجماعه (محدثا مايسه)

    منوره الحاره ياست الكل يامشرفانا.

    مايسه.. ..الحاره منوره باهلها ياحنكش .

    حنكش.. .امال الفنان الكبير ابن حتتنا فين...؟

    مايسه... عباطه بقي حاجه كبيره قوي ومعجبينه كتير والصحافه والتلفزيون مش سايبنه في حاله

    حنكش.. ..منا عارف....مش هو صاحبي واحنا الاتنين صبيان زي بعض..ماتاخدوني اغني معاكم يااستاذه

    مايسه ..(ساخره)...تغني فين ياحنكش هيه ناقصه .

    حنكش....ليه هو انا مش زي عباطه..(يدعو علي معلمه)...منك لله يامعلم حلبسه


    80.

    يدخل المعلم عجلان وخلفه هيصه انتخابية
    حنكش .... .هو فيه ايه


    مايسه.. .اصله داخل انتخابات المجلس عن حارة السد .


    (يدخل ابو العريف وبجواره المعلم عجلان ومجموعه من الشباب يحملون لافتات

    انتخابيه...مكتوب علي اللافتات الاتي...انتم في يد امينه...خير من يمثلكم..من اجل

    الرخاء والاستقرار....نصير الغلابه. ورمز الجمل...نعم للاستقرار..مرشحكم الوطني)


    ابو العريف ..(يهتف)...ماتقوليش ماتعدليش..غير المعلم عجلان ماتلاقيش.

    الجمهور.. .يردد خلف عجلان.
    81 ...

    ابو العريف. ..زحمه يادنيا زحمه...ومعلمنا حيشبعنا لحمه.

    الجمهور. ..يردد خلف ابو العريف


    ابو العريف. .(محدثا عجلان)..قول كلمتين لاهل الحاره...

    عجلان. ..ااقول ايه...؟

    ابو العريف........قول اي حاجه عشان المنظر العام..ات كده كده ناجح.

    عجلان. ..(محدثا الجمهور)....انا لما ادخل بيت الكلاوي.

    ابوالعريف.. .(همسا للمعلم عجلان)...بيت كلاوي ايه يامعلم...قول لماد ادخل
    مجلس الشعب.

    عجلان.. .ماشي...(محدثا الجمهور)....انا لما ادخل بيت العب...انا بعون الله حشفي

    كل مشاكل الحاره...واعزل العضم..بقصد اعزل كل
    82
    حاجه لوحديها.


    صوت من الجمهور.. ..يعني ممكن تعبرعن امالنا وطموحاتنا

    عجلان...... ..انا احسن واحد يبعبر عنكم...انا كلي معبره ياابني.

    صوت اخر. ..يعني تقدر تواجه التحديات التي بتمر بيها الحاره..؟


    عجلان.. .ااقدر ونص اي حد يمر في الحاره حدبحه.


    صوت اخر.. .قلنا ايه البرنامج بتاعك ؟ ...

    عجلان. ..يعني ايه مش فاهم....؟


    ابو العريف.. .(هامسا للمعلم عجلان)....بيقولك ايه اللي حتعمله لاهل الحاره.

    عجلان... ..انا بعد مااشفي المشاكل واسلخها حعمل حاجات كتير
    83.


    صوت اخر.. .زي ايه...؟


    عجلان.... .حعمل سلخانه كبيره للبهايم الصغيره .

    ابو العريف.. ..ملاعب للشباب يامعلم .

    عجلان.... .ايوه ملاعب للعيال واعمل دار كبيره للرجاله الكندوز.

    ابو العريف.. (هامسا)....دار للمسنيين .

    عجلان. ..اه زي ما قال ابو العريف...وحشفي مشاكل الشباب.

    ابو العريف.. .تحل كل مشاكل الشباب .

    عجلان.. .اه هو كده نحل كل مشاكل الشباب .

    صوت اخر... .والشمبري يامعلم .


    عجلان.. .شمبري...شمبري ايه...؟
    84

    ابو العريف. ..الموظفين والصنايعيه .

    عجلان.. ..دول مش شمبري...دول سقط...حنضفهم واروقهم.


    ابو العريف....(يهتف)....يامعلمنا ياابهه ..ايه العظمه دي كلها.

    الجمهور.....يردد
    )
    بلاك اوت












    85


    المنظر الخامس


    داخل قناة الأحلام...حيث البرنامج الإسبوعي الإشارة الحمراء...مكتب علي شكل دائري

    في منتصف المسرح..أمامه أربع مقاعد...إضاءات مناسبه للحلقة...الخلفيات عبارة

    عن إشارات مرور حمراء...

    ( تدخل المذيعه جيلان فتحي ممسكة ببعض الأوراق ومحدثه المخرج المتواجد

    في الكواليس
    ....
    جيلان.... ..جاهز ياسعد..؟

    صوت من الخارج...أنا قربت أجهز

    (يدخل عباطه منبهرا بالإستديو وغير مهتم بجيلان التي تبادره متحدثه)
    86


    جيلان..... بقولك ازيك ياأستاذ عباطه...نورت التلفزيون .


    عباطه. ..هو ده التلفزون .

    جيلان.. .ايوه وبعد نص ساعه حانبقي ع الهوا.

    عباطه.. .ع الهوا...ايه ده حنطيروا..؟

    جيلان..... نطير ايه...حانبدأ البرنامج والناس كلها حتتفرج عليك ..

    عباطه.. .يتفرجوا عليا أنا...ويشوفوني في قهوة حلبسه.

    جيلان.. ..كل الناس حتشوفك .

    عباطه... .وأغيظ عجلان




    87
    (يدخل الدكتور ناجي الفقي أستاذ علم النفس)

    دكتور ناجي... مساء الخير .

    جيلان... مساء الخير يادكتور...جيت في ميعادك بالظبط (جيلان تقدم له عباطه وعباطه

    (يمد يده ليسلم علي دكتور ناجي والدكتور ناجي يتجاهله )

    دكتور ناجي. .(ساخرا)...طبعا عارفه وعارفه كويس...



    جيلان.. .(تشعر بالخجل وتقدم دكتور ناجي لعباطه)....الدكتور ناجي الفقي

    دكتوراه في علم النفس.


    عباطه.. .كويس والله...انا يادكتور صدري بيكتم عليا ..ماتيجي تكشف عليا

    جيلان. .( ضاحكه)...يكشف أيه عليك
    88
    ياعباطه...ماينفعش هو مش دكتور .

    عباطه... هو مش دكتور في النفس يعني يعرف في الانفاس والصدر.

    جيلان.... لا ياعباطه...ده دكتور أكاديمي مش طبيب صدر يعني

    بيحلل النواحي السلوكيه للناس..


    عباطه. ..كهربائي بنأدمين يعني. .


    جيلان.. .كهربائي ايه ياعباطه...الناحيه السلوكيه مالهاش علاقه

    مالهاش علاقه بالاسلاك...يعني يقدر يحلل من كلام كل واحد فينا

    شخصيته.


    عباطه..... ويحلل ازاي..؟
    89

    دكتور ناجي... ماتستعجلش انا جاي مخصوص عشان احلل شخصيتك .


    عباطه.. .جاي عشاني...الله يخليك..(محدثا جيلان)...والله باين عليه ابن حلال.


    (يدخل عصام المطرب)

    عصام.... .مساء الخير عليكم. .

    عباطه... .(مندهشا)....مين الواد عصام...(محدثا جيلان)...مين اللي جابه هنا.


    جيلان.. .احنا استضفناه علشان البرنامج .

    عباطه.. ..ومالقيتوش غير ده تجيبوه. .


    جيلان... والله كنا حنستضيف حد تاني الاستاذه مايسه ..لكن هي اللي رشحته(محدثه
    90
    عصام)....اتفضل يااستاذ.

    (يجلس الجميع...دكتور ناجي علي يسار المذيعه وعباطه

    الي يمينها وعادل يجلس بجوار دكتور ناجي)



    جيلان... .(محدثه المخرج)....جاهز ياسعد


    (صوت من الكواليس....تمام انا جاهز...4...)3

    جيلان.. .استني اساوي شعري واظبط مكياجي (تهندم نفسها)

    اوكيه ياسعد حابدأ.

    الصوت....4..3...2..1

    جيلان... سيداتي انساتي سادتي...اهلا ومرحب بيكم في برنامجنا هو مش دكتور

    هو مش دكتور..ويسرنا ان نستضيف في
    91
    حلقة الليله نجم النجوم وصاحب

    العشره مليون شريط..اللهم ما لا حسد ومعانا

    دكتور دكتور ناجي الفقي استاذ علم النفس في جامعة السندباد ومعانا

    المطرب....(محدثه المطرب)...اسمك ايه.

    عصام ....عصام محروس.

    جيلان.. .اه المطرب عصام محروس....احنا حنبدأ بكام سؤال للضيوف

    ويسعدنا تلقي مكالمتكم

    وسؤالنا الاول للنجم عباطه...(محدثه عباطه)...تفتكر يااستاذ عباطه ظهورك فجأه وبيعك

    لعشره مليون شريط
    92

    دي ظاهره ولا كفاءه.

    عباطه. ..(يظهر عليه الإرتباك)....أنا
    جيلان.. .اه ...انت ظهورك ظاهره ولا كفاءه.

    عباطه.. .مش فاهم...ممكن تاخديني بالراحه.

    جيلان... اخدك بالراحه ايه...انت طلوعك فجأه ده ظاهره ولا كفاءه
    .

    دكتورناجي... طبعا ظاهره ومش محتاجه كلام.

    جيلان.... موافق ع الكلام ده ياعباطه.

    عباطه.. (فرحا بهروبه من السؤال)....اه...الراجل ده باين عليه ابن حلال...روح

    روح ياشيخ ربنا يخليلك امك.

    جيلان. .(محدثه عصام)....والاستاذ عصام رأيه ايه.


    93

    عصام...........انا بضم صوتي مع دكتور ناجي...هي فعلا ظاهره وللأسف.

    عباطه... (محدثا جيلان)....بيتكلم كويس ولا قال حاجه غلط...؟

    جيلان.. .قال ان رأيه زي الدكتور ناجي .

    عباطه.... ماشي...يعني مغلطش .

    جيلان. .(محدثه عباطه)...بس النقاد يااستاذ عباطه قالوا عليك انك لا مطرب ولا مغني

    ولا ليك صله بالغني خالص.

    عباطه.. .مين اللي قال كده...؟

    جيلان... .النقاد..؟

    عباطه.. .نكاد مين....اللي بينكدوا ع الناس..

    جيلان... نكد ايه ياعباطه...النقاد دول اللي بيكتبوا عن الاعمال
    94.

    عباطه... بيسحروا يعني .

    جيلان.. .لا...دول اللي يقولوا العمل ده كويس ولا وحش..

    عباطه... .بيفكوا الحجاب يعني والعمل. صح..

    جيلان. .لا..مش صح...دول اللي بيقولوا ده بيغني حلو ولا بيغني وحش.

    عباطه... وقالوا ايه عليا بقي...؟

    جيلان.... قالوا انك مش بتاع غني والغني مش بتاعك.

    عباطه.. .يعني انا مش بتاع غني...؟

    جيلان.. .هما اللي بيقولوا كده..؟

    عباطه... ابقي بتاع فول وطعميه...ياستي..انا شرايطي ماليه البلد والناس خدتها

    واللي مش عاجبه يروح يلمها
    95.

    دكتور ناجي.. .مش كل الناس اشترت شرايطك...انا مااستنضفش اشتريها.

    عباطه....... عنك مااشتريت...وبناقص من العشره جنيه بتوعك كأني شحت

    شريط .

    جيلان.. (محدثه عصام).....وانت يااستاذ عصام ايه رايك في الشريط

    عصام.. .الشريط فاضي...لا طرب ولا كلمات ولا لحن.

    عباطه... .(محدثا جيلان )....بيقول كلام حلو.

    جيلان.... لا...ده كلام وحش خالص...بيقول ان شريطك فاضي مالهوش لازمه .

    عباطه.... (ساخرا)...ده قصر ديل....الواد ده بيغير مني وبياكل ضرب

    في الافراح...والناس بتقول علي صوته
    96
    وحش (محدثا عصام)..صح

    ياولا...جاي تقول علي شريطي وحش والله لافضحك واهل الحاره

    تلاقيهم شايفين كل حاجه.

    دكتو ناجي.. .(محدثا جيلان)....بذمتك فيه اغنيه يبقي اسمها ملوخيه.

    عباطه... .مش عاجبك الملوخيه عشان اكلت الناس الغلابه...طيب كنت

    فين لما قالوا مكرونا.

    دكتورناجي.. .اسمها ماكرنا ياجاهل.

    عباطه. .(يسخر منه)....اسمها ماكرنا...اه ...انا جاهل...ماكرنا..ماهو مكركم باين..

    جيلان... ودلوقت ياجماعه نهدا شويه عشان نتلقي مكالمات الجمهور.

    صوت من الخارج...هيفاء حسين رابعه تجاره)
    97

    جيلان.. .اهلا وسهلا بيكي.

    الصوت.. .في الحقيقه انا مش عاجبني اسلوب دكتور ناجي ولا استاذ عصام

    في الكلام عن عباطه..انا واحده من ملايين المعجبين بيه ومابسمعش

    غيره وبرقص كمان علي كل اغانيه.

    عباطه. .(فرحا)...ينصر دينك والنبي تغيظيهم شويه وتفلفليهم يا (محدثا جيلان)...

    ( هيه اسمها ايه...؟

    جيلان... اسمها هيفاء

    عباطه.. .اه...والنبي تغيظيهم يا...(يتلعثم)..يا..يا اللي كنتي بتتكلمي

    من شويه....(يغني)...كايده العزال انا من يومي..ايوه اه
    98.

    جيلان.. .شكرا هيفاء...(محدثه المخرج)...اه راحي .

    الصوت.. .راجي جلال ياافندم.

    جيلان.. .اه اهلا وسهلا استاذ راجي

    الصوت.. .انا عاوز افهم حاجه...انتوا نازلين سلخ في عباطه واحد بايع عشره مليون شريط ومكسر الدنيا عاوزين

    منه ايه...يبطل غني عشان ترتاحوا..(محدثا عباطه)..يااستاذ

    عباطه كلنا بنحبك.

    عباطه... .وانا والله بحبك وبكره الاتنين دول (مشيرا الي ناجي وعصام)

    يغني)...قاعدين ليه ماتقوموا تروحوا....ع القهاوي واسرحوا.

    جيلان... .ودلوقت نسمع المكالمه الاخيره
    99.

    الصوت.. .ياسر الدوكش صحفي في جريدة حارتنا.

    جيلان.. .اهلا بيك استاذ ياسر...اتفضل.

    الصحفي.. .انا مع الدكتور ناجي والاستاذ عصام...عباطه ظاهره سوده.

    عباطه.... الله يسودوا عيشتك يابعيد.

    جيلان.... (محدثه عباطه)....خليه يكمل كلامه يااستاذ.

    الصوت ...بقولك ياافندم عباطه ظاهره سوده ع المجتمع والنوعيات اللي

    بتسمعه مش مثقفه وفكرهم سطحي..هما لو عندهم ذوق يسمعوا
    لصوت واحد زي ده .

    عباطه... .اللي بيسمعوني احسن منك..وانا مين بيسمعلي مش ولادكم
    100

    ولا بجيب سميعه من الشارع..تقدر تقولي سمعت شريطي ازاي..؟

    الصوت... .سمعته بالصدفه مع اولادي.

    عباطه... وعملت معاهم ايه...؟

    الصوت... .شخط فيهم وكسرت الشريط.

    عباطه.. .تبقي نفعتني واشتروا شريط تاني ياريت كل مايجيبوا شريط

    تبقي تكسره.

    جيلان.... احنا كده ياجماعه حنخرج من الوقت المحدد للبرنامج

    شكرا استاذ ياسر...فيه مكالمه تاني

    الصوت. ..اميره حسن.

    جيلان.. .اهلا اميره اتفضلي قدامك خمس ثواني
    101.

    الصوت... بسأل الاستاذ عباطه...اغنية الملوخيه مين مؤلفها.

    عباطه.. .ماحدش بلفها ولا حاجه.


    جيلان... .قصدها تقولك مين اللي كتب الكلام بتاع اغنية الملوخيه.

    عباطه... .اه....الاستاذه مايصه

    جيلان... شكرا اميره...ودلوقتي جه وقت الإشاره الحمراء وحنسمع الاتنين

    النجم الكبير عباطه والاستاذ عصام

    محدثه عصام)....حتسمعنا ايه النهارده في الحلقه يااستاذ

    عصام.

    عصام.. .حقول موعود...(يمسك العود ويغني الكوبليه الاول من موعود
    102

    موعود معايا بالعذاب موعود ياقلبي

    ولا بيتهدا ولا بترتاح في يوم ياقلبي .

    دكتور ناجي. .(يصفق بحراره)...الله ..الله عليك ياابني.

    عباطه... (ساخرا)....الله علي ايه...عاجبك ابو قلب موجوع ده.

    عصام ... (يكمل الكوبليه)...وعمرك...عمرك ماشفت معايا فرح

    كل مره...ترجع المشوار بجرح

    والنهارده جاي تقولي ياللا بينا ننسي الاهات

    جاي تقولي ياللا بينا الحب فات

    وميل وفرش منديله كاتب علي طرفه اجيله

    وامانه يادنيا امانه...تاخدينا للفرحه امانه
    103.

    عباطه... ياخي ياخدك ربنا وماتفرح ابدا (يقلده في اخر الكوبليه)

    دكتور ناجي..(يصفق)...عظيم ياابني..(محدثا جيلان

    شوفتي الصوت...صوت يتسمع فيه طرب

    عباطه.. .(ساخرا)...والنعمه ماحد فاهم حاجه...حوريكم الغني


    (يقوم عباطه ويغني اغنية الملوخيه ويتجاوب معه

    الجمهور بجنون...حتي ينتهي بتصفيق حاد

    جيلان... كده الجمهور كله معاك ياعباطه.

    دكتور ناجي.. .وللأسف.

    جيلان.. .الموضوع اذواق يادكتور ناجي وكل واحد فينا


    104


    له ذوقه وفكره وميوله...ومايقدرش طرف يفرض ذوقه علي الطرف

    التاني...وبكده وصلنا لنهاية حلقة الليله

    ومعادنا الشهر القادم مع نجم جديد وحلقه جديده من


    الاشاره الحمراء


    بلاك اوت








      الوقت/التاريخ الآن هو الثلاثاء مارس 19, 2024 1:17 pm