منتدى الفراعنة

منتدى أ/سمير حماية

المواضيع الأخيرة

» ضوابط التعامل مع ادعياء المهدية
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:42 pm من طرف سميرحمايه

» وقفة مع الرؤى والمنامات وهل يمكن من خلالها الحكم على المهدي
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:41 pm من طرف سميرحمايه

» فضفضة حول علامات الظهور وكيف ينتهي الحكم الجبري
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:40 pm من طرف سميرحمايه

» رؤيا المهدي المنتظر يصعد جبلا والفاروق عمر مبتلي
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:38 pm من طرف سميرحمايه

» لا مهدي بدون القحطاني ولا قحطاني بدون مهدي فمن هو القحطاني الذي يمنحه المهدي لقب أمير
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:37 pm من طرف سميرحمايه

» قتل داوود جالوت في أعجب مبارزات التاريخ البشري وماخفي علينا من علم خفي في أمر تلك المبارزة العجيبة.
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:36 pm من طرف سميرحمايه

» وقفة مع شطحات من يلقبونه بالعارف بالله ابراهيم ابوحسين رضي الله عنه لا أعرف من اين اتوا برضا الله ع
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:35 pm من طرف سميرحمايه

» مخطوطة قديمة من اندر المخطوطات 2 تتحدث عن المهدي العظيم وتصفه بملك اخر الزمان
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:34 pm من طرف سميرحمايه

» واسلاماه .الصين والجريمة الإنسانية العظمى بقيامهم بفصل اطفال مسلمي الايغور عن عائلاتهم امام صمت دولي
  رواية ليلة في حضن الجبل ( اسياد وعبيد 2) سميرحمايه Icon_minitime1الجمعة ديسمبر 13, 2019 11:33 pm من طرف سميرحمايه

التبادل الاعلاني


    رواية ليلة في حضن الجبل ( اسياد وعبيد 2) سميرحمايه

    avatar
    سميرحمايه

    عدد المساهمات : 1504
    تاريخ التسجيل : 29/10/2010
    العمر : 50

      رواية ليلة في حضن الجبل ( اسياد وعبيد 2) سميرحمايه Empty رواية ليلة في حضن الجبل ( اسياد وعبيد 2) سميرحمايه

    مُساهمة من طرف سميرحمايه في الأحد يناير 13, 2019 9:39 pm











      رواية ليلة في حضن الجبل ( اسياد وعبيد 2) سميرحمايه 50784610
    ليلة في حضن الجبل
    سميرحمايه








    كلمة

    نعلم دائما نقطة البداية ولا نبصر الطريق لخط النهاية ولذلك نتعثر دائما في خطواتنا ،نبحث عن الحلم في الحجرات المغلقة دون أن نحاول فتح الباب. .








    2
    1_ امام قصر جعفر
    دائماً نُحلم بأن ينطقُ من حولنا بالحق دون الحاجة إلى جدال وجهد
    لإقناعهم به حتى تستقيم الحياة فالضمير الذي لا يمنع المرء إرتكاب
    الخطأ هو نفس الضمير الذي يتنبه للحق ولكن نغفر له إرتكاب الخطأ
    ونتمادى فيه وننسى تنبيهه للحق ، نسير بالضمير كيفما نشاء حسب
    الأهواء، ننظر للحياة ونحن نلبس هذا الحذاء الضيق ، نستخدم الماء
    لإطفاء النار في الحريق ، ولكن في حياتنا الجدلية نطفئ النار بالنار.

    ............
    ....أعد جعفر العدة لتنفيذ حكم قاضي عسكر أفندي وتنفيذ القصاص
    لولي الدم ، تجمع أهل القرية لرؤية حسن وجعفر واللزي وهارون
    في سعادة غامرة حتى كريم جاء يتشفى في حسن ، كل أهل القرية
    ينتظرون مايحدث إلا لواحظ فهي تعلم أن حسن قد هرب وهي من
    ساعدته على الهرب ، جعفر يأمر اللزي ورجاله بإحضار حسن من محبسه
    لتنفيذ الحكم .
    ..هرول اللزي وخلفه طلب وبكر وصعدوا الُسلم ولواحظ في حجرتها
    تستمع لوقع خطواتهم وتنتظر المفاجأة التي أعدها القدر لهروب حسن
    ...عبدالمولى الحارس الكلف بحراسة الحجرة استقبل الرجال
    3
    ببشاشة .
    ...كل شئ تمام ياسبع .
    ... افتح وطلعوه أنت والرجاله .
    ....ماشي ياسبع.
    فتح عبدالمولى مزلاج الباب الخشبي الكبير ودخل وخلفه طلب
    وبكر وكانت المفاجأة عدم وجود حسن .
    عبدالمولى يصرخ ويندب .
    ... راح فين انا ماسبتش المكان.
    دخل اللزي  الحجرة عندما إستبطأهم .
    ... فيه أيه ..؟ وهو فين ؟
    طلب
    مفيش حد هنا ، الظاهرهرب.
    عبدالمولى
    ...والنعمة الشريفة انا ماتركت مكاني هنا
    اللزي انهال بالضرب على عبدالمولى بجنون وعبدالمولى
    يُقسم أنه لم يبرح المكان .


    4

    .............
    2_أمام قصر جعفر
    وصل لمكان تنفيذ الحكم منقريوس ورحان ومرسال ومسعده
    ومعهم يشعة ومريم ، هم في حالة حزن غير عادية ومسعدة
    ويشعة ومريم في حالة بكاء ويدعون على الظلمة، جعفر
    وهارون وكُريم ينظرون لهم في تشفي وسخرية ووصولهم
    لمكان تنفيذ الحكم أسعد جعفر ورجاله ، مر الكثير من الوقت
    و أهل القرية في حالة ترقب غير عادية وحزن والشيخ أدم
    بصحبة إبنه شحاته ، حيث ينقل له شحاته كل مايدور حولهم
    الحمداني وإبنه حمدان وإبن اخيه سديري ومحمد عوض
    يقفون في مقدمة الصفوف وهم في حالة حزن .
    ... يظهر اللزي وهو ممسكاً بعبدالمولى وينهال عليه ضرباً
    وتلطيشاً وعبدالمولى يُقسم انه لم يتزحزح من مكانه، لم يظهر
    حسن معهم وتحول أهل القرية من حالة حزن إلى فضول
    ودهشه ، لا يفهمون مايحدث حولهم.
    ...جعفر محدثاً اللزي .
    .. فيه أيه ..؟ وفين حسن؟
    5

    ....  مش موجو د في أوضة الحبس.
    جعفر في دهشة وغضب
    .. ازاي بتقول أيه ؟
    ... الظاهر هرب .
    ...هرب..! ازاي ..؟ ومن قصري أنا !
    ...هو مش موجود.
    ...أدرك أهل القرية أن حسن قد هرب مما يروه من غضب على
    وجه جعفر ورجاله .
    .. اللزي يقترب من منقريوس.
    ... انت هربت حسن .
    ... هو حسن هرب الحمد للرب.
    اللزي
    فرحان ويصفعه بقوة ويشعه تحتضن أبيها قبل أن يقع على
    الأرض.
    .. ربنا يشل دراعك يابعيد.
    احنا مانعرفش حاجة عن حسن
    من وقت ماانتوا اخدتوه
    6
    وحنقدروا نهربوه ازاي ولو كنا نقدر
    ياريت وكنا مش حنخاف ،
    احنا ياابو قلب قاسي جينا علشان
    نودع حسن اللي ظلمتوه.
    ولكن ربنا أكبر منك ومن جعفر
    ومن قاضي عسكر بتاعكم.
    ... اللزي في حالة جنون يصرخ في أهل القرية ليفرقهم
    وأهل القرية ينصرفون وهم في حالة فرح بنجاة حسن.










    7

    3_ المغارة
    ليتنا ننظر لشق حبة القمح لنأخذ منها العظة ، لنُدرك أن الله وضعها
    في نصفين لنتقاسمهما ، ليتنا ننظر للأشياء نظرة المنصف هي لك
    ولأخيك ولم يخلقها الله لك وحدك ، يالنا من أغبياء نتقاتل على جمع
    المال  ونذهب للقبر بدونه ونُحاسب عليه كله ، نغيش في الحياة
    كمقبض باب يديرونه كيفما شاءوا.
    بدأ حسن يستفيق من غيبوبته ، نظر حوله ونظر نحو السلوتي
    ....أنا فين ..؟ وحصل أيه ..؟
    ... لقيتك واقع ورا دار جعفر
    وقولتلي وديني أي مكان في الجبل.
    ...ايوه فاكر اني قلت كده ،
    ولكن مش فاكر حاجة بعدها .
    .. انت بعدها مانطقتش .
    .. جبتني هنا ازاي ؟
    ...حطيتك على شوال وجبتك.
    انا بحبك ياحسن.
    ...انت تعرفني ؟
    8
    .. ايوه شوفتك لما ضربت كريم
    وخلصت تاري ، كان لسه ضاربني
    وشوفتك ومهران عاوز يموتك وانت غزيته وانا
    فرحت كان برضوا لسه ضاربني
    قبل مايدخل الجامع.
    حسن يبتسم .
    .. واسمك ايه .
    .. انا سلوتي وده بيتي وماتخفش ، مافيش حد يعرف بيت
    الكفار ده غيري.
    ... اسمه بيت الكفار.
    ... اه هما بس اللي سكنوه قبلي.
    ...ربنا يجازيك خير ، لولاك كان زماني ميت، أو كانوا قبضوا
    عليه تاني.
    .. أنت صاحبي وانا بحبك وفرحان إني شوفتك.
    حسن محاولاً الجلوس والسلوتي يعترضه.
    .. لا بلاش تتحرك ، لما تخف.
    ..طيب اسندني اقعد شويه.
    ساعد السلوتي حسن حتي اعتدل قليلاً في جلسته، يتذكر
    9
    هذا الصوت الذي ساعده ، هو صوت إمرأة ولكن من
    تكون وكيف وصلت إليه ، هو لم يتبين ملامحها في الظلام
    فقط سمع صوتها،التفت للسلوتي.
    ... انت تعرف بيت جعفر ياسلوتي ؟
    .. ايوه بروح هناك كتير،
    لواحظ حلوه، بتديني رمان وجوافه
    وتفاح وهدوم ،حتى اللمبه اللي بشوف بيها هنا
    منها هي.
    ... مين لواحظ دي ؟
    ... دي بنت جعفر ، معندوش ولاد غيرها وهي طيبه زي
    امها اللي ماتت من زمان .
    تأكد حسن أن من ساعدته في تهريبه هي لواحظ. التفت للسلوتي
    .. عاوزك توصل بيت المقدس وتطمنهم عليه.
    .. خلاص اطمنوا عليك وعرفوا انك هربت .
    .. يعني عرفوا اني هربت .
    ..ايوه وأهل البلد كلهم عرفوا وفرحوا بيك.
    ... تقدر تجيبلي اهلي اللي قاعدين عند المقدس.
    ... ايوه ، بس شويه ، جعفر واللزي بيدوروا عليك .
    10

    4_ داخل دكان علي معبد
    الجهل هوموت والمعرفة حياة، فالأمة الجاهلة تسقط والأمة التي
    تبني حضارتها على المعرفة تتقدم وتُسابق الأمم وكلما زادت
    المعرفة لدي أمة ، كان نصيبها من النجاح أوفر، يجب أن نحلم
    ونحلم ونظل نحلم طالما هناك نفس في الحياة ، يجب أن لا تشكلنا
    الأحداث ونبكي معها تارة ونحزن معها تارة، علينا أن نمضي
    قُدماً وأن لا نتعلق بالأشياء التي يوجعنا فقدانها ،علينا أن ندرك
    أن مايضيع منا بالأمس صعب إرجاعه وأن كل غالى ونفيس
    سهل فقدانه.
    يجلس داخل دكان علي معبد المعتاد من زبائنه ابوسديرة
    وحمدان والفخراني وعبدالمتجلي .
    الفخراني
    .. الشاي النهارده على حسابك ياابوسديره.
    ...ماهو كل يوم على حسابي ، انت بتدفع حاجة.
    ... لا بس النهارده شاي مش زي اي شاي.
    شاي العريس،. خلاص فاضل على العيد
    وتبقى عريس.
    11
    حمدان وهو ينظر مبتسماً لسديري
    .. الفخراني حيشتغل عليك ياعريس وحيفضل يشرب
    شاي على حسابك لحد مايخلص الفرح.
    عبدالمتجلي الأخنف
    .. لا وحياتك وبعد الفرح حيخليه عريس لحد مايزهقه.
    حمدان
    ...مفيش أخبار عن حسن .
    الفخراني
    ... من وقت ماهرب ولا حد سمع عنه حاجه،
    يمكن جعفر واللزي نسيوه كمان ..
    سديري
    ياخساره ، كان نفسي يعيش وسطينا.
    عبدالمتجلي
    مكانوش حيسيبوه ولا يسيبونا في حالنا .




    12

    5_ في المدافن

    العيد في الصعيد في هذا الوقت له طقوس وأشكال خاصة بأهل
    الصعيد ويختلف عن مصر المحروسه في كل مظاهره، ويتفقوا معهم
    في شئ واحد فقط ، هو إرتداء الملابس الجديدة في صباح يوم
    العيد وسعد الخياط لا يتوقف عن تفصيل الملابس لأهل القرية
    قبل العيد بشهر ، فموسم عمله الأكبر في العيدين، ولكن باقي
    الأيام نادراً مايطرق بابه أحد، بعد صلاة الفجر ومع بداية
    شروق الشمس، يصلي أهل البلدة صلاة العيد بملابسهم الجديدة
    وبعد الصلاة، يبدأ إحتفالهم بالذهاب للمدافن ليحتفلوا بالعيد هناك
    مع الأموات حاملين معهم المخبوزات والبلح كصدقات يهبونها
    للناس هناك رحمة ونور على روح الميت ، لاتجد أجداً في القرية
    فجميع أهل القرية من رجال ونساء وشباب وأطفال يتجهون للمدافن
    .. في المدافن زحمة  غيرعادية على القبور ، يُحيط بالقبور بعض
    أشكال الإحتفالات من مراجيح خشبية للأطفال ولعب متنوعة مصنوعه
    من الخشب وكان أشهرها للأطفال لعبة الفرانه ، لعبه خشبية بسيطة
    بمروحه صغيرة تعمل عند شد الخيط، أيضا ينتشر في أطراف القبور
    13

    بائعي الحلوى والطعمية و أشهر مايباع في العيد وعليه إقبال
    غير عادي هو الملوحة ، عبارة عن سردين صغير مملح ومضاف
    عليه ألوان حمراء، تجد بائعي الملوحة يضعون الملوحة في
    صفائح ويعرضونها للناس ويرغبونهم في شراءها، يتبادل
    أهل القرية التهنئة على القبور والشيخ أدم يتنقل بإبنه شحاته
    من قبر لقبر حسب رغبة من يريد ويقرأ على كل قبر القليل
    من آيات القرأن ومن يقرأ على قبره يمنحه أقارب الميت
    بعض الخبز والفايش والكعك بالسكر وهم ماهرون في صناعته
    والكعك لديهم كبير الحجم ليس مثل كعك المحروسه والدلتا
    ويستخدمون في صناعة الكعك والفايش كمية كبيرة من السمن البلدي
    واللبن ، لذلك مذاقه جيد وأفضل وإن كان يعيبه أنه ليس
    مثل كعك المدن يمكن بقاؤه فترة كبيرة ولكن كعكهم ينشف
    سريعاً خلال أيام قليلة .
    إستغل السلوتي خروج أهل البلدة للمدافن بمافيهم جعفر واللزي
    وهارون ورجالهم ، قام بتهريب رحان ومرسال ومسعدة إلى
    الجبل ،  حيث المغارة التي يتواجد بها حسن .

    14

    6_ أمام دار الحمداني
    في الكثير من الوقت لا نحتاج للسؤال  لمعرفتنا للإجابة لكن قد
    نتغابى ونسأل بحثاً عن إجابات متوقعة، سوف نظل نبحث عن الحلم
    ونغزل منه ثوباً للحنين ،ويملأ القلب وجع الإنتظار ويتناسى وجع
    السنين .. سوف نظل نصرخ ، ننادي ، عسى أن نجد يوماً مجيب .
    أمام دار الحمداني ، تجمعن فتيات القرية للغناء والرقص إحتفالاً
    بقرب زواج ليلة ، هم إعتادوا على تلك العادات قبل أفراح الزواج
    النسوة والفتيات يُغنين في سعادة  أغاني شعبية بمذاق خاص.
    ، إحدى فتيات القرية تغني.
    ... لوماه على لوماه .. على لوميه
    .... خايفه لقول حبيت ... يلوموا عليه
    بعض الفتيات يرددن خلفها وهن يصفقن ويرقصن
    ....بتضربني ليه وأنا اسمي أسما
    ... وتسمع الجيران ...اللي مالوش لازمه
    ... يارايحين السوق.. قولوا لحمايه
    .... بنتك ورا الجمال .. ماشيه تغني
    .... لابسه فستان أحمر ....بتاع صبحيه
    15
    ... لوماه على لوماه .. على لوميه
    .... خايفه لقول حبيت ... يلوموا عليه
    ... بتسألني ليه عن إسمي .. وانا سكينه
    وتفرح الجيران ..فينا
    ..أه يارايحين السوق ..قولوا لحمايه
    .... بنتك ورا الجمال .. ماشيه تغني
    .... لابسه فستان أبيض  ....بتاع صبحيه
    ... لوماه على لوماه .. على لوميه
    .... خايفه لقول حبيت ... يلوموا عليه

    .........
    اللزي وهريدي يسمعان صوت الغناء .
    ....مين اللي بيطبل ده ياواد ياهارون
    ...هو فيه غيره ..؟
    ... قصدك تقول إن الطبل والغنا ده.
    جاي من عند دار الحمداني.
    .... ايوه  بيقولوا فرح ليله على سديري قرب.
    تاني يوم العيد.
    16
    اللزي يضحك بصوت عالي .
    ... طالما بتضحك ياسبع الرياينه يبقى مش حتسكت.
    .. بعدين حتعرف كل حاجه .
    يأتي كُريم مسرعاً.
    ... سمعت يالزي اللي حصل.
    ... خير  ياأبو وش حلو.؟
    ....باقي الناس اللي كانوا مع حسن هربوا من البلد.
    .. هربوا .؟ هربوا ازاي ؟
    .. الظاهر لما اتلهينا بالعيد هربوا.
    هارون
    ... في ستين داهيه  ، أنت مزعل ليه نفسك يالزي.
    ،تلاقيهم خافوا ، وقالوا نحصل حسن
    ...ياريت يكون اللي بتقوله صح.
    ،انا مش مرتاح .بينا على جعفر
    نقوله على هربهم.




    17
    7_ قصر جعفر
    داخل دفاتر الذاكره الكثير من الأماني والأحلام....نظن أننا إقتربنا منها وفجأه نكتشف أنها ذهبت أدراج الرياح وتم دفنها في مقابر المستحيل ولا نملك إلا أن نزرع أشجار الصبار حولها.
    في حجرة الجلوس ، تجلس لواحظ وحليمه ولواحظ
    في حالة يأس وكآبه.
    ... أنا زهقت من السجن ده ياحليمه.
    ... ماتفتريش على النعمه اللي أنت فيها
    ياست لواحظ، تعالي شوفي حياتنا .
    كلها غلب وفقر وخوف وشقا.
    ... حياتك دي أنا بحسدك عليها.
    ... على أيه ياحسره، مين فينا
    يحسد التاني .
    .. خلاص فرح ليله قرب.
    .. ايوه ياستي تاني ليله بعد العيد.
    ... يابختها حتتجوز اللي بتحبه ويحبها
    18
    ... ربنا يستر من اللزي ،
    .. ماله اللزي .
    ... مش حيعديها على خير دلوقت حيفضي
    نفسه لسديري ، بعد مامشي حسن.
    ... مفيش أخبار عن حسن ياحليمه.
    ... لا مفيش أخبار، حتى قرايبه اللي كانوا عند
    المقدس بيقولوا مشيوا .
    ... كده يبقوا سابوا البلد خالص.
    ... تلاقيهم ماصدقوا يمشوا . اللي شافوه
    . اللي شافوه  هنا مش شوية .
    قلب لواحظ ينقبض بقوه ، مشاعر عميقة تمكنت
    منها ولكن ماذا يُفيد الحنين وشوق قاتل في إنتظار
    صعب ، هي تحلم بحلم أقرب للمستحيل، تحلم
    ببشرى لقاه ويمر أمامها نهار بعد نهار وليل بعد ليل
    وبعد أن تفيق ، تتذكر أنه ليس هناك محطة إنتظار.



    19

    8_ أمام دار سديري
    أهل البلد يحتفلون بسديري ، مجموعةمن الدكك متراصة
    في إنتظام يجلس عليها أهل البلد كلوبات إضاءة معلقة في كل مكان عبيد من القرية يقدمون الشربات، الشباب
    يرقصون بالعصا ومعهم سديري ، عبدالمتجلى يتلقى
    النقوط من أهل البلد ومنهم من يُنقط بباره ومنهم
    بإثنين وعبدالمتجلي ينطق اسم صاحب النقطة
    ويقول .
    ... محمد عوض عقبال عنده.

    ..........
    من عادة أفراح الزواج في الريف في هذا الوقت أن
    يذهب حصان إلى أهل العروسة ، ينقلون به العروسة
    إلى منزل العريس ، حمدان يركب الفرسة وخلفه
    العروسة اخته ليله في فستان أبيض، بعض الشباب
    يسير بموكب العروس بصحبة الحمدني والد العروس
    20

    قطعوا درب الحواشي وإنحرفوا بجوار القريوس
    في الطريق لدرب بيت ابراهيم ،حيث يوجد
    منزل سديري ، عند منتصف القريوس وقبل
    إنحرافهم للدرب ، قطع عليهم اللزي الطريق
    بخمسة من رجاله .
    اللزي محدثاً الحمداني .
    .. على فين العزم  ياحمداني.
    ... زي ماأنت شايف يالزي .
    ... مش قولتلك بلاش الجوازه
    دي ياحمداني.
    ... سيبنا في حالنا يالزي.
    وخلي الليلة تفوت على خير
    البت ومش رايداك ورايده ولد عمها.
    يعتلي وجه اللزي الغضب.
    ....إسمع ياحمداني ،البنت اللي تقول لا للزي
    تعيش باقي عمرها بايره.
    21

    زي الخرابه ، خد بعضك وبنتك
    وارجع ، بدل ماغضبي يزيد.
    حمدان ينزل من الحصان ويتجه بالقرب من والده.
    ....اللي في دماغك ، مش حيحصل يالزي ...
    ومش حتتجوز ليله اختي .
    ومحدش حيتجوزها غير سديري بن عمها.

    يقترب اللزي من حمدان والحمداني ساخراً.

    ....لا والله خلفت ياحمداني.
    خلفت اللي يقف قدام اللزي
    ويقوله لا ومش البنت بس، كمان الولد.
    الحمداني يخشى على حمدان إبنه من تطاول اللزي.
    محدثاً إبنه .
    ....انت مالكش دعوه بالكلام ده .
    ولما ابوك يتكلم انت تسكت
    22
    ( يلتفت للزي ) ماتاخدش على كلامه
    ده عيل .
    ... لا انا مش عيل ، ومش حتتجوز اختي يالزي .
    اللزي ضاحكاً بسخرية .
    ....لا سبع ياواد ، أبوك عرف يخلف راجل.
    يقترب اللزي من حمدان، فيعوقه الحمداني ، فيدفع
    الحمداني بقوة فيقع على الأرض ، ينقض على
    رقبة حمدان ويطرحه أرضاً واضعاً قدمه على
    صدره .
    السلوتي يتابع المشهد من بعيد ويجري
    مسرعا لدار سديري ليبلغه بما حدث.الحمداني
    يحاول الوقوف على قدميه.
    ... الواد مش حملك يالزي ، سيب الواد.
    ليله تنزل من على الحصان وتتجه نحو اللزي
    كاشفه وجهها.
    ....سيب اخويه يامفتري .
    ياظالم ، انا بكرهك
    23
    تضرب اللزي على صدره وهي في حالة صراخ
    وبكاء، يقترب منها الحمداني ويمسك بها مبتعداً
    ....تعالي يابنتي ، المفتري فيه اللي أقوى منه.
    أمسك هارون حمدان وشل حركته ، الحمداني
    يرضخ للأمر.
    .... سيب الولد حاخده هو واخته وحرجع البيت
    زي ماقلت يالزي .
    .. أيوه كده ، إعقل ياحمداني .
    حمدان  يثور على اللزي معترضاً على كلام أبيه
    ... لا أنا مش حرجع البيت وحاخد اختي لبيت
    جوزها، حتى ولو موتني اللزي .
    اللزي يصفح حمدان بالقلم ويتجه نحو ليله.
    ....إرجعي مع ابوكي ع الدار ياحلوه.
    يصل سديري منفعلاً.
    ....مالكش دعوة بيها يالزي .
    اللزي ساخراً
    ..أهلاً بعريس الغبرة ( ينظر نحو الحمداني)
    24
    ....مش حرام الغراب ده ياخد الظرظورة الحلوة دي.
    سديري  .
    ... بلاش غلط وسيبني أخد مرتي وامشي .
    اللزي يضحك ساخراً
    ...تاخد مرتك ..
    ساخراً
    اه بصحيح هي مرتك ...
    منفعلاً
    ...انت حتطلقها دلوقتي .
    ... مش حطلقها يالزي ، وحاخدها لبيتي.
    اللزي ينظر إلى حمدان
    ... اللهم ماطولك ياروح ، حتلموا الدور ولا مش
    حيحصل كويس .
    الحمداني وهو يمسك بسديري .
    ..بينا نرجع للدار وكفايه لحد كده ؟
    اللزي
    .. لا خليه يطلق دلوقتي .
    25
    سديري
    ... مش حطلق يالزي .
    ...يبقى حقتلك وادفنك دلوقت .
    .. لو راجل حطب معايا عصا.
    اللزي ساخراً ومستهيناً به .
    .. عاوز تحطب مع اللزي عصا .
    يكرر الضحك
    .. ماشي نلعب دلوقتي .
    سديري
    ... لا مش دلوقتي ، بكره في العصريه وهنا
    في نفس المكان .
    اللزي
    ... ماشي ، علشان موتك يكون قدام البلد
    كلها ( محدثاً ليلة ) روحي البيت اقلعي الابيض
    ياعروسه وغيريه ب اسود .



    26

    9_ دار ارمنيوس

    في مدخل دار ارمنيوس ، يجلس على الدكه ممسكاً
    بكوب شاي ، في الدكة المقابلة تجلس مريم وييشعه
    يشعه
    ....شفت اللي حصل يابا.
    اللزي رجع ليله لبيت أبوها
    ومنعها تروح بيت جوزها.
    ... اللزي ظالم وحنشوف فيه يوم قريب
    ببركات الرب.
    مريم
    ...سمعت كمان إن سديري حيحطب
    العصا معاه بكره في العصريه
    ارمنيوس .
    .. سديري غلط وحط نفسه قدام الريح.
    27
    .. هو مش اد اللزي.
    مريم
    .. ده ماكنش حينفع معاه غير حسن.
    ارمنيوس
    .. اللزي قوي وجامد يابنتي غير كريم.
    ولسه بدري على حسن علشان يقدر عليه
    يشعه
    ... كويس إن كل أهل البلد فاهمين إن حسن
    ترك البلد  وهرب، ياترى عامل ايه دلوقت.
    ... الجرح بتاعه قرب يلم خالص، عاوز أعدي
    عليه بكره اطمن عليه
    واوديلهم شوية زاد،مسعده ورحان
    خلوا من المغارة ولا أحسن بيت.
    ماتحسيش انك في مغاره .
    يشعه
    ...بلاش تروح انت يابا ،المره اللي فاتت ربنا ستر
    في رجعتك ، مانضمنش المره دي يحصل ايه..
    28

    أنا اللي حروح وقبل القياله .
    حكون جيت من هناك .
    ... أخاف عليك ، يمكن حد يشوفك.
    ويمشي وراك.
    ....ماتخفش يابا ، كلهم حينشغلوا بالتحطيب ..
    وانا حروح من طريق الشيخه خضره من ورا ..
    .. واعدي الكوله وادخل على الدرب.
    ... وانا حوصل الدير أقعد شوية هناك ،والعصريه
    حاجي وانت خلي بالك من نفسك.
    ينتهي ارمنيوس من شرب الشاي ، يناول الكوب
    لمريم ويخرج.
    مريم
    .. ابقي خلي بالك على نفسك يايشعه.
    ... ماتخافيش على اختك ، اختك بمية راجل.
    ..عاوزه اقولك حاجه كمان.
    ... قولي يا اختي.
    29
    ... اوعي تكوني بتحبي حسن يايشعه.
    ... مش حعرف اجاوبك بالظبط، لكن انا
    باستريح لحسن، يمكن بتعاطف معاه
    احنا مالناش اخوة صبيان ، بشوف حسن
    اخويه.












    30
    10_ حجرة لواحظ
    كالعادة تجلس هي ورفيقتها حليمه .
    ...تصدقي صعبة عليه ليله، الظاهر اني...
    حسدتها... امبارح كنت بقول يابختك ياليله.
    ....اسكتي ياستي ، حالها لا يسر عدو ولا..
    حبيب ومش مبطله عياط.
    .. انت رحتي زورتيها .
    ... ايوه ، الدار  كلها بعد ماكانت في فرح..
    قلبت محزنه واللي تعبهم اكتر طلب سديري...
    يحطب مع اللزي بالعصا، رمي نفسه في المر.
    ....سديري بيدافع عن قلبه ياحليمه، سديري
    مغلطش ومكنش قدامه طريق تاني .العشق
    نار لو ولعت في القلب ماينطفيش ياحليمه.
    ...يغور العشق اللي يموت صاحبه، مايريح..
    دماغه وبناقص من ليله .
    .....لو ريح دماغه ، حيريح قلبه ازاي ،حيعيش

    31

    ميت ويفضل طول عمره ميت.
    ... كلامك حلو ياست لواحظ، أنت جبتيه منين ؟
    ....مش كل الحاجات بتتعرف ياحليمه، فيه حاجات
    بتتحس ومايحسش بيها غير صاحبها ، ربنا يكون
    في عون ليله وسديري .
    .... ويكون في عون اللزي كمان ، ماهو على
    كلامك هو كمان بيعشق ليله.
    ... العشق حب وعطاء وتضحيه مافيهوش
    غل وحقد وهو زي القفه ياحليمه ام ودنين
    ولازم يشيلها اتنين ، اللزي عاوز ليله تحبه
    بالعافيه وبيفرض قوته على قلبها، اللزي
    حبه حب تملك بس، هو بيحب نفسه اكتر
    وعاوز يملك ليله زي اي حاجه عاوز يملكها.



    32

    11_ داخل دار الحمداني

    تمر الأيام ويجري العمر، وصوت السكوت حزين،.نبحث عن الحب والشجن ونشتاق للأنين، نبحث عن حب في زمن توقف قلبه عن النبض ،.نتمني الحب في زمن ضل منه الحب.
    يجلس سديري مع ليله التي انهمرت في بكاء
    طويل .
    ....ماتعيطيش ياليله .
    وبلاش اشوف دموعك دي...
    بكره حغلب اللزي ويجمعنا بيت واحد.
    ... انا خايفه عليك ياسديره ؟
    ... متخافيش عليه ، انا رايدك يابت.
    وعلشانك مش اضرب اللزي بس .
    عشانك أهد جبال.
    ... انا كمان رايداك ياابن عمي..
    ومش حكون لحد غيرك .
    33
    ... إن شاء الله محدش حيقدر يفرق بينا ...
    إضحكي يابت شويه علشان أعرف أحطب بكره.
    سديري يقترب من ليله ويمسح دموعها بيديه.
    ... إضحكي بقي ؟
    ليله تبتسم .
    ... أهو ضحكت.
    ... يالهوي على الضحكة الحلوه دي،والنبي
    تضحكي على طول ، خليني أفتكر ضحكتك
    وانا بلاعب اللزي ، علشان تقويني .
    .... ابقى خلي بالك على نفسك، عشان
    ترجعلي بالسلامه.
    ... حاجي اخدك واطير بيك ع البيت .
    ... لا انا عاوزه حصان يجري بينا في الجبل ..
    وعلى الجسر، يجري بينا بعيد عن كل الناس
    وننزل في حته مافيهاش حد غيرنا.
    ... ونخلفوا عيال كتيرة وتبقى عيلة السدايرة
    ليله تضحك وهي تمس دموعها .

    34
    تمضى الايام بنا وتتبدل الفصول فبعد الصيف يأتى الخريف وبعد الشتاء ياتى الربيع ومع تغير الظروف المناخية يتغير لون الأوراق فنجد الأوراق ذابلة في الشتاء، ونجدها صفراء فى
    الخريف، ونجدها تزدهر فى الربيع،ونجدها تنمو فى الصيف
    كذلك أعمارنا، تنمو على مراحل من عمرنا ،ولكن هناك أوراق
    تظل ثابته أو من المفترض فيها كذلك ،هي أوراق أخلاقياتنا
    قيمنا ، عاداتنا وأعرافنا .
    تصل يشعه إلى حسن بعد معاناه وتطمئن عليه وتمنحه
    الزاد وتحكي له ماحدث من اللزي مع ليله في يوم زفافها
    وماحدث من سديري وطلبه، التحطيب مع اللزي بالعصا
    تعاطف مع سديري فهو من نقله للبيت هو وإبن عمه
    وأنقذ حياته ولكن حالته الصحية التي رأتها يشعه جعلتها
    تطلب منه أن لا يتدخل فصحته لا تسمح
    حسن
    ... إسمعيني يايشعه كويس، انا مش حسيبهم
    ومش حسيب سديري وليله .
    35
    ... بس صحتك ماتتحملش.
    .. انا مش حظهر قدام حد ولا حد حيعرفني.
    ... ازاي وحتعمل ايه ؟
    ...حهرب ليله وسديري .
    ... ازاي ؟
    ...ماتشغليش بالك بس كلمي ليله واقنعيها
    ولو ربنا نجا سديري من اللزي حهربه هو كمان
    روحي أنت ، مفيش وقت.
    ، حسن قام بتوصيلها إثناء رجوعها ولكن يشعه
    إكتفت بالقليل وطلبت منه العودة ، أثناء عودته وجد مرسال
    أمامه .
    ...أيه اللي نزلك يحسن .
    ... أنا قلت أتمشى شويه، سمعت
    عن اللي بيحصل في البلد
    ... حصل أيه ، البلد دي كل يوم في حال .
    ... اللزي منع جواز ليله من سديري.
    .. تقصد اللي شالك حتى البيت وعالج جرحك.

      الوقت/التاريخ الآن هو الأحد ديسمبر 15, 2019 7:30 am