حبيبي مضايق -للشاعرة أمل صيدم

حبيبي صوته مضايق
وقلبه رقيق ما يتحمل
وأنا ما أقدرش أشوف ضيقته
واسكت وأقعد أتأمل
فضلت كتير اقله واعيد
عشان ينسا و يتحول
فيرجع تاني للتنهيد
وارجع اعيد له م الأول
سلامتك يا حبيب الروح
دأنا سكنك تعالا وبوح
سلامة قلبك المجروح
سلامة نفسك الطالع
بتنهيدة وخنقة روح
ولو قلبك يقول الآه
بيهرب قلبي ما بلقاه
يطير ويروح كده لعندك
الاقيني جسد مدبوح
ياحب العمر يا انسان
يا شمعة تنور الأكوان
يا رقة في ثياب فنان
يارب ما يوم أشوف دمعك
ولا حقدر أعيش بعدك
وأنا دايماً هنا جمبك
ولا حبعد يا روح الروح
دأنا فكرك وتفكيرك
وحافظة لكل تعابيرك
وأنا عايشة يا حب العمر
من خيرك
ولو في يوم بتندهلي
تلاقيني بقيت طيرك
احط جناحي على كفك
وابعد عنك الضيقة
فتضحك لي وتتبسم
تفوح الدنيا بعبيرك
=========أميرة الحروف (أمل صيدم ) ==============