سكت الكلام للشاعرة أمل صيدم

سكت الكلام
و أنا بسمعه
ما لقتشي
غير دمعة حزينة
في عنيه تودعه
قلبي الي بعته
قلي مين
حيرجعه
هي ديه كل الي ليه
دمعة نازلة من عنية
يمكن تكون غلطتي
أني حلمت أنك في
في يوم
تكون ليه
بس الأكيدة محبتي
لكن أعمل إيه
حبك ده كل قضيتي
وأنا خصم ضايع
مالوش مكان
ما لوش رقم
في قضية خسرانه
يمكن حياتي بتنتقم
مني عشان حبيتك
واتمنيتك
فكرت اني في يوم حكون
سكنك وبيتك
ماليش بقة غير حل واحد
من قلبي أقدر أنتقم
وأنسى الحكاية
وأرجع أراجع نفسي تاني
يمكن غلطت
لكن المهم اني فقت
و النهاية للحكاية
إن أنت بعت محبتك
وأنا مش حقف في سكتك
وبودعك أيوة خلاص بودعك
خلصت خلاص أحلام جميلة
مش حخدعك
قصتنا كانت الف ليلة
بس انتهت منك في ليلة
ما فيش دموع حترجعك
ولا فيه ملام
سكت الكلام
---------------------أميرة الحروف (أمل صيدم ) _______