عفاريت تيك اواي 5

86

في بعض، ونخرب في بعض، ومش
طايقين بعض ، معقول الكلام ده .
الأمير من مصلحة كل إمارة تأمن نفسها وسيادتها
وتفكر ازاي تسود الإمارات اللي حواليها
ومش مهم بطرق مشروعة أو لا وكل إمارة
ليها مرتزقة بتمولهم بالمال ويأتمروا بأوامرها.
مهموم نهاركم اسود ، خلاص وصلتوا لكده، بدل
ماتساعدوا المحتاج ياتستغلوه ياتقتلوه، بتخربوا
في كل حته طمع في سيادة مش حتلاقوها.
الأمير كان لازم أبقى أسد علشان أعيش وسط
الأسود .
مهموم اهو خلاص خلصت ولا عاد فيها أسد
ولا معزة وماعدش باقي في العمر حاجة
كلنا حنموت ونطلع منها عريانيين .
بس ممكن أطلب طلب منكم ( محدثا الإمير)
ممكن يا أمير.
88

الأمير... اتفضل يااستاذ مهموم.
مهموم دي آخر فرصة لينا في الحياة وتقريبا
آخر نفس لينا حنتنفسه ...تعالوا كلنا نكون
مع بعض ونموت واحنا خايفين على بعض
وإيد واحدة ... قربوا كلكم ،..( الجميع يقتربون)
حطوا ايديكم في ايدي وقولوا ورايا
من النهاردة ايدينا في ايد بعض.
الجميع من النهاردة ايدينا في ايد بعض.
مهموم ومسامحين بعض.
الجميع ومسامحين بعض.
مهموم وتوبنا إلى الله .
الجميع توبنا إلى الله.
مهموم وندمنا على مافعلنا .
الجميع وندمنا على مافعلنا.
مهموم وعزمنا ألا نعود.
( يدخل عزيز مسرعاً)
89

عزيز افرحوا ، مش حتموتوا دلوقتي جبت لكم
اكسجين يكفيكم أسبوع
( يتركون اياديهم المتشابكة ويهرولون نحو عزيز)
مهموم شرط أيه ؟
عزيز انكم تسمعوا اللي حقولكم عليه ، هيه
، قولتوا أيه .؟
الجمع ماعدا مهموم....موافقين .
عزيز جميل ياحبايبي ياحلوين .

( إظلام مع موسيقى مناسبة )






90

اللوحة السابعة
المنظر لا تغيير، تفتح الستار على مهموم جالساً في أحد
الأماكن ويدخل عبدالموجود حاملاً كروانه بها غسيل
مهموم أيه اللي أنت شايله ده ياعبدالموجود.
عبدالموجود ده غسيل ومش عارف أنشره فين ؟
مهموم والله انت راجل جدع وبتغسل لنفسك!
عبدالموجود دي مش هدومي، دي هدوم عزيز بيه.
مهموم أنت بتغسل لعزيز بيه ..؟
عبدالموجود باعمل بلوقمتي، حاكل من فين ؟وبعدين
كلهم بيشتغلوا عنده ، جات عليه .
مهموم بيشتغلوا ايه معاه ؟
عبدالموجود الأستاذة ايمان ماسكه المطبخ.
مهموم والشيخ زيكو.
عبدالموجود بيغسل المواعين .
مهموم طيب والأمير؟
عبدالموجود بينضف اللوكانده، بيغسل ، ويمسح البلاط.
91

مهموم مش ممكن ، معقولة عزيز قدر يسيطر
عليكم كده ،ياخساره ، طيب وشوشو
هي كمان بتشتغل أيه .؟
عبدالموجود شوشو دي الهانم الريسه علينا وشغله
شخط ونطر علينا.
( يدخل الأمير وخلفه الوزير)
الأمير يابعجر مافيهاش حاجة لما تعمل شغلك
وشغلي.
الوزير أنا كفايه عليه الأكل ،أحط الأكل وأشيل
الأطباق الفاضية ، عاوزني كمان أكنس
وأمسح ، حرام عليك ياأخي !
الأمير راعي أني أميرك.
الوزير ياعم انت لسه فاكر، أمير أيه وغفير أيه
ماخلاص كلنا ركبنا الهوا سوا.
( تدخل شوشو عايشه في دور الريسه)
شوشو ( محدثة عبقر) الغرفة بتاعتي لسه
92

ماتكنستش ياعبقر ، هو ده مش شغلك
ياجناب الأمير.
الأمير سبحان مغير الأحوال كنت توطي تبوسي
ايدي.
شوشو بتقول أيه ؟
الأمير بقول حاضر، شويه وانضفها أنا تعبت.
شوشو إن مرحتش تعملها دلوقت ، ححرمك
من وجبة الغدا.
الأمير لا كله إلا الغدا ، حاضر،حروح أعملها
دلوقت ( ينظر إلى الوزير ويخرج)
شوشو ( محدثه الوزير) وانت عملت أيه ؟
الوزير أنا غلست شغلي من بدري ياهانم
ومستني الغدا.
شوشو ( لعبدالموجود) وانت خلصت شغلك ؟
غبدالموجود أنا غسلت الغسيل كله ومش عارف
أنشره فين ؟
93

شوشو انشره على ترابزين السلم .
عبدالموجود ترا ..أيه ؟
شوشو على سور السلم ياجاهل .( محدثه مهموم)
وانت مش ناوي تشتغل وتعمل بلقمتك..؟
مهموم مش عاوز لقمتكم وعلى عاوز اكسجينكم
أمنعوا الأكسجين عني زي مامنعتوا الأكل
أنا أموت حر، أحسن ماأعيش عبد ذليل
لعزيز وأشكاله، ومش حديه فرصة
يشتريني زي مااشتراكم ونسيتوا ربنا
اللي وعدتوه بالتوبة .
شوشو ربنا قال الضرورات تبيح المحظورات
مهموم ( ضاحكا) ربنا ماقلش كده، جبتيها من
فين ..؟
شوشو الشيخ زيكو قلي كده .
مهموم وأنت بقى بتشتغلي أيه بلقمتك
بتسهري عنده في اوضته تقوليله
94

حكاوي ألف ليلة وليلة ، علشان كده
عينك ريسه عليهم، طبعا أنت خبرة
مش بتضيعي وقت .
شوشو أنا شغلتي إشراف على الشغل كله
وبس .
مهموم آه بس ..وطبعا خلاكي تتحكمي في
إخواتك ، دا انت لما كنا بنموت
رجغتي لربنا وطول الوقت عماله
تدعي واتحجبتي ومسكتي سبحة.
شوشو ربنا كتبلي عمر جديد .
مهموم كيب لما انت عارفه إن ربنا كتبلك
عمر جديد، اشكريه، وخليك على
عهدك معاه ، وماتجريش تقلعي حجابك
وتلبسي بدلة الرقص.
شوشو وماله الرقص مهنة شريفة ، وانا كنت
بتاجر مع ربنا ، علشان كده رجعني
95

للدنيا تاني ، يبقى هو راضي عليه.
إطلع أنت منها بس .
( يدخل عزيز بكبرياء وخلفه ابو موسى ، تتجه
شوشو نحو عزيز)
عزيز فيه أيه ياشوشو؟ أيه الأخبار؟
شوشو فيه حالة تمرد وعصيان وإرهاب؟
عزيز تمرد وعصيان وإرهاب في منطقتي أنا!.
ومين المتمرد الإرهابي ده ؟
شوشو الأستاذ مهموم بيتمرد على الشغل وبيثير
فتنة وقلاقل من شأنها تكدير السلم العام.
عزيز ولا تزعلي نفسك محروم من الأكل والمساعده
وتركه يموت من الجوع،واللي حيساعده
بسندوتش أو أي حاجة ياكلها ، حجلده
ويكون عبرة للجميع .
مهموم وكمان امنع عني الأكسجين ، طالما بقيت
بتتحكم في مصيرنا وأرواحنا.
96

ابوموسى (جانبا لعزيز) الراجل ده حيبوظ شغلنا كله
عزيز ماتقلقش ، أنا حتصرف ، روح اندهلي
كل نزلاء اللوكانده( يخرج اوموسى) ( لمهموم) يعني ده
آخر كلام عندك؟
مهموم ايوه وماعنديش كلام تاني.
عزيز يعني مش عاوز تدخل في طاعتي؟
مهموم ولا حتى حفكر ، وانا في طاعة ربنا
اللي تقدر عليه اعمله .
( يدخل الجميع)
عزيز ( محدثا الجميع) ودلوقتي علشان اخلاصكم
ليه وطاعتكم ، ليكم عندي خبر يفرحكم.
ايمان خير ياعزيز بيه .
عزيز طبعا خير ..أنا حخليكم تعيشوا كمان سنة
الجميع هيه ، الله اكبر ..يحيا عزيز..يحيا عزيز.
عزيز ومش كده وبس ، حأمن لكم كل احتياجاتكم
من كل وشرب واكسجين بزيادة .
97

شوشو والله انت رديت فينا الروح (تنسي نفسها)
دنا حرقصلك طول الليل .
مهموم ابسط ياعم وتقولي مش بدخل.
شوشو انا قصدي ادعيله طول الليل ،كلمة
طلعت غلط .
عزيز بصراحة انتوا صعبتوا عليه وقلت
لازم أعمل حاجة ، انقذكم بها من الموت
الأمير انت كلك خير ياعزيز بيه ، احنا بنتنفس بحسك.
عزيز اسمعوني دلوقتي ،انتوا كلكم عارفين ، إننا
كلنا اتخسفنا لسابع أرض.
ايمان ايوه ..وايه الجديد في كده ؟
عزيز سابع أرض دي، تبقى مملكة الجن
وبيتحكم في الارض دي العفاريت .
عبدالموجود يعني احنا عايش معانا عفارايت..؟
عزيز لا احنا اللي عايشين مع العفاريت في
أرضهم ، وطنهم، احنا أغراب هنا
98

والعفاريت وهما بيرقبوا حدودهم ، بيراقبونا
وعارفين اننا جينا غلط وشايفين بنعمل ايه.
ايمان ربنا يستر ، وسلام قولاً ،من رب رحيم
عزيز وعشان كده وعلشان نقدر نعيش معاهم
في سلام وعلشان مايتحركوش ويعفرتونا
لازم نحقق الإتفاق اللي اتفقت عليه مع
ملك ملوك الجن.
الأمير أنت عملت معاهم اتفاق ؟
عزيز أه وقدمت طلب لمنظمة أمم العفاريت المتجدة
ووافقوا على الإتفاقية ، وكويس محدش فيهم
حق العفرينو.
الوزير مين عفرينو ده ؟
عزيز ده زي حق الفيتو عندنا ...المهم منظمة حقوق
العفاريت وافقت على التعاون مع منظمة حقوق
الإنسان بتاعتنا وحولوا الاتفاقية لمنظمة عفرتيسكو
الوزير حتي العفاريت عنها منظمات .
99

عزيز اه عندهم كل حاجة زينا ودول دائمة العفرته.
المهم، لما اتحول الطلب لمنظمة عفرتيسكو
زي اليونسكو عندنا ...
الوزير المهم وبعيدين..؟
عزيز منظمة عفرتيسكو وافقت على كل الشروط
وحولوا الطلب لصندوق النكد والعفرته
والصندوق وافق على منحنا اكسجين لمدة
عام وتوفير كل مايلزم لإحتياجات معيشتنا.
شوشو والله فيهم الخير .
عزيز لكن صندوق النكد والعفرته مشترط شرطين.
الأمير موافقين على شروطهم مقدما.
عزيز استنى بس لما تعرف الشروط.؟
زيكو مهما كانت الشروط ، حنلاقي فين
عرض زي ده .نحيا لمدة عام في
في أكل وشرب ورفاهية والذي منه.
عزيز أول شرط من شروط صندوق النكد والعفرته
100

علشان يضمنوا سريان الإتفاقية إن كل
واحد فيكم حجرته، المملوكة ليه في اللوكاندة
وتكون تحب تصرفي بصفتي المسؤول عن
الصفقة .
زيكو طيب واحنا حنروح فين لماتنازلك على أوضنا.
شوشو مفيش مشكلة ، نعيش كلنا في الصالة مع بعضينا
حتى نلاقي حل .
عزيز حتى الصالة اللي في اللوكاندة حتكون ملكي.
شوشو ده حل مؤقت ياعزيه بيه ( تتدلل عليها) علشان خاطري.
عزيز ماشي ، علشان خاطرك ، كل واحد حديه
متر واحد يعيش فيه ويتحرك فيه ، زي
ماهو عاوز.
مهموم ( معاتبا لهم) قدر يضحك عليكم ، اتمسكن
حتى مسك مدير اللوكانده ودلوقت هو اللي
حيكون صاحب اللوكانده.
101

عزيز وانت كمان يامهموم ، ازم تسمع كلامي.
مهموم ده بُعدك ياعزيز وأنا بقى مش حتنازل
عن شبر في اوضتي .
عزيز ماتستعجلش على رزقك ، استنى
شوف الطلب الطلب التاني
مهموم مش موافق عليه مهما كان، ولا عاوز
اعرفه.
الأمير استنى بس ، لما نعرف أيه هو؟
عزيز الشرط التاني ، إننا نقدم واحد منكم
أضحية لبنك النكد والعفرته.
الأمير أيه الشروط الصعبة دي ؟
عزيز كل واحد حيسيب اوضته من دلوقت
ويختار متر واحد في الصالة يعيش
فيه ومن هنا لليل ، اتشاوروا مع بعض
واختاروا واحد فيكم حنقدمه أضحية
لملك ملوك الجن .. وإن موصلتوش لقرار
102

صندوق النكد والعفرته حيبعت مندوب ليه
يختار الأوضحية بنفسه واحد منكم ( يخرج)
مهموم ياخسارة لسه لحد دلوقتي عنيكم عميانه ومش
شايفه عزيز ، مستسلمين ليه وبتحققوا ليه
كل أغراضه.
شوشو لأننا عايزين نعيش ..؟
الجميع أيوه ، كلنا عاوزين نعيش ( يخرجون)
مهموم يااااااه ، ياميت خساره ، لما كانوا بيواجهوا
الموت ، كان كل واحد فيهم ، لابس توب
الطهاره والتقوى والإيمان ، وقدروا انهم
يواجهوا الموت بشجاعة ، وبعد ماجالهم
الأكسجين ورجعوا للحياة تاني.. رجعوا
لأصلهم واستسلموا لنفوسهم الضعيفة .
الجميع يعودون ممسكين ب بكوب فيه اوراق
شوشو احنا عملنا قُرعة والإسم اللي حنسحبه حنقدمه
أوضحية ...مين بقى فينا يسحب القرعة
103

ايمان اللي يسحب القرعة عبدالموجود
عبدالموجود اشمعنى أنا .
الأمير علشان انت العبيط فينا
شوشو مفيش وقت لهزار ..( محدثة عبدالموجود)
تعالى طلع واحدة من الورق ده .
(عبدالموجود يأخذ ورقة ويناولها لشوشو وشوشوتفتح الورقة وتقرأ مافيها )
شوشو الأوضحية التي احتارتها القُرعة ( تصمت قليلاً)
( الجميع في رعب)
شوشو الأوضحية هي ، حتعرفوها دلوقت.
( تدخل مجموعة من العفاريت ويحاصرون مهموم ويقيدوه
بالحبال على كرسي ، مع مؤثرات موسيقية واضاءة مناسبة
إظلام



104

اللوحة الثامنة
(تفتح الستار على مهموم ، مقيدا على كرسي، يدخل عبدالموجود
ممسكاً بسندوتش )
عبد الموجود أنا جبتلك السندوتش ده من وراهم.
مهموم مليش نفس لأكل ( ينظر للسندوتش مندهشا)
قرب السندوتش ياعبد الموجود.
عبدالموجود منا قولتلك كل ..؟
مهموم مش عاوز أكل ، عاوز اشوفه ( يحملق
في الساندوتش ) غريبه هي ماكدونالدز
فتحت فرع تحت الأرض ( يضحك )
جايز اتفقوا مع العفاريت على فرع جديد
عبدالموجود... انا مش فاهم ..حاجة ، من حقك تعاتبني
سامحنى ، مكنتش عارف اعمل حاجة
أنا كنت ح موت لما العفاريت خطفوك
من وسطينا وكتفوك .
( يدخل نعمان )
105

نعمان سامحنا كلنا يااستاذ مهموم للأسف
وقفنا ساكتين وعزيز بيكتب كل الورق
بتاع القرعة بإسمك، كل واحد فين جُبن
وخاف على نفسه وبس..حاولت اعمل حاجة
ولكن ماقدرتش.
مهموم ولا يهمك ياسيدي أنا مش صعبانه عليه نفسي
أنا اللي صعبان عليه حالكم اللي انتوا فيه
غيب عقولكم وخلاكم تفكروا من خلاله هو
وانتوا عقولكم وقفت وسقطت تحت أقدامكم
وهو طبعا بيقودكم وراه زي الخرفان ووقت
ماحيعوز يضحي بخروف حيضحي، مش أنا
يانعمان الخروف ، أنا العقبة الوحيدة اللي امامه.
نعمان انت حيرتني ، فهمني واحدة واحدة.
مهموم مش حاسس أنه فيه حاجات غريبه بتحصل
ومش لاقيين ليها تفسير، ولا قادرين تفكروا
فيها وتشغلوا عقولكم .
106

عبدالموجود انا مش فاهم حاجه .
نعمان ولا أنا ، وضحلنا يااستاذ مهموم انت
عاوز تقول ايه ؟
مهموم فكرتوا في الأكل والشرب بيجي منين.
نعمان هو بيقول مملكة الجن.
مهموم هو الجن بيزرع ولا بيحصد ولافيه
شمس في سابع أرض علشان تطلعلنا
فاكهة صيفي ، بص للسندوتش اللي
في ايد عبدالموجود.
نعمان ( ينظر للسنودتش) اه والله مش غريب عليه
السندوتش ده ، شبه ماكونالدز، ( يفكر)
والله معاك حق .
عبدالموجود وانا بشوف عزيز بيشرب لبن والاقي عنده
جبنه ، من فين ، هوممكن حد يربي بهايم
تحت هنا.
مهموم كويس كده بدأتوا تفكروا وتشغلوا عقولكم.
107

الأهم بقى ، احنا تحت الأرض حيجيلنا
اكسجين ازاي.
نعمان معاك حق ، محدش فينا فكر فيها وبيجيبوا
لنا عدس وطاطا وخيار وعصير، ازاي يكون
ده يكون موجود في أرض الجن .
عبدالموجود مايكنش العفاريت بيسرقوه من فوق وينزلوه
لينا تحت .
مهموم مش ممكن ياعبد الموجود ، الجن بيتغذي
على اكل معين وخصوصا العضم وبياكلوا
فضلاتنا ، يعني هما عايشين في خيرنا
مش احنا عايشين في خيرهم...فيه حاجه
مش طبيعيه، وليه عزيز اختارني انا ضحية.
نعمان ايوه صحيح، انت اللي فينا رفضت تتنازل على
اوضتك ورفضت الشغل عنده .
مهموم يبقى الناس دي ليهم مخططات وأهداف وانا
العقبة امامها.
108

عبد الموجود انا الفار بيلعب في عبي ، لما ابوموسى
كان بيدخل على عزيز الأوضه بتاعته
وانا بنضف في الأوضة ، كان عزيز
بيطلعني بره، ويقوللي تعالى بعد شوية.
مهموم ... أيوه وبعدين ؟
عبدالموجود كنت استنى شويه وارجع للأوضة
ملاقيش حد،واسأل نفسي أنا قاعد بره
ماتحركتش وما شفتش حد فيهم خرج
واقول لنفسي راحوا فين ، وبعدين
اننا في ارض العفاريت ، قلت يمكن
بيتعفرتوا من ورانا.
مهموم حيرتك في محلها ياعبدالموجود ، هما
بيلعبوا لعبة كبيرة.
نعمان طيب والعمل دلوفت، حنسبهم يلهبو بينا..؟
مهموم إسمعوني ، أنا حصرخ بصوت عالي علشان
أعرف هما هنا ولا لا وحتراقبوا اوضة عزيز
109

وحركته ولو دخل تعالوا وراه ..امشوا
دلوقت .
( يخرج نعمان وعبدالموجود ومهموم يصرخ بصوت عالي)
مهموم الحقوني ياناس، حموت ياناس.
( يدخل الجميع مهرولاً)
ايمان فيه أيه ياأستاذ مهموم ؟
مهموم العفاريت بيعذبوني ،حشوهم عني ، عاوزين
يموتوني .
( عزيزينظر لابوموسى بدهشة هامسا)
عزيز يعذبوه أيه ، هو فيه عفاريت هنا ..؟
أبو موسى اتصرف ، الواد ده مش سهل ؟
عزيز ( مخاطبا الجميع ) اسمعوني كويس كلكم
اللي عاوز يحافظ على حياته، مايتحركش
من مكانه ، ولا يقرب منه .
عبدالموجود وحنسيبه يموت كده ؟
عزيز لا لسه مش حيموت دلوقتي
110

هما بيعذبوه بس،وهو دلوقتي ممسوس
وأي حد حيقرب منه، الجن حيلبسه .
زيكو اعوذ بالله ، قل أعوذ برب الفلق.
شوشو خلاص ياجماعه، هو احنا اللي عملنا فيه
كده ؟ الجن هو اللي اختاره .
عزيز وأنا علشان الظروف دي اللي انتوا فيها
وخوفي عليكم ، حسمحلكم تطلعوا أوضتكم
اللي انتوا رهنتوها لي وتقعدوا فيها ومحدش
يخرج منها إلا إذني ، وانا حروح مع ابوموسي
سوق الجن ، نجيب بضاعةوشوية حاجات
للوكانده .
( وبينما هم منشغلين نعمان يأتي من خلف مهموم ويقطع الحبل
تاركا له فرصة تخليص نفسه بسهوله.

.( عزيز محدثا الجميع)
كل واحد يدخل اوضته,
111


( بعد أن يتأكدون من خروج الجميع ، حوار جانبي بين
ابوموسى وعزيز )
ابوموسى (ضاحكا) حلوة قوي حكاية الجن والعفاريت دي
( اثناء حديثهم يكون مهموم قد تخلص من قيوده
ويقترب منهم وينصت لهم ،.ابوموسى يكمل حواره)
وصدقوا انه فيه خسوف ونزلت اللوكاندة لسابع
أرض .
عزيز كلهم عايشين في رعب وهو المطلوب وحاسين
ان العفاريت ممكن تطلعلهم بين لحظة والتانية
ويموتوهم كلهم ، حنشغل عفاريتنا عليهم .
ابوموسى يالعبك ياكبير، قدرت تضحك عليهم.
عزيز وهو ده هدفنا ، ألاعبهم ، أضحك عليهم
أجند ناس منهم وأسلطهم عليهم،ورعايانا
في كل شبر بينهم.
ابوموسى الله عليك ، خليتهم في ايدك قطع شطرنج.
112
عزيز ياللابينا نشوف شغلنا ونلعب معاهم
اللعبة التانية.
ابوموسى العيال العفاريت بتوعنا ، مستنيين في
الكازينو اللي جنب اللوكانده حسب
الميعاد .
عزيز واتفقت معاهم حيعملوا ايه ؟
ابوموسى طبعا الخطة جاهزة ومستنيين التنفيذ.
عزيز عفارم عليك ياصديقي ياللا بينا .
( يخرج عزيز وابو موسى ومهموم ينادي على
الجميع، ويدخل الجميع)
مهموم إسمعوني كويس ، فيه لعبة كبيرة اتلعبت علينا
لعبها عزيز وابو موسى وحكاية الجن والعفاريت
والخسوف مش حقيقي .
عبدالموجود ( بدهشة) ياولاد الهرمه ،كل ده يعملوه فينا
واحنا طلعنا بهايم وصدقناهم .
ايمان عاوز تقول ان كل اللي عايشين فيه ده
وهم واحنا على سطح الأرض
113.
مهموم للأسف هو استخدم جهاز إظلام والجهاز ده
بيحجب الشمس ويعكسها ويعيشك في
ليل دائم ، سيطروا علينا واحنا ماادناش
عقولنا فرصه تفكر.
الأمير وعشنونا بالقيادة والسيطرة وخلونا نؤمن
بالعنف مع رعايان وزرعوا فينا حب السلطة
والقيادة .
زيكو وجندوا الكثير من وفهمونا ان ده الاسلام الصح
واحنا علشان العوز والحاجة ضعفنا .
نعمان غلسوا عقولنا وغيروا عقيدتنا السمحه
وخلونا آلة في ايديهم للدمار والعنف
وغرقونا بالمال .
شوشو حببونا في التسيب والعرى والتحرر من كل
القيود ، فهمونا ان الدنيا احنا فيها رقصة
وهي فيها حفلة .
ايمان ودلوقت دخلونا في حرب كبيرة حرب
الجي الرابع ودخلوا كل بيت وكل عقل
114

وكل عقل فينا واستغلوا ادوات التواصل
افضل إستغلال وغيبوا شبابنا وفهموهم
ان الحياة حرية ومال ولا تقبل قيود.
عبدالموجود ياه كل ده عارفينه وساكتين ،يبقى
لازم نعمل حاجة ,,؟
مهموم معاك حق ياعبدالموجود، لازم نصحوا
ونفوقوا من الكابوس اللي كاتم على نفسنا.
نعمان طيب والعمل دلوقت ؟
مهموم بكررها تاني وياريت نفهم ومانتفرقش تاني
احنا في ايدينا نعمل كتير،لما كلنا نكون مع
بعض ونستشعر الخطر اللي واقع علينا كلنا.
ايمان يعني ح نشوف الشمس والنهار ونرجع نشم
الهوا من تاني .
مهموم احنا ماكناش تحت في سابع أرض هو
حجب عنا النهار وبقى بيدخلنا الهوا
بقطارة ، لكن ماكنش يقدر يمنعه عنا
115

ولا كان اكسجين حيخلص ، احنا صدقناه
وإستسلمنا لأفكاره .
زيكو وللأيف نسينا ربنا وقدرته وجرينا ورا عزيز.
نعمان ده خرب البلد وخلاها مديونة بمليارات للبنك
الدولي بسبب صفقة البلح وكل بلد اتفقت معاهم
خربت وعايشه في ديون كبيرة .
مهموم هو اشتغلنا ومافكرناش صح ،أنا كنت شاكك
فيه من البداية ، بس انتوا مشيتوا وراه وكتير
حذرتكم ، طلب منكم تضحوا بيه أخوكم
وضحيتم ، هو بيضحي بينا واحد ورا التاني.
الأمير معاك حق ، كل واحد فينا فكر في نفسه بس
وازاي يعيش .
زيكو وفهمنا ان الجن بيجيب لنا الاكل والشرب
ونسينا إن السيادة في الكون للإنسان.
الوزير وازاي مافكرناش ان الجن بيحصد ويزرع ازاي.
مهموم علشن كده ، تعالوا نفتح صفحة جديدة مع
116
ربنا ، هو بيصطادنا واحد واحد علشان يفرقنا

ويبعدنا عن بعض ويشغل كل واحد بنفسه.
الأمير احنا اللي ادناه الفرصة .
الوزير ودخلنا وسطينا في كل امور حياتنا.
عبدالموجود المهم حنعمل أيه دلوقتي.
مهموم احنا ننتظر لما يجي من بره ،ونواجهه كلنا.
نعمان انا عندي فكرة..؟
اايمان كل واحد عنده فكره يعرضها ، قول يانعمان.
نعمان زي ماهو ضحك علينا وحضرلنا العفاريت
احنا كمان نضحك عليه ونحضرله عفاريت.
زيكو وانا موافق ، والعين بالعين والسن بالسن
والبادي أظلم .
مهموم والله فكره ، بس ازاي ..؟
نعمان سيبوا الحكاية دي عليه .
مهموم بينا نطلع اوضنا
( يخرج الجميع ويدخل عزيز وابوسى )
117
عزيز شايف ياابو موسى ، كلهم ملتزمين بأوضهم.
ابو موسى كويس قوي ، معنى كده إن الخطة اللي رسمناها

العفاريت ، قصدي العيال بتوعنا ، كده
الخطة حتتحقق بنجاح .
عزيز والعيال جاهزين وقاعدين تحت في الكافيه
ومستنيين الإشارة .
ابوموسى أنا حنزل اديهم بقيت حسابهم وحستنى منك
الإشارة ( يخرج )
عزيز ( بمفرده محدثا نفسه ) كل شئ تمام وحشوف
أخرتها ايه معاكم .
( يدخل نعمان مرتديا ملابس عفريت مع موسيقى مناسبة)
نعمان أهلا ياعزيز .
عزيز انت مين ؟
نعمان انا عرفيت من الجن اللي انت حضرتهم، بس
خرجت عن طوعك ، بعد ماعرفت الاعيبك
مع جيرانك ، وليه حساب معاك وحاخده دلوقت.
118

عزيز حساب ايه ..؟ وكلام فارغ ايه ؟انت مش
عارف بتكلم مين ,,؟
نعمان عارفك كويس ياعزيز ،وعارف كل ألاعيبك
وجه الوقت اللي لازم ترتاح البشرية من شرك.
عزيز (ضاحكا) مفيش حد يقدر يمس شعرة في عزيز.
نعمان حخلص عليك ياعزيز ، زي ماخلتني أخلص
على ناس كتير،فجرت ، ودمرت ، وحرقت
والدور عليك أنت ، ( يقترب منه ) لازم تموت
لازم تموت ( يحاول ان يخنقه فيدخل ابوموسى)
ابوموسى ايه اللي بيحصل ده ،( لنعمان) انت ايه اللي جابك
هنا لوحدك،مش قولتلكوا حتدخلوا مع بعض
في الليل مع إكتمال القمر. او لما اديكم اشارة.
نعمان إشارة أيه يامنافق ياكداب ، يادلدول، يكلب
عزيز ، ومش حسيبك انت كمان ياابوموسى.
ابوموسى احترم نفسك ياغبي .
عزيز لا ..ده مش عفريت من ولادنا ياابوموسى
119

ده عفريت ، اول مرة اشوفه .
ابوموسى بتقول ايه ، عفريت ومنعرفوش ازاي
( يقوم بعمل رنه من هاتفه)
( تدخل العفاريت منتشرة في ارجاء المكان مع موسيقي بعده)
( تتمكن العفاريت بعد مشاجرة مع نعمان الإمساك به ونزع
القناع ).
عزيز ( بدهشة) مين ...؟ نعمان !..نعمان الإرهابي !
اللي علمتهولك علشان تعمله مع الناس ،جاي
تعمله عليه .
نعمان لازم اقتلك ياعزيز انت وابوموسى واخلص
العالم من شركم.
عزيز انت عبيط يابني ، عالم مين ، انا العالم
انا كاتب تاريخ الأمم، بتحكم في كل
الكون وبحكمه .
( يدخل الجميع من كل اتجاه )
مهموم مش حتقدر تحكمنا تاني ياعزيز.
120

الجميع في صوت واحد...ايوه مش حتقدر .
مهموم وعلشان نعيش في سلام وأمان
لازم تموت ياعزيز .
ابوموسى ( للعفاريت ) هجوم. اقبضوا عليهم كلهم.
( العفاريت تضع الجميع داخل دائرة )
مهموم ( من وسط الدايرة) مهما تعمل ياعزيز
مش حنستسلم ومن اليوم حنكون كلنا ايد
واحدة .
الجميع ايوه كلنا ايد واحدة
( عزيز يضحك بصوت عالي ويضحك معه العفاريت)

ستار النهاية

مع تحياتي سميرحمايه