كورونا والعلاج

كورونا والعلاج

لو ظهرت عليك اعراض من اللى هنقولها ... اتعامل على انها كورونا .. ما تحاولش تثبت العكس .. اتعامل انها كورونا وخد علاج واتعزل ف البيت
من المتوقع انها تلف على الجميع .. والمتوقع ايضاً ان اكتر من ٨٠ % هيخف من غير مشاكل وهتكون اعراضه بسيطة متمثلة فى التالى :-
1-اسهال :
خد انتينال أو فلاجيل اول جرعة قرصين وبعدين قرص كل ٨ ساعات لو طفل يبقى انتينال شراب تلات مرات ف اليوم
2- صداع وتكسير بالجسم وارتفاع ف درجة الحرارة:
هناخد باندول الازرق تلات مرات ف اليوم او ادول تلات مرات أو سيتال أو بارسيتمول تلات مرات ف اليوم هاخده بشكل منتظم ع الأقل اربع ايام مش وقت ظهور الأعراض بس
3-وجع ف البطن:
هناخد بسكوبان أو فسيرلجين تلات مرات ف اليوم
4-كحة ناشفة:
هاخد نوتسيل او شراب للكحه الناشفه ١٠ سم مرتين يوميا وتلفاست قرص بليل عند النوم
5-لو الأعراض زايدة شوية:
بمعنى الحرارة عالية اكتر من ٣٨ ونص والكحة متوصلة هنزود مضاد حيوى زيثرومكس ٥٠٠ قرص او اى بديل ليه عشان لو نقص فيه يجى عشر بدايل خد اى حاجه منهم يوميا لمدة تلات ايام
6-لو حسيت أن صدرك مكتوم:
جيب جهاز الجلسات واعمل جلسة اتروفنت ف البيت
ومعها فنتال بخاخ عند اللزوم
7-اعراض مؤكدة للإصابة فقدان الشهية وحاسة الشم والتذوق:
مهم جدا للمريض أنه يأكل كويس قاوم وكل ولو مش قادر ممكن تاخد فاتح شهية ديجستين قرص قبل الاكل بربع ساعة
8-اشرب سوائل كتير:
الفيروس ده بيعمل جلطات اشرب ع قد ما تقدر طول ما انت قاعد اشرب بالله عليك عصاير كتير ودافى كتير وحاول تعمل رياضه منزليه عشان تحرك الدورة الدموية
- لو وزنك كبير او عندك امراض مزمنة:
زود ع العلاج اسبوسيد عشان نقلل نسبة حدوث جلطة
- لو فيه امكانية نتابع سيولة دم عن طريق تحليل وي ريت توريها للدكتور بتاعك ممكن ناخد كليكسان أو كالهيباربن حقنة يوميا تحت الجلد خصوصا للناس اللى وزنها كبير وعندها امراض مزمنة
9 -لو حد اعراضه زيادة وراح الحميات:
بنطمنك ان هيعملوا الخطوات للى فاتت + هيدوله ostemavir ده علاج مضاد للفيروس بيتاخد قرص كل ١٢ ساعة .. متحاولش تدور عليه موجود ف الحكومه او صيدليات الحكومه وبروشته حكوميه.

قد يكون عندك كورونا وتخف من غير اى علاج بس التزم بالعزل والأكل الكويس وشرب الدافى والرياضه والنوم الكويس والتعرض للشمس

ربنا يحفظ الجميع